13 Reasons Why – Hugleiðingar íslenskrar stúlku sem lenti í einelti – „Forðumst þá sem koma illa fram við okkur“

13 Reasons Why, þátturinn sem er á allra vörum þessa dagana. Hann lýsir því hversu erfitt það er fyrir sálina að lenda í einelti af einhverju tagi. Ég horfði á hann og grét, ég horfði á hann og hugsaði hvað ég væri heppin. Heppin að hafa ekki endað líf mitt þrátt fyrir að sálin mín hafi verið brotin, ekki einu sinni heldur mörgum sinnum.

Ég hef aldrei sagt nokkrum manni frá því hversu slæmum hlutum ég í raun lenti í sem barn og unglingur. Afhverju? Nú afþví ég skammaðist mín. Þetta var jú allt mér að kenna?

……..Nei……..

Ef einhver dreifir mynd af þér er það ekki þér að kenna. Þótt þú takir mynd af þér gefur það engum rétt á að eigna sér myndina og/eða dreifa henni. Það er ekki þér að kenna þótt myndinni sé dreift. Þú átt að geta tekið mynd af öllum líkamspörtum þínum sem þig langar að taka mynd af. Þetta er þinn líkami.

Ég var það „óheppin” að lenda í því að mynd var dreift af mér. Á minna en sólarhring höfðu allir séð myndina. Hversu margir réttu mér hjálparhönd eða sýndu mér stuðning? Enginn. Það var jú mér að kenna að hafa tekið mynd að sjálfri mér fáklæddri og mér að kenna að einhver hafi séð hana í tölvunni minni, tekið mynd af henni með símanum sínum og dreift áfram… Eða þannig upplifði ég það… Allir hlógu og gerðu grín. Mig langaði að hverfa.

Þetta er brotabrot af því ömurlega og ógeðslega sem ég lenti í sem barn og unglingur. Ég skildi ekki afhverju. Afhverju enginn vildi mig sem vin. Afhverju miðum var dreift í tíma sem lýstu því hversu ömurleg og ljót manneskja ég væri. Afhverju ég mátti ekki fara í ákveðna sturtu eftir sundtíma. Afhverju ég mátti ekki vera samferða hinum á leiðinni upp í skóla. Afhverju ég mátti ekki róla í frímínútum. Afhverju ég mátti ekki kaupa mér ákveðnar gallabuxur. Afhverju…

Afhverju mátti ég ekki bara vera ég?

Ég hlaut að vera svona leiðinleg og skrítin. Þannig ég varð að breyta sjálfri mér. Ég varð að byrja að drekka og reykja, þá kannski verð ég kúl og þá kannski vill einhver vera vinur minn. Ég verð að stunda kynlíf því jú það er staðfesting á því að ég er ekki ógeðsleg og ljót og þá kannski verð ég samþykkt inn í hópinn.

Í stuttu máli, nei. Það virkaði ekki.

10 árum, 100000000 tárum, 1 sjálfsmorðstilraun, 1 nauðgun og 1 ofbeldissambandi síðar er ég loksins orðin ég aftur. Sálin er ekki alveg orðin heil, en nálgast þann stað hægt og rólega. Ég er ekki fullkomin, en hver er það?

Það eru ekki allir vondir í heiminum. Forðumst þá sem koma illa fram við okkur. Höldum fast í þá sem sýna okkur ást og umhyggju og ekki taka neinu sem sjálfsögðu lífinu. Það er alltof stutt.
Í dag horfi ég á litla fullkomna einstaklinginn sem ég bjó til og þakka guði fyrir að hafa ekki tekist að enda líf mitt.

Verum góð hvort við annað.

Höfundur greinar óskar nafnleyndar

Ristaðar möndlur með hvítu súkkulaði og lakkrísdufti

Ég bragðaði um daginn trylltar möndlur með lakkrísdufti sem ég hreinlega gat ekki lagt frá mér fyrr en þær voru búnar. Mig langaði að kanna hvort ég gæti ekki bara gert svona sjálf og fór að prufa mig áfram. Til að gera langa sögu stutta að þá er þessi uppskrift með möndlum, hvítu súkkulaði og lakkrísdufti alveg frábær. Ristaðar möndlur með súkkulaði og lakkrísdufti 200 g möndlur 200 g hvítt súkkulaði 1/2 msk kakó 1/2 msk lakkrísduft, t.d. frá Johan Bulow Ristið möndlurnar í 180°c heitum ofni í um 10 mínútur. Takið úr ofninum og kælið. Blandið kakó og lakkrísdufti… Lesa meira

Quesadillas með nautahakki og bræddum osti

Einfaldur kvöldmatur eins og hann gerist bestur með þessari mexíkósku quesadillas uppskrift.  Þó uppskriftin sé einföld kemur bragðið skemmtilega á óvart. Njótið vel! Quesadillas með nautahakki og bræddum osti 500 g nautahakk 1/2 bolli refried baunir 1 dós (4oz) græn chilli 1/2 tsk oregano 1/2 tsk cumin (ekki kúmen) 2 tsk chiliduft 1/2 tsk salt 4 tortillur smjör 2 bollar rifinn ostur Steikið nautahakk á pönnu við meðalhita þar til það er ekki lengur bleikt. Hellið allri fitu af. Bætið baunum, chilí og kryddum saman viði. Steikið í um 3 mínútur í viðbót. Takið af pönnunni. Smyrjið tortillu með smjöri… Lesa meira

Einn af þessum hlutum er ekki eins og hinir – Annar hluti

Hér kemur annar hluti af „Einn af þessum hlutum er ekki eins og hinir“ þar sem, eins og nafnið gefur til kynna, einn hlutur á myndinni er ekki eins og hinir hlutirnir! Athugaðu hvort þú sérð hvaða hlutur sker sig úr á myndunum hér fyrir neðan. Bored Panda tók saman. Sjá einnig: Einn af þessum hlutum er ekki eins og hinir - Fyrsti hluti #1 #2 #3 #4 #5 #6 #7 #8 #9 #10 #11 #12 #13 #14 #15 #16 #17 #18 #19 #20 Lesa meira

„Ég er þakklát fyrir að hafa barist á móti öllum þeim sem kölluðu mig aumingja“

Ég er menntskælingur sem finnur að það er eitthvað í hjarta mínu sem knýr mig til að gefa mér tíma til að setjast niður og skrifa. Í kjölfar límmiðaumræðu Þórunnar Antoníu og annarra byltinga er varða kynferðisofbeldi eykst umtalið í samfélaginu, sem ég tel vera gott. Það er þó eitt sem mér finnst vanta í umræðuna. Við erum flest sammála um að ábyrgðin liggur hjá geranda þegar um ofbeldi er að ræða. Hvort sem ofbeldið er kynferðislegt, fjárhagslegt, líkamlegt eða andlegt. Það sem mér finnst vanta er hvatning og stuðningur við þolendur ofbeldis til að skila skömminni sem fylgir ofbeldi til síns… Lesa meira

Hann hefur sofið með fleiri stjörnum en nokkur annar

Average Rob hefur sofið með fleiri stjörnum en nokkur annar! Eða svona næstum því. Rob notar Photoshop til að setja sig sofandi inn á myndir með stjörnum eins og Taylor Swift, Barack Obama og Eminem. Hann hefur svo sannarlega látið drauminn rætast. #1 Þreyttur í lestinni með Barack Obama #2 Örugglega gott að kúra á öxlinni á David Beckham #3 Eminem góður við hann #4 Sofandi með North og Kanye West #5 Margot Robbie hress umvafin hvolpaást, og þessum sofandi gaur #6 Mila Kunis teiknaði á hann meðan hann var sofandi #7 Belgian Red Devils #8 Ryan Reynolds með pósurnar… Lesa meira

Hún sagði vinkonu frá kynferðislegri áreitni – „Áður en ég vissi af var hún farin að ausa yfir mig skömmum“

Femíníska vefritið Knuz birti í dag magnaða grein sem fjallar um þolendaskömm. Greinina ritar kona sem kýs að njóta nafnleyndar - en þar segir hún frá hörðum viðbrögðum vinkonu sinnar sem hún trúði fyrir atviki sem olli henni mikilli vanlíðan og snerist um grófa kynferðislega áreitni sameiginlegs vinar þeirra. Við fengum góðfúslegt leyfi ritstjórna knúzsins til að birta þessa mikilvægu grein: Ég hef ákveðið að skrifa um þolendaskömm, atvik sem ég lenti sjálf í og hvað gerðist þegar ég loksins þorði að segja vinkonu minni frá þessu. Eftir að hafa upplifað harkaleg viðbrögð vinkonu minnar, þá sá ég að ég… Lesa meira

„Geimverujóga“ er nýtt trend á Instagram – Frekar óhugnanlegt

Ef það sem hræðir þig mest við jóga er að prumpa óvart þegar þú ert að skipta um erfiðar stellingar þá hefur þú ekki séð geimverujóga. Harðkjarna jógafólk getur gert ýmislegt við líkamann sinn sem er frekar óhugnanlegt. Upphaflega kallast þessi tegund af jóga „Nauli,“ en hefur verið kallað „Alien Yoga“ samkvæmt Independent. Þessi aldagamla jóga hreyfing, sem er nú vinsælt trend á Instagram, snýst í grunninn um að anda alveg út áður en þú „einangrar kviðinn“ og sýgur hann svo undir rifbeinin. Þegar þú sérð hreyfinguna þá áttu eftir að átta þig á af hverju þetta er kallað geimverujóga. https://www.instagram.com/p/BSb6nMkDLnY/… Lesa meira

Þrjár unglingsstelpur skipa hljómsveitina MíóTríó sem var að gefa út skemmtilegan sumarsmell – Myndband

Þrjár stelpur á aldrinum þrettán til fimmtán ára skipa hljómsveitina MíóTríó frá Hveragerði. Þær eru Gígja Marín Þorsteinsdóttir, Gunnhildur Fríða Hallgrímsdóttir og Hrafnhildur Birna Hallgrímsdóttir. MíóTríó var að gefa frá sér myndband við eldhressan og skemmtilegan sumarsmell. Ef þetta kemur þér ekki í sumarskap þá veit ég ekki hvað gerir það! Horfðu á myndbandið hér fyrir neðan. Það verður spennandi að sjá hvað kemur næst frá þessum ótrúlega hæfileikaríku stelpum! Hér getur þú fylgst með MíóTríó á Facebook. Lesa meira

Fíflasíróp Jóns Yngva – Frábært á pönnukökurnar!

Bókin Hjálp, barnið mitt er grænmetisæta kom út á dögunum. Bókinni lýsir höfundurinn, Jón Yngvi Jóhannsson, sem matreiðslubók fyrir ráðvillta foreldra, vanafasta heimiliskokka, fátæka námsmenn og alla aðra sem ættu að borða meira grænmeti. Jón Yngvi heldur úti skemmtilegri facebook síðu sem tengist bókinni - en þar birtir hann reglulega uppskriftir og góð ráð sem hefðu getað ratað í bókina en gerðu það ekki. Þar á meðal er þessi frábæra uppskrift að fíflasírópi sem hann var svo huggulegur að leyfa okkur að birta hér fyrir lesendur Bleikt. Gjörið svo vel og gleðilegt sumar! Vegna fjölda (ja, að minnsta kosti tveggja)… Lesa meira

Scott Disick og Bella Thorne kela í sólinni í Frakklandi: „Hann fór klárlega með henni til að pirra Kourtney“

Scott Disick barnsfaðir og fyrrverandi kærasti Kourtney Kardashian sást eiga notalegar stundir með raunveruleikastjörnunni og leikkonunni Bellu Thorne. Þau fóru saman til Frakklands vegna Cannes kvikmyndahátíðinnar og sást til þeirra hafa gaman í sólinni á miðvikudaginn. Þau voru við sundlaugina að hlusta á tónlist, kyssast og fá sér vín. „Þau voru að hlæja og skemmta sér,“ sagði heimildarmaður E! News. „Þau eyddu öllum deginum að kúra saman og reyna við hvort annað. Þau kysstust nokkrum sinnum og á einum tímapunkti lá Bella ofan á Scott og hann strauk henni um hárið. Þegar Scott fékk FaceTime símtal þá var Bella að… Lesa meira