13 Reasons Why – Hugleiðingar íslenskrar stúlku sem lenti í einelti – „Forðumst þá sem koma illa fram við okkur“

13 Reasons Why, þátturinn sem er á allra vörum þessa dagana. Hann lýsir því hversu erfitt það er fyrir sálina að lenda í einelti af einhverju tagi. Ég horfði á hann og grét, ég horfði á hann og hugsaði hvað ég væri heppin. Heppin að hafa ekki endað líf mitt þrátt fyrir að sálin mín hafi verið brotin, ekki einu sinni heldur mörgum sinnum.

Ég hef aldrei sagt nokkrum manni frá því hversu slæmum hlutum ég í raun lenti í sem barn og unglingur. Afhverju? Nú afþví ég skammaðist mín. Þetta var jú allt mér að kenna?

……..Nei……..

Ef einhver dreifir mynd af þér er það ekki þér að kenna. Þótt þú takir mynd af þér gefur það engum rétt á að eigna sér myndina og/eða dreifa henni. Það er ekki þér að kenna þótt myndinni sé dreift. Þú átt að geta tekið mynd af öllum líkamspörtum þínum sem þig langar að taka mynd af. Þetta er þinn líkami.

Ég var það „óheppin” að lenda í því að mynd var dreift af mér. Á minna en sólarhring höfðu allir séð myndina. Hversu margir réttu mér hjálparhönd eða sýndu mér stuðning? Enginn. Það var jú mér að kenna að hafa tekið mynd að sjálfri mér fáklæddri og mér að kenna að einhver hafi séð hana í tölvunni minni, tekið mynd af henni með símanum sínum og dreift áfram… Eða þannig upplifði ég það… Allir hlógu og gerðu grín. Mig langaði að hverfa.

Þetta er brotabrot af því ömurlega og ógeðslega sem ég lenti í sem barn og unglingur. Ég skildi ekki afhverju. Afhverju enginn vildi mig sem vin. Afhverju miðum var dreift í tíma sem lýstu því hversu ömurleg og ljót manneskja ég væri. Afhverju ég mátti ekki fara í ákveðna sturtu eftir sundtíma. Afhverju ég mátti ekki vera samferða hinum á leiðinni upp í skóla. Afhverju ég mátti ekki róla í frímínútum. Afhverju ég mátti ekki kaupa mér ákveðnar gallabuxur. Afhverju…

Afhverju mátti ég ekki bara vera ég?

Ég hlaut að vera svona leiðinleg og skrítin. Þannig ég varð að breyta sjálfri mér. Ég varð að byrja að drekka og reykja, þá kannski verð ég kúl og þá kannski vill einhver vera vinur minn. Ég verð að stunda kynlíf því jú það er staðfesting á því að ég er ekki ógeðsleg og ljót og þá kannski verð ég samþykkt inn í hópinn.

Í stuttu máli, nei. Það virkaði ekki.

10 árum, 100000000 tárum, 1 sjálfsmorðstilraun, 1 nauðgun og 1 ofbeldissambandi síðar er ég loksins orðin ég aftur. Sálin er ekki alveg orðin heil, en nálgast þann stað hægt og rólega. Ég er ekki fullkomin, en hver er það?

Það eru ekki allir vondir í heiminum. Forðumst þá sem koma illa fram við okkur. Höldum fast í þá sem sýna okkur ást og umhyggju og ekki taka neinu sem sjálfsögðu lífinu. Það er alltof stutt.
Í dag horfi ég á litla fullkomna einstaklinginn sem ég bjó til og þakka guði fyrir að hafa ekki tekist að enda líf mitt.

Verum góð hvort við annað.

Höfundur greinar óskar nafnleyndar

Hvað er raunveruleg vinátta?

Hvað er vinátta? Þetta er spurning sem ég hef velt óþarflega mikið fyrir mér undanfarna mánuði. Einhverra hluta vegna hélt ég alltaf fast í þá hugsun að góður vinur væri sá sem væri búin að vera í kringum þig hvað lengst og þekkti þig því vel. En ég hef komist að því að vinátta er eitthvað allt annað. Að finna sér góða vini sem meta vináttu þína og þú þeirra er mjög dýrmætt. Það virðist flestum vera lítið mál að eignast vini og kunningja, eyða með þeim hellings tíma en átta sig svo á því að í raun voru þetta… Lesa meira

Tanja Ósk var lögð í hrottalegt einelti: „Ég var heltekin af ótta“

Ímyndið ykkur að sex ára gömul dóttir ykkar sé að byrja sinn fyrsta skóladag. Hún er spennt, hlakkar til að eignast vini og verða fullorðin. Eftir skóla kemur hún heim sorgmædd vegna þess að stelpurnar í bekknum leyfðu henni ekki að leika sér með þeim af því að hún var of ljót. Þessi sex ára stelpa var ég. Svona hefst samtal Tönju Ósk Brynjarsdóttur við blaðamann Bleikt. Var sagt að þetta myndi líða hjá Tanja greinir frá því að þetta hafi eingöngu verið upphafið af því einelti og ofbeldi sem hún hefur þurft að sæta í gegnum tíðina. Mér var… Lesa meira

Bjargey um hamingju: „Ég hef upplifað mikinn sársauka og vildi ekki dvelja þar. Ég vildi frelsi“

Hvers vegna finnst sumum allt vera erfitt og leiðinlegt á meðan öðrum finnst lífið almennt skemmtilegt og sjá það jákvæða í stað þess neikvæða. Hvað aðskilur þessa tvo einstaklinga? Með þessum orðum hefur Bjargey Ingólfsdóttir nýjustu færslu sína á Bjargeyogco. Af hverju ertu alltaf svona ógeðslega happý? Um daginn fékk ég þessa spurningu frá fylgjanda í gegnum Snapchat og fékk hún mig til þess að hugsa. Til þess að svara henni þá er ég í fyrsta lagi ekkert alltaf ógeðslega happý. Ég hef farið í gegnum dimma dali og upplifað mikinn sársauka. Sársauka í hjartanu og verki í líkamanum. Ég vildi ekki dvelja þar, því það… Lesa meira

Guðlaug hefur misst fóstur tvisvar sinnum: „Ég fór á klósettið og fann það detta niður, ég var bara ekki tilbúin til þess að sturta“

Guðlaug Sif Hafsteinsdóttir hefur tvisvar sinnum misst fóstur og tók sú lífsreynsla mikið á hana. Segir hún það algengt að fólk tali um það að missa fóstur sé ekkert mál. Fóstrið skolist einfaldlega út og konan eigi í kjölfarið að halda áfram með líf sitt líkt og ekkert hafi í skorist. Ég hef misst fóstur í tvö skipti, þessi tvö skipti voru mjög ólík og ætla ég að segja aðeins frá þeim, segir Guðlaug í einlægri færslu sinni á Amare. Þetta er ekki auðvelt, þetta er þvílíkur missir þrátt fyrir að hafa gengið stutt á leið. Þetta er barnið mitt, litla… Lesa meira

Amanda og Birgir eru vegan og alæta í sambúð: „Engin ein rétt leið í samböndum“

Vegan og alæta í sambúð, hvernig virkar það? Þetta er spurning sem ég fæ að heyra reglulega og eru eflaust enn fleiri sem velta henni fyrir sér án þess að spyrja. Einnig fæ ég stundum fyrirspurnir frá einstaklingum sem vilja gerast grænmetisætur eða vegan en telja að makinn færi ekki sömu leið. Eins og með öll önnur sambönd eru þau misjöfn eins og þau eru mörg og því er engin ein rétt leið. Ég og Birgir erum búin að vera saman í rúm 3 ár og höfum þar af búið saman í um það bil 2,5 ár. Þegar við byrjuðum… Lesa meira

Aldís rakst á gífurlegan verðmun á barnadóti milli verslana: „Þetta hlýtur að vera eitthvað djók!“

Aldís Björk Óskarsdóttir var stödd í barnaversluninni Ólavía og Oliver á dögunum þegar hún rakst fyrir tilviljun á barnadót sem kostaði tæplega átta þúsund krónur. Það sem kom Aldísi svo mikið á óvart var að einungis nokkrum vikum áður hafði hún keypt sömu vöruna á 2500 krónur í Hagkaup. Ég rakst bara á þetta fyrir algjöra tilviljun, ég var að skoða göngugrind fyrir litlu stelpuna mína í Ólavíu og Oliver og ég hugsaði með mér að þetta hlyti að vera eitthvað djók! segir Aldís í viðtali við Bleikt.is Aldís ákvað í kjölfarið að gera sér ferð í Hagkaup til þess að athuga hvort… Lesa meira

13 bráðfyndnar gamanmyndir á Netflix

Það bíða líklega langflestir Íslendingar eftir því að sólin hækki á lofti og vetur konungur láti sig hverfa af landi brott, enda hefur veturinn verið sérstaklega þungur undanfarnar vikur. Það er þó eitt hægt að gera til þess að stytta biðina og það er að koma sér vel fyrir í sófanum með eitthvað gott að narta í og kveikja sér á skemmtilegri gamanmynd. Bleikt tók saman lista af skemmtilegum gamanmyndum sem allar eru í sýningu á Netflix: Hot Fuzz Nick Angel er ekta „ofurlögga“ sem er svo góður í starfi sínu að hann hefur verið sendur af yfirmönnum sínum í lítið, hljóðlátt þorp þar sem að… Lesa meira

Breytir myndum af börnunum sínum í ævintýri

Fjögurra barna faðir vildi taka skemmtilegar og öðruvísi myndir af börnunum sínum og fór því að leika sér að því að breyta umhverfinu með myndvinnsluforriti. John Wilhelm býr í Sviss með konu sinni og fjórum börnum. Faðir Wilhelms var mikill áhugaljósmyndari en sjálfum þótti honum ljósmyndun ekkert sérstök þegar hann var yngri. Það var svo ekki fyrr en Wilhelm fór á námskeið í myndvinnsluforritun og þrívíddarhönnun sem áhuginn kveiknaði fyrir alvöru. Bored Panda greinir frá því að Wilhelm hafi ákveðið að taka myndir af börnunum sínum og vinna þær öðruvísi heldur en venjulega. Útkoman er virkilega skemmtileg og auðvelt er… Lesa meira

Íris tók ákvörðun um að vera einstæð: „Þarna stóð ég, ein, ólétt og með bullandi höfnunartilfinningu“

Mig langar til þess að koma fram og tala um málefni sem kannski margir kannast við. Málefnið er sú ákvörðun sem ég þurfti að taka. Hvort ég vildi halda fóstrinu vitandi það að ég myndi verða einstæð og þurfa að ganga í gegnum allt saman ein. Ég var stödd í London þar sem ég bjó þegar ég fékk þann skell í andlitið að þurfa að ákveða framtíð mína á nokkrum dögum. Það var svo langt frá því að vera auðvelt eins og þær vita sem hafa verið í þeim sporum að þurfa að ákveða hvað gera skal. Það þarf að taka þá ákvörðun, þá í… Lesa meira

Dagforeldrar vöxuðu augabrúnir tveggja barna án vitneskju foreldra

Tvær mæður komust að því að dagforeldrar barnanna þeirra höfðu tekið sig til og vaxað augabrúnir þeirra á meðan á daggæslu stóð án þeirrar vitneskju og samþykkis. Ég skoðaði andlitið á barninu og sá að það vantaði hluta af augabrúnunum hennar en hún fæddist með samvaxnar augabrýr, segir Alyssa Salgado, móðir Lilayah. https://youtu.be/dXhiESAmTGk Popsugar greinir frá því að sonur Glendu Maria Cruz hafi einnig verið í sömu daggæslu og að augabrúnir hans hafi líka verið vaxaðar sama dag og dóttir Alyssu. Báðar mæðurnar hættu að mæta með börnin í daggæsluna og verið er að rannsaka atvikin. Lesa meira

Systurnar Emilía og Halldóra hissa eftir gjafasendingu: „Hver á þessar nærbuxur?“

Emilía Guðrún Valgarðsdóttir sendi systur sinni Halldóru, sem býr í Norfolk í Virginiu,  pakka með gjöfum og sælgæti á dögunum. Sendingin komst fljótt og örugglega til skila en þær systur urðu þó virkilega hissa þegar bæst hafði við gjafirnar í kassanum. Halldóra systir sendir mér skilaboð til þess að þakka fyrir gjafirnar en spyr mig í leiðinni hver eigi þessar nærbuxur, segir Emilía Guðrún mjög hissa. Hvorki ég né Matti eigum þessar nærbuxur og eftir smá samtal komumst við að því að ekki var bara búið að bæta við nærbuxum heldur líka einhverju nammi og oststykki sem ég kannaðist ekki… Lesa meira

Klárar Íslenskar konur sem eru á lausu

Stefnumótamenning á Íslandi hefur aldeilis breyst á síðustu árum með tilkomu samfélagsmiðla og smáforrita. Hér áður fyrr bauð fólk þeim sem þau höfðu áhuga á, á stefnumót og kynntist fólk almennilega þar. Nú þarf ekki nema eina stroku til hægri til þess að lýsa áhuga og þá getur fólk farið að spjalla saman samstundis og komist að því hvort þau eigi samleið eða ekki. Bleikt.is tók saman lista af efnilegum og klárum konum sem eru á lausu: Manúela Ósk Manúelu ættu flestir að þekkja. Sigraði hún keppnina ungfrú Reykjavík og ungfrú Ísland árið 2002 og hefur síðan þá verið mikið í sviðsljósinu. Þórunn Antonía Þórunn… Lesa meira