Hvenær má barnið hætta með sessu?

Ég á þrjú börn sem ég vil allt það besta fyrir og þar með talið er öryggi þeirra í umferðinni.
~Þau nota hjálma þegar þau fara út að hjóla.
~Ég fór með þau heim af fæðingardeildinni í ungbarnabílstól (reyndar hefði mér ekki verið hleypt heim með þau öðruvísi).
~Þegar þau voru vaxin upp úr ungbarnabílstólnum, þá fóru þau í bílstól við hæfi með 5 punkta belti í.
~Og þegar þau voru vaxin upp úr honum, þá fóru þauu í sessu með baki.

Það eru allir sammála um að þetta sé það öruggasta fyrir börnin okkar.
En svo kemur stóra spurningin, sem mjög margir foreldrar virðast velta fyrir sér og mjög fáir foreldrar hafa 100% svar við.

Hvenær má barnið mitt hætta að nota sessu með baki?

Þegar maður googlar, ef ég leyfi mér að nota þetta slangur, þá eru margar upplýsingar sem maður finnur og sumar misvísandi.
En það sem ég hef fundið varðandi það hversu lengi barn á að nota sessu með baki er þetta:
Sessu með baki á að nota þar til barnið er annaðhvort orðið 12 ára eða hefur náð 36 kílóa þyngd. Eftir það má barnið hætta að nota sessu með baki. Og ég endurtek, þá MÁ barnið hætta að nota sessuna. En að sjálfsögðu má barnið vera lengur í henni ef það passar enn í hana og það fer ekki illa um barnið í stólnum.
En ef foreldrar eru samt ekki öruggir um hvort barnið megi hætta að nota sessu með baki eða ekki, þrátt fyrir að þessum viðmiðum sé náð, þá er lang best að meta það þannig að láta barnið hreinlega máta bílbeltin í bílnum. Þ.e. að láta barnið setjast í aftursæti bílsins og setja á það bílbeltið.
~Beltið á að sitja á öxlinni á barninu en ekki liggja upp við hálsinn.
~Beltið á að liggja á ská yfir miðja bringuna á barninu.
~Beltið á að liggja yfir lærin en ekki yfir kviðinn.
~Hnén að ná framfyrir brúnina á sætinu, þannig að þegar barnið situr í sætinu, þá á það að geta setið með bakið að sætisbakinu og eins þarf barnið að geta setið með hnén í 90°.

Ég læt hér fylgja nokkrar myndir sem ég fann á netinu sem geta hjálpað til við að útskýra það betur hvernig bílbeltið á að vera og hvernig það á ekki að vera.

Og eitt að lokum

Ekki láta neinn annan segja þér hvenær barnið þitt á að hætta að sitja í sessu með baki. Það er alfarið þín ákvörðun og á þína ábyrgð.
Það að allir í bekknum séu hættir að nota sessu með baki, eða að frænka/frændi/vinkona eða einhver annar sagði að barnið hljóti að vera orðið of stórt fyrir sessu með baki eru bara alls ekki nógu góð rök.
Ef barnið er of lítið til að hætta að nota þennan öryggisbúnað, þá er það bara þannig.

Börnin mín eru 7 ára, 9 ára og 11 ára. Þau nota öll enn sessu með baki. Og það verður þannig þar til þau passa í bílbeltið í bílnum, án þess að nota sessuna.

Ef barnið uppfyllir þau skilyrði sem eftirfarandi myndir sína, þá er það orðið nógu stórt til að hætta að nota sessu með baki.

Svona á bílbeltið að sitja á barninu
Beltið á að liggja yfir öxlina.
Beltið á að liggja yfir lærin á barninu.

Ef beltið situr á barninu eins og á neðangreindum myndum, þá þarf barnið að sitja lengur á sessu með baki.

Barnið á að sitja með bakið alveg upp að sætisbakinu  og það á að ná að beygja hnén.
Beltið á ekki að liggja upp við hálsinn á barninu og ekki yfir kviðinn.

Að lokum vil ég minnast á það að ekki er mælt með því að nota sessur án baks. Sessur án baks veita falskt öryggi. Í hörðum árekstrum getur sessa án baks runnið undan barninu og barnið getur hlotið alvarlegan skaða, svosem mænuskaða og innvortis blæðingar í kviðarholi. Í mörgum löndum er bannað að nota sessur án baks vegna þessa.
Ef sessur án baks ættu að koma að einhverjum notum, þá eru þær eflaus ágætar til síns brúks í kvikmyndahúsum eða á rakarastofum sem upphækkun fyrir barnið. En aldrei í bíl.

Ég vona að þessar upplýsingar hjálpi einhverjum í hugleiðingum sínum um sessu með baki eða ekki sessu með baki. En ef einhverjar spurningar vakna varðandi þetta þá er alltaf hægt að hafa samband við miðstöð slysavarna barna, samgöngustofu eða tryggingafélögin

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra. Dýrahjálp er meðal þeirra sem áttu mikið af eignum sem lágu í geymslunum og ljóst er að tjónið var gríðarlegt og leita þau því til almennings í þeirri von um að einhver geti aðstoðað þau í þessum leiðinlegu aðstæðum. Við fáum ekkert að nálgast neitt strax en það virðist sem þakið á húsinu sé farið þar sem okkar geymslur… Lesa meira

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði. Rósa segir að börn séu frábærir áhorfendur sem geri leikurum alveg ljóst ef þeim mislíkar eitthvað í sýningunni. „Börnin eru svo fyndin og þau spyrja okkur oft spurninga fyrir eða eftir sýningu sem ég á stundum í stökustu vandræðum með að svara og þarf því að vera fljót að hugsa,“ segir Rósa í viðtali sem birtist upphaflega í helgarblaði DV. Rósa er menntuð leikkona og hefur starfað við leiklist undanfarin… Lesa meira

Fyrir og eftir myndir – Breytingar á heimili

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum ! Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég var alveg búin að ákveða að mála í gráum lit en hitti svo æðislegan starfsmann sem leiðbeindi mér mjög vel… Lesa meira

Skotheld uppskrift af gómsætum grjónagraut sem klikkar aldrei

Eitt af því besta sem börnin mín fá er grjónagrautur. Og best af öllu finnst þeim þegar hann er borinn fram með rúsínum og lifrarpylsu.  Ég hef lengi haft uppskriftina í kollinum og ákvað að skrifa hana niður núna og skella henni hérna inn. Þessi grautur er ótrúlega einfaldur, en það þarf að vísu að fylgjast vel með pottinum og hræra reglulega svo hann brenni ekki við. En hér kemur uppskriftin: (Fyrir 5) Hráefni: 3 dl hrísgrjón 4 dl vatn 1/2 tsk salt 10-12 dl mjólk (ég nota hvort sem er nýmjólk eða léttmjólk, bara það sem ég á til)… Lesa meira

Óstjórnlega fyndnar gínur sem eru orðnar leiðar á starfinu sínu

Í gegnum tíðina hefur oft verið talað um að gínur í búðum sýni óraunhæfa mynd af útliti og vaxtarlagi fólks. Það hefur hins vegar sjaldan verið veitt því athygli hversu leiðinlegu lífi aumingja gínurnar lifa. Þær standa á sama stað á hverjum einasta degi, starfsmenn verslana aflima þær fram og til baka og það kemur fyrir að þær þurfa að standa naktar fyrir framan alla. Það er því ekki skrítið að af og til finni fólk gínur sem haga sér öðruvísi en vanalega. Bored Panda tók saman lista af skemmtilegum gínum sem hafa flúið raunveruleika sinn og eru ekki eins… Lesa meira

Ingibjörg Eyfjörð: „Ég bjó mér til samfélagsmiðlakarakter“

… eða svo var mér sagt. Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir. Það er enginn fullkominn Ég hef frá upphafi lagt mikinn metnað í að skrifa frá hjartanu, skrifa… Lesa meira

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig. Bored Panda greinir frá því að það hafi verið árið 2016 þegar mikill eldur geisaði í Kanada þar sem Tony Bussey býr, sem hann áttaði sig á því að núna væri tíminn til þess að opna augun og takast á við vandamálið. Flugvélar voru sendar á svæðið til þess að bjarga fólki frá eldinum og þegar Tony mætti á flugvöllinn var hann settur fremst í röðina. Of feitur til þess að… Lesa meira

Dóttir Karenar hafnaði brjóstinu: „Ég mjólkaði samt eins og belja en börn eru ekki öll eins“

Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri. Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin, segir Karen í einlægri færslu sinni á Mamiita. Dóttir hennar neitaði brjóstinu Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu. Eftir nokkra daga gafst ég upp og fór að gefa henni ábót.… Lesa meira

Brúðkaupslisti fyrir verðandi brúðhjón frá Hildi Hlín

Flestir sem þekkja mig vita að ég er einstaklega skipulögð manneskja og elska að búa til lista. Við getum eiginlega sagt að allt sem ég geri, þarf að gera eða ætla mér að gera sé merkt á einhverjum af þessum þúsund "to do”-listum sem ég á og hef vandlega skipt niður eftir viðfangsefni og mikilvægi. Einn stærsti svoleiðis listi sem ég er að vinna eftir þessa dagana er stóri brúðkaupslistinn minn! Þessi listi er búinn að vera opinn í símanum mínum, tölvunni og útprentaður í brúðkaupsbókinni minni núna frá því á síðasta ári (ok þetta er farið að hljóma eins… Lesa meira

Vandræðalegar auglýsingar af speglum til sölu

Ert þú að fara að selja spegil í bráð? Þá gætir þú tekið þessa frábæru sölumenn þér til fyrirmyndar og þá eru miklar líkur á því að spegill verði seldur fljótlega eftir að auglýsingin kemur á netið. Það getur reynst erfitt að taka góða mynd af spegli án þess að spegilmyndin af manni sjálfum eða öðrum laumist óvart með. Þetta fólk reyndi að finna lausn á vandamálinu með misgóðum árangri. Lesa meira

Sjö ára gamall drengur fann sálufélagann í ketti sem lítur alveg eins út og hann sjálfur

Sjö ára gamall drengur sem lagður hefur verið í einelti fyrir útlit sitt eignaðist kött sem er bæði með klofna vör og eins augu og drengurinn. Madden frá Oklahoma fæddist með klofna vör og mismunandi augnlit á hvoru auga. Í síðustu viku þá setti ein vinkona mín mynd af kettinum í sérstakan hóp sem ég er í fyrir foreldra barna með klofna vör. Kettinum hafði verið bjargað í Minnesota og við vissum strax a þessum ketti var ætlað að verða hluti af okkar fjölskyldu. Hann er ekki bara með klofna vör líkt og sonur okkar heldur hefur hann einnig mismunandi lit á augunum eins og Madden, segir Christina Humphreys í… Lesa meira