Hrönn Bjarna gerði upp eldhús í Kópavoginum – Glæsilegar breytingar!

Ég og Sæþór maðurinn minn keyptum okkur raðhús í vesturbæ Kópavogs síðasta sumar og gerðum það allt upp.

Skemmtilegasti parturinn við þessar endurbætur fannst mér eldhúsið enda eyði ég yfirleitt miklum tíma í eldhúsinu og líður hvergi betur en þar.

Við byrjuðum á því að rífa niður gömlu innréttinguna og brjóta niður einn vegg. Það birti þvílíkt til í eldhúsinu við að brjóta hann niður og við sjáum sko ekki eftir því. Svo var parketlagt og endað á því að setja upp innréttinguna. Ég var með mjög sterkar skoðanir á því hvernig ég vildi hafa eldhúsið og það voru nokkrir hlutir sem mér fannst alveg nauðsynlegt að hafa. Ég vildi hafa 2 ofna, bara skúffur í neðri skápum, efri skápa alveg uppí loft, rosalega gott skipulag í skúffunum, barstóla og stóran vask.

Ég ákvað strax að versla mér eldhús í IKEA og var það aðallega af því þeir eru með svo ótrúlega sniðugar lausnir og leiðir til að hafa eldhúsið mjög skipulagt.

Hér er t.d skipulagið í eyjunni minni en þessar innri skúffur finnst mér algjör snilld. Þá er bara einn frontur á skúffunni og 2 skúffur inní sem gerir útlitið stílhreinna utanfrá en notagildið margfalt betra inní. Við eyddum miklum tíma í að pæla í því hvar allt ætti að vera í eldhúsinu og okkur fannst mikilvægt að raða þessu þannig að allt væri nálægt manni þegar maður væri að vinna í eldhúsinu. Hjá okkur er helluborðið í eyjunni og þá settum við potta og pönnur beint fyrir neðan helluborðið og áhöld og krydd hliðiná helluborðinu og hinum megin eru svo hnífar og hnífapör og þá þarf maður ekki að vera að hlaupa um allt eldhús þegar maður er að vinna á eyjunni. Við erum með svona innri skúffur útum allt eldhús sem gerir allt skipulag mjög einfalt.

Hvítt háglans var það eina sem kom til greina en mér finnst það ótrúlega stílhreint og fallegt og passa sérstaklega vel við parketið sem við völdum okkur en það er grátt.

Ég var í smá vandræðum með að velja mér borðplötu en endaði á því að fara í Fanntófell og kaupa þar ítalskt harðplast í hvítum glans og er alveg ótrúlega ánægð með það. Það er að vísu hellings vinna að halda þessu hreinu af því það sést hvert fingrafar á þessu en ég skal sko glöð eyða smá tíma í það af því þetta er svo fallegt.

Í gamla eldhúsinu var eldhúsborð í eldhúsinu en við ákváðum að hafa frekar svona barborð og barstóla og sleppa eldhúsborði af því borðstofuborðið er bara þarna alveg hliðiná. Þá kom upp smá vandamál með svæðið hjá gluggunum af því gluggarnir eru svo lágir að það var ekki hægt að halda bara áfram með neðri skápana. Þá kom maðurinn minn með þá snilldarhugmynd að gera þetta að svona bekk sem er hægt að sitja á með skúffum undir. Við skelltum okkur inná IKEA síðuna og sáum að það eru til skápar í IKEA sem eru hugsaðir sem efri skápar ofaná djúpa háa skápa og eru bara 40cm á hæð sem er mjög fín sethæð og þar er rosa kósí að sitja þarna með kaffibollann á morgnana.

Barborðið var líka smá pæling en fyrst ætlaði ég ekki að hafa neinar skúffur í barborðinu og hafa bara borðplötu og opið í gegn en mér fannst svo mikil synd að sleppa þessu auka geymsluplássi að við ákváðum að setja skúffur í eyjuna. Til að hafa nóg pláss fyrir fæturnar settum við bara grunnar skúffur í eyjuna og þar geymum við t.d. matardiskana þannig að það er stutt að fara með þá á barborðið og borðstofuborðið. Það er hellings pláss í þessum grunnu skúffum og frábær lausn þar sem plássið leyfir ekki fulla dýpt. Að vera með 2 ofna er líka ótrúlega þægilegt, bæði þegar maður er með veislur eða marga í mat og eins ef maður er t.d. að hægelda kjöt í öðrum þá er hægt að útbúa meðlæti eða eftirrétt í hinum ofninum á sama tíma.

Innréttingunni undir stiganum var bætt við alveg í lokin en þá ákváðum við að það væri mun flottara að hafa bara innréttingu líka þarna í stíl við restina af eldhúsinu í staðinn fyrir að setja einhvern annan skenk eða skáp þarna sem passaði ekki alveg við hitt.

Hái skápurinn sem liggur upp við barborðið var svo seinasti höfuðverkurinn þegar við teiknuðum upp eldhúsið en við vorum mjög óákveðin hvernig við gætum leyst þetta horn. Fyrst ætluðum við að láta skápinn snúa eins og skápurinn með ofninum og ísskápnum og hafa bara skúffur/skápa í efri partinum en svo datt okkur í hug að láta hann snúa bara inn í borðstofu og geta þá haft skúffur alla leið niður. Mér finnst þetta snilldarlausn og þetta kemur mun betur út en ég þorði að vona og við græddum hellings geymslupláss með þessu.

Ljósin fyrir ofan eyjuna eru Kartell ljós sem heita Easy og ég keypti þau á Amazon.co.uk á mjög fínu verði. Við erum ótrúlega ánægð með þetta eldhús og mér finnst æðislegt að dúlla mér í nýja eldhúsinu mínu og baka og elda.

höfundur greinar: Hrönn Bjarna

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra. Dýrahjálp er meðal þeirra sem áttu mikið af eignum sem lágu í geymslunum og ljóst er að tjónið var gríðarlegt og leita þau því til almennings í þeirri von um að einhver geti aðstoðað þau í þessum leiðinlegu aðstæðum. Við fáum ekkert að nálgast neitt strax en það virðist sem þakið á húsinu sé farið þar sem okkar geymslur… Lesa meira

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði. Rósa segir að börn séu frábærir áhorfendur sem geri leikurum alveg ljóst ef þeim mislíkar eitthvað í sýningunni. „Börnin eru svo fyndin og þau spyrja okkur oft spurninga fyrir eða eftir sýningu sem ég á stundum í stökustu vandræðum með að svara og þarf því að vera fljót að hugsa,“ segir Rósa í viðtali sem birtist upphaflega í helgarblaði DV. Rósa er menntuð leikkona og hefur starfað við leiklist undanfarin… Lesa meira

Fyrir og eftir myndir – Breytingar á heimili

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum ! Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég var alveg búin að ákveða að mála í gráum lit en hitti svo æðislegan starfsmann sem leiðbeindi mér mjög vel… Lesa meira

Skotheld uppskrift af gómsætum grjónagraut sem klikkar aldrei

Eitt af því besta sem börnin mín fá er grjónagrautur. Og best af öllu finnst þeim þegar hann er borinn fram með rúsínum og lifrarpylsu.  Ég hef lengi haft uppskriftina í kollinum og ákvað að skrifa hana niður núna og skella henni hérna inn. Þessi grautur er ótrúlega einfaldur, en það þarf að vísu að fylgjast vel með pottinum og hræra reglulega svo hann brenni ekki við. En hér kemur uppskriftin: (Fyrir 5) Hráefni: 3 dl hrísgrjón 4 dl vatn 1/2 tsk salt 10-12 dl mjólk (ég nota hvort sem er nýmjólk eða léttmjólk, bara það sem ég á til)… Lesa meira

Óstjórnlega fyndnar gínur sem eru orðnar leiðar á starfinu sínu

Í gegnum tíðina hefur oft verið talað um að gínur í búðum sýni óraunhæfa mynd af útliti og vaxtarlagi fólks. Það hefur hins vegar sjaldan verið veitt því athygli hversu leiðinlegu lífi aumingja gínurnar lifa. Þær standa á sama stað á hverjum einasta degi, starfsmenn verslana aflima þær fram og til baka og það kemur fyrir að þær þurfa að standa naktar fyrir framan alla. Það er því ekki skrítið að af og til finni fólk gínur sem haga sér öðruvísi en vanalega. Bored Panda tók saman lista af skemmtilegum gínum sem hafa flúið raunveruleika sinn og eru ekki eins… Lesa meira

Ingibjörg Eyfjörð: „Ég bjó mér til samfélagsmiðlakarakter“

… eða svo var mér sagt. Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir. Það er enginn fullkominn Ég hef frá upphafi lagt mikinn metnað í að skrifa frá hjartanu, skrifa… Lesa meira

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig. Bored Panda greinir frá því að það hafi verið árið 2016 þegar mikill eldur geisaði í Kanada þar sem Tony Bussey býr, sem hann áttaði sig á því að núna væri tíminn til þess að opna augun og takast á við vandamálið. Flugvélar voru sendar á svæðið til þess að bjarga fólki frá eldinum og þegar Tony mætti á flugvöllinn var hann settur fremst í röðina. Of feitur til þess að… Lesa meira

Dóttir Karenar hafnaði brjóstinu: „Ég mjólkaði samt eins og belja en börn eru ekki öll eins“

Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri. Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin, segir Karen í einlægri færslu sinni á Mamiita. Dóttir hennar neitaði brjóstinu Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu. Eftir nokkra daga gafst ég upp og fór að gefa henni ábót.… Lesa meira

Brúðkaupslisti fyrir verðandi brúðhjón frá Hildi Hlín

Flestir sem þekkja mig vita að ég er einstaklega skipulögð manneskja og elska að búa til lista. Við getum eiginlega sagt að allt sem ég geri, þarf að gera eða ætla mér að gera sé merkt á einhverjum af þessum þúsund "to do”-listum sem ég á og hef vandlega skipt niður eftir viðfangsefni og mikilvægi. Einn stærsti svoleiðis listi sem ég er að vinna eftir þessa dagana er stóri brúðkaupslistinn minn! Þessi listi er búinn að vera opinn í símanum mínum, tölvunni og útprentaður í brúðkaupsbókinni minni núna frá því á síðasta ári (ok þetta er farið að hljóma eins… Lesa meira

Vandræðalegar auglýsingar af speglum til sölu

Ert þú að fara að selja spegil í bráð? Þá gætir þú tekið þessa frábæru sölumenn þér til fyrirmyndar og þá eru miklar líkur á því að spegill verði seldur fljótlega eftir að auglýsingin kemur á netið. Það getur reynst erfitt að taka góða mynd af spegli án þess að spegilmyndin af manni sjálfum eða öðrum laumist óvart með. Þetta fólk reyndi að finna lausn á vandamálinu með misgóðum árangri. Lesa meira

Sjö ára gamall drengur fann sálufélagann í ketti sem lítur alveg eins út og hann sjálfur

Sjö ára gamall drengur sem lagður hefur verið í einelti fyrir útlit sitt eignaðist kött sem er bæði með klofna vör og eins augu og drengurinn. Madden frá Oklahoma fæddist með klofna vör og mismunandi augnlit á hvoru auga. Í síðustu viku þá setti ein vinkona mín mynd af kettinum í sérstakan hóp sem ég er í fyrir foreldra barna með klofna vör. Kettinum hafði verið bjargað í Minnesota og við vissum strax a þessum ketti var ætlað að verða hluti af okkar fjölskyldu. Hann er ekki bara með klofna vör líkt og sonur okkar heldur hefur hann einnig mismunandi lit á augunum eins og Madden, segir Christina Humphreys í… Lesa meira