Að reyna að vera góð mamma í gegnum erfiðasta tímabil lífs míns

Ég veit ekki alveg hvernig ég á að koma þessu frá mér… en ég missti pabba minn 18. júní síðastliðinn. Hann var búinn að berjast í rétt tæplega tvö ár við krabbamein þegar hann kvaddi þennan heim. Þann 23. júní 2015 breyttist líf mitt og ég hafði ekki hugmynd þann dag hvað það myndi síðan koma til með að breytast mikið og að ég myndi síðan missa pabba minn.

Þetta byrjaði allt saman eins og kom fram að ofan, kvöldið 23. júní 2015, við vorum nýbúin að vera í mat hjá mömmu og pabba (eins og nánast annan hvorn dag) og mamma hringir í mig og segir mér að pabbi hafi fallið í gólfið og hefði fengið flogakast og sjúkrabíllinn væri kominn og farinn og væri á leiðinni upp á spítala.

Tinna Freysdóttir, höfundur greinar.

Áður en þetta allt byrjaði um kvöldið var ég mjög spennt að fara heim eftir matinn hjá mömmu og pabba, því við Arnór vorum búin að taka hliðina af rimlarúminu hans Óla Freys og við vorum svo spennt að sjá hvernig það myndi ganga fyrir hann að sofa. Þegar mamma hringdi í mig þá breyttist það fljótt og ég brunaði upp á spítala. Þarna var ég ólétt af Elínu Köru, komin 6 mánuði á leið og Óli Freyr var 18 mánaða.

Ég gerði mér eiginlega ekki grein fyrir því fyrr en núna eftir á að veikindi pabba höfðu mikil áhrif á mig sem móður. Alveg síðan pabbi veiktist og það kom í ljós að hann væri með ólæknandi sjúkdóm sem sigrar alltaf á endanum þá hefur líf mitt verið einn stór rússíbani. Ég vissi alveg að þetta væri allt saman að hafa mjög mikil áhrif á líf mitt en ég gerði mér ekkert endilega grein fyrir því að ég væri ekki sama mamman og ég hefði verið ef allt þetta hefði ekki verið í gangi.

Ég trúi því samt varla hvað það gerðist margt jákvætt og skemmtilegt líka á þessum tíma, ég og Arnór útskrifuðumst bæði úr okkar námum og héldum útskriftarpartý, við giftum okkur, héldum svo brúðkaupspartý 8 mánuðum seinna, við keyptum okkur íbúð og margt fleira.

Veikindin hans pabba voru mjög yfirgnæfandi í þessu öllu saman. Upprunalega ætluðum við að gifta okkur 17. júní 2017, en ákváðum að gera það 26. ágúst 2016, því ég vissi að það væru miklar líkur á að pabbi yrði ekki með okkur enn þá 17. júní 2017 og í dag er ég rosalega þakklát að við drifum í þessu því pabbi var með okkur á stóra deginum og fyrir það verð ég alltaf ótrúlega þakklát og glöð með <3

En komum okkur að efni þessarar færslu….ég fór að spá í því allt í einu hvað þetta hefur haft mikil áhrif á mig sem mömmu. Ég man að áður en pabbi veiktist þá var ég súpermamma, ég var mjög þolinmóð gagnvart Óla Frey og hann var ekki nema 12 mánaða þegar við ákváðum að reyna aftur og mánuði eftir það þá var Elín Kara komin undir og ég gat ekki beðið. Ég var svo mikið til í þetta allt saman.

En það breyttist allt þegar pabbi veiktist. Fyrstu mánuðirnir voru svo sem „ok“ þar sem hann fékk ekki nákvæma greiningu fyrr en um 8 mánuðum eftir að hann veiktist og þangað til þá vonaði maður að þetta væri ekki svo alvarlegt. En eftir að nákvæm greining lá fyrir þá fór ég á google og það sem ég sá var ekki gott. Ég googlaði og ég googlaði og allar heimildir sem ég fann sögðu það sama. Þannig að ég vissi það að meðal lífslíkur eftir nákvæma greiningu væru um 14 mánuðir. Í pabba tilfelli voru þetta um 16 mánuðir.

Eftir að ég vissi það að þetta væri svona alvarlegt þá einhvern veginn breyttist allt. Þráðurinn minn var styttri, ég var minna þolinmóð gagnvart börnunum mínum og ég bara breyttist. Fór minna og minna að hugsa um útlitið og um sjálfa mig. Hætti að nenna neinu.

Fyrir utan það að ég geri mér alveg grein fyrir því að ég er svolítið búin að loka mig af síðustu mánuðina, þá var það ekki fyrr en núna eftir að pabbi lést sem ég gerði mér grein fyrir því að síðustu mánuðirnir í lífi barnanna minna hafa verið frekar slæmir gagnvart þeim. En, ég veit alveg að það er skiljanlegt, en ég fékk samt sting í hjartað að hugsa til þess hvernig lífið væri búið að vera ALLT öðruvísi ef pabbi hefði ekki veikst. Við værum ein stór hamingjusöm fjölskylda núna í ferðalaginu sem við erum í, en í staðinn vantar pabba og ég er enn að reyna að læra lifa með þessu og ég á langt í land….

Það sem verst er, við vorum að flytja og fegnum íbúðina okkar afhenta 15 júlí, aðeins tæpum mánuði eftir að pabbi lést, þannig að síðustu vikurnar hafa farið í flutningana og börnin enn og aftur ekki að fá næga athygli né skemmtunina sem þau eiga skilið í sumarfríinu sínu!

Núna næstu dagana verðum við fjölskyldan saman í útilegu og mitt eina markmið hérna er að hugsa um börnin mín, rækta sambandið mitt við þau og reyna að vera betri mamma og læra að lifa með þessari sorg sem býr í hjarta mínu en vera samt góð mamma á sama tíma.

Ég er alls ekki að segja að börnin mín hafi það ekki gott, þau er mjög hamingjusöm og fá alla mína ást og umhyggju, en samt sem áður er þráðurinn minn styttri og það er svo margt sem ég hefði viljað gera með þeim í sumar, t.d. fara í göngutúr daglega (það er eitthvað sem ég gerði alltaf þegar Óli Freyr var lítill en hætti þegar pabbi veiktist) , fara í húsdýragarðinn, fara oft í sund og svo framvegis….

En ég veit að þetta virkar þannig að maður tekur einn dag í einu og ég er að gera það. Ég er enn á því stigi að þetta er það erfitt að mig langar oft bara að loka mig af inn í herbergi og fá frið öðru hvoru en ég veit að þetta mun vera auðveldara með tímanum.

Eitt veit ég, það er að ég elska börnin mín meira en allt í öllum heiminum og það er ekkert sem ég myndi ekki gera fyrir þau og þess vegna ætla ég að reyna taka mig á núna og reyna að komast á betri stað. Við lifum bara einu sinni og við verðum að reyna njóta lífsins á hverjum degi, alveg sama hvað það getur verið erfitt oft á tíðum.

Pabbi elskaði að lesa það sem ég skrifa, honum fannst ég svo góður penni og það er það sem hvetur mig áfram. Ég hafði hugsað mér að hætta að blogga og snappa og hætta bara yfirhöfuð að vera virk á samfélagsmiðlum. EN, ég veit að það er ekki það sem pabbi hefði viljað og því ætla ég að halda áfram.

Núna eru eflaust einhverjir sem eru að fylgjast með mér á Snapchat sem hafa hugsað með sér “vá hvað hún er bara hress miðað við aðstæður” ,en ég hef sagt það áður og ætla segja það aftur, það sem fólk sér á Snapchat er það sem fólk kýs að setja þar inn. Ég kýs að vera ekki að koma inn á Snapchat þegar ég er leið (eða það er alveg einstaka sinnum) heldur reyni ég að nota snappið í allt það jákvæða og mér finnst það hafa hjálpað mér.

Ég er svo innilega tilbúin að kveðja árið 2017, en þó er margt spennandi sem á eftir að gerast áður en því lýkur: Elín Kara mín er að byrja á leikskóla núna 21. ágúst, ég og mamma erum að fara til Glasgow í september, ég og Arnór förum í smá brúðkaupsferð til Belfast í október… bara svo eitthvað sé nefnt! En árið 2017 er og verður alltaf árið sem pabbi dó. Ég ætla reyna eins og ég get að taka 2018 með trompi og njóta lífsins.

TF

Snapchat & Instagram: tinnzy88
Hér er hægt að nálgast upprunalegu færsluna.

Kaia Gerber hannar tískulínu í samstarfi við Karl Lagerfeld

Í hörðum heimi tískubransans þá er ljóst að fyrirsætur þurfa að gera eitthvað sérstakt til að skara fram úr fjöldanum. Að hanna tískulínu í samstarfi við þekktan hönnuð telst klárlega eitt af því. Kaia Gerber hefur tilkynnt að hún er að hanna línu í samstarfi við engan annan en Karl Lagerfeld. Fyrirsætan kom fram í fyrsta sinn á tískusýningarpöllunum síðastliðið haust og vakti bæði athygli og aðdáun. Fatalína hennar mun koma í verslanir í september næstkomandi. Hin 16 ára gamla Kaia hefur þegar komið fram í tveimur tískusýningum fyrir Chanel og opnaði hún þá fyrri, sem þykir mikill heiður fyrir… Lesa meira

Myndband: Frábær aðferð til að passa förðunina þegar þú borðar

Hefurðu lent í því að vera búin að farða þig óaðfinnanlega, fara síðan út að borða og/eða drekka og eiga þá í vandræðum og jafnvel eyðileggja förðunina sem þú hafðir mikið fyrir? Engar áhyggjur, daman í myndbandinu kennir þér frábæra aðferð til að nærast og á sama tíma halda förðuninni fullkominni! https://www.facebook.com/RussianFashionblogger/videos/1899915476703926/   Lesa meira

Sjónvarpsmynd í vinnslu um samband Harry og Meghan

Aðdáendur Harry Bretaprins og Meghan Markle geta glaðst yfir nýjustu fréttum, en Lifetime mun vera að vinna að sjónvarpsmynd um ástir þeirra, sem ber titilinn Harry & Meghan: The Royal Love Story eða Harry og Meghan: Konungleg ástarsaga. Myndin mun fjalla um samband þeirra og ástarsögu allt frá því að sameiginlegur vinur kynnti þau þar til þau trúlofuðu sig í nóvember 2017. Myndin mun einnig skoða líf Meghan sem fráskilin bandarísk leikkona. Prufur standa yfir í hlutverk myndarinnar og enginn sýningardagur hefur verið gefinn upp. Lifetime sýndi hinsvegar myndina William & Kate: The Movie 11 dögum áður en þau giftu… Lesa meira

Ragga nagli: „Sit mjög oft ein eftir að borða“

Ragga Nagli er klínískur heilsusálfræðingur og einkaþjálfari. Í nýjasta tölublaði MAN er viðtal við hana um mataræði, hreyfingu, bætiefni, sem og bestu fötin og tækin í ræktina. Ragga fjallar þar meðal annars um hvernig mataræðið og máltíðir hafa breyst hjá henni: Það má segja Hvað, Hvernig, Hversu oft og Hversu mikið ég borða hafi breyst. Ég var mjög brennd af allskonar boðum og bönnum mjög lengi. Fékk skilaboð um að borða ekki brauð, lamb, svín, maís, banana, og fleira rugl. Nú borða ég allt sem að kjafti kemur og mér finnst gómsætt. Máltíðamynstrið hefur breyst hjá mér. Á einhverju matarplani átti ég að… Lesa meira

Myndband: Carrie Underwood og Ludacris syngja lag Super Bowl í ár

Carrie Underwood og Ludacris taka röddum saman í laginu The Champion sem er upphafslag útsendingar NBC sjónvarpsstöðvarinnar frá Super Bowl LII eða Ofurskálinni. Lagið mun einnig vera notað í umfjöllun stöðvarinnar um Vetrarolympíuleikana. Lagið er samið af Underwood og Ludacris ásamt Brett James og Chris DeStefano og er ansi grípandi, en þó ólíkt þeim lögum sem maður hefur heyrt hingað til frá Underwood. https://www.youtube.com/watch?v=Htu3va7yDMg Super Bowl fer fram 4. febrúar næstkomandi og auk stjarnanna á vellinum, þá munu stjörnur líka skemmta áhorfendum, Pink mun syngja þjóðsönginn og Justin Timberlake mun sjá um hálfleikssýninguna. Underwood er óðum að ná sér eftir… Lesa meira

Myndband: Ný Harry Potter mynd „um þann sem við nefnum ekki á nafn“ er komin út

Sjö mánuðum eftir að Warner Bros gaf aðdáendum Harry Potter leyfi til að gera nýja mynd um þann sem við nefnum ekki á nafn, er myndin komin á netið. Í myndinni, Voldemort: Origins of the Heir, er sögð sama Grisha McLaggen, erfingja Gryffindor, sem leitar að Tom Riddle, sem hvarf eftir að erfingi Hufflepuff var myrtur. „Við veltum fyrir okkur: Hvað varð til þess að Tom Riddle varð Voldemort? Hvað gerðist á þessum árum og hvað gerðist í Hogwart þegar hann kom til baka? Það er margt ósagt,“ segir Gianmaria Pezzato leikstjóri myndarinnar. „Þetta er saga sem vð viljum segja:… Lesa meira

Uppskrift: Ómótstæðilegur prótein súkkulaðibúðingur Hönnu Þóru

Hanna Þóra er 29 ára Hafnfirðingur sem hefur brennandi áhuga á veisluskreytingum, bakstri og dúlleríi. Hún er líka snyrtifræðingur og viðskiptafræðingur, flugfreyja, i sambúð og tveggja barna móðir. Hanna Þóra er ein af þeim sem er með síðuna Fagurkerar.is. Hér útbýr hún prótein súkkulaðibúðing, sem er tilvalinn til að halda sykurpúkanum frá, sérstaklega núna í janúar. Uppskriftin Hálfur desilítri chia fræ Ein skeið súkkulaðipróftein 1-2 dl Mjólk  (Möndlu,kasjú,soya eða venjuleg allt eftir smekk) Ég nota double rich chocolate sem ég keypti í prótín.is sem er í síðumúla og er einnig með vefverslun www.protin.is Við höfum keypt þetta prótein í tæp… Lesa meira

Myndband: Lærðu að brjóta þvottinn á nýjan hátt og sparaðu pláss

Það er eitt sem yfirgefur okkur aldrei, sama hversu heitt við viljum það: þvottahrúgan. Í meðfylgjandi myndbandi eru kennar sex aðferðir til að brjóta þvottinn saman sem eiga það sameiginlegt að spara pláss í skápnum, myndbandið lofar líka að maður spari tíma með þessu. Ég ætla að prófa næst þegar ég ræðst á þvottafjallið. https://www.facebook.com/FirstMediaBlossom/videos/10155894084094586/ Lesa meira

Kim Kardashian er með rándýrar ruslatunnur

Kim Kardashian hendir sko ruslinu með stæl, en hún er með ruslatunnur frá engum öðrum en tískuhönnuðinum Louis Vuitton. Af því að þegar maður er metinn á 220 milljónir dollara þá veit maður ekkert hvað maður á að eyða aurunum í, er það nokkuð? Fylgjendum hennar á Instagram sýndist sitt hvað um tunnurnar þegar Kim póstaði mynd af þeim. Nefndi einn þeirra að þær kostuðu meira en húsið hans. Ekki er vitað hvað tunnurnar kostuðu Kim, en sú minni kostar allavega um 3000 dollara á Ebay eða um 300 þúsund íslenskar krónur. Lesa meira

Myndband: Snemma beygist krókurinn

Krútt dagsins í dag er ungabarnið sem gefur sjálfum Rocky lítið eftir, en barnið virðist búið að ná helstu æfingum boxarans. Ert þú búin/n að fara í ræktina í dag eða á leiðinni þangað eftir vinnu? https://www.facebook.com/nerdingoutloud/videos/484454691914052/ Lesa meira

Stjörnumerkin: Áramótaspá 2018 – Bogmaður

Anna Lóa Ólafsdóttir heldur úti Facebooksíðunni Hamingjuhornið, en það var stofnað árið 2011. Í Hamingjuhorninu eru fróðlegir og innihaldsríkir pistlar um þætti sem snúa að samskiptum, persónulegum áskorunum og lífsins leyndardómum. Og þar má finna áramótaspá fyrir stjörnumerkin. Hér er áramótaspáin fyrir Bogmanninn 22. nóvember - 21. desember. Bogmaður Kæri bogmaður, byrja á því að segja þér að spáin fyrir þig er mögnuð og 3 stór spil sem komu úr bunkanum. Til að byrja með þá skoða ég árið sem er að líða undir lok. Það mætti segja mér að þú hafir upplifað einhverja togstreitu á árinu og svörin sem þú… Lesa meira

Myndband: Fólk er frábært – Blanda af því besta frá 2017

Í meðfylgjandi myndbandi sem er af Facebook síðunni People are awesome má finna blöndu af því besta frá árinu 2017. Fólk í hinum ýmsu íþróttagreinum af framkvæma ótrúlegustu hluti sem margir virðast ögra þyngdarlögmálinu all verulega. Ísland á meira að segja fulltrúa. https://www.facebook.com/peopleareawesome/videos/1542174665831706/ Facebooksíða People are awesome. Lesa meira