Gerður hjá Blush.is ræðir um kynlífstæki, erfið sambandsslit og ástarlífið: „Við getum allavegana sagt að ég sé ekki að leitast eftir því að kynnast neinum“

Gerður Huld Arinbjarnardóttir, betur þekkt sem Gerður í Blush stofnaði sitt fyrsta fyrirtæki þegar hún var einungis tuttugu og eins árs gömul. Gerður réðst ekki á garðinn þar sem hann er lægstur enda hefur hún alltaf verið ævintýragjörn og dreymin, en þegar kom að vali á fyrirtækjarekstri ákvað hún að stofna kynlífstækjaverslun.

Blush.is, kynlífstækjaverslun Gerðar, er nú orðin sjö ára gömul og á þeim stutta tíma sem liðið hefur síðan fyrirtækið varð til hefur mikið breyst hvað varðandi viðhorf Íslendinga til kynlífs. Umræðan hefur aldrei verið opnari og ekki er lengur feimnismál að ganga inn í kynlífstækjaverslun og kaupa tæki.

Margt hefur gengið á í lífi Gerðar síðan hún hóf rekstur sinn á fyrirtækinu og kom hún á fund blaðakonu á kaffihúsi í Kringlunni til þess að ræða um verslunina, Snapchat, erfið sambandsslit ásamt magabandsaðgerð sem hún fór nýlega í.

Ung móðir og atvinnulaus eftir fæðingarorlof

Upphafið á Blush.is var þannig að ég og vinkona mín, Rakel Ósk, fengum þá hugmynd að stofna fyrirtæki saman. Við vorum báðar búnar að vera í fæðingarorlofi, vorum atvinnulausar og langaði að prófa eitthvað nýtt. Við enduðum svo í kynlífstækjunum, sem er kannski svolítið sérstakt,

segir Gerður og hlær. Hún og Rakel Ósk fengu þá hugmynd að bjóða upp á ókeypis heimakynningar sem var nýbreytni á þessum tíma.

Þar sem ég var svo ung og átti engan pening þá fór ég til pabba og bað hann um hjálp. Ég man enn þá eftir því hvað ég var ótrúlega stressuð. Þetta er ekki beint þægilegasta umræðan til þess að eiga við pabba sinn, en ég spurði hann hvort hann gæti lánað mér pening og hann spurði mig auðvitað til hvers. Ég sagði honum að ég ætlaði mér að stofna fyrirtæki og hann spurði mig þá um hvers konar fyrirtæki væri að ræða og ég sagði honum að mig langaði til þess að opna kynlífstækjaverslun. Hann horfði á mig og beið í smá stund, svo sagði hann við mig að það væri nú margt vitlausara í heiminum heldur en það og lagði bara inn á reikninginn minn. Þannig að við getum þakkað pabba mínum fyrir það að Blush.is er til í dag,

segir Gerður kímin.

Gerður segir að reksturinn hafi að mestu gengið vel en af og til hafi komið tímabil þar sem ekki áraði vel.

Þetta hefur verið ótrúlegur skóli fyrir mig og ég hef aldrei séð eftir þessari ákvörðun. Þetta er skemmtilegasta vinna sem ég hef verið í og ég segi stundum að ég sé mjög fullnægð í starfi,

segir Gerður og hlær.

Mynd: Sigtryggur Ari

Elskar að fræða fólk um kynlíf

Gerður stofnaði opinn Snapchat-aðgang undir nafninu blush.is fyrir tveimur og hálfu ári sem notið hefur gríðarlegra vinsælda. Mörg þúsund manns fylgjast með henni á hverjum degi.

Viðtökurnar voru eiginlega ótrúlegar. Það vissi engin hver Gerður í Blush var áður en ég opnaði snappið en í dag þegar ég er á almannafæri þá finnur ég alveg að fólk er að fylgjast með mér. Þetta er samt ótrúlega vinalegt og það mætti eiginlega segja að ég hafi eignast nýtt líf, því líf mitt er allt öðruvísi síðan ég fór að snappa. Það er einhvern veginn miklu opinberara.

Gerður tók þá ákvörðun að vera mjög persónuleg á snappinu sínu og vera ekki eingöngu að kynna vörurnar sem hún er að selja heldur einnig leyfa fólki að kynnast henni nánar.

Ég ræði við fólk um mína upplifun og fræði það sömuleiðis um ýmislegt tengt kynlífi eða kynlífstækjum. Ég reyni að hafa þetta eins persónulegt og smekklegt eins og ég get.

Gerður segir að lítið hafi borið á áreiti í gegnum Snapchat en hún hafi þó lent í því einstaka sinnum.

Ég hef fengið sendar typpamyndir og fæ stundum kannski einhver skilaboð sem eru óviðeigandi en það er mikill minnihluti sem sendir dónaleg eða leiðinleg skilaboð. Á hverjum degi fæ ég mörg falleg og jákvæð skilaboð sem hvetja mig til þess að halda áfram. Ég tek neikvæðu skilaboðin ekkert inn á mig enda velti ég mér ekki upp úr áliti annarra.

Ástarlífið eftir erfið sambandsslit

Fyrir rúmlega hálfu ári hættu Gerður og þáverandi kærasti hennar Niels saman eftir fjögurra ára fjarsamband.

Við vorum í sama geiranum, hann er líka að selja kynlífstæki og við erum bæði með netverslun. Við kynntumst á ráðstefnu úti í Þýskalandi og hann bjó í Hollandi og ég á Íslandi. Fjarsambandið var erfitt en jafnframt ótrúlega lærdómsríkt og jákvætt á marga vegu. Þetta var ótrúlega gott og fallegt samband á meðan það varði. Það var sameiginleg ákvörðun okkar að binda endi á sambandið og var hún ótrúlega erfið. Mér leið í marga mánuði eins og ég hefði misst ástvin þar sem við þurftum að slíta öllum samskiptum til þess að geta endað sambandið. Þannig að ég veit til dæmis ekkert hvað hann er að gera í dag og hef ekkert heyrt í honum síðan ákvörðunin var tekin. En ég sé ekki eftir henni og ég sakna hans ekki sem kærasta, en að sjálfsögðu eru minningar sem maður saknar. En nú er allt á uppleið og hefur verið í langan tíma. Ég er mjög hamingjusöm í dag.

Blaðakonu lék forvitni á að vita hvernig ástalífið gengi og hvort hún væri að fara á stefnumót með einhverjum sérstökum aðila.

Þetta er aðalspurningin sem ég fæ núna. Við getum allavega sagt að ég er ekki að leita eftir því að kynnast neinum. Ætli það sé ekki bara besta útskýringin.

Á svipuðum tíma og Gerður sleit sambandi sínu við Niels fór að bera á töluverðu þyngdartapi hjá henni og fóru fylgjendur hennar því fljótlega að forvitnast um það.

Ég hafði verið að þyngjast hægt og rólega síðustu árin. Alltaf að bæta á mig einu og einu auka kílói og ég fann ýmsar heilsufarsbreytingar hjá mér. Ég var orðin aum í hnjánum og mjöðmunum og bara almennt – svona eins og fylgir því þegar maður er orðinn of þungur – þannig að ég tók ákvörðun um að fara í magabandsaðgerð sem gekk ótrúlega vel.

Gerður segir marga spyrja hana hvort hún mæli með aðgerðinni fyrir þá en hún segist eiga erfitt með að svara þeirri spurningu.

Ég er ánægð með að hafa farið í þetta sjálf en ég hef heyrt alls konar sögur, bæði jákvæðar og neikvæðar, og það sem virkar vel fyrir mig virkar ekki endilega vel fyrir aðra og því er þetta virkilega persónuleg ákvörðun fyrir hvern og einn til þess að taka.

Gerður segir að hugsun hennar gagnvart mataræði hafi gjörbreyst eftir aðgerðina og að hún sé mikið meðvitaðri um það hvaða næringu hún setji ofan í sig.

Ég er bara miklu rólegri núna og hugsa meira um næringargildið en ekki hvort ég eigi að fá mér pítsu eða hamborgara.

Mynd: Sigtryggur Ari

Kynlíf er svo stór hluti af lífinu

Miklar breytingar hafa orðið á umræðu og umfjöllun um kynlíf og kynlífstæki síðustu ár og telur Gerður að þakka megi fjölmiðlum og samfélagsmiðlum um hversu jákvæð breytingin hefur verið.

Það eru ekkert mörg ár síðan það fóru að koma greinar á vefmiðlum um kynlíf og þess háttar, þetta var svo mikið tabú. En í dag er mikið skrifað um þetta og þetta er orðið svo miklu miklu eðlilegra.

Þegar blaðakona spyr Gerði hvort henni finnist hún hafa átt þátt í breytingunum segir hún hiklaust já.

Já, ég ætla ekkert að skafa utan af því, ég er búin að vinna ótrúlega mikið í að koma þessu í þá mynd að þetta sé eðlilegur hlutur. Þetta er svo ótrúlega stór partur í lífi okkar og er ein af grunnþörfum okkar.

En hver er framtíðin hjá Gerði?

Ég hef verið að hanna mína eigin vöru sem er að koma á markað, vonandi á fyrsta ársfjórðungi. Stefnan er svo bara að halda áfram að auka við mig þekkingu og halda áfram að fræða fólk í gegnum snappið. Það skiptir mig ótrúlega miklu máli að halda áfram að fræða fólk og auka þekkinguna og umræðuna enn frekar.

Blaðamaður forvitnast örlítið meira út í nýju vöruna sem Gerður hannaði og spyr hana hvort hún hafi prófað hana sjálf.

Já, þetta er vara fyrir konur, en ég er ekki að finna upp hjólið. Það eru til sambærilegar vörur á markaðnum en þrátt fyrir það er þetta fyrsta íslenska kynlífstækið og það er alltaf skemmtilegt. Ég hef prófað það og þetta er nýja uppáhaldstækið mitt. Ég vona að öðrum muni líka það einnig.

Viðtalið birtist upphaflega í helgarblaði DV.

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra. Dýrahjálp er meðal þeirra sem áttu mikið af eignum sem lágu í geymslunum og ljóst er að tjónið var gríðarlegt og leita þau því til almennings í þeirri von um að einhver geti aðstoðað þau í þessum leiðinlegu aðstæðum. Við fáum ekkert að nálgast neitt strax en það virðist sem þakið á húsinu sé farið þar sem okkar geymslur… Lesa meira

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði. Rósa segir að börn séu frábærir áhorfendur sem geri leikurum alveg ljóst ef þeim mislíkar eitthvað í sýningunni. „Börnin eru svo fyndin og þau spyrja okkur oft spurninga fyrir eða eftir sýningu sem ég á stundum í stökustu vandræðum með að svara og þarf því að vera fljót að hugsa,“ segir Rósa í viðtali sem birtist upphaflega í helgarblaði DV. Rósa er menntuð leikkona og hefur starfað við leiklist undanfarin… Lesa meira

Fyrir og eftir myndir – Breytingar á heimili

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum ! Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég var alveg búin að ákveða að mála í gráum lit en hitti svo æðislegan starfsmann sem leiðbeindi mér mjög vel… Lesa meira

Skotheld uppskrift af gómsætum grjónagraut sem klikkar aldrei

Eitt af því besta sem börnin mín fá er grjónagrautur. Og best af öllu finnst þeim þegar hann er borinn fram með rúsínum og lifrarpylsu.  Ég hef lengi haft uppskriftina í kollinum og ákvað að skrifa hana niður núna og skella henni hérna inn. Þessi grautur er ótrúlega einfaldur, en það þarf að vísu að fylgjast vel með pottinum og hræra reglulega svo hann brenni ekki við. En hér kemur uppskriftin: (Fyrir 5) Hráefni: 3 dl hrísgrjón 4 dl vatn 1/2 tsk salt 10-12 dl mjólk (ég nota hvort sem er nýmjólk eða léttmjólk, bara það sem ég á til)… Lesa meira

Óstjórnlega fyndnar gínur sem eru orðnar leiðar á starfinu sínu

Í gegnum tíðina hefur oft verið talað um að gínur í búðum sýni óraunhæfa mynd af útliti og vaxtarlagi fólks. Það hefur hins vegar sjaldan verið veitt því athygli hversu leiðinlegu lífi aumingja gínurnar lifa. Þær standa á sama stað á hverjum einasta degi, starfsmenn verslana aflima þær fram og til baka og það kemur fyrir að þær þurfa að standa naktar fyrir framan alla. Það er því ekki skrítið að af og til finni fólk gínur sem haga sér öðruvísi en vanalega. Bored Panda tók saman lista af skemmtilegum gínum sem hafa flúið raunveruleika sinn og eru ekki eins… Lesa meira

Ingibjörg Eyfjörð: „Ég bjó mér til samfélagsmiðlakarakter“

… eða svo var mér sagt. Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir. Það er enginn fullkominn Ég hef frá upphafi lagt mikinn metnað í að skrifa frá hjartanu, skrifa… Lesa meira

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig. Bored Panda greinir frá því að það hafi verið árið 2016 þegar mikill eldur geisaði í Kanada þar sem Tony Bussey býr, sem hann áttaði sig á því að núna væri tíminn til þess að opna augun og takast á við vandamálið. Flugvélar voru sendar á svæðið til þess að bjarga fólki frá eldinum og þegar Tony mætti á flugvöllinn var hann settur fremst í röðina. Of feitur til þess að… Lesa meira

Dóttir Karenar hafnaði brjóstinu: „Ég mjólkaði samt eins og belja en börn eru ekki öll eins“

Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri. Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin, segir Karen í einlægri færslu sinni á Mamiita. Dóttir hennar neitaði brjóstinu Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu. Eftir nokkra daga gafst ég upp og fór að gefa henni ábót.… Lesa meira

Brúðkaupslisti fyrir verðandi brúðhjón frá Hildi Hlín

Flestir sem þekkja mig vita að ég er einstaklega skipulögð manneskja og elska að búa til lista. Við getum eiginlega sagt að allt sem ég geri, þarf að gera eða ætla mér að gera sé merkt á einhverjum af þessum þúsund "to do”-listum sem ég á og hef vandlega skipt niður eftir viðfangsefni og mikilvægi. Einn stærsti svoleiðis listi sem ég er að vinna eftir þessa dagana er stóri brúðkaupslistinn minn! Þessi listi er búinn að vera opinn í símanum mínum, tölvunni og útprentaður í brúðkaupsbókinni minni núna frá því á síðasta ári (ok þetta er farið að hljóma eins… Lesa meira

Vandræðalegar auglýsingar af speglum til sölu

Ert þú að fara að selja spegil í bráð? Þá gætir þú tekið þessa frábæru sölumenn þér til fyrirmyndar og þá eru miklar líkur á því að spegill verði seldur fljótlega eftir að auglýsingin kemur á netið. Það getur reynst erfitt að taka góða mynd af spegli án þess að spegilmyndin af manni sjálfum eða öðrum laumist óvart með. Þetta fólk reyndi að finna lausn á vandamálinu með misgóðum árangri. Lesa meira

Sjö ára gamall drengur fann sálufélagann í ketti sem lítur alveg eins út og hann sjálfur

Sjö ára gamall drengur sem lagður hefur verið í einelti fyrir útlit sitt eignaðist kött sem er bæði með klofna vör og eins augu og drengurinn. Madden frá Oklahoma fæddist með klofna vör og mismunandi augnlit á hvoru auga. Í síðustu viku þá setti ein vinkona mín mynd af kettinum í sérstakan hóp sem ég er í fyrir foreldra barna með klofna vör. Kettinum hafði verið bjargað í Minnesota og við vissum strax a þessum ketti var ætlað að verða hluti af okkar fjölskyldu. Hann er ekki bara með klofna vör líkt og sonur okkar heldur hefur hann einnig mismunandi lit á augunum eins og Madden, segir Christina Humphreys í… Lesa meira