Ingibjörg hefur misst fóstur yfir 11 sinnum: „Þetta er hreint helvíti, mig langar að hverfa í smá stund“

Ingibjörg Hallgrímsdóttir og unnusti hennar hafa reynt að verða ólétt í meira en fimm ár. Á þeim tíma hefur Ingibjörg orðið barnshafandi yfir 11 sinnum en misst öll fóstrin nokkrum vikum síðar.

Í augnablikinu upplifi ég mikið vonleysi og mér finnst ég ekki vera að gera mitt hlutverk sem kona. Ég er oft búin að brotna og öskra og verða það reið að ég næ ekki að tjá mig,

segir Ingibjörg í viðtali við Bleikt.

Unnusti Ingibjargar á einn son úr fyrra sambandi og stefnir parið á að gifta sig í september á þessu ári.

Mig hefur alltaf langað í börn og tók ég syni hans með mikilli gleði. Ég varð svo ólétt sumarið 2013 en fljótlega komumst við að því að það var utanlegsfóstur og ákváðu læknarnir að gera þverskurð til þess að bjarga eggjaleiðaranum.

Ingibjörg og unnusti hennar ræddu barneignir ekki mikið eftir þetta áfall en dag einn tóku þau ákvörðun um að þau væru orðin nógu sterk til þess að byrja að reyna.

Ég fór þá að telja og reikna dagana. Svo kom að því, ég varð ólétt og ekkert smá hamingjusöm. Ég hugsaði með mér að þetta hefði nú ekki tekið langan tíma.

Missti fóstur eftir átta vikur

Þegar Ingibjörg var gengin átta vikur missti hún hins vegar fóstrið og tók það virkilega á hana.

Það var mjög erfitt, en ég harkaði það af mér og við héldum áfram að reyna. Ég verð fljótlega aftur ólétt en missi aftur á sjöttu viku. Svona heldur þetta áfram að rúlla, það er eins og það sé einhver veggur se ég næ ekki að fara yfir. Ég hef orðið ólétt 11 sinnum og aldrei náð að ganga lengur heldur en átta vikur.

Árið 2017 ákváðu Ingibjörg og unnust hennar að leita eftir aðstoð hjá IVF Klíníkinni en þá voru þau nú þegar búin að reyna sjálf í fjögur ár.

Við fórum í gegnum allt ferlið hjá þeim og það kemur í ljós að allt er í góðu lagi hjá okkur báðum og ekkert sem stendur í vegi fyrir því að ég geti orðið ólétt. En ég vill meina að það sé eitthvað annað í gangi.

Fossblæddi og verkirnir óbærilegir

Í ágúst á síðasta ári byrjaði Ingibjörg á hormónalyfjum til þess að geta farið í eggheimtu.

Það gekk mjög vel og þau náðu 12 eggjum og 7 af þeim náðu að frjóvgast og litu virkilega vel út. Ég fór þá í uppsetningu og beið svo spennt eftir prófdeginum þar sem í ljós kom að ég var ólétt. Nokkrum dögum síðar byrjaði að blæða, ég tók því aftur próf sem var jákvætt. Ég fæ þá þær upplýsingar að þetta sé hreiðurblæðing og að togverkirnir séu alveg eðlilegir. En tveimur vikum síðar fór að fossblæða og verkirnir verða óbærilegir, þá tók ég aftur próf sem var neikvætt. Þarna tók ég ákvörðun um að taka mér smá pásu þar sem ég var alveg búin á því andlega. Nú í janúar á þessu ári fékk ég svo hámarks egglos samkvæmt blóðprufu og fór því í uppsetningu, allt leit rosalega vel út. Svo kom að prófdegi og það var neikvætt.

Langar að hverfa

Ingibjörg segir að allt ferlið hafi tekið virkilega mikið á hana.

Þetta hefur verið hreint helvíti fyrir mig, mér finnst ég ekki vera að gera mitt hlutverk sem kona. Þetta tekur á andlega, líkamlega og fjárhagslega. Ég finn enga hvöt til þess að gera neitt í augnablikinu. Ég á erfitt með að vakna á morgnanna og taka á móti deginum, mig langar að grafa mig einhvers staðar niður og vera þar. Mig langar að hverfa í smá stund. Greyið maðurinn minn þarf að lifa með mér í öllum mínum köstum. Ég reyni að brosa og láta sem ekkert af þessu sé að hafa áhrif á mig en í raun er þetta að taka allt of mikið af mér. Þessi sorg er of mikil fyrir mig suma daga.

Heldur í vonina

Ingibjörg segir að hún finni mikinn stuðning frá fólkinu í kringum sig en þó séu alltaf einstaka setningar sem koma upp þar sem henni finnst hún mæta skilningsleysi.

Ég á yndislegt fólk í kringum mig, bæði vinirnir og vinnan og ég er svo þakklát fyrir allan þann stuðning sem þau veita mér. Þrátt fyrir að ég biðji ekki um neitt þá fæ ég svo mikinn stuðning. Einstaka sinnum lendi ég í því að heyra setningar sem ég þoli ekki eins og til dæmis: „Þetta kemur, þú þarft bara að vera þolinmóð,“ eða „ert þú í tæknifrjóvgun, ég þekki eina sem fór og það virkaði strax.“ Ég veit alveg að fólk meinar vel og er að reyna að hvetja mann en fyrir mér virkar þetta akkúrat öfugt, þetta brýtur mig niður. En ég held í vonina að einn daginn muni þetta ganga upp og ég fæ að verða ólétt, fæ loksins að verða mamma. Einn daginn.

Vitundarvakning Tilveru

Í þessari viku, 26. febrúar – 3. mars stendur Tilvera, samtök um ófrjósemi fyrir vitundarvakningu sem gengur undir heitinu #1af6. En talið er að einn af hverjum sex einstaklingum sem langar að eignast barn glímið við ófrjósemi. Hægt er að skoða dagskrána hér.

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra. Dýrahjálp er meðal þeirra sem áttu mikið af eignum sem lágu í geymslunum og ljóst er að tjónið var gríðarlegt og leita þau því til almennings í þeirri von um að einhver geti aðstoðað þau í þessum leiðinlegu aðstæðum. Við fáum ekkert að nálgast neitt strax en það virðist sem þakið á húsinu sé farið þar sem okkar geymslur… Lesa meira

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði. Rósa segir að börn séu frábærir áhorfendur sem geri leikurum alveg ljóst ef þeim mislíkar eitthvað í sýningunni. „Börnin eru svo fyndin og þau spyrja okkur oft spurninga fyrir eða eftir sýningu sem ég á stundum í stökustu vandræðum með að svara og þarf því að vera fljót að hugsa,“ segir Rósa í viðtali sem birtist upphaflega í helgarblaði DV. Rósa er menntuð leikkona og hefur starfað við leiklist undanfarin… Lesa meira

Fyrir og eftir myndir – Breytingar á heimili

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum ! Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég var alveg búin að ákveða að mála í gráum lit en hitti svo æðislegan starfsmann sem leiðbeindi mér mjög vel… Lesa meira

Skotheld uppskrift af gómsætum grjónagraut sem klikkar aldrei

Eitt af því besta sem börnin mín fá er grjónagrautur. Og best af öllu finnst þeim þegar hann er borinn fram með rúsínum og lifrarpylsu.  Ég hef lengi haft uppskriftina í kollinum og ákvað að skrifa hana niður núna og skella henni hérna inn. Þessi grautur er ótrúlega einfaldur, en það þarf að vísu að fylgjast vel með pottinum og hræra reglulega svo hann brenni ekki við. En hér kemur uppskriftin: (Fyrir 5) Hráefni: 3 dl hrísgrjón 4 dl vatn 1/2 tsk salt 10-12 dl mjólk (ég nota hvort sem er nýmjólk eða léttmjólk, bara það sem ég á til)… Lesa meira

Óstjórnlega fyndnar gínur sem eru orðnar leiðar á starfinu sínu

Í gegnum tíðina hefur oft verið talað um að gínur í búðum sýni óraunhæfa mynd af útliti og vaxtarlagi fólks. Það hefur hins vegar sjaldan verið veitt því athygli hversu leiðinlegu lífi aumingja gínurnar lifa. Þær standa á sama stað á hverjum einasta degi, starfsmenn verslana aflima þær fram og til baka og það kemur fyrir að þær þurfa að standa naktar fyrir framan alla. Það er því ekki skrítið að af og til finni fólk gínur sem haga sér öðruvísi en vanalega. Bored Panda tók saman lista af skemmtilegum gínum sem hafa flúið raunveruleika sinn og eru ekki eins… Lesa meira

Ingibjörg Eyfjörð: „Ég bjó mér til samfélagsmiðlakarakter“

… eða svo var mér sagt. Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir. Það er enginn fullkominn Ég hef frá upphafi lagt mikinn metnað í að skrifa frá hjartanu, skrifa… Lesa meira

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig. Bored Panda greinir frá því að það hafi verið árið 2016 þegar mikill eldur geisaði í Kanada þar sem Tony Bussey býr, sem hann áttaði sig á því að núna væri tíminn til þess að opna augun og takast á við vandamálið. Flugvélar voru sendar á svæðið til þess að bjarga fólki frá eldinum og þegar Tony mætti á flugvöllinn var hann settur fremst í röðina. Of feitur til þess að… Lesa meira

Dóttir Karenar hafnaði brjóstinu: „Ég mjólkaði samt eins og belja en börn eru ekki öll eins“

Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri. Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin, segir Karen í einlægri færslu sinni á Mamiita. Dóttir hennar neitaði brjóstinu Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu. Eftir nokkra daga gafst ég upp og fór að gefa henni ábót.… Lesa meira

Brúðkaupslisti fyrir verðandi brúðhjón frá Hildi Hlín

Flestir sem þekkja mig vita að ég er einstaklega skipulögð manneskja og elska að búa til lista. Við getum eiginlega sagt að allt sem ég geri, þarf að gera eða ætla mér að gera sé merkt á einhverjum af þessum þúsund "to do”-listum sem ég á og hef vandlega skipt niður eftir viðfangsefni og mikilvægi. Einn stærsti svoleiðis listi sem ég er að vinna eftir þessa dagana er stóri brúðkaupslistinn minn! Þessi listi er búinn að vera opinn í símanum mínum, tölvunni og útprentaður í brúðkaupsbókinni minni núna frá því á síðasta ári (ok þetta er farið að hljóma eins… Lesa meira

Vandræðalegar auglýsingar af speglum til sölu

Ert þú að fara að selja spegil í bráð? Þá gætir þú tekið þessa frábæru sölumenn þér til fyrirmyndar og þá eru miklar líkur á því að spegill verði seldur fljótlega eftir að auglýsingin kemur á netið. Það getur reynst erfitt að taka góða mynd af spegli án þess að spegilmyndin af manni sjálfum eða öðrum laumist óvart með. Þetta fólk reyndi að finna lausn á vandamálinu með misgóðum árangri. Lesa meira

Sjö ára gamall drengur fann sálufélagann í ketti sem lítur alveg eins út og hann sjálfur

Sjö ára gamall drengur sem lagður hefur verið í einelti fyrir útlit sitt eignaðist kött sem er bæði með klofna vör og eins augu og drengurinn. Madden frá Oklahoma fæddist með klofna vör og mismunandi augnlit á hvoru auga. Í síðustu viku þá setti ein vinkona mín mynd af kettinum í sérstakan hóp sem ég er í fyrir foreldra barna með klofna vör. Kettinum hafði verið bjargað í Minnesota og við vissum strax a þessum ketti var ætlað að verða hluti af okkar fjölskyldu. Hann er ekki bara með klofna vör líkt og sonur okkar heldur hefur hann einnig mismunandi lit á augunum eins og Madden, segir Christina Humphreys í… Lesa meira