Fjóla fær fullnægingu of fljótt – „Svo er ég alveg búin“

Sæl Ragga

Ég er alltaf að heyra og lesa um karlmenn sem fá það of fljótt og finnst þeir ekki duga nógu lengi í kynlífi. Ég er mikið búin að leita að upplýsingum um konur sem fá það of fljótt en finn ekki neitt.

Hér er kona á hraða!

Ástæðan er að ég þjáist sjálf af þessu óalgenga vandamáli, ég geri ráð fyrir að það sé óalgengt vegna þess að ég finn ekki nokkurn skapaðan hlut um þetta. Það eina sem ég hef heyrt um er að konur fái raðfullnægingar og geti fengið fullnægingu aftur og aftur og þess vegna sé allt í lagi að konur fái það snemma. En ég er ekki svona, ég fæ eina fullnægingu allt of snemma og svo er ég alveg búin.

Ég er gift og kynlífið er þokkalegt, ég á reyndar sjaldan frumkvæðið og það finnst manninum mínum miður. Þegar við byrjum að kela og snertast verð ég æst mjög hratt og oft fæ ég fullnæginguna áður en hann er kominn úr nærbuxunum. Eftir á verð ég mjög þreytt og uppgefin og líka mjög leið. Kannski er þessi leiði ástæðan fyrir því hversu sjaldan ég á frumkvæði að kynlífi.

Auðvitað er ég þakklát fyrir að geta fengið fullnægingu því ég veit að það eru mjög margar konur sem hafa aldrei fengið fullnægingu, en þetta plagar mig samt mjög mikið. Viltu hjálpa mér kæra Ragga?

Bestu kveðjur,

Fjóla

 

Kæra Fjóla

Ég held að þú hafir úr heilmiklu að moða. Þú ert greinilega mjög næm og kynferðislega lifandi kona og ég er sannfærð um að þú eigir eftir að geta snúið þessu algjörlega í þinn hag. Það væri til dæmis afskaplega skemmtilegt fyrir þig að læra að fá fleiri en eina fullnægingu – já það er hægt! Þennan hæfileika er hægt að þjálfa upp og það verður mun skemmtilegra fyrir þig en að leggjast á hliðina, leið og lúin.

Fullnæging þarf alls ekki að vera endapunkturinn á kynlífinu, það er kannski fyrsta mýtan sem gott væri að losna við úr hausnum. Það er vel hægt að halda áfram að njóta og njótast þrátt fyrir að annar aðilinn hafi fengið fullnægingu og þá gildir einu hvort fleiri fullnægingar fylgja á eftir eða ekki. Karlmenn sem fá það snemma segjast gjarnan vera algjörlega orkulausir eftir fullnæginguna, svipað og þú lýsir, en orkuna má endurheimta með breyttu hugarfari. Hjá karlmönnum má útskýra fyrirbærið með auknu flæði hormónsins prólaktíns strax eftir fullnægingu sem hreinlega svæfir þá í dálitla stund á eftir og gerir það að verkum að bíða verður í dálítinn tíma eftir að önnur umferð geti hafist.

Reyndu að hugsa um fullnæginguna sem hluta af nautninni en ekki hið eiginlega og eina takmark. Prófaðu að halda áfram og kela í rólegheitum þó svo að þú fáir fullnægingu snemma. Leiðbeindu manninum þínum svo að hann snerti þig eins og þér finnst gott á þessu stigi. Sjáðu hvert þetta leiðir og vertu opin fyrir því að nýir hlutir gerist… jafnvel að þú fáir aðra fullnægingu. Fyrsta stigið er að brjóta upp mynstrið sem þú virðist dálítið föst í. Spjallaðu líka við karlinn þinn og biddu um samstarf.

Ég vona svo sannarlega að þetta gangi vel hjá þér!

Kær kveðja,

Ragga


Birtist upphaflega í bókinni Kynlíf já, takk

Hvað er raunveruleg vinátta?

Hvað er vinátta? Þetta er spurning sem ég hef velt óþarflega mikið fyrir mér undanfarna mánuði. Einhverra hluta vegna hélt ég alltaf fast í þá hugsun að góður vinur væri sá sem væri búin að vera í kringum þig hvað lengst og þekkti þig því vel. En ég hef komist að því að vinátta er eitthvað allt annað. Að finna sér góða vini sem meta vináttu þína og þú þeirra er mjög dýrmætt. Það virðist flestum vera lítið mál að eignast vini og kunningja, eyða með þeim hellings tíma en átta sig svo á því að í raun voru þetta… Lesa meira

Tanja Ósk var lögð í hrottalegt einelti: „Ég var heltekin af ótta“

Ímyndið ykkur að sex ára gömul dóttir ykkar sé að byrja sinn fyrsta skóladag. Hún er spennt, hlakkar til að eignast vini og verða fullorðin. Eftir skóla kemur hún heim sorgmædd vegna þess að stelpurnar í bekknum leyfðu henni ekki að leika sér með þeim af því að hún var of ljót. Þessi sex ára stelpa var ég. Svona hefst samtal Tönju Ósk Brynjarsdóttur við blaðamann Bleikt. Var sagt að þetta myndi líða hjá Tanja greinir frá því að þetta hafi eingöngu verið upphafið af því einelti og ofbeldi sem hún hefur þurft að sæta í gegnum tíðina. Mér var… Lesa meira

Bjargey um hamingju: „Ég hef upplifað mikinn sársauka og vildi ekki dvelja þar. Ég vildi frelsi“

Hvers vegna finnst sumum allt vera erfitt og leiðinlegt á meðan öðrum finnst lífið almennt skemmtilegt og sjá það jákvæða í stað þess neikvæða. Hvað aðskilur þessa tvo einstaklinga? Með þessum orðum hefur Bjargey Ingólfsdóttir nýjustu færslu sína á Bjargeyogco. Af hverju ertu alltaf svona ógeðslega happý? Um daginn fékk ég þessa spurningu frá fylgjanda í gegnum Snapchat og fékk hún mig til þess að hugsa. Til þess að svara henni þá er ég í fyrsta lagi ekkert alltaf ógeðslega happý. Ég hef farið í gegnum dimma dali og upplifað mikinn sársauka. Sársauka í hjartanu og verki í líkamanum. Ég vildi ekki dvelja þar, því það… Lesa meira

Guðlaug hefur misst fóstur tvisvar sinnum: „Ég fór á klósettið og fann það detta niður, ég var bara ekki tilbúin til þess að sturta“

Guðlaug Sif Hafsteinsdóttir hefur tvisvar sinnum misst fóstur og tók sú lífsreynsla mikið á hana. Segir hún það algengt að fólk tali um það að missa fóstur sé ekkert mál. Fóstrið skolist einfaldlega út og konan eigi í kjölfarið að halda áfram með líf sitt líkt og ekkert hafi í skorist. Ég hef misst fóstur í tvö skipti, þessi tvö skipti voru mjög ólík og ætla ég að segja aðeins frá þeim, segir Guðlaug í einlægri færslu sinni á Amare. Þetta er ekki auðvelt, þetta er þvílíkur missir þrátt fyrir að hafa gengið stutt á leið. Þetta er barnið mitt, litla… Lesa meira

Amanda og Birgir eru vegan og alæta í sambúð: „Engin ein rétt leið í samböndum“

Vegan og alæta í sambúð, hvernig virkar það? Þetta er spurning sem ég fæ að heyra reglulega og eru eflaust enn fleiri sem velta henni fyrir sér án þess að spyrja. Einnig fæ ég stundum fyrirspurnir frá einstaklingum sem vilja gerast grænmetisætur eða vegan en telja að makinn færi ekki sömu leið. Eins og með öll önnur sambönd eru þau misjöfn eins og þau eru mörg og því er engin ein rétt leið. Ég og Birgir erum búin að vera saman í rúm 3 ár og höfum þar af búið saman í um það bil 2,5 ár. Þegar við byrjuðum… Lesa meira

Aldís rakst á gífurlegan verðmun á barnadóti milli verslana: „Þetta hlýtur að vera eitthvað djók!“

Aldís Björk Óskarsdóttir var stödd í barnaversluninni Ólavía og Oliver á dögunum þegar hún rakst fyrir tilviljun á barnadót sem kostaði tæplega átta þúsund krónur. Það sem kom Aldísi svo mikið á óvart var að einungis nokkrum vikum áður hafði hún keypt sömu vöruna á 2500 krónur í Hagkaup. Ég rakst bara á þetta fyrir algjöra tilviljun, ég var að skoða göngugrind fyrir litlu stelpuna mína í Ólavíu og Oliver og ég hugsaði með mér að þetta hlyti að vera eitthvað djók! segir Aldís í viðtali við Bleikt.is Aldís ákvað í kjölfarið að gera sér ferð í Hagkaup til þess að athuga hvort… Lesa meira

13 bráðfyndnar gamanmyndir á Netflix

Það bíða líklega langflestir Íslendingar eftir því að sólin hækki á lofti og vetur konungur láti sig hverfa af landi brott, enda hefur veturinn verið sérstaklega þungur undanfarnar vikur. Það er þó eitt hægt að gera til þess að stytta biðina og það er að koma sér vel fyrir í sófanum með eitthvað gott að narta í og kveikja sér á skemmtilegri gamanmynd. Bleikt tók saman lista af skemmtilegum gamanmyndum sem allar eru í sýningu á Netflix: Hot Fuzz Nick Angel er ekta „ofurlögga“ sem er svo góður í starfi sínu að hann hefur verið sendur af yfirmönnum sínum í lítið, hljóðlátt þorp þar sem að… Lesa meira

Breytir myndum af börnunum sínum í ævintýri

Fjögurra barna faðir vildi taka skemmtilegar og öðruvísi myndir af börnunum sínum og fór því að leika sér að því að breyta umhverfinu með myndvinnsluforriti. John Wilhelm býr í Sviss með konu sinni og fjórum börnum. Faðir Wilhelms var mikill áhugaljósmyndari en sjálfum þótti honum ljósmyndun ekkert sérstök þegar hann var yngri. Það var svo ekki fyrr en Wilhelm fór á námskeið í myndvinnsluforritun og þrívíddarhönnun sem áhuginn kveiknaði fyrir alvöru. Bored Panda greinir frá því að Wilhelm hafi ákveðið að taka myndir af börnunum sínum og vinna þær öðruvísi heldur en venjulega. Útkoman er virkilega skemmtileg og auðvelt er… Lesa meira

Íris tók ákvörðun um að vera einstæð: „Þarna stóð ég, ein, ólétt og með bullandi höfnunartilfinningu“

Mig langar til þess að koma fram og tala um málefni sem kannski margir kannast við. Málefnið er sú ákvörðun sem ég þurfti að taka. Hvort ég vildi halda fóstrinu vitandi það að ég myndi verða einstæð og þurfa að ganga í gegnum allt saman ein. Ég var stödd í London þar sem ég bjó þegar ég fékk þann skell í andlitið að þurfa að ákveða framtíð mína á nokkrum dögum. Það var svo langt frá því að vera auðvelt eins og þær vita sem hafa verið í þeim sporum að þurfa að ákveða hvað gera skal. Það þarf að taka þá ákvörðun, þá í… Lesa meira

Dagforeldrar vöxuðu augabrúnir tveggja barna án vitneskju foreldra

Tvær mæður komust að því að dagforeldrar barnanna þeirra höfðu tekið sig til og vaxað augabrúnir þeirra á meðan á daggæslu stóð án þeirrar vitneskju og samþykkis. Ég skoðaði andlitið á barninu og sá að það vantaði hluta af augabrúnunum hennar en hún fæddist með samvaxnar augabrýr, segir Alyssa Salgado, móðir Lilayah. https://youtu.be/dXhiESAmTGk Popsugar greinir frá því að sonur Glendu Maria Cruz hafi einnig verið í sömu daggæslu og að augabrúnir hans hafi líka verið vaxaðar sama dag og dóttir Alyssu. Báðar mæðurnar hættu að mæta með börnin í daggæsluna og verið er að rannsaka atvikin. Lesa meira

Systurnar Emilía og Halldóra hissa eftir gjafasendingu: „Hver á þessar nærbuxur?“

Emilía Guðrún Valgarðsdóttir sendi systur sinni Halldóru, sem býr í Norfolk í Virginiu,  pakka með gjöfum og sælgæti á dögunum. Sendingin komst fljótt og örugglega til skila en þær systur urðu þó virkilega hissa þegar bæst hafði við gjafirnar í kassanum. Halldóra systir sendir mér skilaboð til þess að þakka fyrir gjafirnar en spyr mig í leiðinni hver eigi þessar nærbuxur, segir Emilía Guðrún mjög hissa. Hvorki ég né Matti eigum þessar nærbuxur og eftir smá samtal komumst við að því að ekki var bara búið að bæta við nærbuxum heldur líka einhverju nammi og oststykki sem ég kannaðist ekki… Lesa meira

Klárar Íslenskar konur sem eru á lausu

Stefnumótamenning á Íslandi hefur aldeilis breyst á síðustu árum með tilkomu samfélagsmiðla og smáforrita. Hér áður fyrr bauð fólk þeim sem þau höfðu áhuga á, á stefnumót og kynntist fólk almennilega þar. Nú þarf ekki nema eina stroku til hægri til þess að lýsa áhuga og þá getur fólk farið að spjalla saman samstundis og komist að því hvort þau eigi samleið eða ekki. Bleikt.is tók saman lista af efnilegum og klárum konum sem eru á lausu: Manúela Ósk Manúelu ættu flestir að þekkja. Sigraði hún keppnina ungfrú Reykjavík og ungfrú Ísland árið 2002 og hefur síðan þá verið mikið í sviðsljósinu. Þórunn Antonía Þórunn… Lesa meira