Bjargey hefur verið í sambandi í tuttugu ár: „ Þið þurfið ekki að skilja til þess að njóta lífsins“

Bjargey Ingólfsdóttir hefur verið í sambandi með manninum sínum í tuttugu ár eða síðan þau voru einungis fimmtán ára gömul. Á þeim tíma hugsuðu þau lítið um framtíðina en vissu þó að henni vildu þau eyða saman.

Nú tuttugu árum síðar standa þau enn saman sem bestu vinir og sálufélagar og hafa lagt hart að sér til þess að láta allt ganga upp. Á þessum tíma hafa þau klárað menntaskóla og háskóla, eignast þrjú börn, komið sér upp heimili og hjálpað hvort öðru að láta drauma sína rætast.

Það hefur ekkert alltaf verið auðvelt. Það er basl að mennta sig, vinna, ala upp börn og sjá um heimilið. Ég hef líka glímt við langvarandi veikindi og það getur verið mikið álag á alla fjölskylduna,

segir Bjargey í einlægri færslu sinni á Bjargeyogco.

Bjargey hitti blaðamann Bleikt á kaffihúsi og ræddi um það hvernig þau hjónin hafa tekist á við lífið, erfiðleika, drauma og hvað hún telur að sé lykilinn að góðu sambandi.

„Tölfræðin segir okkur að helmingur para skilja“

Mestar líkur eru á skilnaði fyrsta árið eftir að parið eignast barn. Engan er að undra, það tekur á að hugsa um ósjálfbjarga einstakling allan sólarhringinn, svefnlausar nætur, grátur, veikindi og mikil vinna. Fjárhagsleg ábyrgð og hvernig á að skipta verkum? Álag leiðir til bresta í sambandinu og kannski er orkan einfaldlega af of skornum skammti til þess að leita leiða til þess að sambandið gangi upp.

Segir Bjargey og nefnir að eftir því sem hún hafi elst hafi hún tekið eftir fleiri skilnuðum í kringum sig.

Ég hef oft verið spurð að því hver sé lykilinn að góðu sambandi, hvort við rífumst aldrei og það séu alltaf bara rauðar rósir og rómantík,

segir Bjargey og hlær.

Jú vissulega erum við enn þá mjög ástfangin og viljum ekki án hvors annars vera og það er fullt af rósum og rómantík en það er líka margt annað og við höfum oft rætt það hvað gerir samband okkar svona sterkt.

Bjargey segir að mörg pör tali um að þau hafi þroskast í sitthvora áttina og skilji því jafnvel þegar börnin eru orðin eldri og að hún hafi einnig heyrt margar aðrar ástæður skilnaðar.

Mér finnst rosalega sorglegt þegar að fólk fylgir ekki sínum draumum, eltir ekki draumana sína. Til dæmis ef þeim langar í eitthvað nám eða langar að stunda einhver ákveðin áhugamál. Eins og til dæmis kona sem hefur brennandi áhuga á að vera í fjallgöngum en fer aldrei af því að hún á börn og mann. En síðan er eins og fólk vakni til lífsins eftir að það skilur. Manneskja sem var kannski aldrei búin að gera neitt sem hana langaði og svo skilur hún og þá allt í einu fer hún að ganga fjöll eða ganga í klúbba eða ferðast til landa sem hana langar til að ferðast til og það hefur svolítið svona stuðað mig. Að því leitinu til að, af hverju ekki bara að lifa lífinu í sambandinu og styðja hvort annað í að elta draumana sína. Af því að mér finnst það bara svo sjálfsagður hlutur. Við höfum verið í sambandi í tuttugu ár og ég hef farið erlendis í heilt ár að elta minn draum og ég skyldi hann bara eftir heima á meðan. Þetta var draumur sem að ég hafði og mig langaði bara að elta hann og við fengum miklar gagnrýnisraddir fyrir þetta á sínum tíma. Fólk var að segja við okkur að sambandið myndi aldrei ganga upp og sumar vinkonur mínar sögðu við mig ert þú tilbúin til þess að hætta með honum fyrir þetta af því að hann á eftir að finna sér nýja konu.  En ég sagði bara að við værum ekkert að fara að hætta saman, ég væri bara að fara aðeins út og hann ætlaði bara að vera í skóla hér á meðan.

Bjargey segir að lykilinn að þeirra sterka sambandi sé meðal annars að þau hafi aldrei látið sambandið þeirra stoppa þau í að upplifa sína drauma.

Við höfum alltaf haft þetta að leiðarljósi. Ég er bara ég og hann er bara hann en við samt elskum hvort annað og erum saman og við leyfum hvert öðru að vera við sjálf. Mér finnst bara að fólk eigi ekki að halda aftur að sér þótt það sé í sambandi.

„Þetta er samvinna, ekki vera að halda hvort öðru niðri eða draga úr hvort öðru“

Bjargey og maðurinn hennar hafa líkt og öll pör lent í þeim aðstæðum að draumar þeirra og markmið hafi skarast á. Þá hafi hún lært að mikilvægt sé að annar aðilinn geti stigið til hliðar og leyft maka sínum að vinna að sínum markmiðum. Það þurfi þó að vera skilningur og samkomulag um að þegar því markmiði hafi verið náð þá fái hinn aðilinn einnig tíma til þess að ganga á eftir sínum draumum.

Ég hef alveg stigið til hliðar á meðan hann er að vinna að einhverju markmiði og ég hef alltaf bara verið sátt við það. Ég veit alveg að minn tími kemur og síðan hefur hann líka alltaf verið skilningsríkur á það þegar mér býðst eitthvað sem ég vill gera að þá taki hann við keflinu á meðan.

Hvað er það sem þér finnst einkenna gott samband?

Það sem mér finnst vera einn af lykilþáttunum að því að vera í heilbrigðu og góðu sambandi það er samvinnan. Af því að ef maður vinnur ekkert saman með makanum þá er þetta ekkert að fara að ganga upp. Þetta eru svo ótrúlega margir þættir sem þurfa að ganga upp til þess að samband gangi upp. Sérstaklega þegar maður er með fjölskyldu, allur reksturinn í kringum það. Hvernig ætlar maður að skipta fjárhagslegri ábyrgð, hver ætlar að vera hvað mikið með börnunum, hver ætlar að fórna vinnunni og allt þetta. Maður þarf að ræða þetta og komast að samkomulagi.

 Mér finnst skipta ótrúlega miklu máli að gefa sambandinu líka tíma. Að finna tíma fyrir sambandið, af því að það er svo ótrúlega auðvelt að tína bara sambandinu í allri hringiðunni. Það eru allir að vinna rosalega mikið og svo kemur barnauppeldið og allt í einu geta verið búnar að líða nokkrar vikur eða mánuðir þar sem maður er ekki búinn að eiga neina svona gæðastund með makanum þínum. Þá er ég að tala um bara að eiga rólega stund þar sem þið getið talað saman og svoleiðis. Við höfum lagt mikla áherslu á það að eiga gæðastundir saman, sérstaklega eftir að börnin komu. Þegar börnin voru lítil til dæmis þá vorum við oft með late night dinner eftir að þau sofnuðu og spjölluðum kannski fram á nótt, þrátt fyrir að það bitnaði þá á svefninum. Við þurftum bara stundum að vera par og bara eiga stund saman. Við höfum líka lagt áherslu á það að fara einu sinni á ári saman í ferð saman, hvort sem það er bara í bústað eða til útlanda bara til þess að eyða tíma saman tvö og kúpla okkur frá öllu öðru. Það lætur okkur muna af hverju við erum par og af hverju við erum ástfangin. Maður þarf að viðhalda og rækta sambandið og til þess að geta gert það þá verður maður að rækta sjálfan sig, fylgja sínum draumum og þrám.

„Sjáðu til, þú þarft að vökva blóm til að þau blómstri“

Einnig myndi ég telja mjög mikilvægt atriði í góðu sambandi að gleyma ekki sjálfum sér. Við höfum aldrei gleymt því að vera við sjálf og við reynum ekki að breyta hvort öðru. Þetta á bæði við um stór atriði og smá. Hann vill horfa á Top Gear á meðan ég vill horfa á Fixer Upper, hann vill pizzu með pepperoni og lauk á meðan ég vill skinku og ananas. Stærri atriðin geta verið að við höfum ólíkar skoðanir á lífinu, hann vill hafa mikið að gera og fara hratt á meðan ég vil reyna að einfalda lífið og slaka á. Við náum að gera þetta af því að ég má vera ég og hann má vera hann.

Stundum þarf maður að minna sig á að hugsa um sjálfan sig því þó maður sé í sambandi með börn og heimili þá má maður ekki gleyma að sinna sjálfum sér, hlaða batteríin og næra sjálfan sig. Hver eru þín áhugamál? Hvað langar þig að gera í lífinu? Ef þig langar á dansnámskeið en ekki makanum þínum farðu þá. Njóttu þess að gera hluti sjálf og gera það sem þig langar til. Þið þurfið ekki að skilja til þess að njóta lífsins.

Hlustaðu á hjarta þitt, hverjir eru þínir draumar?

Hægt er að fylgjast með Bjargey á Snapchat: bjargeyogco

Katrín missti hárið eftir að pabbi hennar framdi sjálfsvíg

Katrín Rut Jóhannsdóttir er 27 ára þriggja barna móðir úr Hafnarfirði. Foreldrar hennar fóru hvort sína leiðina þegar Katrín var einungis átta ára gömul. Við tók erfiður tími, heimilisaðstæður voru ekki upp á það besta og þá glímdi faðir hennar við áfengissýki sem hafði djúpstæð áhrif á hans nánustu. Þá breyttist líf mitt mikið, pabbi fór að drekka illa og ég upplifði margt sem ekkert barn á að þurfa að ganga í gegnum, segir Katrín í samtali við blaðamann. Mamma var mikið ein með okkur systkinin og stóð hún sig vel í móðurhlutverkinu. Ég var alltaf í sambandi við pabba… Lesa meira

Magnús Máni hefur misst 23 kíló: „Ég sagðist ætla að skila verkefninu þegar ég væri komin með six pack“

Magnús Máni Hafþórsson hefur tekið af sér 23 kíló á rúmlega fjórum mánuðum. Magnús hafði alltaf verið í fínu formi en vegna vanlíðan fór hann að borða mikið og bætti því hægt og rólega á sig allt þar til hann var orðin 113 kíló. Til þess að slá á vanlíðan og tilfinningar, át ég þær í burtu. En í raun át ég þær fastar á mig því líkamlegt form fór versnandi og með hugurinn fylgdi með, segir Magnús í einlægu viðtali við Bleikt. Magnús segir að þrátt fyrir að hann hafi orðið svona þungur þá hafi hann aldrei trúað því… Lesa meira

Átta ómetanleg húsráð frá Margréti

Margrét Sigfúsdóttir, skólastýra Hússtjórnarskólans í Reykjavík, deilir átta góðum húsráðum sem allir ættu að þekkja. 1. Allt gróft mjöl á að geyma í lokuðum ílátum því annars getur kviknað líf í því. Einnig ágætt að frysta. 2. Það á alltaf að hafa opinn glugga einhvers staðar í íbúðinni svo ekki myndist raki inn í henni. Passa að lofta vel út eftir baðferð eða sturtu. Einnig þarf að láta lofta undir rúllugardínur svo ekki myndist raki á gleri og hafa rifu á glugga. 3. Allar borðtuskur og diskaþurrkur þarf að sjóða. Súr lykt af tuskum myndast af því að þær eru… Lesa meira

Sprenghlægilegar sögur af hormónafullum óléttum íslenskum konum

Flestar konur sem gengið hafa með barn undir belti kannast við þá óstjórnlegu hormónaframleiðslu sem líkaminn setur af stað nánast um leið og pissað er á prófið. Hormónarnir gera það að verkum að konan verður virkilega tilfinninganæm á meðan á meðgöngunni stendur og oft í nokkra mánuði eftir á. Það eru því flestar mæður sem eiga skemmtilegar sögur af sjálfum sér frá því þær voru óléttar og réðu ekki við allar þær tilfinningar sem brutust um í brjósti þeirra. Bleikt hafði samband við mæður sem voru tilbúnar til þess að deila fyndnum og vandræðalegum atvikum sem þær lentu í þegar… Lesa meira

Saga Dröfn var fullkomin mamma: „Þetta getur nú ekki verið svo erfitt“

Áður en Saga Dröfn Haraldsdóttir eignaðist sitt fyrsta barn var hún fullkomin mamma. Barnið hennar mátti aldrei vera með hor, það átti alltaf að fara að sofa á réttum tíma, borða einungis hollan mat og sjónvarpið átti að vera spari. Einnig skildi barnið hennar alltaf vera vel greidd um hárið, í flottum fötum, vel til fara og að sjálfsögðu áttu heimilið alltaf að vera hreint og fínt. Ég hugsaði að þetta gæti nú ekki verið svo erfitt, bara skipta á bleyjum þegar þess þarf, gefa henni að borða og leika við hana, segir Saga í færslu sinni á Mæður.com Kjarnafjölskyldan Ég… Lesa meira

Ljósmæður opna Snapchat: „Fylgjendur fá mjög fjölbreytta fræðslu og upplýsingar. Við viljum efla foreldra í barneignarferlinu“

Sigrún Gunnarsdóttir, hjúkrunarfræðingur og ljósmóðir ásamt Áslaugu Valsdóttur formanni ljósmæðrafélagsins fannst komin tími til þess að færa störf ljósmæðra nær nútímanum og gera þau sýnilegri. Þær tóku því sameiginlega ákvörðun um að stofna opin Snapchat reikning þar sem nokkrar ljósmæður skiptast á að sýna og segja frá störfum sínum. Hópurinn er orðin mjög fjölbreyttur og öflugur þar sem ljósmæður vinna mjög fjölbreytt störf á mörgum mismunandi stöðum. Við skiptumst á að vera með snappið og því ættu fylgjendur að fá mjög fjölbreytta sýn og fræðslu. Hver og ein tekur ákveðin málefni fyrir og gefur innsýn inn í sín störf, segir Sigrún í samtali við… Lesa meira

Kristín og Binni Löve eiga von á barni: „Við erum mjög spennt“

Kristín Pétursdóttir leikkona og Brynjólfur Löve Mogensson Snapcat stjarna eiga von á sínu fyrsta barni saman í ágúst. Kristín hefur starfað sem flugfreyja undanfarna mánuði en hún hefur meðal annars leikið í bíómyndunum Órói og Fólkið í Blokkinni. Ég er gengin fjórtán vikur og fjóra daga og við erum mjög spennt. Ég var að vísu mjög veik fyrstu 12 vikurnar en það er allt að koma, segir Kristín í samtali við Bleikt. Brynjólf þekkja flestir undir nafninu Binni Löve en hann gerði garðinn frægan á Snapchat. Í dag starfar Brynjólfur sem rekstrarstjóri pizzustaðarins Blackbox Pizzeria. Við óskum þessum verðandi foreldrum innilega til hamingju. Lesa meira

Hvað er raunveruleg vinátta?

Hvað er vinátta? Þetta er spurning sem ég hef velt óþarflega mikið fyrir mér undanfarna mánuði. Einhverra hluta vegna hélt ég alltaf fast í þá hugsun að góður vinur væri sá sem væri búin að vera í kringum þig hvað lengst og þekkti þig því vel. En ég hef komist að því að vinátta er eitthvað allt annað. Að finna sér góða vini sem meta vináttu þína og þú þeirra er mjög dýrmætt. Það virðist flestum vera lítið mál að eignast vini og kunningja, eyða með þeim hellings tíma en átta sig svo á því að í raun voru þetta… Lesa meira

Tanja Ósk var lögð í hrottalegt einelti: „Ég var heltekin af ótta“

Ímyndið ykkur að sex ára gömul dóttir ykkar sé að byrja sinn fyrsta skóladag. Hún er spennt, hlakkar til að eignast vini og verða fullorðin. Eftir skóla kemur hún heim sorgmædd vegna þess að stelpurnar í bekknum leyfðu henni ekki að leika sér með þeim af því að hún var of ljót. Þessi sex ára stelpa var ég. Svona hefst samtal Tönju Ósk Brynjarsdóttur við blaðamann Bleikt. Var sagt að þetta myndi líða hjá Tanja greinir frá því að þetta hafi eingöngu verið upphafið af því einelti og ofbeldi sem hún hefur þurft að sæta í gegnum tíðina. Mér var… Lesa meira

Bjargey um hamingju: „Ég hef upplifað mikinn sársauka og vildi ekki dvelja þar. Ég vildi frelsi“

Hvers vegna finnst sumum allt vera erfitt og leiðinlegt á meðan öðrum finnst lífið almennt skemmtilegt og sjá það jákvæða í stað þess neikvæða. Hvað aðskilur þessa tvo einstaklinga? Með þessum orðum hefur Bjargey Ingólfsdóttir nýjustu færslu sína á Bjargeyogco. Af hverju ertu alltaf svona ógeðslega happý? Um daginn fékk ég þessa spurningu frá fylgjanda í gegnum Snapchat og fékk hún mig til þess að hugsa. Til þess að svara henni þá er ég í fyrsta lagi ekkert alltaf ógeðslega happý. Ég hef farið í gegnum dimma dali og upplifað mikinn sársauka. Sársauka í hjartanu og verki í líkamanum. Ég vildi ekki dvelja þar, því það… Lesa meira

Guðlaug hefur misst fóstur tvisvar sinnum: „Ég fór á klósettið og fann það detta niður, ég var bara ekki tilbúin til þess að sturta“

Guðlaug Sif Hafsteinsdóttir hefur tvisvar sinnum misst fóstur og tók sú lífsreynsla mikið á hana. Segir hún það algengt að fólk tali um það að missa fóstur sé ekkert mál. Fóstrið skolist einfaldlega út og konan eigi í kjölfarið að halda áfram með líf sitt líkt og ekkert hafi í skorist. Ég hef misst fóstur í tvö skipti, þessi tvö skipti voru mjög ólík og ætla ég að segja aðeins frá þeim, segir Guðlaug í einlægri færslu sinni á Amare. Þetta er ekki auðvelt, þetta er þvílíkur missir þrátt fyrir að hafa gengið stutt á leið. Þetta er barnið mitt, litla… Lesa meira

Amanda og Birgir eru vegan og alæta í sambúð: „Engin ein rétt leið í samböndum“

Vegan og alæta í sambúð, hvernig virkar það? Þetta er spurning sem ég fæ að heyra reglulega og eru eflaust enn fleiri sem velta henni fyrir sér án þess að spyrja. Einnig fæ ég stundum fyrirspurnir frá einstaklingum sem vilja gerast grænmetisætur eða vegan en telja að makinn færi ekki sömu leið. Eins og með öll önnur sambönd eru þau misjöfn eins og þau eru mörg og því er engin ein rétt leið. Ég og Birgir erum búin að vera saman í rúm 3 ár og höfum þar af búið saman í um það bil 2,5 ár. Þegar við byrjuðum… Lesa meira