Guðrún Helga: „Sjálfsmyndin mín er í molum og ég bókstaflega hata sjálfa mig á hverjum einasta degi“

Smá vitundarvakning til samfélagsins, þið megið kalla mig athyglissjúka. Þið megið líka segja að ég er uppfull af sjálfsvorkunn. Fordæmið mig eins og þið viljið enda er samfélagið þekkt fyrir það. Við lifum í dag við þær aðstæður að við setjum okkur of háar kröfur. Ef ég hef ekki lokið allavega tveimur háskólagráðum, afrekað í þremur íþróttagreinum, alið upp þrjú börn og ofan á allt saman unnið 2-3 störf í einu þá er ég talin aumingi og letingi. Það er því ekki að furða að margir eru að glíma við andleg vandamál í dag og flestir þekkja því ekki fylgikvillana eða fara í hreina afneitun. Ég hef rætt við nokkra sem eru að kljást við andleg veikindi og allir eiga það sameiginlegt að það skilur þá enginn og því er ég sammála og langar mig að opna hugarfar almennings með þessum pistli.

Mynd/Getty

Ung að aldri er okkur kennt að orð særa meira heldur en barsmíðar og af hverju er þá ekki tekið andlegu veikindunum eins alvarlega. Ég var lengi að sætta mig við þær aðstæður að ég væri yfirhöfuð veik og ég þarf nánast daglega að minna mig á það. Ég þjáist af síþreytu allan liðlangan daginn, svona eins og þegar þú hefur einungis fengið þriggja klukkustunda svefn nema fyrir mig skiptir engu máli hvort ég nái fullkomnum svefni eða ekki. Samkvæmt sérfræðingum sem ég hef leitað mig aðstoðar hjá þá er það vegna þess að ég er að opna á áföll og þegar ég loksins næ svefn þá hvílist ég ekki vegna þess að mig dreymir áföllin aftur og aftur. Ég hef farið í margar blóðprufur og það finnst ekkert líkamlega að mér, ég er full hraust að því leyti.

Í dag ræð ég ekki við mikið meira en 50 prósent starf vegna veikindanna og suma daga á ég í mjög miklum erfiðleikum með að ná að vinna fjórar klukkustundir. Eflaust gera sumir óbeint ráð fyrir því að ég er að hafa það notalegt bara, vinn fjóra tíma og fer svo heim og nýt mér þessar aðstæður en það er þvert á móti. Þegar ég er meðal almennings þá reyni ég eins og ég get að fela líðan mína og set upp ákveðna grímu við það. Oftast heppnast það og almenningur sér ekki eða kýs að sjá ekki hvernig mér líður í alvöru.

Mynd/Getty

Fyrir mér fer minni orka í að setja upp að grímuna en að þurfa að fá vorkunn eða útskýra fyrir öðrum hvað er í gangi. Það sem almenningur sér svo ekki er þegar ég kem heim og hvað bíður mín þar. Oftast þá hef ég ekki orku í mikið meira annað en að leggjast upp í rúm og sofna. Nokkrum sinnum í viku þarf ég að takast á við köst sem ég hef enga stjórn á. Ég græt þangað til ég verð örmagna og tárin eiga sér engan aðdraganda. Ég verð ofsalega reið án þess að vita almennilega af hverju og ég verð einnig virkilega döpur án þess að vita af hverju. Svona eins og þegar þér líður þegar þú hefur misst einhvern nákominn. Ofan á þetta allt saman fæ ég svo ofsakvíðaköst sem ég ræð engan vegin við. Ég fæ daglega samviskubit yfir ómerkilegum hlutum og það er mjög stutt í þráðinn hjá mér og því er ég mikið pirruð, mér finnst allt vera mér að kenna og ég brýt mig daglega niður. Sjálfsmyndin mín er í molum og ég bókstaflega hata sjálfa mig á hverjum einasta degi.

Sérfræðingur gerði mér grein fyrir að þessi veikindi eru banvæn og vegna þess er ég undir ströngu eftirliti. Þegar ég var yngri þá bældi ég tilfinningar mínar niður í áfengisvímu. Í dag þori ég ekki að verða ölvuð vegna þess að ég treysti sjálfri mér alls ekki í því ástandi. Ég bý yfir miklu sjálfshatri og með því fylgja alvarlegar sjálfsvígshugleiðingar. Mér finnst ég vera byrði á samfélagið og sérstaklega á nánustu vini og ættingja. Ég hugsa oft að þau væru betur sett án mín og eiga þetta ekki skilið. Við ölvunaraðstæður þá verð ég kærulaus en fæ einnig kjarkinn við að skaða sjálfa mig. Einu sinni heppnaðist ein sjálfsvígstilraunin. Þegar ég heyri í fjölmiðlum af fólki sem hefur tekið sitt eigið líf við þessar aðstæður þá öfunda ég það, að þurfa ekki að berjast við þennan sjúkdóm lengur.

Ég hef lengi glímt við þessi veikindi og var ekki meðvituð um það fyrr en í dag. Ég hélt að líðan mín og hegðun væru eðlileg og hef ég verið að berjast á móti því heillengi. Ég bý einnig yfir fleiri röskunum sem ég á eftir að fá greiningu á en það er allt komið í ferli sem hefur tekið langan tíma. Á yngri árum þá vísvitandi skar ég sjálfa mig á stöðum á líkamanum sem var auðvelt að fela. Einungis til að finna fyrir sársaukanum og þá bældi ég niður neikvæðar tilfinningar sem ég réði ekki við en það var áður en ég komst í sjálft áfengið. Hreyfing og líkamsrækt er það eina sem blæs smá lífi í mig í dag. Við hreyfinguna þá verð ég andlega hlutlaus, gleymi öllum hugsunum og tilfinningum og finn fyrir líkamlegum sársauka sem bælir niður neikvæðu tilfinningarnar. Þess vegna stunda ég líkamsrækt mjög mikið.

Mynd/Getty

Ég er með marga sérfræðinga á bak við mig og bætast alltaf fleiri við. Það er erfitt að takast á við þetta en ég ætla mér að komast í gegnum þessa helför. Miðað við allt sem ég hef gengið í gegnum frá því ég var ung að aldri þá hefur taugakerfið þurft að búa til ákveðna brynju á tilfinningar mínar og útskýrir það meðal annars óvenjulega hegðun í fari mínu. Í dag er ég að berjast við að losa mig við þessa brynju og við það fer tilfinningaferlið mitt í ákveðið ástand. Ég til dæmis á það til að týna ákveðnum tilfinningum eins og að elska, finna fyrir hamingju og samúð. Ég geri einnig ekki greinarmun á tilfinningum. Ég skil til dæmis ekki muninn á því að vera hamingjusöm og vera í maníu en þegar ég fer í maníu ástand þá verð ég hættuleg sjálfri mér og öðrum. Ég á í raun mjög erfitt að finna fyrir tilfinningalegu jafnvægi. Ég er annað hvort svo leið og döpur að mér líður oftast eins og það er búið að rífa úr mér hjartað eða ég fer svo hátt upp í maníu að ég hef enga stjórn á sjálfri mér.

Það kýs engin að vera veikur og ég kaus þetta alls ekki. Ég er meðvituð um þetta allt saman en það að ganga í gegnum þetta tekur tíma, þolinmæði og stuðning. Margir í kringum vilja hjálpa mér en skilja kannski ekki að ég þarf að horfast í augu við þetta ein. Það að spyrja mig hvort ég hafi farið út að ganga hjálpar mér meðal annars alls ekki og að senda mér sjálfshjálpar hugleiðingar heldur ekki. Það er enginn einstaklingur eins og það tekst hver á þessi veikindi á sinn hátt en oftar en ekki er nóg bara að láta vita að þú ert til staðar fyrir einstaklinginn sem er veikur. <3

Höfundur greinar er Guðrún Helga en hún vildi ekki koma fram undir fullu nafni.

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra. Dýrahjálp er meðal þeirra sem áttu mikið af eignum sem lágu í geymslunum og ljóst er að tjónið var gríðarlegt og leita þau því til almennings í þeirri von um að einhver geti aðstoðað þau í þessum leiðinlegu aðstæðum. Við fáum ekkert að nálgast neitt strax en það virðist sem þakið á húsinu sé farið þar sem okkar geymslur… Lesa meira

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði. Rósa segir að börn séu frábærir áhorfendur sem geri leikurum alveg ljóst ef þeim mislíkar eitthvað í sýningunni. „Börnin eru svo fyndin og þau spyrja okkur oft spurninga fyrir eða eftir sýningu sem ég á stundum í stökustu vandræðum með að svara og þarf því að vera fljót að hugsa,“ segir Rósa í viðtali sem birtist upphaflega í helgarblaði DV. Rósa er menntuð leikkona og hefur starfað við leiklist undanfarin… Lesa meira

Fyrir og eftir myndir – Breytingar á heimili

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum ! Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég var alveg búin að ákveða að mála í gráum lit en hitti svo æðislegan starfsmann sem leiðbeindi mér mjög vel… Lesa meira

Skotheld uppskrift af gómsætum grjónagraut sem klikkar aldrei

Eitt af því besta sem börnin mín fá er grjónagrautur. Og best af öllu finnst þeim þegar hann er borinn fram með rúsínum og lifrarpylsu.  Ég hef lengi haft uppskriftina í kollinum og ákvað að skrifa hana niður núna og skella henni hérna inn. Þessi grautur er ótrúlega einfaldur, en það þarf að vísu að fylgjast vel með pottinum og hræra reglulega svo hann brenni ekki við. En hér kemur uppskriftin: (Fyrir 5) Hráefni: 3 dl hrísgrjón 4 dl vatn 1/2 tsk salt 10-12 dl mjólk (ég nota hvort sem er nýmjólk eða léttmjólk, bara það sem ég á til)… Lesa meira

Óstjórnlega fyndnar gínur sem eru orðnar leiðar á starfinu sínu

Í gegnum tíðina hefur oft verið talað um að gínur í búðum sýni óraunhæfa mynd af útliti og vaxtarlagi fólks. Það hefur hins vegar sjaldan verið veitt því athygli hversu leiðinlegu lífi aumingja gínurnar lifa. Þær standa á sama stað á hverjum einasta degi, starfsmenn verslana aflima þær fram og til baka og það kemur fyrir að þær þurfa að standa naktar fyrir framan alla. Það er því ekki skrítið að af og til finni fólk gínur sem haga sér öðruvísi en vanalega. Bored Panda tók saman lista af skemmtilegum gínum sem hafa flúið raunveruleika sinn og eru ekki eins… Lesa meira

Ingibjörg Eyfjörð: „Ég bjó mér til samfélagsmiðlakarakter“

… eða svo var mér sagt. Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir. Það er enginn fullkominn Ég hef frá upphafi lagt mikinn metnað í að skrifa frá hjartanu, skrifa… Lesa meira

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig. Bored Panda greinir frá því að það hafi verið árið 2016 þegar mikill eldur geisaði í Kanada þar sem Tony Bussey býr, sem hann áttaði sig á því að núna væri tíminn til þess að opna augun og takast á við vandamálið. Flugvélar voru sendar á svæðið til þess að bjarga fólki frá eldinum og þegar Tony mætti á flugvöllinn var hann settur fremst í röðina. Of feitur til þess að… Lesa meira

Dóttir Karenar hafnaði brjóstinu: „Ég mjólkaði samt eins og belja en börn eru ekki öll eins“

Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri. Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin, segir Karen í einlægri færslu sinni á Mamiita. Dóttir hennar neitaði brjóstinu Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu. Eftir nokkra daga gafst ég upp og fór að gefa henni ábót.… Lesa meira

Brúðkaupslisti fyrir verðandi brúðhjón frá Hildi Hlín

Flestir sem þekkja mig vita að ég er einstaklega skipulögð manneskja og elska að búa til lista. Við getum eiginlega sagt að allt sem ég geri, þarf að gera eða ætla mér að gera sé merkt á einhverjum af þessum þúsund "to do”-listum sem ég á og hef vandlega skipt niður eftir viðfangsefni og mikilvægi. Einn stærsti svoleiðis listi sem ég er að vinna eftir þessa dagana er stóri brúðkaupslistinn minn! Þessi listi er búinn að vera opinn í símanum mínum, tölvunni og útprentaður í brúðkaupsbókinni minni núna frá því á síðasta ári (ok þetta er farið að hljóma eins… Lesa meira

Vandræðalegar auglýsingar af speglum til sölu

Ert þú að fara að selja spegil í bráð? Þá gætir þú tekið þessa frábæru sölumenn þér til fyrirmyndar og þá eru miklar líkur á því að spegill verði seldur fljótlega eftir að auglýsingin kemur á netið. Það getur reynst erfitt að taka góða mynd af spegli án þess að spegilmyndin af manni sjálfum eða öðrum laumist óvart með. Þetta fólk reyndi að finna lausn á vandamálinu með misgóðum árangri. Lesa meira

Sjö ára gamall drengur fann sálufélagann í ketti sem lítur alveg eins út og hann sjálfur

Sjö ára gamall drengur sem lagður hefur verið í einelti fyrir útlit sitt eignaðist kött sem er bæði með klofna vör og eins augu og drengurinn. Madden frá Oklahoma fæddist með klofna vör og mismunandi augnlit á hvoru auga. Í síðustu viku þá setti ein vinkona mín mynd af kettinum í sérstakan hóp sem ég er í fyrir foreldra barna með klofna vör. Kettinum hafði verið bjargað í Minnesota og við vissum strax a þessum ketti var ætlað að verða hluti af okkar fjölskyldu. Hann er ekki bara með klofna vör líkt og sonur okkar heldur hefur hann einnig mismunandi lit á augunum eins og Madden, segir Christina Humphreys í… Lesa meira