Ása: „Selfie með tígrisdýri er frábær mynd fyrir Facebook og hljómar aðdáunarvert… Í fyrstu!“

Hver á ekki vin eða vinkonu sem á framandi mynd af sér á ferðalagi um Suðaustur Asíu, knúsandi fullvaxta tígrísdýr í Tiger Temple? Þú hefur að öllum líkindum séð sambærilegar myndir á samfélagsmiðlunum þar sem setið er fyrir með 100 kílóa tígrisdýri, jafnvel haldandi á skottinu eða gefið afkvæmum þeirra pela. Það er erfitt að neita því….Þetta er frábær mynd fyrir Facebook! Alveg Profile Pic-Material!“

Tígrisdýramusterið í Tælandi eða betur þekkt sem Tiger Temple er sennilega umdeildasta musterið í Suðaustur-Asíu. Á ári hverju flykkjast ferðamenn alls staðar að úr heiminum til að komast í snertingu við þessi tignarlegu kattardýr og janfvel ná einni ofursvalri mynd af sér með þeim!

Höfundur greinarinnar er Ása Steinarsdóttir
Höfundur greinarinnar er Ása Steinarsdóttir

Greiða þarf gjald við heimsókn musterisins en munkarnir sem þar dvelja halda því fram að þeir séu að hjálpa til við varðveislu tígrisdýrastofnsins sem eru nú þegar í útrýmingarhættu. Þeir telja fólki trú um að þeir séu að bjarga dýrunum frá veiðiþjófum og leyfa þeim að búa í frið og ró innan veggja mustersins.

Hljómar aðdáunarvert í fyrstu ekki satt?

Það er þó ekki að ástæðulausu sem síðastliðin 15 ár hafa dýraverndunarsamtök um allan heim reynt að sporna við starfsemi mustersins. Mig langar því að fræða ykkur um helstu ástæður þess afhverju þú ættir að hugsa þig tvisvar um áður en þú heimsækir þennan víðfarna ferðamannastað.

HAGNAÐUR MUSTERISINS SKILAR SÉR EKKI TIL DÝRANNA

Munkarnir sem hafa stjórnað musterinu í gegnum árin hafa aflað sér gífurlegra tekna með innheimtu heimsóknargjalda frá ferðamönnum. Þeirra rök fyrir gjaldtökunni er kostnaðarsamt uppihald dýranna. Ýmislegt virðist þó benda til hins gagnstæða; dýrunum er þrælað út og þau neydd til að vera með mannfólki yfir heitasta tíma dagsins.

Hagnaðnum er varið í að halda uppi glæstum lífstíll munkanna (þótt þetta séu munkar, þá eru þeir ekki allir heiðarlegir), í stað þess þess að bæta aðstöðu tígrisdýranna. Hægt er að lesa reynslusögur á netinu þar sem ferðamenn hafa greitt allt að 180 dollara fyrir eina “Selfie” með tígrisdýri!

tiger4

Áður en þú heimsækir tígrisdýrin blasir við þér þetta allsvakalega og glæsilega musteri. Augljóslega hefur meira fjármagni verið eytt í byggingu þess frekar en bættri aðstöðu dýranna.

Ferðamenn eru blekktir og taldir trú um að fjárlög þeirra renni til styrktarsjóðs til verndar villtra tígrisdýra. Þeir hafa þó aldrei sýnt fram á nein gögn máli sínu til stuðnings. Þar að auki hefur musterið engin skráð leyfi eða réttindi til þess að halda tígrisdýrunum föngum og standast ekki staðla alþjóðlegra dýraverndunarsamtaka. Samkvæmt almennum stöðlum eiga tvö tígrisdýr að hafa að minnsta kosti 100 fermetra svæði útaf fyrir sig. í Tiger Temple fá þau hins vegar einungis um 10 fermetra og er mörg þeirra farin að sýna hegðunarmynstur sem bendir til þess að þau séu undir miklu álagi og sum þeirra veik á geði.

Dæmi um það eru endurtekin hreyfingarmynstur og naga á sér loppuna til lengri tíma. Til að toppa þetta þá eru munkarnir sjáflir ekki með neina skráða menntun eða þjálfun í umönnun villtra tígrisdýra.

HVOLPARNIR AÐSKILDIR SNEMMA FRÁ MÓÐUR

Hvolparnir hafa ekki verið nema 2 vikur í þessum heimi þegar þeir eru aðskildir frá móðurspenanum og settir í hendur ferðamanna með pela. Í náttúrunni eru fullvaxta tígrisdýr yfirleitt einfarar en það á ekki við þegar þau eru nýfædd.

tiger2

Fyrstu mánuðina eru afar sterk tengsl milli móður og hvolps; hvolpurinn víkur sjaldan frá móður sinni fyrr en um tveggja ára aldur.

Með þessu móti er auk þess útilokað að koma tígrisdýrunum fyrir í náttúrunni síðar meir þar sem þau verða algjörlega háð fæðugjöfum mannsins frá blautu barnsbeini og læra því ekki að veiða sér til matar.

MISNOTKUN

Til er fjöldinn allur af ofbeldissögum gagnvart dýrunum frá sjálfboðaliðum sem hafa starfað í Tiger Temple. Afkvæmin eru tekin ung og þau eru alin upp við að hlýða mannfólki. Til að ná fram “viðeigandi” hegðun er meðal annars togað í skottin á þeim og þau slegin til hlýðni.

Sumir ferðamenn hafa velt því fyrir sér hvernig rándýr á borð við tígrisdýr eru svona róleg í kringum allt fólkið. Sögusagnir hafa því spurst út um að dýrin séu á lyfjum, en það eru engar sannanir sem hafa sýnt fram á það. Líklegra er að munkarnir nái fram hegðun þeirra með uppeldi og offóðrun.

HVOLPUNUM GEFIN PELI ÓNÁTTÚRULEGA OFT Á DAG

Auðvitað þurfa hvolparnir sína mjólk, en það er á engan hátt eðlilegt að ferðamenn skuli gefa þeim pela allan liðlangann daginn, jafnvel þar til sumir þeirra fara að kasta upp. Musterið græðir mest af öllu tengdu hvolpunum og því algengt að hópur ferðamanna fæði þá á morgnana og enn stærri hópur síðdegis.

 ÓLÖGLEG VIÐSKIPTI STUNDUÐ MEÐ DÝRIN

Eins og nefnt var hér að ofan veita hvolparnir mestu fjármunina og því vill musterið hámarka fjölda þeirra. Miðað við eðlilega fæðingartíðni tígrisdýra ættu mun fleiri fullvaxta dýr að sjást í musterinu auk þess í miðað við fjölda hvolpa. Milli áranna 2005 og 2008 var sérstakt eftirlit haft með staðnum og kom þá í ljós að sjö tígrísdýr höfðu horfið án nokurrar útskýringar. Eftir nánari eftirgrennslan reyndist musterið hafa stundað ólögleg viðskipti við tígrisdýraræktendur í Laos en þar skiptu þeir á eldri tígrum fyrir hvolpa, sem voru síðan gefin sömu nöfn til yfirhalningar.

ÓLÖGLEGAR RÆKTUNARAÐFERÐIR

Tiger temple kveðst viðhalda stofni tígrisdýranna með ræktunaraðgerðum. Til þess að fjölga tígrisdýrum þarf þó mikla nákvæmni og þekkingu á bakgrunni dýranna. Í musterinu er hins vegar nánast ómögulegt að rekja uppruna dýranna og virðast munkarnir hafa enga þekkingu á erfðamengi þeirra.

tiger1

Þeir notast því við ónáttúrulegar aðferðir þar sem þeir láta tígrisdýr af mismunandi tegundum (Bengal-tígrar, Indókína-tígrar) makast og stofna þar með hreinræktaðum tegundum tígrisdýra í hættu.

AÐSTAÐA OG HREYFING DÝRANNA Í LÁGMARKI

Það er augljós staðreynd að tígrisdýrin í Tigre Temple fá ekki þá hreyfingu sem þau þarfnast. Hreyfingarleysi dýranna getur leytt til að þau verði veik á geði og undir miklu álagi. Það er í eðli þeirra að veiða sér til matar og vera sífellt á hreyfingu. Við finnum sjálf fyrir aukinni vanlíðan þegar við stundum ekki reglubundna hreyfingu.

Það á við um Tiger Temple líkt og aðra dýragarða heimsins að dýr af þessari stærð og gerð eiga ekki heima í búrum. Maður hefði haldið að með aukinu upplýsingaflæði 21 aldarinnar ættu flestir ferðamenn að vera farnir að sniðganga dýragarða, sædýrasöfn og samskonar iðnað þar sem dýrum er haldið í búrum við ónáttúrulegar aðstæður.

DÝR ERU ÓÚTREIKNANLEG

Árlega eiga sér stað atvik þar sem tígrisdýrin ráðast á forvitna ferðalanga. Árásirnar eru ekki sambærilegar við pirraðan heimiliskött – við erum að tala um 100 kg rándýr! Já, það er vont! Spurðu bara þessa stelpu.

tiger8

En Isabelle var 19 ára gömul þegar hún heimsótti Tiger Temple og varð fyrir árás eins tígursins. Á einum tímapunkti var hún að klappa dýrinu en á næsta andartaki var hann búin að grípa um hana með loppunni sinni, ýta henni niður á jörðina og sökk tönnunum sínum inn í lærið á henni rétt fyrir ofan hné.

 TÍGRISDÝRIN ERU Á HÁLFGERÐU MCDONALDS-FÆÐI

Tígrisdýrunum er gefinn soðinn kjúklingur í öll mál. Flest þeirra eru í yfirþyngd og vöðvar þeirra rýrnaðir. Tígrisdýr þurfa frá náttúrunnar hendi að borða rautt kjöt reglulega til þess að halda eðlilegri heilsu og vöðvamassa.

Eigendur Tiger Temple hafa lýst því yfir að rautt kjöt sé einfaldlega  of „kostnaðarsamt.“

Það er enginn að fara að telja okkur trú um það að musterið eigi ekki feiki nóg af peningum miðað við þann straum ferðamanna sem heimsækir musterið árlega. Teldu bara þá Íslendingana sem þú þekkir sem hafa lagt leið sína þangað.

ÞITT ER VALIÐ

Það er vissulega undir hverjum og einum komið að velja hvort hann vilji heimsækja staðinn. Hafðu þó í huga að það eru til ótal fleiri náttúrulegri leiðir til að vernda stofn þessara fallegu kattardýra og hægt er að virða þau fyrir sér í safaríferðum í vernduðum náttúrugörðum þar sem dýrin láta sjá sig ef þau vilja en ekki af neyð eins og í musterinu eða dýragörðum.

Það er ekki í eðli tígrisdýra að sitja fyrir á ljósmyndum daginn inn og daginn út, hlekkjaðir við steypu eins og fangar, í stað þess að hlaupa villt og frjáls um þær sléttur sem eftir eru.

Ég ráðlegg þér því næst þegar þú heimsækir Tæland, slepptu því að borga fyrir að taka “selfie” með tígrisdýri í keðju eða skella þér á fílabak. Notaðu frekar peningana þína í að sjá villt dýr í náttúrugörðum og sáðu hvernig þau hafa það í sínu náttúrulega umhverfi.

Ása Steinarsdóttir
Ása Steinarsdóttir

Einnig getur þú styrkt þekkt dýraverndunarsamtök sem gera allt í sínu valdi til þess að sporna við stöðum eins og Tiger Temple. Hættum að styðja bransa á borð við Tiger Temple, Sea World og dýragarða þar sem gróði er í fyrirúmi en ekki velferð dýranna. Sniðgöngum þessa staði, við eigum að vita betur.

Greinin birtist fyrst á síðunni Gekko.is.

Þeir sem vilja kynna sér málið betur geta lesið nokkrar frábærar greinar málefninu til rökstuðnings, auk þess sem þessar greinar voru notaðar sem heimildir. 

  • Frábær og fagmannleg grein frá One Green Planetfjallar um misnotkun tígrisdýrana í Tiger Temple. Lestu hana hér.
  • Turner Barrgerðist sjálfboða liði í Tiger Temple. Upphaflega ætlaði hann sér að vinna hjá musterinu í 30 daga en hann hætti eftir 18, þar sem honum mislíkaði margt við staðinn. Turner veitt mér meðal annars innblástur til að koma sögu sinni á framfæri. Hann segir sögu sína hér. 
  • Lestu viðtal við Isabelle sem varð fyrir árás tígrisdýrs árið 2013 hér.

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra. Dýrahjálp er meðal þeirra sem áttu mikið af eignum sem lágu í geymslunum og ljóst er að tjónið var gríðarlegt og leita þau því til almennings í þeirri von um að einhver geti aðstoðað þau í þessum leiðinlegu aðstæðum. Við fáum ekkert að nálgast neitt strax en það virðist sem þakið á húsinu sé farið þar sem okkar geymslur… Lesa meira

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði. Rósa segir að börn séu frábærir áhorfendur sem geri leikurum alveg ljóst ef þeim mislíkar eitthvað í sýningunni. „Börnin eru svo fyndin og þau spyrja okkur oft spurninga fyrir eða eftir sýningu sem ég á stundum í stökustu vandræðum með að svara og þarf því að vera fljót að hugsa,“ segir Rósa í viðtali sem birtist upphaflega í helgarblaði DV. Rósa er menntuð leikkona og hefur starfað við leiklist undanfarin… Lesa meira

Fyrir og eftir myndir – Breytingar á heimili

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum ! Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég var alveg búin að ákveða að mála í gráum lit en hitti svo æðislegan starfsmann sem leiðbeindi mér mjög vel… Lesa meira

Skotheld uppskrift af gómsætum grjónagraut sem klikkar aldrei

Eitt af því besta sem börnin mín fá er grjónagrautur. Og best af öllu finnst þeim þegar hann er borinn fram með rúsínum og lifrarpylsu.  Ég hef lengi haft uppskriftina í kollinum og ákvað að skrifa hana niður núna og skella henni hérna inn. Þessi grautur er ótrúlega einfaldur, en það þarf að vísu að fylgjast vel með pottinum og hræra reglulega svo hann brenni ekki við. En hér kemur uppskriftin: (Fyrir 5) Hráefni: 3 dl hrísgrjón 4 dl vatn 1/2 tsk salt 10-12 dl mjólk (ég nota hvort sem er nýmjólk eða léttmjólk, bara það sem ég á til)… Lesa meira

Óstjórnlega fyndnar gínur sem eru orðnar leiðar á starfinu sínu

Í gegnum tíðina hefur oft verið talað um að gínur í búðum sýni óraunhæfa mynd af útliti og vaxtarlagi fólks. Það hefur hins vegar sjaldan verið veitt því athygli hversu leiðinlegu lífi aumingja gínurnar lifa. Þær standa á sama stað á hverjum einasta degi, starfsmenn verslana aflima þær fram og til baka og það kemur fyrir að þær þurfa að standa naktar fyrir framan alla. Það er því ekki skrítið að af og til finni fólk gínur sem haga sér öðruvísi en vanalega. Bored Panda tók saman lista af skemmtilegum gínum sem hafa flúið raunveruleika sinn og eru ekki eins… Lesa meira

Ingibjörg Eyfjörð: „Ég bjó mér til samfélagsmiðlakarakter“

… eða svo var mér sagt. Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir. Það er enginn fullkominn Ég hef frá upphafi lagt mikinn metnað í að skrifa frá hjartanu, skrifa… Lesa meira

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig. Bored Panda greinir frá því að það hafi verið árið 2016 þegar mikill eldur geisaði í Kanada þar sem Tony Bussey býr, sem hann áttaði sig á því að núna væri tíminn til þess að opna augun og takast á við vandamálið. Flugvélar voru sendar á svæðið til þess að bjarga fólki frá eldinum og þegar Tony mætti á flugvöllinn var hann settur fremst í röðina. Of feitur til þess að… Lesa meira

Dóttir Karenar hafnaði brjóstinu: „Ég mjólkaði samt eins og belja en börn eru ekki öll eins“

Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri. Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin, segir Karen í einlægri færslu sinni á Mamiita. Dóttir hennar neitaði brjóstinu Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu. Eftir nokkra daga gafst ég upp og fór að gefa henni ábót.… Lesa meira

Brúðkaupslisti fyrir verðandi brúðhjón frá Hildi Hlín

Flestir sem þekkja mig vita að ég er einstaklega skipulögð manneskja og elska að búa til lista. Við getum eiginlega sagt að allt sem ég geri, þarf að gera eða ætla mér að gera sé merkt á einhverjum af þessum þúsund "to do”-listum sem ég á og hef vandlega skipt niður eftir viðfangsefni og mikilvægi. Einn stærsti svoleiðis listi sem ég er að vinna eftir þessa dagana er stóri brúðkaupslistinn minn! Þessi listi er búinn að vera opinn í símanum mínum, tölvunni og útprentaður í brúðkaupsbókinni minni núna frá því á síðasta ári (ok þetta er farið að hljóma eins… Lesa meira

Vandræðalegar auglýsingar af speglum til sölu

Ert þú að fara að selja spegil í bráð? Þá gætir þú tekið þessa frábæru sölumenn þér til fyrirmyndar og þá eru miklar líkur á því að spegill verði seldur fljótlega eftir að auglýsingin kemur á netið. Það getur reynst erfitt að taka góða mynd af spegli án þess að spegilmyndin af manni sjálfum eða öðrum laumist óvart með. Þetta fólk reyndi að finna lausn á vandamálinu með misgóðum árangri. Lesa meira

Sjö ára gamall drengur fann sálufélagann í ketti sem lítur alveg eins út og hann sjálfur

Sjö ára gamall drengur sem lagður hefur verið í einelti fyrir útlit sitt eignaðist kött sem er bæði með klofna vör og eins augu og drengurinn. Madden frá Oklahoma fæddist með klofna vör og mismunandi augnlit á hvoru auga. Í síðustu viku þá setti ein vinkona mín mynd af kettinum í sérstakan hóp sem ég er í fyrir foreldra barna með klofna vör. Kettinum hafði verið bjargað í Minnesota og við vissum strax a þessum ketti var ætlað að verða hluti af okkar fjölskyldu. Hann er ekki bara með klofna vör líkt og sonur okkar heldur hefur hann einnig mismunandi lit á augunum eins og Madden, segir Christina Humphreys í… Lesa meira