7 vinir sem allar konur þarfnast

Góð og sönn vinátta er gulls ígildi. Bandaríska kvennatímaritið Glamour tók saman lista yfir sjö gerðir vinkvenna sem allar konur verða að eiga.

 

Æskuvinkona

Hún man enn eftir villtu strákaóðu stelpunni sem lét engan segja sér hvernig hún ætti að gera hlutina. Hún þekkti þig og fjölskyldu þína þegar þú varst að vaxa úr grasi og þið deilið eflaust mörgum minningum. „Æskuvinir minna þig á að þú sért sama manneskjan og þú hefur alltaf verið,“ segir Rebecca G. Adams sálfræðingur í háskólanum í Norður-Karólínu. „Haltu í gömlu vinina. Þið þurfið ekki að vera í daglegu sambandi en notaðu tæknina og taktu upp þráðinn.“

Ný vinkona

Ólíkt krökkunum sem voru með þér í barnaskóla hefur nýja vinkona engar fyrir fram ákveðnar skoðanir á þér. „Mörg okkar festast í fari þegar við eldumst,“ segir Pamela McLean sálfræðingur frá Santa Barbara. „Með nýjum vinum kynnumst við nýjum hugunarhætti og nýjum aðstæðum. Þar að auki kynnumst við nýju fólki í gegnum aðra. Reyndu að kynnast nýjum vinum í vinnunni eða vingastu við foreldra vina barnanna þinna. Ef lítið gengur skaltu prófa nýtt áhugamál.“

Æfingavinur

Vinkonan sem þú æfir með dregur þig út að skokka þegar þú vildir frekar hanga í sófanum heima í stofu. Sérfræðingar eru sammála um að líkamsrækt, sama hvort það er ganga, golf, salsa dans eða eitthvað allt annað, sé það mikilvægasta fyrir andlegt og líkamlegt heilbrigði. Góður vinur sem aðhyllist heilbrigðan lífsstíl gæti verið það sem þig vantar til að þú takir á þig rögg í ræktinni. Í rannsókn sem framkvæmd var af háskólanum í Connecticut kom í ljós að góður félagslegur stuðningur skiptir mestu máli þegar kemur að heilsurækt. Finndu vinkonu sem er í góðu formi og spurðu hvort þú megir slást í hópinn.

Yngri vinkona

Hvernig tekst þér að sameina stórt heimili, börn og langan vinnudag? Yngri vinkonur vilja læra af þér. Rannsóknir sýna að við viljum öll hjálpa öðrum – með því að elda eða með því að leiðbeina. „Sumar konur fá útrás fyrir þessa þörf í uppeldi barnanna en að leiðbeina öðrum fullorðnum einstaklingi getur verið virkilega gefandi,“ segir Rosemary Blieszner prófessor við Virginia Tech-háskólann. „Til að ná sem mestu út úr slíkri vináttu verður athyglin að vera í báðar áttir. Leyfðu yngri vinkonu að kynna fyrir þér nýja strauma og farðu með henni út á lífið.“

Vinir hans

Samkvæmt Kenneth Leonard, prófessor í klínískri sálfræði við SUNY-háskólann í Buffalo, er afar mikilvægt að tengjast vinum maka okkar. Í rannsókn Leonards kom í ljós að því betur sem fjölskyldur og vinir kynnast því hamingjusamari verða makarnir. „Til að eiga hamingjuríkt hjónaband er næstum jafnmikilvægt að leggja áherslu á að hleypa makanum inn í vinahópinn og að hleypa honum inn í fjölskyldu þína,“ segir Leonard.

Mamma þín

Yfir 85% kvenna sögðust eiga í góðu sambandi við móður sína í könnun sem gerð var í Bandaríkjunum. Þar kom enn fremur í ljós að þótt oft slettist upp á vinskapinn milli mæðra og dætra væri samband þeirra yfirleitt afar sterkt. „Samband mæðgna skiptir miklu máli því þeim þykir svo vænt hvorri um aðra,“ segir Karen L. Fingerman, höfundur rannsóknarinnar, sem á ráð fyrir konur sem vilja eiga betra samband við mæður sínar:

  • Ef þú átt í erfiðleikum með að njóta tímans með mömmu þinni: „Hættu að reyna að breyta henni og einbeittu þér að því sem þið hafið báðar gaman af,“ segir Fingerman.
  • Ef þið rífist endalaust um sömu hlutina: „Þær konur sem eru bundnar mæðrum sínum sterkum böndum taka rifrildin ekki persónulega. Þær líta frekar á gagnrýnina sem speglun af vana mömmu sinnar.“
  • Ef þér finnst sambandið of mikið: „Dætur sem stóðu sig best í þessu voru þær sem vildu eyða enn meiri tíma með mömmu sinni. Í stað þess að segja alltaf nei þegar mamma þín stingur upp á einhverju finndu þá eitthvað annað sem þið hafið báðar áhuga á,“ segir Fingerman.

Þú sjálf

Ef þú ert eins og flestar okkar þá hendirðu öllu frá þér til að hjálpa nauðstöddum vini – en hugsarðu jafn vel um sjálfa þig? Pamela Peeke prófessor í klínískri sálfræði við háskólann í Maryland segir að til að við getum verið góðir vinir okkar sjálfra verðum við að þekkja okkur. „Ímyndaðu þér hvernig þér líður þegar þú verður ástfangin; hreinleikinn, heiðarleikinn, ástúðin, skilyrðislausa ástin sem þú upplifir. Ættirðu ekki að hugsa þannig til sjálfrar þín?“ spyr Peeke sem vill að við endurtökum fallegar setningar um okkur sjálfar.

Birtist upphaflega í DV.

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra. Dýrahjálp er meðal þeirra sem áttu mikið af eignum sem lágu í geymslunum og ljóst er að tjónið var gríðarlegt og leita þau því til almennings í þeirri von um að einhver geti aðstoðað þau í þessum leiðinlegu aðstæðum. Við fáum ekkert að nálgast neitt strax en það virðist sem þakið á húsinu sé farið þar sem okkar geymslur… Lesa meira

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði. Rósa segir að börn séu frábærir áhorfendur sem geri leikurum alveg ljóst ef þeim mislíkar eitthvað í sýningunni. „Börnin eru svo fyndin og þau spyrja okkur oft spurninga fyrir eða eftir sýningu sem ég á stundum í stökustu vandræðum með að svara og þarf því að vera fljót að hugsa,“ segir Rósa í viðtali sem birtist upphaflega í helgarblaði DV. Rósa er menntuð leikkona og hefur starfað við leiklist undanfarin… Lesa meira

Fyrir og eftir myndir – Breytingar á heimili

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum ! Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég var alveg búin að ákveða að mála í gráum lit en hitti svo æðislegan starfsmann sem leiðbeindi mér mjög vel… Lesa meira

Skotheld uppskrift af gómsætum grjónagraut sem klikkar aldrei

Eitt af því besta sem börnin mín fá er grjónagrautur. Og best af öllu finnst þeim þegar hann er borinn fram með rúsínum og lifrarpylsu.  Ég hef lengi haft uppskriftina í kollinum og ákvað að skrifa hana niður núna og skella henni hérna inn. Þessi grautur er ótrúlega einfaldur, en það þarf að vísu að fylgjast vel með pottinum og hræra reglulega svo hann brenni ekki við. En hér kemur uppskriftin: (Fyrir 5) Hráefni: 3 dl hrísgrjón 4 dl vatn 1/2 tsk salt 10-12 dl mjólk (ég nota hvort sem er nýmjólk eða léttmjólk, bara það sem ég á til)… Lesa meira

Óstjórnlega fyndnar gínur sem eru orðnar leiðar á starfinu sínu

Í gegnum tíðina hefur oft verið talað um að gínur í búðum sýni óraunhæfa mynd af útliti og vaxtarlagi fólks. Það hefur hins vegar sjaldan verið veitt því athygli hversu leiðinlegu lífi aumingja gínurnar lifa. Þær standa á sama stað á hverjum einasta degi, starfsmenn verslana aflima þær fram og til baka og það kemur fyrir að þær þurfa að standa naktar fyrir framan alla. Það er því ekki skrítið að af og til finni fólk gínur sem haga sér öðruvísi en vanalega. Bored Panda tók saman lista af skemmtilegum gínum sem hafa flúið raunveruleika sinn og eru ekki eins… Lesa meira

Ingibjörg Eyfjörð: „Ég bjó mér til samfélagsmiðlakarakter“

… eða svo var mér sagt. Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir. Það er enginn fullkominn Ég hef frá upphafi lagt mikinn metnað í að skrifa frá hjartanu, skrifa… Lesa meira

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig. Bored Panda greinir frá því að það hafi verið árið 2016 þegar mikill eldur geisaði í Kanada þar sem Tony Bussey býr, sem hann áttaði sig á því að núna væri tíminn til þess að opna augun og takast á við vandamálið. Flugvélar voru sendar á svæðið til þess að bjarga fólki frá eldinum og þegar Tony mætti á flugvöllinn var hann settur fremst í röðina. Of feitur til þess að… Lesa meira

Dóttir Karenar hafnaði brjóstinu: „Ég mjólkaði samt eins og belja en börn eru ekki öll eins“

Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri. Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin, segir Karen í einlægri færslu sinni á Mamiita. Dóttir hennar neitaði brjóstinu Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu. Eftir nokkra daga gafst ég upp og fór að gefa henni ábót.… Lesa meira

Brúðkaupslisti fyrir verðandi brúðhjón frá Hildi Hlín

Flestir sem þekkja mig vita að ég er einstaklega skipulögð manneskja og elska að búa til lista. Við getum eiginlega sagt að allt sem ég geri, þarf að gera eða ætla mér að gera sé merkt á einhverjum af þessum þúsund "to do”-listum sem ég á og hef vandlega skipt niður eftir viðfangsefni og mikilvægi. Einn stærsti svoleiðis listi sem ég er að vinna eftir þessa dagana er stóri brúðkaupslistinn minn! Þessi listi er búinn að vera opinn í símanum mínum, tölvunni og útprentaður í brúðkaupsbókinni minni núna frá því á síðasta ári (ok þetta er farið að hljóma eins… Lesa meira

Vandræðalegar auglýsingar af speglum til sölu

Ert þú að fara að selja spegil í bráð? Þá gætir þú tekið þessa frábæru sölumenn þér til fyrirmyndar og þá eru miklar líkur á því að spegill verði seldur fljótlega eftir að auglýsingin kemur á netið. Það getur reynst erfitt að taka góða mynd af spegli án þess að spegilmyndin af manni sjálfum eða öðrum laumist óvart með. Þetta fólk reyndi að finna lausn á vandamálinu með misgóðum árangri. Lesa meira

Sjö ára gamall drengur fann sálufélagann í ketti sem lítur alveg eins út og hann sjálfur

Sjö ára gamall drengur sem lagður hefur verið í einelti fyrir útlit sitt eignaðist kött sem er bæði með klofna vör og eins augu og drengurinn. Madden frá Oklahoma fæddist með klofna vör og mismunandi augnlit á hvoru auga. Í síðustu viku þá setti ein vinkona mín mynd af kettinum í sérstakan hóp sem ég er í fyrir foreldra barna með klofna vör. Kettinum hafði verið bjargað í Minnesota og við vissum strax a þessum ketti var ætlað að verða hluti af okkar fjölskyldu. Hann er ekki bara með klofna vör líkt og sonur okkar heldur hefur hann einnig mismunandi lit á augunum eins og Madden, segir Christina Humphreys í… Lesa meira