Stífmálaðar og húðflúraðar augabrúnir eru efst á lista yfir þau 25 verstu fegurðarmistök sem konur gera þegar þær huga að útlitinu en fast á eftir fylgja meikgríma og hið svokallaða Trout Pout.
Samkvæmt nýlegri könnun, sem gerð var af heildsalanum Superdrug, sögðust 85% þeirra 2000 kvenna sem tóku þátt að minna væri meira og að of mikill farði liti illa út. Þær játuðu þó flestar að hafa gert mistök þegar kom að útlitinu og að lokum kusu þær helstu mistökin sem gerð eru þegar kemur að útliti og farða.
Þær konur sem tóku þátt í könnuninni voru ekki hrifnar af varalit né varablýant Pamelu Anderson en þeim þótti augabrúnir hennar einnig of plokkaðar
Dökkur varablýantur og ljós varalitur eins og Baywatch stjarnan Pamela Anderson hefur skartað þykir einni einstaklega illa heppnuð förðun og ekki má gleyma varalit sem klesst hefur á tennurnar, of plokkaðar augabrúnir og of miklum kinnalit.
„Farði fer eftir smekk hvers og eins og hvort heldur sem þú kýst þykkar eða þunnar augabrúnir og dökkan eða ljósan varalit þá er það þitt val.“ Sagði Sara Wolverson, talskona Superdrug í samtali við Dailymail.
Scarlett Johansson sést hér brosa sínu blíðasta þrátt fyrir að vera með varalit á tönnunum
„Við höfum öll gert einhver af þessum 25 mistökum, hvort sem við höfum misst okkur með plokkarann eða ekki sett meikið nægilega vel á okkur og margir hafa sent einhverjum sparibrosið með varalitarklessu á tönnum. Mörg þeirra mistaka sem rötuðu á listann eru afleiðingar lélegrar lýsingar.“
Þegar kemur að augabrúnum virðast allar konur hafa skoðun og þykja augabrúnir Kate Middleton t.d. of fagurmótaðar
Það þykir athyglisvert að þrjú af topp tíu mistökunum eru augabrúnirnar. Hvort sem þær eru of loðnar, of ljósar eða of dökkar þá virðist einhver alltaf ósáttur við útlit þeirra
Á listann rötuðu einnig loðnir leggir og brúnkukremsgulir fingur en listann er hægt að finna hér að neðan
