Hrefna Líf – „Ég vil ekki hafa barnið mitt á brjósti“

Jæja Hrefna Líf! Hvar endar þetta. Fyrst skrifar þú pistil um að þú viljir ekki barnið þitt, því næst um að þú hafir orðið fyrir vonbrigðum þegar stelpan þín var í raun strákur og svo núna toppar þú þig endanlega með að „vilja” ekki gefa barninu þínu brjóst eins og allir eiga nú að gera!!! Eða er það ekki annars það sem að þú varst að hugsa?

Ég hef lesið nokkur blogg og pistla um brjósta– og pelagjafir. Þær frásagnir eiga það oft sameiginlegt að mæður hafi eftir besta megni reynt að hafa barn sitt á brjósti en dæmið hafi ekki gengið upp. Of margir standa í þeirri trú að nýbökuð móðir mjólki á við stærsta mjólkurbúið í Flóanum og eru mæður ekki nógu upplýstar um hvað mjólkurmyndun er mismunandi á milli kvenna. Margar ljósmæður eru ekki hlynntar „uppgjöf”. Þær telja nýbökuðum hormónafullum mæðrum trú um að það eina rétta í stöðunni sé að hafa barnið á brjósti sama hvað. ,„Hafðu barnið meira á brjósti”, „Pumpaðu þig á milli gjafa til að auka framleiðsluna”, eru setningar sem ég hef lesið á mömmugrúppum, kemur frá þeirra ljósmæðrum meðal annars.

Margar mæður upplifa brjóstagjöf sem fallegasta tíma lífs síns. I call bullshit! Jú, ok ok ein og ein þarna úti er alveg að fíla sig í botn. Með æluna á einni öxlinni og brjóstamjólk út um allan bol. Sem er frábært og hlakka ég til að lesa þær frásagnir. En ég er ekki komin til að skrifa um þær mæður!

En fyrir restina getur þetta reynst erfiður tími. Mikið stress og vonbrigði kemur yfir mæður og finnst þeim þær verri mæður fyrir það eitt að geta ekki framleitt mjólk fyrir barnið sitt. Leiðir það til depurðar og jafnvel þunglyndis. Sem getur leitt til þess að þær missi niður mjólkina. Andlega heilsan spilar nefnilega mikið inn í. Ástæðurnar eru jafn misjafnar og þær eru margar. En mín saga er örlítið öðruvisi.

Ég tók meðvitaða ákvörðun þegar ég var gengin 6 mánuði á leið að ég ætlaði ekki að gefa barninu mínu brjóst og sagði það hverjum sem að spurði. Nær enginn þeirra sem að spurði mig krafðist útskýringar á því eða hvort ég væri með gilda ástæðu. Heldur fékk ég frekar að heyra að móðurmjólkin væri nú það besta fyrir barnið, með öllum nauðsynlegum mótefnum og næringarefnum sem að ungbarn þyrfti. Nú eða hvað kostnaðurinn við að eiga pelabarn væri hár miðað við að vippa út túttunni.

Fólk var sannfært um að ég væri að mikla þetta fyrir mér og margir töldu að ég myndi breyta um skoðun um leið og ég fengi barnið í hendurnar.
En svo var aldeilis ekki. Ég sagði ljósmóður minni frá þessu sem tók heldur ekki vel í þetta. Svo mikið tók hún þetta nærri sér að mátt hefði halda að um hennar eigin barnabarn væri að ræða og yfir mig fékk ég alla helvítis rulluna. En ég stóð staðföst á mínu!

Nú geri ég ráð fyrir að ég sé búin að stuða nokkra lesendur… Veistu það gleður mig alveg örlítið! Ég nefnilega elska allt sem er tabú.
Margir hlutir eru tabú, einfaldlega vegna þess að fólk veit ekki alla söguna. Það ákveður fyrirfram að eitthvað sé ekki rétt og/eða asnalegt. En ef þú ert í þeim minnihlutahópi (ég varð að koma þessu orði inn, þar sem það er það vinsælasta þessa dagana). Þá ert þú ein af þeim sem að bíður eftir minni útskýringu.

Árið 2007 var ég greind með geðhvörf 2, kvíðaröskun og slæmt þunglyndi og allt það sem að því fylgir. Í 10 ár hef ég reynt að lifa með því og hefur það vægast sagt gengið brösulega. Ég hef trekk í trekk fallið úr námi og mistekist í því sem að ég hef tekið mér fyrir hendur. Einfaldlega þar sem að ég hef aldrei sett mér raunhæf markmið og alltaf tekið allt á hörkunni. En hvað kemur það brjóstagjöf við kannt þú að spyrja þig.

Jú þeir sem eru með geðhvörf 2 eru í 50-70% meiri hættu að fá svæsið fæðingarþunglyndi í kjölfar fæðingar.

Þannig að ég tók þann pól í hæðina að ég skyldi eftir fremsta megni reyna að komast hjá fæðingarþunglyndi. Ég talaði við minn lækni í upphafi meðgöngunnar og í samráði við hann tókum við út þau lyf sem ekki mætti taka á meðgöngu. Mátti ég svo byrja að taka þessi lyf aftur eftir að barnið væri fætt svo lengi sem að barnið væri ekki á brjósti. Þar sem að þau lyf skila sér út í brjóstamjólkina. Ég tók því meðvitaða ákvörðun um að setja sjálfa mig í fyrsta sæti. Svo að þegar barnið kæmi í heiminn gæti ég sinnt því eins vel og heilsa mín biði upp á. Sem hefur svo sannarlega skilað sér. Enda gengur lífið hjá barni og móður eftir óskum. Ég get deilt ábyrgðinni með manninum mínum og skiptumst við á að vakna með litla strákinn… NEI OK, þarna er ég að plata. Hann vaknar undantekningarlaust alltaf með drenginn og leyfir mér að sofa. Með góðum svefni, næ ég að halda minni geðheilsu í góðu standi. Ég er í besta jafnvæginu þegar ég fæ minn svefn og næ að gera hlutina vel. Restina sjá lyfin mín um.

En ég er á mínu fyrsta ári í dýralækningum í Valencia á Spáni og þarf að vakna til að mæta í skólann, þrátt fyrir að marga morgna sofi ég með þeim lengur og njóti þess að vera í mömmuorlofi með þeim, og er þá bara duglegri að læra sjálf heima. Ég flutti til Spánar gengin 20 vikur á leið. Sem að mörgum þykir klikkun. Enda er ég ekki vön að fara auðveldustu leiðina í lífinu. Sem jafnframt hefur orðið mér að falli á mínum verstu þrjósku tímum. En ég er bara svo ánægð með sjálfa mig að hafa ekki sett mitt nám og drauma á bið. Lykillinn að þessu hjá mér er að sjálfsögðu hversu mikla ábyrgð maðurinn minn tekur, enda styður hann mig í einu og öllu. Nú er skólaárið örlítið meira en hálfnað og hefur gengið brösulega á köflum. Enda tók meðgangan mikið á og það er meira en að segja það að vera með svona lítið kríli í námi. Ég setti mér það markmið í byrjun skólaárs að ég myndi bara gera mitt besta. Ég þyrfti ekki að ná öllum áföngum. Heldur sinna þessu jafnt og þétt og spyrja að leikslokum.

Þess vegna langar mig að hvetja aðrar konur í svipuðum sporum að ræða þetta við sinn lækni, ljómóður, maka eða gera það upp við sjálfa sig hvað sé best í stöðunni. Mér finnst brjóstamafían oft með of háa rödd. Það er vissulega best fyrir barnið að fá móður mjólkina. En það er enn betra fyrir móður og barn að öllum líði vel og nái að njóta stutta tímans sem þessir fyrstu mánuðir eru. Hvort sem að þú gefur barninu þurrmjólk eða ákveður að pumpa þig ef framleiðslan býður upp á það. Þá getur t.d. makinn (ef hann er til staðar) gefið pelann og þú fengið að sofa með góðri samvisku.

Hamingjusöm mamma er góð mamma og góð mamma er sú mamma sem er að gera sitt besta. Mundu það!!

Jökull Dreki 9 vikna (já barnið mitt heitir Dreki, bara svona til að toppa þetta allt!) Er einstaklega hamingjusamt og vært barn sem á glaða foreldra sem að sjá ekki eftir sinni ákvörðun.

Fyrir áhugasama erum við með mjög vinsælt snapchat þar sem ég deili með lífinu í Valencia -> Mömmulífinu, dýralæknaskólalífinu og fabjúlösslífinu!

Snapchat&Instagram: hrefnalif

Feðgin bresta í söng á bílarúnti

Cole LaBrant er þekkt stjarna á Youtube og milljónir horfa á myndbönd hans á Cole&Say. En myndbandið sem hann tók upp með stjúpdóttur sinni, Everleigh fjögurra ára, sprengir krúttskalann í bílarúntmyndböndum. https://www.youtube.com/watch?v=Jmjuu_jGeg0   Lesa meira

Klæðir kisur eins og Taylor Swift

Jessica katta- og Taylor Swift aðdáandi sem búsett er í Oregon í Bandaríkjunum, tók sig til á dögunum og klæddi kettlingana sem hún er með í fóstri upp og vöktu myndirnar mikla athygli og aðdáun á Instagram. Jessica klæddi kettlingana í samsvarandi búninga og Swift klæðist í myndbandi lagsins Look What You Made Me Do. Jessica var að vonum hæstánægð með móttökurnar sem myndirnar fengu og skrifaði á Instagram: „Þetta er frábært. Ég er svo glöð og spennt og ég vona að Taylor sjái þessi krútt. Ég vona líka að kettlingarnir fái góð heimili til frambúðar. Þakka ykkur fyrir.“ Swift… Lesa meira

Íris skrifar um fæðingarþunglyndi – Engin glansmynd

Íris Bachmann er með bloggsíðuna irisbachmann.com. Nýlega skrifaði hún grein um eigin reynslu af fæðingarþunglyndi, sem Bleikt.is fékk góðfúslegt leyfi til að birta. „Vinkona mín Karitas Harpa byrjaði með myllumerkið #enginglansmynd á síðustu dögum og það var það sem hvatti mig til þess að segja mína sögu,“ segir Íris. „Mig langaði að taka þàtt í þessari herferð hjá henni og hefur fólk almennt tekið þátt með að senda Karitas myndir með #enginglansmynd.“ Reynslu Írisar má lesa hér fyrir neðan og við hvetjum þá sem vilja taka þátt að nota myllumerkið og/eða senda Karitas myndir á netfangið karitasharpa@gmail.com. Einnig má senda Írisi… Lesa meira

12 ára búktalari vinnur America´s Got Talent

Hin 12 ára gamla Darci Lynne, búktalarinn sem heillaði bæði dómara og áhorfendur, vann tólftu seríu America´s Got Talent á miðvikudag. Sigurinn skilar henni 1 milljón dala í verðlaunafé og sýningum í Las Vegas. Í áheyrnarprufu hennar í júní síðastliðnum valdi einn dómara, Mel B., að ýta á gullhnappinn sem skilaði Lynne beint í úrslit þáttanna. https://www.youtube.com/watch?v=paIYpech9pY Og hér má sjá atriðið sem skilaði Lynne sigri. https://www.youtube.com/watch?v=8ropWor8aAM https://www.youtube.com/watch?v=uP4skab_zx4   Lesa meira

Meðlimir Right Said Fred taka upp blöndu af eigin lagi og lagi Taylor Swift

Taylor Swift gaf út fyrsta lag sitt, Look What You Made Me Do, af væntanlegri plötu þann 24. ágúst síðastliðinn. Lagið sló rækilega í gegn, en einhverjum fannst takturinn líkjast lagi Right Said Fred, I´m Too Sexy, frá árinu 1992. Sem er vissulega rétt því Swift notaði hluta af lagi þeirra í sínu og með tvíti þökkuðu meðlimir Right Said Fred henni fyrir að hafa endurskapað lag þeirra.   Meðlimir Right Said Fred hafa nú gefið út blöndu af lögunum. „Við vorum í stúdíóinu með nýjan trommara og bassaleikara og vorum bara að prófa nýjar hugmyndir og nýja takta,“ segir Fred… Lesa meira

Pennywise að dansa er mögulega það besta á netinu í dag

Kvikmyndin It eftir sögu Stephen King hefur slegið í gegn um allan heim og eru flestir á því að hér sé um góða hryllingsmynd að ræða. Í einu atriði myndarinnar má sjá trúðinn Pennywise dansa fyrir Beverly og nú hefur einhver húmoristinn útbúið aðgang á Twitter þar sem notendur hafa sett inn myndskeiðin í nýjum búningum. Einhvern veginn er trúðurinn ekki lengur hræðilegur.   https://twitter.com/Pennywise_Dance/status/907716659359690753 https://twitter.com/Pennywise_Dance/status/910974535209496576 https://twitter.com/Pennywise_Dance/status/907750193738723329 Í júní síðastliðnum tvítaði Stephen King um að ef hann þyrfti að hlusta bara á eitt lag það sem eftir væri þá yrði það lag Mambo5 og auðvitað var því tvíti svarað núna með… Lesa meira

Ellý heldur sýningu, selur allt og flytur til Slóvakíu

Söngkonan Elínborg Halldórsdóttir, eða Ellý í Q4U eins og hún er best þekkt, hefur búið á Akranesi í 15 ár. Síðustu níu ár hefur hún búið í húsi að Skólabraut, þar sem hún var búin að hreiðra vel um sig og dætur sínar, en núna hyggst hún breyta um stefnu í lífinu og flytja til Slóvakíu. Lesa meira

Tveggja ára prófar snyrtivörulínu Rihönnu

Samia er aðeins tveggja ára, en þrátt fyrir það er hún með 114 þúsund fylgjendur á Instagram. í nýjasta myndbandinu prófar hún Fenty snyrtivörulínu Rihönnu og hefur það slegið í gegn sökum krúttheita, Rihanna sjálf hefur sagt að það myndbandið sé uppáhalds förðunarmyndbandið með snyrtivörulínu hennar. https://www.youtube.com/watch?v=cXe5Xrg_hCw   Rihanna póstaði myndbandinu meira að segja aftur á eigið Instagram. Samia á ekki langt að sækja áhugann á athyglinni, Instagram og fylgjendum (þó að hún viti kannski ekkert enn þá hvað neitt af þessu er), en móðir hennar, LaToya Forever gerði sitt eigið myndband fyrir sína 1,3 milljón fylgjendur. https://www.youtube.com/watch?v=VAyDE-It8zo Lesa meira

Ágúst Borgþór með útgáfupartý Afleiðinga

Út er komið smásagnasafnið Afleiðingar eftir Ágúst Borgþór Sverrisson. Sögurnar eru fjölbreyttar að efni en fjalla gjarnan um þær stundir þegar mannfólkið þarf að horfast í augu við afleiðingar gjörða sinna. Á miðvikudag hélt hann útgáfupartý í Eymundsson Skólavörðustíg þar sem höfundur las upp úr bókinni og boðið var upp á veitingar. Lesa má nánar um bókina hér.     Lesa meira

Karen með myndlistarsýningu og opnunarpartý í Energia

Listakonan Karen Kjerúlf hefur opnað sýningu í Energia Smáralind. Í gær var opnunarpartý þar sem fjöldi góðra gesta, vinir og ættingjar Karenar þar á meðal, mættu.   Viðtal/innlit til Karenar má lesa hér. Sýningin verður opin út október á opnunartíma Smáralindar.       Lesa meira

Safnað fyrir útför Gunnars

„Elsku besti pabbi minn fyrst var það systir mín og dóttir þín sem fór frá okkur fyrir 3 mánuðum og núna þú. Ég veit ekkert hvernig mér á að líða , allt er í móðu og eg get ekki lýst því hversu sárt var að heyra í morgun að þú hafir fengið hjartaáfall í nótt. Þú besti vinur minn og besti pabbi í heimi.“ Þetta segir Sara Dís Gunnarsdóttir um föður sinn Gunnar Gunnarsson sem lést aðfaranótt 18. september. Lesa meira

„Fæðubótarefni geta hjálpað við að ná árangri“ – Rannveig setur saman startpakka

Nú er haustið komið og er það löngu orðin óskrifuð regla að þá sé tíminn til að huga að ræktinni. Nú byrjar átakið, námskeiðin að hefjast og allir taka matarræðið í gegn. Rannveig Hildur Guðmundsdóttir æfir allt árið og æfir að jafnaði fimm sinnum í viku. „Ég reyni að vera dugleg að æfa hvenær sem tími gefst til. Ég var alltaf mun skipulagðari með æfingatímana mína þegar ég var að keppa í módelfitness. Þá var ég að mæta um sex til tíu sinnum í viku. Ætli ég sé ekki að mæta um fimm skipti í viku núna. Það kemur nú… Lesa meira