Birna Kristel: „Ég vaknaði og mig langaði að deyja“ – Seinni hluti

„Lífið mitt var svart og hvítt en núna lifi ég í lit. Ég er full af lífi og tilfinningum. Ég lifi í þakklæti. Ég er hætt að reyna að stjórna lífinu, ég get aðeins stjórnað mér sjálfri. Ég geri mistök og leyfi mér að gera þau og reyni að læra af þeim en ekki rakka mig niður,“

segir Birna Kristel, tvítug kona sem hefur játað sig sigraða af áfengi og fíkniefnum. Hún segir frá erfiðum köflum í lífi sínu og hvernig henni tókst að segja skilið við áfengi og fíkniefni. Í gær birtum við fyrri hluta viðtalsins, sem má lesa hér.

Edrú í þrjá mánuði

Þegar vinur Birnu flutti til útlanda í janúar á síðasta ári neyddist Birna til að flytja aftur til móður sinnar. Hún skráði sig í förðunarskóla og tókst að vera edrú í tvo til þrjá mánuði. Hún lýsir ástæðunni fyrir því á þessa leið:

„Ég vaknaði og meikaði ekki daginn og reyndi að redda mér hjá dópsölum en það tókst ekki. Við reyktum venjulega hjá þvottavél í íbúðinni og stundum datt eitthvað á bak við þvottavélina. Við færðum þvottavélina og þar voru hasskögglar fastir við gólfið og grasmylsna. Við skófum það upp og einnig drulluna innan úr flöskunum sem við reyktum úr og það dugði. Þarna hugsaði ég að það væri eitthvað mikið að mér. Þetta var ógeðslegt. Ég var edrú eftir þetta í tvo þrjá mánuði.“

Byrjaði aftur að dópa

Birnu gekk vel í förðunarskólanum og smám saman fór henni að líða betur. Kennararnir þekktu sögu hennar og sýndu henni mikinn stuðning og skilning og henni fór að líða betur með sjálfa sig. En nokkrum vikum áður en skólanum lauk kynntist Birna strák sem reykti gras og byrjaði sjálf að reykja aftur.

Sagan endurtók sig og hún mætti illa í skólann. Henni tókst þó að útskrifast. Næst lá leiðin að Jökulsárlóni þar sem hún vann við uppvask á hóteli. Þar byrjaði hún aftur að drekka. Eftir að hafa orðið fyrir kynferðislegri áreitni frá kokkinum ákvað hún að segja skilið við Ísland og flutti til vinar síns sem bjó í útlöndum.

Tólf bestu tímar ævi hennar

Birna hafði aldrei prófað e-töflu og var hrædd við það. Hún sat í íbúð vinar síns í útlöndum sem lýsti fyrir henni áhrifum efnisins. Eftir því sem hann lýsti því nánar því meira spennandi hljómaði það. Hún ákvað að prófa hálfa töflu. Eftir tæpan klukkutíma leið henni eins og hún væri að deyja. Þrátt fyrir það tók hún einnig hinn helminginn.

„Þá byrjaði ég öll að skjálfa, kjálkinn var á fullri hreyfingu og fæturnir líka. Ég svitnaði og svitnaði, þetta var mjög skrýtið. Ég fann yfirgnæfandi góða tilfinningu sem ég hafði aldrei fundið fyrir á ævinni.“

Birna segir að næstu tólf tímar sem fylgdu hafi verið bestu tólf tímar ævi hennar, en á mánudeginum hrundi heimurinn.

„Ég vakna og mig langaði að deyja, mér leið svo illa. Ég skalf og ældi öllu og kom engu niður. Vinur minn var í vinnunni og ég vissi ekki hvað ég átti að gera. Ég fór út á svalir og öskraði eftir hjálp á ensku.“

Að lokum hljóp hún í náttfötunum út á götu og stöðvaði 12 ára stelpu og öskraði á hana að hringja á sjúkrabíl. Hún var ekki með síma og benti á líkamsræktarstöð. „Ég hljóp þangað inn, lagðist á gólfið og sagðist hafa tekið e-töflu og væri að deyja.“

Það kom enginn sjúkrabíll en hjúkrunarfræðingur frá sjúkrahúsinu kom á líkamsræktarstöðina og fór með Birnu aftur upp í íbúð. Birna útskýrði fyrir henni hvað hefði gerst, að þetta væri í fyrsta sinn sem hún hefði tekið e-töflu og henni liði eins og hún væri að deyja.

„Konan segir mér að efnin í e-töflum ættu að vera farin úr mér eftir þrjá daga, þetta var á mánudegi og ég hafði tekið inn töfluna laugardagsmorgni.“

Nokkrum dögum seinna hafði ástand Birnu ekkert skánað. Hún var komin í kvíðakast og vildi helst deyja. Hún fór upp á spítala þar sem hún fékk róandi lyf og var send í blóðprufu í sömu vikunni. Þá kom í ljós að í líkama hennar var að finna rottueitur, sýru og fleiri hættuleg efni, en hin ýmsu eiturefni geta fundist í e-töflum.

„Ég hugsaði hvað ég væri eiginlega búin að gera sjálfri mér. Ég er með hjartagalla og of hár blóðþrýstingur getur reynst mér hættulegur,“ segir Birna og gerði sér ljóst að hún yrði að gera eitthvað í sínum málum. Hún hringdi í móður sína.

„Hún bauð mér að annaðhvort koma heim samstundis og fara í meðferð, eða vera áfram í útlöndum. Hún ætlaði ekki leyfa mér að búa heima ef ég færi ekki í meðferð. Ég kaus að fara heim í meðferð.“

Birtir myndir í forvarnarskyni

Á myndinni hér fyrir ofan er Birna með áfengiseitrun eftir að hafa drukkið of mikið. Hún man ekki mikið eftir kvöldinu sökum ölvunar og það eina sem h´n man er að hún drakk viskí beint úr flöskunni. Næsta sem ún man er þegar hún kom til meðvitundar í sjúkrabíl.

„Ég skyrpti á læknana og sagði þeim að fokka sér og hélt fram að mér hefði verið byrlað og ég myndi aldrei drekka svona mikið. Það fannst ekkert í blóðinu, ég hafði bara drukkið svona mikið.“

Fór inn á Vog í viku

25. júní á síðasta ári er sá dagur sem Birna neytti síðast fíkniefna. Hún fór beint á Vog og var þar í sjö daga. Þar sá hún langt leidda fíkla og hugsaði að hún vildi ekki vera í þeirra sporum eftir tíu til tuttugu ár.

Birna fór í 12 spora samtökin eftir meðferðina. Það er fjöldi 12 spora samtaka um landið sem hjálpa fólki að takast á við alkóhólisma. Þrátt fyrir að hún væri hætt neyslu á þessum tíma var hún enn óheiðarleg og í raun var hegðunin þannig að það var eins og hún væri enn að neyta fíkniefna.

Birnu tókst að breyta hegðun sinni og var á réttri leið. Í nokkra mánuði lék lífið við hana en svo fór að halla undan fæti. Á ný fór hún hegða sér líkt og hún væri í neyslu en þó án þess að taka inn efni eða drekka áfengi, þessu fylgdu lygar og hroki.

„Þarna var ég komin á fallbraut. Mamma spurði af hverju ég færi ekki aftur á Vog í meðferð áður en ég félli. Ég hlustaði á hana og komst inn á Vog sex vikum síðar.“

Birna fór aftur á Vog og ákvað að sigrast á sjálfri sér. „Það var sagt við mig að eymd væri val. Ég réði hvernig dagurinn minn yrði. Ég gæti ekki stjórnað öllu sem gerðist í kringum mig, lífinu eins og það legði sig, en ég réði hvernig ég brygðist við. Ef ég ætlaði að bregðast við með vorkunn, reiði og stjórnleysi, þá gengi ekkert.“

Þarna áttaði Birna sig á hvert vandamálið var. „Ég var vandamálið. Ekki Ísland, ekki mennirnir sem áreittu mig, ekki stelpurnar sem lögðu mig í einelti eða strákurinn sem misnotaði mig, heldur ég.“

Komst að kvíðanum á Vogi

Á Vogi var Birna greind með kvíða. Það gerðist eftir mikið kvíðakast og var vel tekið á því á Vogi. Hún fékk lyf, mætti í hóptíma og tók á kvíðanum ásamt sálfræðingi. Eftir fimmtán daga dvöl á Vogi fór hún í eftirmeðferð á Vík á Kjalarnesi.

„Ég fékk alla þá hjálp sem ég þurfti. Hjálp við kvíðanum, hegðunarvandanum, alkóhólismanum og hjálp við að vinna í sjálfsvirðingunni og hegðun minni í kynlífssamböndum. Þetta er krónískur sjúkdómur sem spyr ekki um aldur eða tíma, hann læðist aftan að þér,“ segir Birna. Hún setur sér aðeins markmið fyrir daginn í dag og veltir sér ekki upp úr fortíðinni. „Markmið mitt er að vera edrú í dag. Ég er að leita að innri frið. Ég er bara ég og er að reyna að sættast við sjálfa mig. Ég er á hárréttri leið, vegna Vogs, Víkur og samtakanna.“

„Það besta sem mamma gerði fyrir mig var að henda mér út“

Aðspurð hvort hún hafi einhver ráð til foreldra sem eiga börn og unglinga í sömu stöðu mælir hún með SÁÁ og að foreldrar setja börnunum sínum mörk. „Það besta sem mamma gerði fyrir mig var að henda mér út. Það var sárt en ég sá að mér. Þegar þú leyfir barni að búa heima hjá þér meðan það er í neyslu þá ertu að gefa grænt ljós. Alkóhólistar lofa öllu en svíkja allt. Barnið verður að reka sig á, en það er bara mín skoðun og eflaust margir ósammála mér. Það er ekkert sem heitir líf þegar maður er í neyslu, ekkert. Það er bara fljótari leið til að deyja.“

Mynd/Sigtryggur Ari

Lífið var svart og hvítt en núna í lit

„Lífið mitt var svart og hvítt en núna lifi ég í lit. Ég er full af lífi og tilfinningum. Ég lifi í þakklæti. Ég er hætt að reyna að stjórna lífinu, ég get aðeins stjórnað mér sjálfri. Ég geri mistök og leyfi mér að gera þau og reyni að læra af þeim en ekki rakka mig niður.“

Birna nýtur lífsins og það sem er hversdagslegt hjá mörgum er nýtt fyrir henni, eins og að bursta tennurnar á hverjum degi eða fá tekjur í hverjum mánuði, sem ekki fara í fíkniefni. Í dag veit hún hvað hún vill, bæði frá sér sjálfri og öðru fólki.

„Það er ekki sjálfsagt að lifa. Það deyja allir en það fá ekki allir að lifa. Ég er þakklát á hverjum einasta degi, fyrir lífið mitt í dag og að fá að njóta þess. Ég hugsa ekki um gærdaginn eða morgundaginn, aðeins daginn í dag. Bara það að fá að vakna á morgnana er nýtt upphaf, nýtt líf, nýr endir og ný tækifæri.“

Kynverur og kíló – Hvaða áhrif hefur mikið þyngdartap á kynlífið?

Hvernig er eiginlega fyrir kynveru að missa 40 kíló? Hvað skyldi breytast í kynlífi og upplifun af eigin líkama? Þessum spurningum var velt upp í síðasta þætti Rauða sófans, sem frumsýndur var á föstudagskvöldið á ÍNN. Gestu Röggu í Rauða sófanum var Svanhvít Thea Árnadóttir, en hún fór í magabandsaðgerð fyrir 3 árum og hefur misst 40 kíló! Horfðu á þáttinn í heild sinni hér fyrir neðan: https://vimeo.com/219269976 Lesa meira

Nunna verður fetish-drottning

Í tíu ár lifði Damcho Dyson einföldu lífi sem einkenndist af ástundun hugleiðslu og skírlífi. Hún var nunna og fékk meira að segja einu sinni að hitta Dalai Lama. Þetta breyttist þó heldur betur þegar hún fór í nudd í ferð til Indlands og fann kynhvötina vakna á ný - núna er Damcho ekki lengur nunna, heldur fetish-drottning! Hún yfirgraf tíbetska búddaklaustrið sem hún tilheyrði í Frakklandi, og núna eyðir hún helgum íklædd latex-fatnaði í fetishklúbbum. Damcho, sem er 45 ára, sagði í viðtali við Sunday People: „Ég hafði verið skírlíf áratug, og nunnulífið gerði það að verkum að heili… Lesa meira

Justin Trudeau og Emmanuel Macron fóru í göngutúr og sem betur fer var ljósmyndari á staðnum

Fundarhöld G7 ríkjanna , stærstu iðnvelda heims, standa nú yfir á Sikiley. Þar eru leiðtogar G7 ríkjanna saman komnir og er þetta fyrsti stóri alþjóðlegi fundur Donald Trump Bandaríkjaforseta. En við ætlum ekki að ræða um hann í dag. Kanadíski forsætisráðherrann Justin Trudeau og nýkjörinn forseti Frakklands Emmanuel Macron fóru í göngutúr saman á Sikiley og til allrar hamingju var ljósmyndari á staðnum. Garðurinn, jakkafötin, svipbrigðin... Þó þetta hafi nú ekki verið rómantískur göngutúr, þá lítur þetta vissulega út fyrir að vera það rómantískasta sem við höfum séð lengi. Sjáðu bara myndirnar. Eins og Buzzfeed bendir á þá minnir þetta mann á… Lesa meira

Sumarleg sangría

Ég var á Spáni á dögunum, nánar tiltekið í Sitges sem er dásamleg borg. Þar eru fjarlægðirnar litlar, strandirnar fegurri en allt og maturinn hreint út sagt dásamlegur. Sangría sem er þekktur túristadrykkur á Spáni lítur alltaf svo vel út í sól en ég hef aldrei fengið góða Sangríu, fyrr en nú. Hér er hin fullkomna Sangríu-uppskrift – sem er sumarlegri en allt og smellpassar í góða vinahittinga. Ég lofa ykkar að þessa munu þið elska. Sumarleg Sangría Fyrir sex 1 sítróna 1 límóna 1 appelsína 350 ml spiced romm 100 g sykur 750 ml rauðvín 240 ml appelsínusafi Skerið ávextina… Lesa meira

Scott Disick hefur verið upptekinn síðustu fimm daga – Er Sofia Richie nýja stúlkan í augnablikinu?

Scott Disick hefur verið heldur betur upptekinn síðustu fimm daga, en hann hefur sést eiga notalegar og „rómantískar“ stundir með að minnsta kosti sex konum. Sú fyrsta sem hann sást með í vikunni var nítján ára leikkonan Bella Thorne. Bleikt greindi frá því að þau fóru saman á Cannes kvikmyndahátíðina á miðvikudaginn. Heimildarmaður E! News sagði Scott hafa farið með Bellu til Frakklands einungis til að fara í taugarnar á fyrrverandi kærustu sinni og barnsmóður Kourtney Kardashian en hún var einnig stödd í Cannes. Scott og Bella sáust kela í sólinni og skemmta sér, en næsta dag var komin ný stúlka í arma hans.… Lesa meira

Til hvers er botnlanginn?

Botnlanginn er hol tota sem gengur út frá botnristlinum. Hlutverk hans eða tilgangur í mönnum er mjög á huldu. Til dæmis virðist unnt að fjarlægja hann hvenær sem er á ævinni án þess að það hafi nein sýnileg áhrif. Hins vegar gegnir botnlanginn mikilvægu hlutverki í ýmsum dýrum. Talið er að botnlangi í mönnum sé leifar frá forverum okkar í þróuninni og hann sé smám saman að hverfa með áframhaldandi þróun en slíkt tekur hins vegar langan tíma. Í æsku inniheldur botnlanginn (e. appendix) mikið af eitlavef sem birtist 2 vikum eftir fæðingu og er mest áberandi á unglingsárum. Eftir… Lesa meira

Að meðhöndla vonbrigði betur

Vonbrigði kalla oft fram vanlíðan og vonleysi. Það eru eðlileg viðbrögð. Þetta er ekki besta tilfinning í heimi, en óneitanlega hluti af litrófi lífsins. Við verðum fyrir vonbrigðum þegar væntingar okkar bregðast, óháð því hvort væntingarnar séu háleitar eða einfaldar. Vonbrigði eru nauðsynleg skilaboð sem þarf að taka mark á og fara eftir. Þau geta sagt okkur hvort væntingarnar séu að drífa okkur áfram til góðra verka eða almennt of háleitar og jafnvel úr takti við raunveruleikann. Er verið að hlaupa hugsunarlaust eftir eigin sjálfsþótta í samskiptum við aðra? Þótt við séum ekki að fá það sem við viljum þarf… Lesa meira

Bakað eggaldin

Mæðgurnar, Sólveig og Hildur, halda úti bloggsíðunni maedgurnar.is þar sem þær deila gómsætum uppskriftum með fallegum myndum. Þær deildu nýlega uppskrift að bökuðu eggaldin og fékk Bleikt góðfúslegt leyfi að deila henni með lesendum. Þessa dagana eru til ofsalega falleg og góð eggaldin í búðunum. Við höfum meira að segja rekist á íslensk eggaldin nýlega. Ofnbakað eggaldin finnst okkur virkilega ljúffengt. Okkur finnst gott að nota bakaða eggaldin helminga sem grunn sem við fyllum af því góðgæti sem við eigum til þann daginn. Svona á sama hátt og margir baka pizzu á hverjum laugardegi, en setja ekki alltaf sama álegg í hvert skipti. Klassíski eggaldinrétturinn okkar… Lesa meira

Góð ráð gegn frjókornaofnæmi

Frjókornaofnæmi er eitt algengasta ofnæmið sem kemur fram í nefi og augum. Ástæðan er ofnæmi fyrir grasi, birki eða súrum þ.e. frjókornum frá gróðri. Einkennin koma yfirleitt fram á sama tíma á hverju ári og sumum reynist erfitt að greina milli svokallaðs sumarkvefs og frjóofnæmis. Margir þjást af ítrekuðu kvefi á hverju sumri áður en þeir átta sig á því að um frjókornaofnæmi er að ræða. Reynið því að átta ykkur á því hvort hugsanleg tengsl geti verið á milli einkenna og gróðurs í kringum ykkur. Eitt helsta einkenni frjókornaofnæmis og það sem margir finna fyrst fyrir, er kláði í… Lesa meira

Ristaðar möndlur með hvítu súkkulaði og lakkrísdufti

Ég bragðaði um daginn trylltar möndlur með lakkrísdufti sem ég hreinlega gat ekki lagt frá mér fyrr en þær voru búnar. Mig langaði að kanna hvort ég gæti ekki bara gert svona sjálf og fór að prufa mig áfram. Til að gera langa sögu stutta að þá er þessi uppskrift með möndlum, hvítu súkkulaði og lakkrísdufti alveg frábær. Ristaðar möndlur með súkkulaði og lakkrísdufti 200 g möndlur 200 g hvítt súkkulaði 1/2 msk kakó 1/2 msk lakkrísduft, t.d. frá Johan Bulow Ristið möndlurnar í 180°c heitum ofni í um 10 mínútur. Takið úr ofninum og kælið. Blandið kakó og lakkrísdufti… Lesa meira