Helgarbaksturinn – Snickers súkkulaðibomba með jarðaberjamús og saltkaramellu

Nýja uppáhalds kökutegundin mín eru svokallaðar drip kökur en þær eru ótrúlega fallegar og frekar einfalt að gera þær á marga vegu.

Ég átti afmæli um síðustu helgi og skellti í eina drip köku í tilefni þess. Kakan sem ég gerði var gerð úr 4 súkkulaðibotnum, súkkulaðimús, jarðaberjamús, snickersbitum, saltkaramellu og saltkaramellusmjörkremi og því nóg að gera og allskonar mismunandi brögð að koma saman.

Ég fékk allmargar fyrirspurnir um hana á snapchat (hronnbjarna) hjá mér og ákvað því að deila með ykkur uppskriftinni ef ykkur langar að prófa.

IMG_1153

Botnarnir

  • 1 pakki Betty Crocker súkkulaðikökumix
  • 0,5 dós 18% sýrður rjómi

Útbúið deigið eins og stendur á pakkanum og bætið útí blönduna sýrðum rjóma.

Bakið í 15cm formi, helminginn af deiginu í einu. Kakan er tilbúin þegar prjónn sem stungið er í kökuna kemur næstum því hreinn út. Kælið botnana og kljúfið hvorn botn í tvennt og búið þannig til 4 jafnstóra botna.

Screen Shot 2018-02-07 at 21.58.16

Súkkulaðimús

  • 120 ml heitt vatn
  • 30g kakóduft
  • 0,5 tsk instant kaffiduft
  • 260 g suðusúkkulaði
  • 480ml rjómi
  • 2 mtsk sykur
  • 1/3 bolli Nutella

Hitið vatnið og hrærið útí það kakódufti og kaffidufti þar til allt er vel blandað saman

Bræðið suðusúkkulaði og kælið örlítið

Þeytið rjóma og sykur saman þar til rjóminn er vel þeyttur

Blandið vel saman vatni með kakó og kaffi, bræddu súkkulaði og Nutella

Hrærið varlega súkkulaðiblönduna og þeytta rjómann saman þar til allt er samblandað

Kælið í ísskáp í smástund

Screen Shot 2018-02-07 at 21.57.57

Jarðaberjamús

  • 3 eggjahvítur
  • 1 bollis ykur
  • 1,5 bolli mjúkt smjör
  • 1 tsk vanilludropar
  • 6-8 mtsk jarðaberjamauk (uppskrift fyrir neðan)

Blandið saman eggjahvítum og sykri með gaffli í hitaþolinni skál og setjið yfir vatnsbað. Setjið hitamæli í blönduna og látið hitastigið ná uppí ca 75° hita. Takið þá skálina af hitanum og hellið innihaldinu í hrærivélaskál og hrærið á mesta hraða í 6-8 mínútur eða þar til blandan er orðin stífþeytt og glansandi.

Bætið útí blönduna mjúku smjöri og vanilludropum og blandið vel saman.

Bætið útí blönduna jarðaberjamauki, smá í einu og hrærið vel á milli

Jarðaberjamauk

  • 12 fersk jarðaber í bitum
  • 2 mtsk sykur
  • jarðaber og sykur maukað vel með töfrasprota

Screen Shot 2018-02-07 at 22.00.54

Saltkaramella

  • 50g sykur
  • 50g púðursykur
  • 50g sýróp
  • 75g smjör
  • 125ml rjómi

Bræðið saman í potti sykur, púðursykur, sýróp og smjör og látið blönduna sjóða í ca 3 mín og hrærið stöðugt í á meðan. Takið þá pottinn af hellunni og hellið rjómanum útí pottinn (ath blandan tvöfaldast við þetta í smástund svo potturinn má ekki vera of lítill). Hrærið blönduna vel saman saman og kælið í a.m.k. 45 mín eða þar til blandan þykknar vel.

 

Saltkaramellusmjörkrem

  • 500g mjúkt smjör
  • 450 flórsykur
  • 1mtsk sýróp
  • 1 eggjarauða
  • 1 tsk vanilludropar
  • helmingurinn af saltkaramellunni

Þeytið smjör í hrærivél í smátíma og bætið svo útí smjörið flórsykri hægt og rólega meðan hrærivélin er á lægsta styrk. Þegar allt er orðið samblandað þá er sýrópi, eggjarauðu og vanilludropum bætt útí. Loks er öll blandan þeytt á mesta styrk í a.m.k. 3 mínútur. Loks er helmingnum af saltkaramellunni blandað útí smjörkremið og öllu blandað vel saman.

Screen Shot 2018-02-07 at 21.58.52

Annað

  • 6 lítil Snickers stykki

Skerið 3 Snickersstykki í litla bita fyrir kökuna

Skerið 3 stykki í stærri bita fyrir skreytingu ofaná kökunni

 

Samsetningin

Leggið einn botn á kökudisk og setjið smá smjörkrem undir botninn svo kakan renni ekki til.

Setjið þykkt lag af súkkulaðimús yfir botninn og setjið næsta botn yfir.

Setjið þykkt lag af jarðaberjamús yfir botninn og setjið næsta botn yfir.

Setjið þunnt lag af súkkulaðimús yfir botninn og stráið svo vel af  Snickers í litlum bitum yfir (ca. 3 lítil stykki). Hellið yfir þetta  2/3  af saltkaramellunni sem er eftir og setjið næsta botn yfir.

Hyljið kökuna með saltkaramellusmjörkremi. Best að setja það í sprautupoka með flötum stút og sprauta þykku lagi af kremi allan hringinn á kökunni og vel uppá kantana og slétta svo úr því. Með þessu kemuru í veg fyrir að mylsna og önnur krem úr kökunni smitist í kremið.

 

Drip – súkkulaðibráð ofná kökuna

  • 60 g suðusúkkulaði í dropum
  • 1/4 bolli rjómi
  • 2 mtsk corn syrup (fæst t.d. í Hagkaup í Kringlunni)

Screen Shot 2018-02-07 at 21.57.41

Setjið suðusúkkulaðidropa í skál

Hitið rjóma og corn syrup í potti þar til það er alveg að fara að sjóða og hellið þá blöndunni yfir súkkulaðið og hrærið vel saman þar til allt er samblandað. Kælið í ísskáp þar til blandan er orðin nógu þykk til að sprauta henni á kökuna án þess að allt leki útum allt. Ég kældi í ca 45-60 mín.

Ég setti súkkulaðibráð í lítinn sprautubrúsa frá Wilton en svo er líka hægt að setja hana í sprautupoka með mjóum stút.

Screen Shot 2018-02-07 at 22.03.01

 

Ég byrjaði á því að gera hliðarnar með því að sprauta súkkulaðinu alveg efst á kökuna og láta súkkulaðið reglulega leki niður hliðarnar með því að sprauta auka súkkulaði þar og leyfa því að leka mismikið niður. Þegar ég var komin allan hringinn þá bætti ég súkkulaði ofaná kökuna og smurði varlega svo allur toppurinn á kökunni væri hulinn. Mikilvægt að passa að súkkulaðibráð sé orðin nógu þykk til að leka ekki öll útum allt. Mín súkkulaðibráð hefði mátt vera orðin aðeins þykkari en ég hafði því miður ekki tíma til að bíða lengur !

 

IMG_1158

Skreytingin

Auðvitað er algjörlega frjálst að skreyta kökuna að vild en ég ákvað að segja aðeins hvað ég gerði. Ég hafði að vísu alltof lítinn tíma og hefði verið til í mun meiri tíma til að nostra við kökuna.

Ég setti súkkulaðimús og karamellusmjörkrem í sitthvorn sprautupokann með sitthvorum sprautustútnum.

Ég skar 3 lítil Snickers í bita

Ég sprautaði svo úr sprautupokunum nokkrum “doppum” útum allt ofaná kökunni af bæði súkkulaðimús og karmamellusmjörkremi og stráði svo snickersbitum yfir það og drissaði að lokum restinni af saltkaramellusósunni yfir allt saman.

Katrín missti hárið eftir að pabbi hennar framdi sjálfsvíg

Katrín Rut Jóhannsdóttir er 27 ára þriggja barna móðir úr Hafnarfirði. Foreldrar hennar fóru hvort sína leiðina þegar Katrín var einungis átta ára gömul. Við tók erfiður tími, heimilisaðstæður voru ekki upp á það besta og þá glímdi faðir hennar við áfengissýki sem hafði djúpstæð áhrif á hans nánustu. Þá breyttist líf mitt mikið, pabbi fór að drekka illa og ég upplifði margt sem ekkert barn á að þurfa að ganga í gegnum, segir Katrín í samtali við blaðamann. Mamma var mikið ein með okkur systkinin og stóð hún sig vel í móðurhlutverkinu. Ég var alltaf í sambandi við pabba… Lesa meira

Magnús Máni hefur misst 23 kíló: „Ég sagðist ætla að skila verkefninu þegar ég væri komin með six pack“

Magnús Máni Hafþórsson hefur tekið af sér 23 kíló á rúmlega fjórum mánuðum. Magnús hafði alltaf verið í fínu formi en vegna vanlíðan fór hann að borða mikið og bætti því hægt og rólega á sig allt þar til hann var orðin 113 kíló. Til þess að slá á vanlíðan og tilfinningar, át ég þær í burtu. En í raun át ég þær fastar á mig því líkamlegt form fór versnandi og með hugurinn fylgdi með, segir Magnús í einlægu viðtali við Bleikt. Magnús segir að þrátt fyrir að hann hafi orðið svona þungur þá hafi hann aldrei trúað því… Lesa meira

Átta ómetanleg húsráð frá Margréti

Margrét Sigfúsdóttir, skólastýra Hússtjórnarskólans í Reykjavík, deilir átta góðum húsráðum sem allir ættu að þekkja. 1. Allt gróft mjöl á að geyma í lokuðum ílátum því annars getur kviknað líf í því. Einnig ágætt að frysta. 2. Það á alltaf að hafa opinn glugga einhvers staðar í íbúðinni svo ekki myndist raki inn í henni. Passa að lofta vel út eftir baðferð eða sturtu. Einnig þarf að láta lofta undir rúllugardínur svo ekki myndist raki á gleri og hafa rifu á glugga. 3. Allar borðtuskur og diskaþurrkur þarf að sjóða. Súr lykt af tuskum myndast af því að þær eru… Lesa meira

Sprenghlægilegar sögur af hormónafullum óléttum íslenskum konum

Flestar konur sem gengið hafa með barn undir belti kannast við þá óstjórnlegu hormónaframleiðslu sem líkaminn setur af stað nánast um leið og pissað er á prófið. Hormónarnir gera það að verkum að konan verður virkilega tilfinninganæm á meðan á meðgöngunni stendur og oft í nokkra mánuði eftir á. Það eru því flestar mæður sem eiga skemmtilegar sögur af sjálfum sér frá því þær voru óléttar og réðu ekki við allar þær tilfinningar sem brutust um í brjósti þeirra. Bleikt hafði samband við mæður sem voru tilbúnar til þess að deila fyndnum og vandræðalegum atvikum sem þær lentu í þegar… Lesa meira

Saga Dröfn var fullkomin mamma: „Þetta getur nú ekki verið svo erfitt“

Áður en Saga Dröfn Haraldsdóttir eignaðist sitt fyrsta barn var hún fullkomin mamma. Barnið hennar mátti aldrei vera með hor, það átti alltaf að fara að sofa á réttum tíma, borða einungis hollan mat og sjónvarpið átti að vera spari. Einnig skildi barnið hennar alltaf vera vel greidd um hárið, í flottum fötum, vel til fara og að sjálfsögðu áttu heimilið alltaf að vera hreint og fínt. Ég hugsaði að þetta gæti nú ekki verið svo erfitt, bara skipta á bleyjum þegar þess þarf, gefa henni að borða og leika við hana, segir Saga í færslu sinni á Mæður.com Kjarnafjölskyldan Ég… Lesa meira

Ljósmæður opna Snapchat: „Fylgjendur fá mjög fjölbreytta fræðslu og upplýsingar. Við viljum efla foreldra í barneignarferlinu“

Sigrún Gunnarsdóttir, hjúkrunarfræðingur og ljósmóðir ásamt Áslaugu Valsdóttur formanni ljósmæðrafélagsins fannst komin tími til þess að færa störf ljósmæðra nær nútímanum og gera þau sýnilegri. Þær tóku því sameiginlega ákvörðun um að stofna opin Snapchat reikning þar sem nokkrar ljósmæður skiptast á að sýna og segja frá störfum sínum. Hópurinn er orðin mjög fjölbreyttur og öflugur þar sem ljósmæður vinna mjög fjölbreytt störf á mörgum mismunandi stöðum. Við skiptumst á að vera með snappið og því ættu fylgjendur að fá mjög fjölbreytta sýn og fræðslu. Hver og ein tekur ákveðin málefni fyrir og gefur innsýn inn í sín störf, segir Sigrún í samtali við… Lesa meira

Kristín og Binni Löve eiga von á barni: „Við erum mjög spennt“

Kristín Pétursdóttir leikkona og Brynjólfur Löve Mogensson Snapcat stjarna eiga von á sínu fyrsta barni saman í ágúst. Kristín hefur starfað sem flugfreyja undanfarna mánuði en hún hefur meðal annars leikið í bíómyndunum Órói og Fólkið í Blokkinni. Ég er gengin fjórtán vikur og fjóra daga og við erum mjög spennt. Ég var að vísu mjög veik fyrstu 12 vikurnar en það er allt að koma, segir Kristín í samtali við Bleikt. Brynjólf þekkja flestir undir nafninu Binni Löve en hann gerði garðinn frægan á Snapchat. Í dag starfar Brynjólfur sem rekstrarstjóri pizzustaðarins Blackbox Pizzeria. Við óskum þessum verðandi foreldrum innilega til hamingju. Lesa meira

Hvað er raunveruleg vinátta?

Hvað er vinátta? Þetta er spurning sem ég hef velt óþarflega mikið fyrir mér undanfarna mánuði. Einhverra hluta vegna hélt ég alltaf fast í þá hugsun að góður vinur væri sá sem væri búin að vera í kringum þig hvað lengst og þekkti þig því vel. En ég hef komist að því að vinátta er eitthvað allt annað. Að finna sér góða vini sem meta vináttu þína og þú þeirra er mjög dýrmætt. Það virðist flestum vera lítið mál að eignast vini og kunningja, eyða með þeim hellings tíma en átta sig svo á því að í raun voru þetta… Lesa meira

Tanja Ósk var lögð í hrottalegt einelti: „Ég var heltekin af ótta“

Ímyndið ykkur að sex ára gömul dóttir ykkar sé að byrja sinn fyrsta skóladag. Hún er spennt, hlakkar til að eignast vini og verða fullorðin. Eftir skóla kemur hún heim sorgmædd vegna þess að stelpurnar í bekknum leyfðu henni ekki að leika sér með þeim af því að hún var of ljót. Þessi sex ára stelpa var ég. Svona hefst samtal Tönju Ósk Brynjarsdóttur við blaðamann Bleikt. Var sagt að þetta myndi líða hjá Tanja greinir frá því að þetta hafi eingöngu verið upphafið af því einelti og ofbeldi sem hún hefur þurft að sæta í gegnum tíðina. Mér var… Lesa meira

Bjargey um hamingju: „Ég hef upplifað mikinn sársauka og vildi ekki dvelja þar. Ég vildi frelsi“

Hvers vegna finnst sumum allt vera erfitt og leiðinlegt á meðan öðrum finnst lífið almennt skemmtilegt og sjá það jákvæða í stað þess neikvæða. Hvað aðskilur þessa tvo einstaklinga? Með þessum orðum hefur Bjargey Ingólfsdóttir nýjustu færslu sína á Bjargeyogco. Af hverju ertu alltaf svona ógeðslega happý? Um daginn fékk ég þessa spurningu frá fylgjanda í gegnum Snapchat og fékk hún mig til þess að hugsa. Til þess að svara henni þá er ég í fyrsta lagi ekkert alltaf ógeðslega happý. Ég hef farið í gegnum dimma dali og upplifað mikinn sársauka. Sársauka í hjartanu og verki í líkamanum. Ég vildi ekki dvelja þar, því það… Lesa meira

Guðlaug hefur misst fóstur tvisvar sinnum: „Ég fór á klósettið og fann það detta niður, ég var bara ekki tilbúin til þess að sturta“

Guðlaug Sif Hafsteinsdóttir hefur tvisvar sinnum misst fóstur og tók sú lífsreynsla mikið á hana. Segir hún það algengt að fólk tali um það að missa fóstur sé ekkert mál. Fóstrið skolist einfaldlega út og konan eigi í kjölfarið að halda áfram með líf sitt líkt og ekkert hafi í skorist. Ég hef misst fóstur í tvö skipti, þessi tvö skipti voru mjög ólík og ætla ég að segja aðeins frá þeim, segir Guðlaug í einlægri færslu sinni á Amare. Þetta er ekki auðvelt, þetta er þvílíkur missir þrátt fyrir að hafa gengið stutt á leið. Þetta er barnið mitt, litla… Lesa meira

Amanda og Birgir eru vegan og alæta í sambúð: „Engin ein rétt leið í samböndum“

Vegan og alæta í sambúð, hvernig virkar það? Þetta er spurning sem ég fæ að heyra reglulega og eru eflaust enn fleiri sem velta henni fyrir sér án þess að spyrja. Einnig fæ ég stundum fyrirspurnir frá einstaklingum sem vilja gerast grænmetisætur eða vegan en telja að makinn færi ekki sömu leið. Eins og með öll önnur sambönd eru þau misjöfn eins og þau eru mörg og því er engin ein rétt leið. Ég og Birgir erum búin að vera saman í rúm 3 ár og höfum þar af búið saman í um það bil 2,5 ár. Þegar við byrjuðum… Lesa meira