Er þér alltaf kalt? Ástæðan gæti verið þessi

Er oft hrollur í þér eða er þér stundum kalt á höndum og fótum? Öll finnum við fyrir þessu en í mismiklum mæli þó. Fyrir þá sem finna stöðugt fyrir kulda gæti verið kominn tími á að skoða málið betur því ástæðurnar fyrir kuldanum geta verið margvíslegar.

Holly Phillips er læknir sem skrifað hefur fjölda bækur en hún tók saman fyrir Time-tímaritið nokkrar ástæður þess að fólk finnur fyrir stöðugt fyrir kulda. Holly segir að algengara sé að konur finni fyrir kulda þó margir karlar verði einnig fyrir þessum óþægindum.

Þú hreyfir þig ekki nóg

Það liggur vissulega í augum uppi að hreyfing kemur hjartanu og blóðinu af stað og það eru lífeðlisfræðileg viðbrögð líkamans að líkamshiti hækki samhliða hreyfingu. Þvert á það sem sumir kynnu að halda er ekki rétt að hætta við að fara á æfingu eða út að labba ef þú finnur fyrir kulda. Holly vísar í rannsókn sem vísindamenn við University of Georgia framkvæmdu, en í henni var fjöldi fullorðinna einstaklinga rannsakaður sem allir áttu það sameiginlegt að vera oftar en ekki kalt, til dæmis á höndum og fótum. Voru þeir látnir hreyfa sig létt þrisvar í viku í tuttugu mínútur í senn. Að sex vikum liðnum fundu viðföng rannsóknarinnar síður fyrir kulda en áður.

Þú ert of grönn eða grannur

Kuldi getur verið fylgifiskur þess að vera of létt eða léttur. Það er staðreynd að líkamsfita virkar eins og einangrunarefni og viðheldur hitanum inni í líkamanum. Að sama skapi ef þú innbyrðir ekki nógu mikla orku hægir líkaminn á brennslunni sem aftur gerir það að verkum að þér verður kalt. Passaðu þig að borða hollan og næringarríkan mat og innbyrða kolvetni, prótein og fitu.

Þú sefur ekki eins vel og þú heldur

Holly segir að rannsóknir bendi til þess að sífellt fleiri ástundi það sem kallað er ruslsvefn (e. junk sleep). Ruslsvefn er það kallað þegar fólk nær ekki samfelldum svefni í nokkra klukkutíma í senn heldur vaknar oft og iðulega á næturnar. Foreldrar ungra barna þekkja þetta. Svefnleysi eða svefntruflanir geta komið ójafnvægi á líkamann. Holly hvetur fólk til að koma reglu á svefninn og sleppa því að horfa á sjónvarp, símann eða nota spjaldtölvur rétt áður en augun eru lokuð.

Þig skortir járn

Járnskortur getur kallað fram kulda hjá fólki. Holly segir að allt að þriðjungur kvenna glími við járnskort og segir hún að miklar blæðingar geti valdið járnskorti. Besta leiðin til að kanna hvort þú glímir við járnskort er að láta taka blóðprufu.

Þig skortir B-vítamín

Ef þér er alltaf kalt gæti ástæðan verið sú að þig skortir B-vítamín. B-vítamín gegnir meðal annars því mikilvæga hlutverki að auðvelda líkamanum að nýta matinn sem þú borðar í orku sem líkaminn gengur fyrir. Meðal þeirra matvæla sem eru rík af B-vítamínum má nefna brún hrísgrjón, hafra og bygg. Þá er fiskur einnig ríkur af B-vítamínum.

Þú drekkur ekki nóg vatn

Sjaldan er góð vísa of oft kveðin. Það er gríðarlega mikilvægt að drekka vatn, enda er líkaminn að stóru leyti vatn. Að sögn Holly er auðvelt að missa sjónar af því hvort maður hafi drukkið nóg af vökva yfir daginn. Þetta á sérstaklega við þá sem eldri eru. Vökvaskortur getur meðal annars valdið lækkuðum blóðþrýstingi sem þýðir að minna blóð fer út í vöðvana en ella. Þetta getur valdið því að fólk finnur fyrir kulda, fær höfuðverk eða finnur fyrir þreytu. Holly mælir með að fólk drekki vatn á minnst tveggja tíma fresti. Ef þvagið er mjög dökkleitt getur það verið merki um að þú drekkir ekki nóg af vatni.

Þú gætir verið með skjaldkirtilstruflanir

Ef þú ert með hægvirkan skjaldkirtil getur það valdið kulda. Skjaldkirtilinn gefur frá sér hormón sem kallast þýroxín, en það stjórnar meðal annars efnaskiptum líkamans og örvar niðurbrot fitu svo dæmi séu tekin. Ef skjaldkirtillinn þinn framleiðir ekki nóg af þessu skjaldkirtilshormóni getur það valdið kulda og hrolli og öðrum vandamálum. Ef þú telur þig vera með hægvirkan skjaldkirtil er best að fara til læknis til að fá rétta greiningu.

Þú borðar ekki nóg af prótínum

Þeir sem vilja taka sig á í mataræðinu eiga það til að tileinka sér allt-eða-ekkert lífsstílinn. Með öðrum orðum innbyrða til dæmis nánast bara ávexti eða grænmeti. Það er mikilvægt að hafa í huga að fjölbreytt – en næringarríkt – mataræði er lykillinn að góðum árangri. Þeir sem innbyrða ekki nóg af prótínum geta átt á hættu að finna oftar fyrir kulda en ella. Prótín eru góður orkugjafi fyrir líkamann og það tekur líkamann lengri tíma að vinna úr prótínum en til dæmis einföldum kolvetnum. Fiskur, kjöt, ostur, baunir, mjólkurvörur, hnetur og fræ eru góðir prótíngjafar.

Blóðflæðið er lélegt

Ef þér er oft kalt á höndum og fótum gæti skýringin verið sú að blóðflæðið í líkama þínum er ekki eins og best verður á kosið. Reykingar hafa slæm áhrif á æðakerfið sem og slæmt mataræði. Til eru matvæli sem hafa góð áhrif á æðakerfið. Bananar eru stútfullir af góðum næringarefnum og þykja góðir fyrir æðakerfið. Þeir eru trefjaríkir, en trefjar hægja á meltingunni og næringarefnin fara hægar út í líkamann en ella.

Birtist fyrst í DV.

Bjarney vill leiðrétta klukkuna á Íslandi – „Vakna aldrei úthvíld“

Bjarney Bjarnadóttir íþróttafræðingur og kennari skrifaði stöðufærslu á Facebooksíðu sína nýlega sem hún gaf Bleikt góðfúslega leyfi til að birta. Í færslunni ræðir hún klukkuna á Íslandi, lýsir því hvernig henni finnst hún aldrei vakna úthvíld hér þrátt fyrir að hafa farið snemma að sofa og ber reynslu sína saman við þann tíma þegar hún bjó í Bretlandi. Jafnframt bendir hún á rök með því að færa klukkuna. Við gefum Bjarney orðið. Þegar ég bjó í Bretlandi þá upplifði ég það í fyrsta sinn á ævinni held ég að vakna úthvíld á morgnana, eftir að ég flutti aftur heim þá… Lesa meira

Safna fyrir börn Róhingja – Stökkva út í sjó ef markmið næst

Vinkonurnar og Snapchat stjörnurnar Aníta Estíva Harðardóttir, blaðamaður og Tara Brekkan Pétursdóttir, förðunarfræðingur hafa nú ákveðið að leggja söfnun UNICEF fyrir börn Róhingja lið. UNICEF hóf söfnunina og Erna Kristín og Sara Mansour tóku hana yfir og héldu meðal annars styrktartónleika á Húrra, þar sem Karitas Harpa Viðarsdóttir rakaði af sér augabrúnirnar í beinni útsendingu, en hún hafði heitið að gera það næði söfnunarfé 2 milljónum króna. Aníta Estíva og Tara Brekkan ákváðu að leggja söfnuninni lið og skora á sjálfar sig um leið. Ef þær ná að safna 200.000 kr. fyrir lok næstu helgi þá ætla þær að stökkva saman út… Lesa meira

Einstakur Múmínbolli seldur á góðgerðaruppboði

Múmínbollinn með Míu litlu hefur verið hluti af bolla úrvali Arabia síðan árið 2008 þegar bollinn kom út. Hann hefur verið mjög vinsæll meðal safnara og aðdáenda Múmínálfana og verið í framleiðslu í nærri tíu ár. Áður en bollinn kom á markað voru nokkrar útgáfur búnar til í verksmiðju Arabia í Finnlandi.  Og á meðan á hönnun bollans stóð þá voru nokkrir litir prófaðir þar sem lokaútkoman sést ekki fyrr en búið er að hita bollann upp í ákveðið hitastig. „Framleiðsla á hverjum Múmínbolla tekur eitt og hálft til tvö ár. Litatónarnir í keramikinu eru alltaf mismunandi eftir samblandi lita… Lesa meira

Bára Halldórsdóttir spyr: „Er ég byrði og einskis virði?“

Bára Halldórsdóttir er móðir, eiginkona, aktívisti, öryrki. Hún er einnig meðlimur Tabú og formaður Behcets á Íslandi. Í einlægum pistli á tabu.is skrifar Bára um hvernig afstaða og mat annarra gerir það að verkum að henni finnst hún skipta sífellt minna máli í samfélaginu. Við gefum Báru orðið: Það er ýmislegt sem við manneskjurnar notum til að merkja okkur og mæla. Við setjum okkur takmörk og mælum okkur við hina og þessa. Oft erum við að mæla daglega lífið okkar við glansmyndina sem við fáum að sjá hjá öðrum. Ég hef verið í mörgum hlutverkum gegnum tíðina. Byrjaði eins og aðrir í… Lesa meira

Samfélagsmiðlastjarnan Sólrún Diego með útgáfuboð

Sólrún Diego er gríðarlega vinsæl á samfélagsmiðlum fyrir hreingerningarráð hennar. Það lá því næst við að koma ráðunum góðu á bók og hún er orðin að veruleika. Bókin heitir Heima og í henni er fjallað um heimilisþrif og hagnýs húsráð, fallegt uppflettirit fyrir öll heimili. Heima er gefin út af Fullt tungl, fyrirtæki Björns Braga Arnarssonar. Útgáfuboð var í gær á Hverfisbarnum og mætti fjölda góðra gesta, sem naut veitinga og nældi sér í eintök af bókinni góðu. Lesa meira

Húsráð: Þú þarft aldrei að skafa bílrúðurnar aftur

Það er fátt jafn skemmtilegt á íssköldum morgni en að standa úti og hamast við að skafa bílrúðurnar. Ken Weathers, fréttamaður á KATE ABC fréttastöðinni í Knoxville Tennessee lumar þó á góðu húsráði. Þú þarft aldrei að skafa bílrúðurnar aftur. https://www.youtube.com/watch?v=TrcDxVM_gbU Lesa meira

Myndband: Channing Tatum sýnir danshæfileikana í nýju myndbandi Pink

Í gær kom út myndband við lag Pink, Beautiful Trauma, þar sem hún leikur húsmóður frá sjötta áratugnum. Í hlutverki eiginmannsins er Channing Tatum og eru þau hjónin, Ginger og Fred Hart, þreytt og óhamingjusöm. Myndbandið er litríkt og skemmtilegt og sýnir vel danshæfileika bæði Tatum og Pink. https://www.youtube.com/watch?time_continue=283&v=EBt_88nxG4c Lesa meira

Chrissy Teigen tilkynnir óléttuna á skemmtilegan hátt

Fyrirsætan, þáttastjórnandinn og gleðisprengjan Chrissy Teigen á von á sínu öðru barni. Fyrir á hún dótturina Luna, 19 mánaða, með eiginmanninum, söngvaranum John Legend. Og það var verðandi stóra systir sem fékk að tilkynna fylgjendum mömmu sinnar á Instagram um meðgönguna. https://www.instagram.com/p/BbxZhF5l2gn/ Hjónin hafa verið einlæg og opin með baráttuna þeirra við ófrjósemi og vilja til að eignast fleiri börn og því eru þetta sannkallaðar gleðifregnir. Lesa meira

Þraut: Stendur þú þig betur en ljóskan?

Sú mýta hefur lengi loðað við ljóskur að þær séu ekki alveg jafn gáfaðar og konur eru almennt. Fjöldi bóka, kvikmynda, sjónvarpsþátta og brandara eru til um þessa mýtu.  Ljóskurnar hafa samt bara gaman af þessu, því þær vita manna best að háralitur segir ekkert til um gáfnafar. En nú getur þú lesandi góður athugað hvort að þú sért klárari en ljóskan í neðangreindum brandara/prófi sem er eins konar Viltu vinna milljón í ljóskuútgáfunni. - Hve lengi varaði Hundrað ára stríðið? * 116 ár * 99 ár * 100 ár * 150 ár Blondínan segir: Pass. - Frá hvaða landi… Lesa meira

„Stórkostlegasta ævintýri lífs míns“ segir Joe Manganiello um Ísland

Það má vel vera að hann hafi heillað okkur á hvíta tjaldinu með heillandi brosi, magavöðvum og leikhæfileikum, en það var náttúra Íslands sem heillaði leikarann Joe Manganiello í nýlegri ferð hans hingað til lands í byrjun nóvember. „Ég elska náttúruna og það eru fáir staðir í veröldinni sem eru með jafnóspillta náttúru og Ísland. Hann og nokkrir vinir hans héldu hingað til lands og ljóst er af myndum að þeir fóru sannkallaða ævintýraferð um landið. KC Deane, atvinnuskíðamaður og fjallahjólreiðakappi sá um að skipuleggja ferðina og með í för var ljósmyndari DV, Sigtryggur Ari Jóhannsson, sem tók allar myndir… Lesa meira

Fallegar fitnessdrottningar á bikarmóti

Bikarmótið í fitness fór fram síðustu helgi í Háskólabíói. 96 keppendur kepptu á stórglæsilegu móti. Konurnar kepptu í 12 flokkum og sigurvegari mótsins verður að teljast Bára Jónsdóttir, sem var að keppa í fyrsta sinn í módelfitness, en hún fór heim með þrenn verðlaun: hún byrjaði á að sigra byrj­enda­flokk­inn, síðan yfir 168 cm flokkinn og að lokum hún verðlaun sem sigurvegari yfir heildarkeppnina. Glóey Jónsdóttir varð bikarmeistari í módelfitness unglinga og sigurvegari í undir 163 sm flokki. Alda Ósk Hauksdóttir varð sigurvegari í olympíufitness. Bára Jónsdóttir varð sigurvegari í módelfitness yfir 168 sm, Sunneva Torres í öðru sæti og Hafrún Hákonardóttir í… Lesa meira

Kvennaathvarfið hlýtur viðurkenningu Barnaheilla

Kvennaathvarfið hlaut í gær Viðurkenningu Barnaheilla – Save the Children á Íslandi árið 2017 fyrir að beina sjónum sínum í auknum mæli að þörfum og réttindum barna sem í athvarfinu búa hverju sinni. Það gríðarmikilvæga starf sem Kvennaathvarfið hefur frá opnun þess, árið 1982, unnið til verndar konum og börnum sem neyðst hafa til að flýja heimili sín vegna ofbeldis er ómetanlegt. Konur og börn þeirra geta dvalist í athvarfinu þegar dvöl í heimahúsum er þeim óbærileg vegna ofbeldis af hálfu maka eða annarra heimilismanna.     Barnaheill veita árlega viðurkenningu fyrir sérstakt framlag í þágu barna og mannréttinda þeirra í tengslum… Lesa meira