Berta Dröfn: „Þetta er í fyrsta sinn sem ég fæ höfnun af þessu tagi“ – „Við fáum ekki einu sinni tækifæri“

Er nánast ómögulegt fyrir menntaða söngvara að komast aftur heim til Íslands. Þessi spurning vaknar óneitanlega við lestur á grein Bertu Drafnar Ómarsdóttur sem hún ritaði á bloggsíðu sína, og fjallar um neitun sem hún fékk frá íslensku óperunni um að mæta í fyrirsöng.

Við fengum leyfi Bertu til að birta pistil hennar:

Í október lauk ég mastergráðu í söng frá Ítalíu, með hæstu einkunn. Eftir útskrift fékk ég tilboð frá prófessorum við skólann um áframhaldandi samstarf sem var gott veganesti inn í framtíðina sem klassískt menntuð söngkona. Til að auka enn gleði mína auglýsti Íslenska óperan fyrirsöng, rétt eftir að ég kláraði námið mitt. Ég skipulagði verkefnin mín og ferðir í kringum þennan fyrirsöng; söng í messu eftir Mozart á Ítalíu, sótti masterclass í líkamsbeitingu á sviði, fór í fyrirsöng í New York, en keypti flugmiða beint heim svo ég gæti mætt í fyrirsöng hér heima.

Íslenska óperan hafði hins vegar ekki áhuga á að hlusta á mig. Ég fékk boð um að mæta ekki í þennan fyrirsöng.

Skilaboðin voru þessi:

„Alls bárust 56 umsóknir en því miður verður ekki mögulegt að bjóða þér að koma í fyrirsöng að svo stöddu. Næsti fyrirsöngur verður haldinn í byrjun næsta árs og verður auglýstur þegar nær dregur.“

Þetta er í fyrsta sinn sem ég fæ höfnun af þessu tagi. Alls staðar sem ég hef sótt um hef ég fengið tíma til að syngja eða verið beðin um að senda upptöku. Þess vegna finnst mér skrítið að fá þessa neitun frá Íslensku óperunni. Ég bað skriflega um nánari skýringu á höfnuninni og fékk þá eftirfarandi tölvupóst:

„Sæl Berta Dröfn, þegar val umsókna fer fram er það ekki rökstutt hvorki hjá okkur né öðrum óperuhúsum frekar en þegar um keppnir er að ræða eða t.d. úthlutun listamannalauna.“

Ég er búin að hugsa töluvert um þetta svar og kemst alltaf að þeirri niðurstöðu að það er ekki ásættanlegt. Ekki eingöngu þessi framkoma við mig heldur ef þetta er það sem mætir útskrifuðum söngvurum sem vilja snúa heim að námi loknu. Við fáum ekki einu sinni tækifæri. Ég er alls ekki að segja að þau hefðu þurft að ráða mig, en mér hefði þótt eðlilegt að fá að mæta og syngja. Þetta viðmót segir mér að ungir íslenskir söngvarar eru ekki velkomnir heim.

Annars er bara allt gott að frétta. Ég fékk ekki tækifæri til að mæta í fyrirsöng á vegum Íslensku óperunnar, en ég fékk hlutverk eftir fyrirsönginn í New York. Sumarið verður spennandi þar sem ég mun annars vegar syngja hlutverk í Töfraflautunni eftir Mozart og hins vegar aríu og ensamble á tónleikum í Carnegie Hall.

Ég er ekki viss um að ég hafi áhuga á því að skipuleggja verkefnin mín og ferðalög aftur í kringum fyrirsöng við Íslensku óperuna.

Baráttukveðjur til íslenskra söngvara

 

Steinunn Birna Ragnarsdóttir svaraði Bertu Dröfn með athugasemd neðan við pistil hennar:

Sæl Berta,
Mér er bæði ljúft og skylt að deila því með þér að það reyndist því miður nauðsynlegt að hafna þó nokkrum umsóknum í fyrirsöngnum í janúar af þeim ástæðum eingöngu, að þær voru svo margar að okkur hefði ekki dugað tíminn sem við höfðum til að ljúka þeim öllum. Þetta val felur ekki á nokkurn hátt í sér mat á þinni hæfni eða hæfileikum nema síður sé og það verður auglýstur sérstakur fyrirsöngur hjá Íslensku óperunni fyrir unga söngvara sem eru að kynna sig til leiks áður en langt um líður. Í þetta sinn var ég að reyna að sameina fyrirsöng fyrir Toscu og einnig að gefa söngvurum kost á að koma og minna á sig eða kynna sig og það reyndist of mikið á einum degi því miður. Þar sem ekki lágu fyrir mörg hlutverk að manna nema karlhlutverk í Toscu varð ég að forgangsraða þennan dag útfrá því sem ég taldi mest aðkallandi og ítreka að sú ákvörðun fól ekki í sér neina persónulega höfnun og vona að þú eigir þess kost að syngja fyrir hjá okkur við annað tækifæri. Mér þykir leitt ef þetta hefur valdið misskilningi og kem þessum upplýsingum hér með á framfæri. Ég óska þér innilega til hamingju útskriftina og óska þér góðs gengis í New York í sumar.

k. kv. Steinunn Birna

 

Í spjalli við blaðakonu Bleikt segist Berta vera þakklát fyrir svarið frá Steinunni Birnu.

„En þetta hefði mátt vera skýrara frá upphafi. Eins og kemur fram í greininni minni þá var ég búin að skipuleggja önnur verkefni og ferðir í kringum þennan fyrirsöng, sem ég svo fékk ekki einu sinni að mæta í.“

Hún segist þrátt fyrir allt líta björtum augum á framtíð sína og feril sem söngkona.

„Sem betur fer er mér víða tekið vel, fyrir utan Íslensku óperuna. Ég er á landinu núna og hef fengið ýmis verkefni, sem betur fer. En Íslenska óperan er sterkasti starsfsvettvangurinn fyrir okkur söngvara til að komast í launaða vinnu. Eins og margir aðrir klassískir söngvarar þá þarf ég að leita út fyrir landssteinana til að fá alvöru tækifæri og reynslu.“

Berta ætlar að taka hlutverkinu í New York og mun starfa þar í sumar. Við á Bleikt óskum henni velfarnaðar.

Tíu ára drengur hefur fundið upp snilldar tæki til að koma í veg fyrir að börn deyi í heitum bílum

Síðan 1998 hafa í kringum 712 börn dáið vegna hitaslags í Bandaríkjunum eftir að hafa verið skilin eftir í bifreiðum í miklum hita. Það þarf ekki meira en fimmtán mínútur í funheitum bíl til þess að barn hljóti lífshættulegan nýrna- eða heilaskaða af völdum hitans. Flest börn sem deyja eftir hitaslag í bíl eru undir tveggja ára aldri. Gæludýr geta einnig dáið á sama máta. Í mörgum fylkjum Bandaríkjanna er ólöglegt að skilja börn eftir í bílum. Hér má sjá forvarnarmyndband sem Northview sýsla í Missouri styrkti. Tíu ára drengur frá Texas hefur fundið upp tæki sem vonandi gerir þessi… Lesa meira

Þær kusu dauðann

Frægð og frami færa ekki ætíð lífsfyllingu. Hér er fjallað um nokkrar þekktar leikkonur sem lífið virtist blasa við en þær lifðu óhamingjusömu lífi og fyrirfóru sér. Dauði þeirra rataði í heimspressuna og aðdáendur þeirra syrgðu. Sjálfsmorð, slys eða morð? Við setjum Marilyn Monroe á listann en þó með smá fyrirvara. Hún fannst látin á heimili sínu í Los Angeles í ágústmánuði 1962, 36 ára gömul. Hún hafði tekið inn stóran skammt af töflum. Talið var langlíklegast að hún hefði framið sjálfsmorð. Einhverjir telja þó að stjarnan hafi ekki ætlað að fyrirfara sér heldur tekið í slysni of stóran skammt… Lesa meira

Ferðast til framandi pláneta í nýjum íslenskum tölvuleik

Á mánudaginn gaf íslenski tölvuleikjaframleiðandinn Rosamosi út glænýjan tölvuleik fyrir snjalltæki. Leikurinn heitir Mussila Planets og er sá fjórði í Mussila leikjaseríunni þar sem músíkölsk skrímsli af ýmsum gerðum halda uppi taktinum á samnefndri ævintýraeyju. Markmið leiksins er a leysa þrautir sem gera notendum kleift að þekkja nótur, takt, hljóðfæri og þjálfa tóneyrað í skapandi leik. Lesa meira

Faðir klæðir sig og dóttur sína í búninga og tekur stórskemmtilegar myndir – Aðeins of krúttlegt

Hin níu mánaða gamla Zoe þarf ekki að sannfæra pabba sinn, Sholom Ber Solomon, um að klæðast búningum og leika. Sholom klæðir sig og dóttur sína reglulega í alls konar búninga og tekur stórskemmtilegar myndir sem hafa slegið í gegn á netinu. Hvort sem þau eru klædd sem ballerínur eða Zoe bókstaflega sem fata af kjúkling þá slá þau öll met í krúttleigheitum. „Ég ætla mér að taka myndir með henni eins lengi og hún leyfir mér,“ sagði Sholom við Daily Mail. Sjáðu þessar frábæru myndir hér fyrir neðan. Lesa meira

Börn voru spurð hvernig þau eru öðruvísi – Fallegt myndband

Þetta gæti verið með því krúttlegasta sem þú horfir á í dag, jafnvel í vikunni. Í nýlegri auglýsingu fyrir barnastöð BBC, Cbeebies, var spurt nokkur vinapör hvernig þau eru frábrugðin hvort öðru. Svörin þeirra sýna það svo sannarlega að börn sjá heiminn öðruvísi en fullorðnir. Auglýsingin hefur vakið mikla athygli og hafa yfir 29 milljón manns horft á myndbandið. Lesa meira

Eminem er kominn með dökkt hár og skegg – Hvar er hinn raunverulegi Slim Shady?!

Rapparinn Eminem hefur eiginlega alltaf litið eins út. Hugsaðu um það, hefur Eminem einhvern tíman ekki litið út eins og Eminem? Hinn raunverulegi Slim Shady er þekktur fyrir ljósa stutta hárið sitt og vel rakaða andlit. Hann hefur þó verið með dökkt hár áður en alltaf vel rakaðar mjúkar kinnar, enda auðvelt að gleyma því að hann er kominn á fimmtugsaldur. Í síðustu viku mætti Eminem á frumsýningu The Defiant Ones með dökkt hár og dökkt skegg. Hann lítur að sjálfsögðu stórglæsilega út en það er bara eitthvað svo skrýtið að sjá hann með skegg. Eminem deildi mynd af sér með… Lesa meira

Svona virkar Colorista frá L’Oréal – Myndband

Colorista hárvörulínan frá L’Oréal er loksins komin til landsins.  Colorista er stórglæsileg hárvörulína sem inniheldur allt frá permanent litum yfir í svokallaða washout liti sem skolast út eftir nokkra þvotta ásamt spreyjum og æðislegum pökkum til að gera dásamlegar balayage strípur eða tryllt ombré. Colorista Washout litirnir skolast úr hárinu eftir um það bil eina eða tvær vikur. Það eru 10 æðislegir litir í boði svo því er hægt að leika sér með liti án skuldbindingar. Ásamt Washout litunum kemur einnig í sölu svokallað Fader shampó sem hjálpar hárinu að losna við litinn fyrr sé þess óskað. Hvaða lit hefur… Lesa meira

Hvað er ofþjálfun – rákvöðvarof?

Ofþjálfun er sjúklegt ástand sem hvaða manneskja, sem stundar einhversskonar íþrótt, getur lent í. Hvort sem um er að ræða byrjanda eða afreksmann. Of mikið álag í langan tíma getur leitt til ofþjálfunar. Við ofþjálfun verður til svokallað rákvöðvarof (rhabdomyolysis), en það verður þegar rákóttir vöðvaþræðir beinagrindavöðva brotna niður vegna utanaðkomandi skaða eða þegar orkubirgðir ná ekki að anna eftirspurn í rákvöðvafrumu. Lesa meira

Notalegur thai núðluréttur

Frábær núðluréttur sem er fljótlegur í gerð og mikið elskaður af öllum fjölskyldumeðlimum – sérstaklega þegar ekki gefst mikill tími til eldamennsku. Uppskriftin kemur af uppskriftarvefnum jocooks og vakti þar geysimikla lukku. Vona að þið njótið vel! Lesa meira

Górillan Zola slær í gegn með rosalega danstakta – Ný „Flashdance“ stjarna fædd

Górillan Zola hefur gjörsamlega heillað netverja upp úr skónum og slegið í gegn vegna danshæfileika sinna. Myndband af Zola dansa og snúa sér í hringi í stórum vatnsbala hefur vakið mikla athygli. En það vantaði eitthvað, lagið „Maniac“ úr kvikmyndinni „Flashdance“ sem kom út árið 1983. Útkoman er stórkostleg þegar laginu er bætt við dans Zola. Síðan þá hafa verið sett hin ýmsu lög við þessa glæsilegu danstakta. Hér geturðu horft á upprunalega myndbandið. Lesa meira

Endurgerðu yndislega mynd 24 árum seinna: „Við þurfum fleiri svona myndir svo ungt fólk geti átt jákvæðar fyrirmyndir“

„Er þetta ekki bara eitthvað tímabil?“ er því miður spurning sem LGBTQ einstaklingar og pör fá oft að heyra. Það er ástæðan fyrir því að Nick Cardello og eiginmaður hans Kurt English ákváðu að sýna heiminum ást sína með fallegri og áhrifamikilli mynd. Nick og Kurt hafa verið saman í 25 ár. Í síðustu viku fóru þeir í jafnréttisgöngu í Washington D.C. og endurgerðu mynd sem þeir tóku í sömu göngu árið 1993. Nick og Kurt búa í Tampa, Flórída og hafa verið giftir síðan 2008. Þeir kynntust fyrst í „LGBTQ-vænni“ kirkju 1992. Ástæðan fyrir því að þeir ákváðu að… Lesa meira

Ingibjörg: Að vera „þessi“ mamma

Ég fór í veislu síðustu helgi. Gullfallega skírnarveislu hjá yndislegri vinkonu, sem reyndar breyttist svo í brúðkaup (Til hamingju aftur elsku elsku HJÓN!). Salurinn, veitingarnar, vinkona mín og fjölskyldan hennar – allt óaðfinnanlegt. Svo, ætla ég að mála mynd fyrir ykkur. Þið farið í veislu, þið setjist niður með kaffibollann ykkar og fylgist spennt með því sem er að gerast, reynið að heyra hvert orð sem sagt er, taka þátt í söngnum – vera með. En þið getið það ekki almennilega, því hinum megin í salnum eru lítil sæt krakkagerpi hlaupandi, færandi stóla og með læti algjörlega grunlaus um að… Lesa meira