Bylgja vill fá Tinnu Alavis til að pródúsera þrítugsafmælið!

Bylgja Babýlons og Snjólaug Lúðvíksdóttir gætu vel verið fyndnustu manneskjur landsins. Þær hafa sem betur fer gert sér grein fyrir því og starfa því við uppistand, okkur almúganum til sannrar ánægju.

Í kvöld ætla þær að stíga á stokk á Rósenberg og fara með gamanmál. Dagskrána kalla þær Fiskur og franskar.

 

Við fengum Bylgju og Snjólaugu til að segja okkur frá því sem þær halda mest upp á. Svo mælum við eindregið með nýja matseðlinum á Rósenberg… já og það er búið að færa sviðið, og búa til æðislegan grænan jurtavegg, og mála og snúa gömlu sumarbústaðapanelstemmningunni á hvolf! Húrra fyrir Óla og hans ný-norræna-komfortfúdgengi í eldhúsinu!

Uppáhalds hjá Bylgju og Snjólaugu:

Uppáhaldsmatur

Bylgja: Kjúklingur, franskar og kokteill og bara eiginlega allt sem hefur ekki lent í fæðu-gjaldþrotinu sem er chili og engifer.

Snjólaug: Bernaise sósa.

Uppáhaldsbíómynd

Bylgja: Metropolis, Dogville, og þarna myndin með Denzel Washington þar sem er einhver svona „demon“ sem er alltaf að syngja „Time is on my siiiiiiideee”.

Snjólaug: Ég horfði á Lobster um daginn og hún er fyndin og frumleg. Mæli með.

Uppáhaldsgrín

Bylgja: Að segja „Það er eitthvað skrýtin lykt hérna” og láta fólk þefa þegar ég er nýbúin að prumpa.

Snjólaug: Parks & Rec.

Uppáhaldsfimmaurabrandari

Bylgja: Hvað er uppáhalds grænmeti þjóðverja? – Michael Schumacher

Snjólaug: Fíll og mús fóru saman sund. í klefanum segir fíllinn: Nei fjandinn ég gleymdi sundskýlunni minni. Þá segir músin: Allt í lagi, ég er með tvær.

Uppáhaldstónlist

Bylgja: Allt með Justin Bieber.

Snjólaug: Ég vildi að ég gæti sagt nafn á hljómsveit sem engin hefur heyrt talað um en „The Shape of You” með Ed Sheeran er uppáhaldslagið mitt um þessar mundir og ég skammast mín ekkert fyrir það.

Uppáhaldsmanneskja

Bylgja: Akkúrat núna er það Tinna Alavis því mig langar án gríns að fá hana til að framleiða þrítugsafmælið mitt í næsta mánuði og það er kannski líklegra að hún geri það pro-bono ef hún er uppáhalds manneskjan mín.

Snjólaug: Idris Elba. Það eina sem stendur í vegi fyrir ást okkar er landafræði.

Uppáhaldsnærbuxur

Bylgja: Svartir boxerar sem ég kaupi 3 í pakka í Hagkaup (þetta er ekki sponsað svar samt).

Snjólaug: Hreinar nærbuxur.

Uppáhaldsborg

Bylgja: Ég hef ekki komið í nógu margar borgir til að svara þessu, en Berlín er minnst uppáhalds, bara svo það sé á hreinu.

Snjólaug: París.

Uppáhaldsbók

Bylgja: Synir duftsins eftir Arnald. Hef lesið hana nokkrum sinnum og er alltaf bara „wow Íslendingi tókst að skrifa scifi. Það er næsari.”

Snjólaug: The Picture of Dorian Gray

 

Uppáhaldsafslöppun

Bylgja: Að borða kjúkling í baði og horfa á þátt á sama tíma.

Snjólaug: Liggja upp í rúmi með tölvuna á maganum.

Uppáhaldsdagur

Bylgja: Sprengidagur. Ég æli stundum en það er svo mikið þess virði.

Snjólaug: Sumardagurinn fyrsti er skemmtilega sorglegur frídagur á Íslandi.

Uppáhaldsdýr

Bylgja: Lamadýr. Því þau eru eins og loðnar gíraffakindur og hrækja oft á fólk. Sem ég öfunda þau af, því það er ekki samfélagslega samþykkt að ég geri það.

Snjólaug: Bylgja Babýlons.

Bjarney vill leiðrétta klukkuna á Íslandi – „Vakna aldrei úthvíld“

Bjarney Bjarnadóttir íþróttafræðingur og kennari skrifaði stöðufærslu á Facebooksíðu sína nýlega sem hún gaf Bleikt góðfúslega leyfi til að birta. Í færslunni ræðir hún klukkuna á Íslandi, lýsir því hvernig henni finnst hún aldrei vakna úthvíld hér þrátt fyrir að hafa farið snemma að sofa og ber reynslu sína saman við þann tíma þegar hún bjó í Bretlandi. Jafnframt bendir hún á rök með því að færa klukkuna. Við gefum Bjarney orðið. Þegar ég bjó í Bretlandi þá upplifði ég það í fyrsta sinn á ævinni held ég að vakna úthvíld á morgnana, eftir að ég flutti aftur heim þá… Lesa meira

Safna fyrir börn Róhingja – Stökkva út í sjó ef markmið næst

Vinkonurnar og Snapchat stjörnurnar Aníta Estíva Harðardóttir, blaðamaður og Tara Brekkan Pétursdóttir, förðunarfræðingur hafa nú ákveðið að leggja söfnun UNICEF fyrir börn Róhingja lið. UNICEF hóf söfnunina og Erna Kristín og Sara Mansour tóku hana yfir og héldu meðal annars styrktartónleika á Húrra, þar sem Karitas Harpa Viðarsdóttir rakaði af sér augabrúnirnar í beinni útsendingu, en hún hafði heitið að gera það næði söfnunarfé 2 milljónum króna. Aníta Estíva og Tara Brekkan ákváðu að leggja söfnuninni lið og skora á sjálfar sig um leið. Ef þær ná að safna 200.000 kr. fyrir lok næstu helgi þá ætla þær að stökkva saman út… Lesa meira

Einstakur Múmínbolli seldur á góðgerðaruppboði

Múmínbollinn með Míu litlu hefur verið hluti af bolla úrvali Arabia síðan árið 2008 þegar bollinn kom út. Hann hefur verið mjög vinsæll meðal safnara og aðdáenda Múmínálfana og verið í framleiðslu í nærri tíu ár. Áður en bollinn kom á markað voru nokkrar útgáfur búnar til í verksmiðju Arabia í Finnlandi.  Og á meðan á hönnun bollans stóð þá voru nokkrir litir prófaðir þar sem lokaútkoman sést ekki fyrr en búið er að hita bollann upp í ákveðið hitastig. „Framleiðsla á hverjum Múmínbolla tekur eitt og hálft til tvö ár. Litatónarnir í keramikinu eru alltaf mismunandi eftir samblandi lita… Lesa meira

Bára Halldórsdóttir spyr: „Er ég byrði og einskis virði?“

Bára Halldórsdóttir er móðir, eiginkona, aktívisti, öryrki. Hún er einnig meðlimur Tabú og formaður Behcets á Íslandi. Í einlægum pistli á tabu.is skrifar Bára um hvernig afstaða og mat annarra gerir það að verkum að henni finnst hún skipta sífellt minna máli í samfélaginu. Við gefum Báru orðið: Það er ýmislegt sem við manneskjurnar notum til að merkja okkur og mæla. Við setjum okkur takmörk og mælum okkur við hina og þessa. Oft erum við að mæla daglega lífið okkar við glansmyndina sem við fáum að sjá hjá öðrum. Ég hef verið í mörgum hlutverkum gegnum tíðina. Byrjaði eins og aðrir í… Lesa meira

Samfélagsmiðlastjarnan Sólrún Diego með útgáfuboð

Sólrún Diego er gríðarlega vinsæl á samfélagsmiðlum fyrir hreingerningarráð hennar. Það lá því næst við að koma ráðunum góðu á bók og hún er orðin að veruleika. Bókin heitir Heima og í henni er fjallað um heimilisþrif og hagnýs húsráð, fallegt uppflettirit fyrir öll heimili. Heima er gefin út af Fullt tungl, fyrirtæki Björns Braga Arnarssonar. Útgáfuboð var í gær á Hverfisbarnum og mætti fjölda góðra gesta, sem naut veitinga og nældi sér í eintök af bókinni góðu. Lesa meira

Húsráð: Þú þarft aldrei að skafa bílrúðurnar aftur

Það er fátt jafn skemmtilegt á íssköldum morgni en að standa úti og hamast við að skafa bílrúðurnar. Ken Weathers, fréttamaður á KATE ABC fréttastöðinni í Knoxville Tennessee lumar þó á góðu húsráði. Þú þarft aldrei að skafa bílrúðurnar aftur. https://www.youtube.com/watch?v=TrcDxVM_gbU Lesa meira

Myndband: Channing Tatum sýnir danshæfileikana í nýju myndbandi Pink

Í gær kom út myndband við lag Pink, Beautiful Trauma, þar sem hún leikur húsmóður frá sjötta áratugnum. Í hlutverki eiginmannsins er Channing Tatum og eru þau hjónin, Ginger og Fred Hart, þreytt og óhamingjusöm. Myndbandið er litríkt og skemmtilegt og sýnir vel danshæfileika bæði Tatum og Pink. https://www.youtube.com/watch?time_continue=283&v=EBt_88nxG4c Lesa meira

Chrissy Teigen tilkynnir óléttuna á skemmtilegan hátt

Fyrirsætan, þáttastjórnandinn og gleðisprengjan Chrissy Teigen á von á sínu öðru barni. Fyrir á hún dótturina Luna, 19 mánaða, með eiginmanninum, söngvaranum John Legend. Og það var verðandi stóra systir sem fékk að tilkynna fylgjendum mömmu sinnar á Instagram um meðgönguna. https://www.instagram.com/p/BbxZhF5l2gn/ Hjónin hafa verið einlæg og opin með baráttuna þeirra við ófrjósemi og vilja til að eignast fleiri börn og því eru þetta sannkallaðar gleðifregnir. Lesa meira

Þraut: Stendur þú þig betur en ljóskan?

Sú mýta hefur lengi loðað við ljóskur að þær séu ekki alveg jafn gáfaðar og konur eru almennt. Fjöldi bóka, kvikmynda, sjónvarpsþátta og brandara eru til um þessa mýtu.  Ljóskurnar hafa samt bara gaman af þessu, því þær vita manna best að háralitur segir ekkert til um gáfnafar. En nú getur þú lesandi góður athugað hvort að þú sért klárari en ljóskan í neðangreindum brandara/prófi sem er eins konar Viltu vinna milljón í ljóskuútgáfunni. - Hve lengi varaði Hundrað ára stríðið? * 116 ár * 99 ár * 100 ár * 150 ár Blondínan segir: Pass. - Frá hvaða landi… Lesa meira

„Stórkostlegasta ævintýri lífs míns“ segir Joe Manganiello um Ísland

Það má vel vera að hann hafi heillað okkur á hvíta tjaldinu með heillandi brosi, magavöðvum og leikhæfileikum, en það var náttúra Íslands sem heillaði leikarann Joe Manganiello í nýlegri ferð hans hingað til lands í byrjun nóvember. „Ég elska náttúruna og það eru fáir staðir í veröldinni sem eru með jafnóspillta náttúru og Ísland. Hann og nokkrir vinir hans héldu hingað til lands og ljóst er af myndum að þeir fóru sannkallaða ævintýraferð um landið. KC Deane, atvinnuskíðamaður og fjallahjólreiðakappi sá um að skipuleggja ferðina og með í för var ljósmyndari DV, Sigtryggur Ari Jóhannsson, sem tók allar myndir… Lesa meira

Fallegar fitnessdrottningar á bikarmóti

Bikarmótið í fitness fór fram síðustu helgi í Háskólabíói. 96 keppendur kepptu á stórglæsilegu móti. Konurnar kepptu í 12 flokkum og sigurvegari mótsins verður að teljast Bára Jónsdóttir, sem var að keppa í fyrsta sinn í módelfitness, en hún fór heim með þrenn verðlaun: hún byrjaði á að sigra byrj­enda­flokk­inn, síðan yfir 168 cm flokkinn og að lokum hún verðlaun sem sigurvegari yfir heildarkeppnina. Glóey Jónsdóttir varð bikarmeistari í módelfitness unglinga og sigurvegari í undir 163 sm flokki. Alda Ósk Hauksdóttir varð sigurvegari í olympíufitness. Bára Jónsdóttir varð sigurvegari í módelfitness yfir 168 sm, Sunneva Torres í öðru sæti og Hafrún Hákonardóttir í… Lesa meira

Kvennaathvarfið hlýtur viðurkenningu Barnaheilla

Kvennaathvarfið hlaut í gær Viðurkenningu Barnaheilla – Save the Children á Íslandi árið 2017 fyrir að beina sjónum sínum í auknum mæli að þörfum og réttindum barna sem í athvarfinu búa hverju sinni. Það gríðarmikilvæga starf sem Kvennaathvarfið hefur frá opnun þess, árið 1982, unnið til verndar konum og börnum sem neyðst hafa til að flýja heimili sín vegna ofbeldis er ómetanlegt. Konur og börn þeirra geta dvalist í athvarfinu þegar dvöl í heimahúsum er þeim óbærileg vegna ofbeldis af hálfu maka eða annarra heimilismanna.     Barnaheill veita árlega viðurkenningu fyrir sérstakt framlag í þágu barna og mannréttinda þeirra í tengslum… Lesa meira