Íris skrifar um fæðingarþunglyndi – Engin glansmynd

Íris Bachmann er með bloggsíðuna irisbachmann.com. Nýlega skrifaði hún grein um eigin reynslu af fæðingarþunglyndi, sem Bleikt.is fékk góðfúslegt leyfi til að birta.

„Vinkona mín Karitas Harpa byrjaði með myllumerkið #enginglansmynd á síðustu dögum og það var það sem hvatti mig til þess að segja mína sögu,“ segir Íris. „Mig langaði að taka þàtt í þessari herferð hjá henni og hefur fólk almennt tekið þátt með að senda Karitas myndir með #enginglansmynd.“

Reynslu Írisar má lesa hér fyrir neðan og við hvetjum þá sem vilja taka þátt að nota myllumerkið og/eða senda Karitas myndir á netfangið karitasharpa@gmail.com. Einnig má senda Írisi og Karitas Hörpu myndir á Snapchat: irisbachmann og karitasharpa.

Mér finnst magnað hvað það eru margir farnir að opna sig um til dæmis fæðingarþunglyndi og allskonar meira og það hvatti mig til þess að opna mig aðeins og skrifa niður mína sögu.

Mér sem sagt fór mjög snemma að líða illa á meðgöngunni og hætti að vinna á minnir mig 17 eða 18viku. Ég var með svo ótrúlegan kvíða og vanlíðan útaf mikillri ógleði og fannst mér ótrúlega erfitt að mæta í vinnu að snyrta og dekra við aðra þegar ég var bókstaflega í stress kasti yfir því hvenær ég myndi kasta upp næst, mun ég ná að lita&plokka eina konu án þess að þurfa hlaupa á klósettið! Mér leið svo illa, þá sérstaklega útaf því mér fannst ég ekki vera að sinna vinnunni minni 100%, ég þurfti lengri tíma fyrir snyrtimeðferðirnar, allan minn frítíma í vinnunni eyddi ég í að reyna koma eitthverjum mat niður eða á klósettinu að kasta upp, oft líka hringdi ég í mömmu og bara grét! Á hverju kvöldi gat ég varla sofnað því ég var svo stressuð fyrir morgun gubbinu og hvernig vinnudagurinn yrði. Auðvitað endaði þetta þannig að ljósmóðir sagði stopp og ég hætti að vinna! Mér leið strax aðeins betur að hafa tekið eitthverja ákvörðun um framhaldið í stað þess að vera föst á þessum ömurlega stað mikið lengur. Ógleðin hélt svo áfram alveg fram að fæðingardegi Andrésar, en í enda meðgöngu voru samt fleiri dagar betri en verri sem hjálpaði mér að ná að njóta örlítið að vera ólétt.

Með yndislega ljósmóður

En ég var með yndislega ljósmóður sem bókstaflega sá hvað mér leið hræðilega, hún lét mig taka allskonar próf til þess að reyna greina kvíðan, stressið og þunglyndið sem var að byrja myndast. Eftir fyrsta próf kom út rosa kvíði og þunglyndi, hún benti mér því á ýmsar leiðir sem væru í boði sem gætu hjálpað mér og leist mér best á þessa allavega til þess að byrja með -> Hún senti beiðni á Miðstöð foreldra & barna, þar vinna saman geðlæknar, hjúkrunar- og sálfræðingar með allskonar menntun og eru ótrúlega færar á sínu sviði. Það tók alveg 2-3 mánuði að komast inn hjá þeim, en ég fékk fyrst símtal og út frá því var bókaður tími og í þennan tíma mættum ég og kærastinn minn saman í og síðan höfum við mætt reglulega enn í dag með Andrés með okkur.

Fann ekki þessa brjáluðu ástartilfinningu

Mér fannst mér líða öðruvísi en mörgum öðrum nýbökuðum mæðrum, ég fann ekki þessa brjáluðu ástar tilfinningu, mér var bara alveg sama. Andrés Elí hefur aldrei sofið vel og sérstaklega ekki fyrstu mánuðina, ég bókstaflega vakti heilu sólarhringana og var orðin svo þung á mér andlega að ég veit ekki hvernig þetta hefði endað ef ég hefði ekki haft mömmu, Magnús og tengdamömmu hjá mér nánast 24/7!
Til dæmis Í fæðingunni grét ég ekki þegar ég fékk Andrés í hendurnar og eina sem ég þráði var að fá að hvílast (já frekar sjálfselskt en svona leið mér samt), ég var lengi alltaf að bíða eftir að fá pásu og var ekki alveg að nenna að sinna barninu alltaf þegar hann þurfti á mömmu sinni að halda. Ég rétti ömmunum hann og var pínu feginn að fá frið frá honum. Mér finnst ótrúlega erfitt að skrifa þetta því mér finnst þetta svo ljótt og mér líður alltaf eins og ég sé vanhæf móðir þegar ég hugsa úti hvernig mér leið, og þessi líðan kemur samt alveg enn upp af og til þótt ég sé á svo miklu betri stað núna og fer reglulega í viðtals tíma hjá yndislegu konunum í MFB (miðstöð foreldra & barna).
Þegar Andrés var að verða 2 mánaða eignaðist vinkona mín strák, litli strákurinn hennar fékk guluna og þurfti að vera í hitakassa alltaf þrjá tíma í senn, sem sagt var tekin út á sirka þriggja tíma fresti til þess að fá að drekka. Þegar vinkona mín sagði mér hvernig þetta væri allt þá var án djóks það eina sem ég hugsaði vá hvað ég hefði verið og væri til í að fá þriggja tíma pásu alltaf, ég var svo þreytt og andlega hliðin í algjöru rugli að ég öfundaði vinkonu mína að eiga barn sem þurfti að fara í hitakassa 3 tíma í senn. En í dag finnst mér þessi hugsun mjög brengluð og óviðeigandi en svona hugsaði ég samt á þessum tíma! Ég þráði bara að komast burt og burt frá þessari miklu ábyrgð! Mig langaði ekki í þessa ábyrgð & ég fann ekki löngunina í að sinna þessu móður hlutverki. Eina sem ég hugsaði var hvernig lífið var áður en ég eignaðist barn, mér fannst ég alltaf vera að missa af öllu! En í dag er ég að læra að njóta tímans sem ég hef með fjölskyldunni minni og er alltaf að átta mig meir og meir á því að það eru virkilega forréttindi að fá og geta orðið mamma!


En eins og ég tók fram áðan þá á ég góða að sem hjálpuðu mikið með Andrés Elí, tengdamamma gekk um gólf með Andrés og vakti með okkur heilu næturnar að hugsa um litla kút, ég náði líka að opna mig við mömmu mína og segja henni alltaf allt sem ég var að hugsa án þess að hún myndi dæma mig fyrir það sem ég var að segja, ég held ég geti líka alveg sagt að tímarnir niðrá MFB hjálpuðu mér svo sannarlega að tengjast Andrési betur og með tímanum höfum við og erum á fullu að byggja upp ótrúlega gott samband.

Þannig það sem ég vill segja þér er að ef þér líður illa hvort sem það er á meðgöngu, eftir fæðingu eða bara án barns í daglegu lífi þá er svo mikilvægt að taka það skref að leita sér hjálpar & viðurkenna að þú þurfir hjálp!

Ég get eiginlega ekki ímyndað mér hvernig þetta allt hefði endað ef ég hefði ekki hætt strax að vinna og farið að hugsa um sjálfan mig, ef ég hefði ekki lent á þessari yndislegu ljósmóður sem gerði allt sem hún gat til þess að koma mér til fagfólks sem hjálpaði svo sannarlega! Ef ég hefði þurft að byrgja allt inni og ekki getað tala við til dæmis mömmu mína eins og ég gerði!
Ég er allavega óendanlega þakklát fyrir allt fólkið í kringum mig, fjölskyldu og vinkonur!

Færslu Írisar má lesa í heild sinni hér.

Sprenghlægilegar myndir af misheppnuðum kaupum af netinu

Færst hefur í aukana að fólk panti sér vörur af netsíðum og láti senda þær heim að dyrum. Þegar pantað er af netinu er varan oft ódýrari, fólk þarf ekki að fara út úr húsi og úrvalið er oft meira. Þetta eru meðal þeirra kosta sem fólk sér við þessa þjónustu. Ókostirnir geta þó verið heldur verri og hafa margir lent í því að fá ekki vöruna sem þeir bjuggust við. Sem betur fer sjá flestir húmorinn við þær misheppnuðu pantanir sem þeim hafa borist og er því vel hægt að hlæja að þeim. Halda svo bara áfram að panta… Lesa meira

Klárir Íslenskir karlmenn sem eru á lausu

Um síðustu helgi tókum við saman klárar Íslenskar konur sem eru á lausu og er því nú komið að körlunum. Bleikt skoðaði nokkra klára Íslenska karlmenn sem vill svo til að séu á lausu. Valþór Örn Sverrisson Valþór, oftast kallaður Valli í 24 Iceland er eins og gefur til kynna eigandi úra verslunarinnar 24 Iceland. Valli leyfir fólki að fylgjast með leik og störfum á Snapchat og hefur þar vakið mikla lukku fyrir ýmiskonar glens. Logi Pedro Logi er einn af flottustu tónlistarmönnum landsins. Logi gefur bæði út sína eigin tónlist ásamt því að framleiða tónlist fyrir aðra söngvara. Pétur Örn Guðmundsson Pétur Örn, betur þekktur sem Pétur Jesú er… Lesa meira

Katrín missti hárið eftir að pabbi hennar framdi sjálfsvíg

Katrín Rut Jóhannsdóttir er 27 ára þriggja barna móðir úr Hafnarfirði. Foreldrar hennar fóru hvort sína leiðina þegar Katrín var einungis átta ára gömul. Við tók erfiður tími, heimilisaðstæður voru ekki upp á það besta og þá glímdi faðir hennar við áfengissýki sem hafði djúpstæð áhrif á hans nánustu. Þá breyttist líf mitt mikið, pabbi fór að drekka illa og ég upplifði margt sem ekkert barn á að þurfa að ganga í gegnum, segir Katrín í samtali við blaðamann. Mamma var mikið ein með okkur systkinin og stóð hún sig vel í móðurhlutverkinu. Ég var alltaf í sambandi við pabba… Lesa meira

Magnús Máni hefur misst 23 kíló: „Ég sagðist ætla að skila verkefninu þegar ég væri komin með six pack“

Magnús Máni Hafþórsson hefur tekið af sér 23 kíló á rúmlega fjórum mánuðum. Magnús hafði alltaf verið í fínu formi en vegna vanlíðan fór hann að borða mikið og bætti því hægt og rólega á sig allt þar til hann var orðin 113 kíló. Til þess að slá á vanlíðan og tilfinningar, át ég þær í burtu. En í raun át ég þær fastar á mig því líkamlegt form fór versnandi og með hugurinn fylgdi með, segir Magnús í einlægu viðtali við Bleikt. Magnús segir að þrátt fyrir að hann hafi orðið svona þungur þá hafi hann aldrei trúað því… Lesa meira

Átta ómetanleg húsráð frá Margréti

Margrét Sigfúsdóttir, skólastýra Hússtjórnarskólans í Reykjavík, deilir átta góðum húsráðum sem allir ættu að þekkja. 1. Allt gróft mjöl á að geyma í lokuðum ílátum því annars getur kviknað líf í því. Einnig ágætt að frysta. 2. Það á alltaf að hafa opinn glugga einhvers staðar í íbúðinni svo ekki myndist raki inn í henni. Passa að lofta vel út eftir baðferð eða sturtu. Einnig þarf að láta lofta undir rúllugardínur svo ekki myndist raki á gleri og hafa rifu á glugga. 3. Allar borðtuskur og diskaþurrkur þarf að sjóða. Súr lykt af tuskum myndast af því að þær eru… Lesa meira

Sprenghlægilegar sögur af hormónafullum óléttum íslenskum konum

Flestar konur sem gengið hafa með barn undir belti kannast við þá óstjórnlegu hormónaframleiðslu sem líkaminn setur af stað nánast um leið og pissað er á prófið. Hormónarnir gera það að verkum að konan verður virkilega tilfinninganæm á meðan á meðgöngunni stendur og oft í nokkra mánuði eftir á. Það eru því flestar mæður sem eiga skemmtilegar sögur af sjálfum sér frá því þær voru óléttar og réðu ekki við allar þær tilfinningar sem brutust um í brjósti þeirra. Bleikt hafði samband við mæður sem voru tilbúnar til þess að deila fyndnum og vandræðalegum atvikum sem þær lentu í þegar… Lesa meira

Saga Dröfn var fullkomin mamma: „Þetta getur nú ekki verið svo erfitt“

Áður en Saga Dröfn Haraldsdóttir eignaðist sitt fyrsta barn var hún fullkomin mamma. Barnið hennar mátti aldrei vera með hor, það átti alltaf að fara að sofa á réttum tíma, borða einungis hollan mat og sjónvarpið átti að vera spari. Einnig skildi barnið hennar alltaf vera vel greidd um hárið, í flottum fötum, vel til fara og að sjálfsögðu áttu heimilið alltaf að vera hreint og fínt. Ég hugsaði að þetta gæti nú ekki verið svo erfitt, bara skipta á bleyjum þegar þess þarf, gefa henni að borða og leika við hana, segir Saga í færslu sinni á Mæður.com Kjarnafjölskyldan Ég… Lesa meira

Ljósmæður opna Snapchat: „Fylgjendur fá mjög fjölbreytta fræðslu og upplýsingar. Við viljum efla foreldra í barneignarferlinu“

Sigrún Gunnarsdóttir, hjúkrunarfræðingur og ljósmóðir ásamt Áslaugu Valsdóttur formanni ljósmæðrafélagsins fannst komin tími til þess að færa störf ljósmæðra nær nútímanum og gera þau sýnilegri. Þær tóku því sameiginlega ákvörðun um að stofna opin Snapchat reikning þar sem nokkrar ljósmæður skiptast á að sýna og segja frá störfum sínum. Hópurinn er orðin mjög fjölbreyttur og öflugur þar sem ljósmæður vinna mjög fjölbreytt störf á mörgum mismunandi stöðum. Við skiptumst á að vera með snappið og því ættu fylgjendur að fá mjög fjölbreytta sýn og fræðslu. Hver og ein tekur ákveðin málefni fyrir og gefur innsýn inn í sín störf, segir Sigrún í samtali við… Lesa meira

Kristín og Binni Löve eiga von á barni: „Við erum mjög spennt“

Kristín Pétursdóttir leikkona og Brynjólfur Löve Mogensson Snapcat stjarna eiga von á sínu fyrsta barni saman í ágúst. Kristín hefur starfað sem flugfreyja undanfarna mánuði en hún hefur meðal annars leikið í bíómyndunum Órói og Fólkið í Blokkinni. Ég er gengin fjórtán vikur og fjóra daga og við erum mjög spennt. Ég var að vísu mjög veik fyrstu 12 vikurnar en það er allt að koma, segir Kristín í samtali við Bleikt. Brynjólf þekkja flestir undir nafninu Binni Löve en hann gerði garðinn frægan á Snapchat. Í dag starfar Brynjólfur sem rekstrarstjóri pizzustaðarins Blackbox Pizzeria. Við óskum þessum verðandi foreldrum innilega til hamingju. Lesa meira

Hvað er raunveruleg vinátta?

Hvað er vinátta? Þetta er spurning sem ég hef velt óþarflega mikið fyrir mér undanfarna mánuði. Einhverra hluta vegna hélt ég alltaf fast í þá hugsun að góður vinur væri sá sem væri búin að vera í kringum þig hvað lengst og þekkti þig því vel. En ég hef komist að því að vinátta er eitthvað allt annað. Að finna sér góða vini sem meta vináttu þína og þú þeirra er mjög dýrmætt. Það virðist flestum vera lítið mál að eignast vini og kunningja, eyða með þeim hellings tíma en átta sig svo á því að í raun voru þetta… Lesa meira

Tanja Ósk var lögð í hrottalegt einelti: „Ég var heltekin af ótta“

Ímyndið ykkur að sex ára gömul dóttir ykkar sé að byrja sinn fyrsta skóladag. Hún er spennt, hlakkar til að eignast vini og verða fullorðin. Eftir skóla kemur hún heim sorgmædd vegna þess að stelpurnar í bekknum leyfðu henni ekki að leika sér með þeim af því að hún var of ljót. Þessi sex ára stelpa var ég. Svona hefst samtal Tönju Ósk Brynjarsdóttur við blaðamann Bleikt. Var sagt að þetta myndi líða hjá Tanja greinir frá því að þetta hafi eingöngu verið upphafið af því einelti og ofbeldi sem hún hefur þurft að sæta í gegnum tíðina. Mér var… Lesa meira

Bjargey um hamingju: „Ég hef upplifað mikinn sársauka og vildi ekki dvelja þar. Ég vildi frelsi“

Hvers vegna finnst sumum allt vera erfitt og leiðinlegt á meðan öðrum finnst lífið almennt skemmtilegt og sjá það jákvæða í stað þess neikvæða. Hvað aðskilur þessa tvo einstaklinga? Með þessum orðum hefur Bjargey Ingólfsdóttir nýjustu færslu sína á Bjargeyogco. Af hverju ertu alltaf svona ógeðslega happý? Um daginn fékk ég þessa spurningu frá fylgjanda í gegnum Snapchat og fékk hún mig til þess að hugsa. Til þess að svara henni þá er ég í fyrsta lagi ekkert alltaf ógeðslega happý. Ég hef farið í gegnum dimma dali og upplifað mikinn sársauka. Sársauka í hjartanu og verki í líkamanum. Ég vildi ekki dvelja þar, því það… Lesa meira