„Fyrir nokkrum árum gekk ég í gegnum endalausar sjálfsvígshugleiðingar“ – 13 Reasons Why varð kveikja að frásögn

Undanfarnar vikur hafa verið miklar umræður um þáttaröðina 13 Reasons Why. Fyrir ykkur sem ekki hafið séð þættina eða lesið bókina fjalla þeir um unglingsstúlku að nafni Hannah Baker sem fremur sjálfsvíg en skilur eftir sig upptökur á spólu. Í þeim upptökum gefur hún þrettán ástæður fyrir sjalfsvígi sínu, tengdar þrettán aðilum sem áttu þar í hlut.

Hannah Baker úr þáttunum 13 Reasons Why

Drengur að nafni Clay er meðal þeirra sem fær upptökurnar og gerast þættirnir í kringum hann. Þættirnir sýna mismunandi hliðar mismunandi aðila í sömu aðstæðum. Þeir sýna hvað „litlir hlutir” geta þýtt mikið fyrir suma. Ég er samt alls ekki að segja að það sem Hannah gekk í gegnum sé lítið! Alls ekki, en margir sjá það sem svo og þess vegna skrifa ég þessa grein í dag.


„Fyrir nokkrum árum gekk ég í gegnum endalausar sjálfsvígshugleiðingar. Ég var með lítið sem ekkert sjálfstraust, átti mjög fáa vini, fannst ég hafa enga hæfileika, fannst ég tilgangslaus, fannst ég ljót – fann mér fáar ástæður fyrir eigin tilveru.

Ég var búin að ákveða hvernig ég ætlaði að drepa mig. Ég var búin að skrifa sjálfsvígsmiðann. Ég bara gat ekki horft í augun á mömmu minni, ömmu minni, pabba mínum, vitandi að á morgun fengju þau versta símtal sem þau myndu nokkurn tíma fá. Ég bara gat það ekki. Og hérna er ég í dag.

Sjáið til, ég ætlaði að taka það skýrt fram í sjálfsvígsmiðanum að það var ein manneskja sem átti risastóran hlut í ákvörðun minni. Ég var meira en tilbúin til að eyðileggja líf hennar þar sem hún eyðilagði mitt. Hún gerði mér samt ekkert sérstakt. Það voru þessir endalausu „litlu” hlutir; bjóða mér ekki í afmælið sitt, segjast vera upptekin þegar ég spurði eftir henni (sá hana svo úti á skólalóð með krökkunum), vera vinkona mín einn daginn og líta svo ekki við mér þann næsta, taka þessar fáu vinkonur sem ég átti af mér, og svo endalaust fleira. Ég, með mitt litla sjálfstraust, sá nógu margar ástæður til að dvelja ekki hérna lengur.

Ég hef ekki deilt þessu með mörgum, ég kýs líka ekki að gera það því ég reyni að dvelja eins lítið í fortíðinni og ég get, þó það reynist fremur erfitt. En, að ganga um ganga skólans, að skrolla í gegnum internetið, að sitja fyrir aftan fólk í strætó, og hlusta á fólk endalaust vera að tala um þessa þætti og hvað Hannah var „dramatísk” virkilega kveikir í mér!

Fólk hefur búið til svokölluð memes á netinu til að gera grín að því hvað Hannah var dramatísk, hvernig hún kenndi öðrum um sjálfsvíg sitt, hvað hún vildi mikla athygli. Ég segi bara nei!

Gerið það, elsku fólk, reynið að setja ykkur í spor annarra. Að mínu mati er boðskapur þáttanna að sýna hvað hlutir geta haft mismikil áhrif á fólk, ekki túlka það sem svo að ein stúlka sé dramatísk, nei, reyndur frekar að sjá hvernig hlutirnir hafa önnur áhrif á hana.


Ég gat ekki klárað þættina, ég var farin að gráta mig í svefn yfir þeim því ég tengdi svo mikið við Hönnuh og gat ekki hætta að hugsa um það sem gæti hafa orðið. Ég fór að finna til mun dýpri haturs gagnvart gamla skólanum mínum og þessari einu manneskju sem hafði verstu áhrifin á mig. Á meðan hlusta ég á ykkur gera grín að þáttunum því þið hafið ekki gengið í gegnum þetta og teljið þetta vera óraunverulegt.

Nei, elskurnar mínar.

  • Bekkjarsystirin sem situr hlæjandi hjá vinahópnum sínum dreymdi um að fremja sjálfsvíg til að koma sér úr prísund lífsins.
  • Strákurinn sem hélt partýið á föstudaginn er að ganga í gegnum sjálfsvígshugleiðingat því honum var nauðgað fyrir nokkrum mánuðum.
  • Frænka þín er að ganga í gegnum þetta því hún er með djúpt þunglyndi.

Þetta er svo nálægt okkur. Við vitum það bara ekki fyrr en það er orðið alltof, alltof seint.

Það sem Hannah gekk í gegnum var ekki lítið, hún var ekki dramatísk, hún var ekki bara að kenna öðrum um, hún var ekki athyglissjúk. Hún var ekki vond! Hún átti erfitt og fann ekki festu í lífinu, eins og svo margir í kringum þig…
Ég vona að þessi grein hafi aðeins víkkað sjónarhorn þitt. Ég vona að þessi grein hafi sýnt þér að þú ert ekki ein/n að ganga í gegnum þetta og að einhver skilji þig.

Ég vona að þú passir hvað þú segir og gerir


Höfundur greinar óskar nafnleyndar

Hvað er raunveruleg vinátta?

Hvað er vinátta? Þetta er spurning sem ég hef velt óþarflega mikið fyrir mér undanfarna mánuði. Einhverra hluta vegna hélt ég alltaf fast í þá hugsun að góður vinur væri sá sem væri búin að vera í kringum þig hvað lengst og þekkti þig því vel. En ég hef komist að því að vinátta er eitthvað allt annað. Að finna sér góða vini sem meta vináttu þína og þú þeirra er mjög dýrmætt. Það virðist flestum vera lítið mál að eignast vini og kunningja, eyða með þeim hellings tíma en átta sig svo á því að í raun voru þetta… Lesa meira

Tanja Ósk var lögð í hrottalegt einelti: „Ég var heltekin af ótta“

Ímyndið ykkur að sex ára gömul dóttir ykkar sé að byrja sinn fyrsta skóladag. Hún er spennt, hlakkar til að eignast vini og verða fullorðin. Eftir skóla kemur hún heim sorgmædd vegna þess að stelpurnar í bekknum leyfðu henni ekki að leika sér með þeim af því að hún var of ljót. Þessi sex ára stelpa var ég. Svona hefst samtal Tönju Ósk Brynjarsdóttur við blaðamann Bleikt. Var sagt að þetta myndi líða hjá Tanja greinir frá því að þetta hafi eingöngu verið upphafið af því einelti og ofbeldi sem hún hefur þurft að sæta í gegnum tíðina. Mér var… Lesa meira

Bjargey um hamingju: „Ég hef upplifað mikinn sársauka og vildi ekki dvelja þar. Ég vildi frelsi“

Hvers vegna finnst sumum allt vera erfitt og leiðinlegt á meðan öðrum finnst lífið almennt skemmtilegt og sjá það jákvæða í stað þess neikvæða. Hvað aðskilur þessa tvo einstaklinga? Með þessum orðum hefur Bjargey Ingólfsdóttir nýjustu færslu sína á Bjargeyogco. Af hverju ertu alltaf svona ógeðslega happý? Um daginn fékk ég þessa spurningu frá fylgjanda í gegnum Snapchat og fékk hún mig til þess að hugsa. Til þess að svara henni þá er ég í fyrsta lagi ekkert alltaf ógeðslega happý. Ég hef farið í gegnum dimma dali og upplifað mikinn sársauka. Sársauka í hjartanu og verki í líkamanum. Ég vildi ekki dvelja þar, því það… Lesa meira

Guðlaug hefur misst fóstur tvisvar sinnum: „Ég fór á klósettið og fann það detta niður, ég var bara ekki tilbúin til þess að sturta“

Guðlaug Sif Hafsteinsdóttir hefur tvisvar sinnum misst fóstur og tók sú lífsreynsla mikið á hana. Segir hún það algengt að fólk tali um það að missa fóstur sé ekkert mál. Fóstrið skolist einfaldlega út og konan eigi í kjölfarið að halda áfram með líf sitt líkt og ekkert hafi í skorist. Ég hef misst fóstur í tvö skipti, þessi tvö skipti voru mjög ólík og ætla ég að segja aðeins frá þeim, segir Guðlaug í einlægri færslu sinni á Amare. Þetta er ekki auðvelt, þetta er þvílíkur missir þrátt fyrir að hafa gengið stutt á leið. Þetta er barnið mitt, litla… Lesa meira

Amanda og Birgir eru vegan og alæta í sambúð: „Engin ein rétt leið í samböndum“

Vegan og alæta í sambúð, hvernig virkar það? Þetta er spurning sem ég fæ að heyra reglulega og eru eflaust enn fleiri sem velta henni fyrir sér án þess að spyrja. Einnig fæ ég stundum fyrirspurnir frá einstaklingum sem vilja gerast grænmetisætur eða vegan en telja að makinn færi ekki sömu leið. Eins og með öll önnur sambönd eru þau misjöfn eins og þau eru mörg og því er engin ein rétt leið. Ég og Birgir erum búin að vera saman í rúm 3 ár og höfum þar af búið saman í um það bil 2,5 ár. Þegar við byrjuðum… Lesa meira

Aldís rakst á gífurlegan verðmun á barnadóti milli verslana: „Þetta hlýtur að vera eitthvað djók!“

Aldís Björk Óskarsdóttir var stödd í barnaversluninni Ólavía og Oliver á dögunum þegar hún rakst fyrir tilviljun á barnadót sem kostaði tæplega átta þúsund krónur. Það sem kom Aldísi svo mikið á óvart var að einungis nokkrum vikum áður hafði hún keypt sömu vöruna á 2500 krónur í Hagkaup. Ég rakst bara á þetta fyrir algjöra tilviljun, ég var að skoða göngugrind fyrir litlu stelpuna mína í Ólavíu og Oliver og ég hugsaði með mér að þetta hlyti að vera eitthvað djók! segir Aldís í viðtali við Bleikt.is Aldís ákvað í kjölfarið að gera sér ferð í Hagkaup til þess að athuga hvort… Lesa meira

13 bráðfyndnar gamanmyndir á Netflix

Það bíða líklega langflestir Íslendingar eftir því að sólin hækki á lofti og vetur konungur láti sig hverfa af landi brott, enda hefur veturinn verið sérstaklega þungur undanfarnar vikur. Það er þó eitt hægt að gera til þess að stytta biðina og það er að koma sér vel fyrir í sófanum með eitthvað gott að narta í og kveikja sér á skemmtilegri gamanmynd. Bleikt tók saman lista af skemmtilegum gamanmyndum sem allar eru í sýningu á Netflix: Hot Fuzz Nick Angel er ekta „ofurlögga“ sem er svo góður í starfi sínu að hann hefur verið sendur af yfirmönnum sínum í lítið, hljóðlátt þorp þar sem að… Lesa meira

Breytir myndum af börnunum sínum í ævintýri

Fjögurra barna faðir vildi taka skemmtilegar og öðruvísi myndir af börnunum sínum og fór því að leika sér að því að breyta umhverfinu með myndvinnsluforriti. John Wilhelm býr í Sviss með konu sinni og fjórum börnum. Faðir Wilhelms var mikill áhugaljósmyndari en sjálfum þótti honum ljósmyndun ekkert sérstök þegar hann var yngri. Það var svo ekki fyrr en Wilhelm fór á námskeið í myndvinnsluforritun og þrívíddarhönnun sem áhuginn kveiknaði fyrir alvöru. Bored Panda greinir frá því að Wilhelm hafi ákveðið að taka myndir af börnunum sínum og vinna þær öðruvísi heldur en venjulega. Útkoman er virkilega skemmtileg og auðvelt er… Lesa meira

Íris tók ákvörðun um að vera einstæð: „Þarna stóð ég, ein, ólétt og með bullandi höfnunartilfinningu“

Mig langar til þess að koma fram og tala um málefni sem kannski margir kannast við. Málefnið er sú ákvörðun sem ég þurfti að taka. Hvort ég vildi halda fóstrinu vitandi það að ég myndi verða einstæð og þurfa að ganga í gegnum allt saman ein. Ég var stödd í London þar sem ég bjó þegar ég fékk þann skell í andlitið að þurfa að ákveða framtíð mína á nokkrum dögum. Það var svo langt frá því að vera auðvelt eins og þær vita sem hafa verið í þeim sporum að þurfa að ákveða hvað gera skal. Það þarf að taka þá ákvörðun, þá í… Lesa meira

Dagforeldrar vöxuðu augabrúnir tveggja barna án vitneskju foreldra

Tvær mæður komust að því að dagforeldrar barnanna þeirra höfðu tekið sig til og vaxað augabrúnir þeirra á meðan á daggæslu stóð án þeirrar vitneskju og samþykkis. Ég skoðaði andlitið á barninu og sá að það vantaði hluta af augabrúnunum hennar en hún fæddist með samvaxnar augabrýr, segir Alyssa Salgado, móðir Lilayah. https://youtu.be/dXhiESAmTGk Popsugar greinir frá því að sonur Glendu Maria Cruz hafi einnig verið í sömu daggæslu og að augabrúnir hans hafi líka verið vaxaðar sama dag og dóttir Alyssu. Báðar mæðurnar hættu að mæta með börnin í daggæsluna og verið er að rannsaka atvikin. Lesa meira

Systurnar Emilía og Halldóra hissa eftir gjafasendingu: „Hver á þessar nærbuxur?“

Emilía Guðrún Valgarðsdóttir sendi systur sinni Halldóru, sem býr í Norfolk í Virginiu,  pakka með gjöfum og sælgæti á dögunum. Sendingin komst fljótt og örugglega til skila en þær systur urðu þó virkilega hissa þegar bæst hafði við gjafirnar í kassanum. Halldóra systir sendir mér skilaboð til þess að þakka fyrir gjafirnar en spyr mig í leiðinni hver eigi þessar nærbuxur, segir Emilía Guðrún mjög hissa. Hvorki ég né Matti eigum þessar nærbuxur og eftir smá samtal komumst við að því að ekki var bara búið að bæta við nærbuxum heldur líka einhverju nammi og oststykki sem ég kannaðist ekki… Lesa meira

Klárar Íslenskar konur sem eru á lausu

Stefnumótamenning á Íslandi hefur aldeilis breyst á síðustu árum með tilkomu samfélagsmiðla og smáforrita. Hér áður fyrr bauð fólk þeim sem þau höfðu áhuga á, á stefnumót og kynntist fólk almennilega þar. Nú þarf ekki nema eina stroku til hægri til þess að lýsa áhuga og þá getur fólk farið að spjalla saman samstundis og komist að því hvort þau eigi samleið eða ekki. Bleikt.is tók saman lista af efnilegum og klárum konum sem eru á lausu: Manúela Ósk Manúelu ættu flestir að þekkja. Sigraði hún keppnina ungfrú Reykjavík og ungfrú Ísland árið 2002 og hefur síðan þá verið mikið í sviðsljósinu. Þórunn Antonía Þórunn… Lesa meira