Íslenskar mömmur opna sig – 1. hluti: „Mamma er konan DAUÐ?“

Börn geta verið dásamlega hreinskilin… stundum kannski aðeins of! Við báðum mömmurnar í facebook-hópnum Auðveldar mömmur, að deila með okkur atvikum þegar börnin hafa komið þeim í vandræði.

Svörin létu ekki á sér standa, og eiginlega finnst okkur spurning um að gefa út bók! Við látum það þó liggja milli hluta að sinni og leyfum lesendum í staðinn að njóta nokkurra dásamlegra frásagna um blessuð börnin.

Gjörið svo vel!

Augnablikið síðustu helgi þegar ég var að skipta á syni mínum eftir lúxusbrunch og sagði við kærasta minn „ok ég veit ekki hvort ég er með kúk á höndunum eða nutella“

Ég held að vandræðalegasta mömmumómentið mitt hafi verið þegar ég bjó hjá tengdó og strákurinn var rúmlega eins árs.Tengdó var svo góð að taka strákinn fram einn laugardagsmorguninn og við foreldrarnir kúrðum lengur eftir vinnunótt. Það var opið inn til okkar og strákurinn að koma mikið inn og fara fram. Allt í einu kemur tengdó inn með bleika eggið mitt (já þannig egg…) þá hafði strákurinn fundið það í skúffu hjá okkur og farið með það fram að sýna ömmu bleika fína dótið!

Þegar barnið fann fjólubláa eggið mitt ofan i náttborðsskúffunni, kveikti á því með tilheyrandi víbringi. Ég náði að redda mér með því að segja að mamma væri með svo rosalega vöðvabólgu því hún þarf að skrifa svo mikið í skólanum og þetta væri því nuddtækið hennar. Barnið var sátt við þessa útskýringu og hafði miklar áhyggjur af vöðvabólgu mömmu sinnar og mælti margoft með því að ég skellti nuddtækinu á mig þegar ég fékk verk í bakið…

Ég lenti í því 19 ára að litli frændi minn 2 ára kom hlaupandi fram í MATARBOÐ heima hjá foreldrum mínum, þar sem ég bjó, með minn svaka flotta „glow in the dark“-titrara. Ég hélt þetta gæti ekki orðið vandræðalegra en nei, krakkinn argaði í klukkutíma og heimtaði dótið aftur, gestirnir skemmtu sér þó vel!

Ég þurfti að hætta að taka son minn með mér í búðir þegar hann var 2 ára. Hann tók upp á því á tímabili að ef hann fékk ekki það sem hann vildi fór hann að væla og öskraði „hættu að meiða mig“.
Hann byrjaði á þessu í miðri Bónus-ferð vegna þess að ég vildi ekki kaupa nammi!

Þegar dóttir mín sagði við afgreiðslumanninní Bónus… „mamma er loksins að kaupa mat. Hún gefur okkur aldrei að borða!“ Hann horfði á mig hneykslunarsvip og ég brosti vandræðalega til hans og sagði barnið mitt vera ljúga. Var heppin að fá ekki Barnaverndarnefnd heim til mín.

Þegar eldri dóttir mín var 4 ára þá bjuggum við í Keflavík, og eins og gengur og gerist þá þurftum við að fara í Bónus að versla. Við vorum komnar á kassann þegar stelpan þurfti að pissa og ég benti henni á hvar klósettið væri. Hún skottast þangað á meðan ég tíndi vörurnar upp. Stuttu seinna heyrist í kallkerfinu „Viðskiptavinir takið eftir… Halldóra, Halldóra, dóttir þín er búin á klósettinu“. Þá hafði stelpan kallað og kallað að hún væri búin en ég heyrði ekki í henni fyrir hávaðanum í kössunum. Kona sem var að koma inn heyrði í henni og lét kalla mig upp.

Eitt sinn vorum við í búð og dóttir mín sem var 2ja eða 3ja ára segir mjög hátt: „Má ég fá sígó?“ Ég veit ekki alveg hvert eg ætlaði þá!

Þegar ég var i búð með strakinn og hann prumpaði svo það heyrðist og hann byrjaði að hlæja og sagði upphátt: „Mamma prumpar mikið“.

Þegar ég fór með 5 ára soninn að kaupa hurð í Byko og krakkinn segir við afgreiðslufólkið: „Okkur vantar nýja hurð því mamma braut hina og skemmdi húninn með hamri!“ (Hún festist og það var ekkert annað í stöðunni!) Þetta hljómaði ekki vel!

Lífs eða liðinn?

Þegar gamall læknir labbaði framhjá drengnum, sem var þá rúmlega 5 ára, og krakkinn kallaði hátt: „Vá sjáðu hvað þessi maður er gamall, hann er örugglega bráðum að fara deyja!“

Ég var að vinna a hjúkrunarheimili, og þurfti að skjotast aðeins þangað og tók 4 ára guttann minn með. Klukkan var um 3 og kaffi að skella á, og fullt af ættingjum í heimsókn… og ein yndisleg eldri kona (vistmaður) sat í hægindastól og var að fá blóðgjöf, steinsofandi, og ættingjar sátu hjá gömlu, nema hvað að stráksi hleypur beint að henni, og kallar hátt og snjallt, „mamma er konan DAUÐ?“ Ég hélt í alvöru að það myndi líða yfir mig.

Mín tilkynnti öllum í sturtu klefanum í sundi að ég hefði stolið rakvélinni af pabba hennar og rakað á mér píkuna!

Ég og dóttir mín vorum að fara upp úr sundi og vorum i sturtu þegar hún horfir á konuna í sturtunni við hliðina og spyr mig afhverju hún sé svona loðin.

Einu sinni sátum við í heita pottinum þegar dóttir mín sneri sér að mér og spurði mig af hverju maðurinn á móti okkur væri svona ljótur.

Þegar ég var með 3 ára strákinn minn í kvennaklefanum og hann sér mæðgur sem eru alveg eins að neðan (stelpan 3 ára) og hann bendir og segir hátt og skýrt: „Sjáðu þær eru alveg eins, líka píkan þeirra“. Mig langaði að hverfa.

Þegar sonur minn sagði i kvennaklefanum: „Mamma hún er með svo stóran maga að hún er með enga píku!“ Eg hélt eg myndi deyja! Og þegar hann minn arkaði inn í leikskólann og sagði: „Oh my fucking gad!“ Já ég hefði víst verið eitthvað pirruð við einhvern ökumann á leiðinni.

Í gær kom maður að laga ofninn inni á baðherbergi hjá mér, maðurinn var mjög lágvaxinn. Strákurinn kallar á mig, „mamma sjáðu þetta er svona mjög mjög lítill maður.“ Ég vissi ekki hvert ég ætlaði og sagði bara „nei þú ert lítill strákur.“ Þá sagði sonur minn: „Nei ég heiti Matthías og hann er mjög lítill maður.“ þetta var eitt það vandræðalegasta sem ég hef lent í enn vá hvað ég hló samt!

„Svona litla krútt – pabbi skal ekki gleyma þér“

Mómentið þegar ég, nýbakaða tveggja barna móðirin gleymdi öðru barninu úti í bíl og gekk inn í hús þar sem makinn stóð og spurði mig hvar yngri dóttir okkar væri eiginlega…

Þegar sonurinn, sem var þá í þeirri hæð að ná akkúrat uppi klof á fólki, var svo ánægður að sjá pizzusendilinn koma með pizzu upp að dyrum að hann hleypur upp að sendlinum, tekur utan um fæturnar á honum þar sem hann stóð með pizzu í annarri og poka í hinni og knúsar hann. Þarna stóð sendillinn með fullar hendur og ókunnugt barn í klofinu og gat ekkert gert. Ég var nú samt fljót að slíta barnið frá sendlinum! En það sem ég hló að þessu svona eftir á…

 

þegar að ég áttaði mig a því að ég hafði gleymt 3 mánaða dóttur minni sofandi úti i vagni bakvið hús og fór út. Áttaði mig ekki fyrr en pabbi minn hringdi og spurði hvar ég væri þvi hann hefði komið heim og enginn heima.

Þegar eg fékk pípara til að koma heim og kíkja á vaskinn út af vondri lykt. Börnin mín þekktu manninn ekkert og höfðu aldrei séð hann áður en buðu honum samt að gista. Já ég er einstæð, en eru börnin farin að taka málin í sínar hendur?

Leikskólabörn – krúttleg, en klikkuð á köflum!

 

Þegar leikskólakennari dóttur minnar gekk upp að mér og spurði hvort ég ætti 3 kærasta. Dóttir min hafi verið að ræða þetta í leikskólanum! Ég leit á dóttur mina og spurði hvort að eg ætti 3 kærasta. Hún brosti og sagði já! Þegar ég spurði hverjir þeir væru nefndi hún nöfn þriggja vina minna. Til að leiðrétta allan misskilning útskýrði ég það nú fyrir kennaranum. Hélt að ég myndi deyja!

Þegar sonur minn felur skó fyrir öðrum foreldrum sem voru að sækja börnin sín á leikskólann. Hann hló og þverneitaði að segja hvert hann setti þá. Ég þurfti að múta barninu með ís til að finna skóna því fólk hafði ekki húmor fyrir því að leita að skónum sínum í 15-20 mínútur og leikskólinn komin fram yfir lokunartíma!

Sonur minn, sem var sex ára þá, var nýbúinn að fá síma og var á leiðinni í rútu til pabba síns þegar ég fékk símhringingu frá lögreglunni! „Ert þú mamma hans Sæmundar?“  Ég játaði því. „Veistu hvar hann er?“ var næsta spurning. Auðvitað hélt ég allt það versta! Að rútan hefði farið út af eða barninu hefði verið rænt. Nei! Þá hafði syninum leiðst og prófað að senda sms á 112. Og hvað skrifaði hann í skilaboðunum?!: „Hjálp!“

Þegar elsta barnið mitt byrjaði í 1. bekk var ég búin að vera að stimpla 112 númerið í hana ef eitthvað kæmi nú upp á. Svo einn daginn er ég sofandi og pabbi barnanna með þau frammi og með heimsókn þegar hann heyrir sírenuhljoð og sér að það koma tveir sjúkrabílar og þrír löggubillar á planið hjá okkur og út úr þeim menn sem æddu beint upp til okkar og spurðu um mig.  Hann segir þeim að ég sé bara sofandi inni í herbergi en þeir vilja komast þangað inn. Barnsfaðir minn spyr hvort hann megi ekki láta mig vita þar sem ég sofi nakin, en neinei þeir tóku þvi eins og hann væri að reyna meina þeim um aðgang og æddu inn á mig. 4 sjúkraflutningamenn og tvær löggur, ég skildi ekki neitt og var varla búin að opna augun þegar þeir spyrja mig hvort það sé í lagi með mig og hvort ég væri viss um það. Ég játaði því og spurði hvað væri í gangi. Þá höfðu stelpunar mínar verið að leika sér með gamlan síma sem ég vissi ekki einu sinni að hægt væri að hringja úr. Þær höfðu hringt í neyðarlínuna og sagt að ég væri sofandi og gæti ekki vaknað. Sjokkið sem ég fékk þegar ég opnaði augun og þau yfir mer!

Klárlega augnablikið í sunnudagaskólanum þegar 4 ára dóttir min tilkynnti prestinum að pabbi hennar væri alltaf á typpinu og þess vegna kæmi hann ekki i dag… Við fórum ekki aftur í sunnudagaskólan!

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra. Dýrahjálp er meðal þeirra sem áttu mikið af eignum sem lágu í geymslunum og ljóst er að tjónið var gríðarlegt og leita þau því til almennings í þeirri von um að einhver geti aðstoðað þau í þessum leiðinlegu aðstæðum. Við fáum ekkert að nálgast neitt strax en það virðist sem þakið á húsinu sé farið þar sem okkar geymslur… Lesa meira

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði. Rósa segir að börn séu frábærir áhorfendur sem geri leikurum alveg ljóst ef þeim mislíkar eitthvað í sýningunni. „Börnin eru svo fyndin og þau spyrja okkur oft spurninga fyrir eða eftir sýningu sem ég á stundum í stökustu vandræðum með að svara og þarf því að vera fljót að hugsa,“ segir Rósa í viðtali sem birtist upphaflega í helgarblaði DV. Rósa er menntuð leikkona og hefur starfað við leiklist undanfarin… Lesa meira

Fyrir og eftir myndir – Breytingar á heimili

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum ! Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég var alveg búin að ákveða að mála í gráum lit en hitti svo æðislegan starfsmann sem leiðbeindi mér mjög vel… Lesa meira

Skotheld uppskrift af gómsætum grjónagraut sem klikkar aldrei

Eitt af því besta sem börnin mín fá er grjónagrautur. Og best af öllu finnst þeim þegar hann er borinn fram með rúsínum og lifrarpylsu.  Ég hef lengi haft uppskriftina í kollinum og ákvað að skrifa hana niður núna og skella henni hérna inn. Þessi grautur er ótrúlega einfaldur, en það þarf að vísu að fylgjast vel með pottinum og hræra reglulega svo hann brenni ekki við. En hér kemur uppskriftin: (Fyrir 5) Hráefni: 3 dl hrísgrjón 4 dl vatn 1/2 tsk salt 10-12 dl mjólk (ég nota hvort sem er nýmjólk eða léttmjólk, bara það sem ég á til)… Lesa meira

Óstjórnlega fyndnar gínur sem eru orðnar leiðar á starfinu sínu

Í gegnum tíðina hefur oft verið talað um að gínur í búðum sýni óraunhæfa mynd af útliti og vaxtarlagi fólks. Það hefur hins vegar sjaldan verið veitt því athygli hversu leiðinlegu lífi aumingja gínurnar lifa. Þær standa á sama stað á hverjum einasta degi, starfsmenn verslana aflima þær fram og til baka og það kemur fyrir að þær þurfa að standa naktar fyrir framan alla. Það er því ekki skrítið að af og til finni fólk gínur sem haga sér öðruvísi en vanalega. Bored Panda tók saman lista af skemmtilegum gínum sem hafa flúið raunveruleika sinn og eru ekki eins… Lesa meira

Ingibjörg Eyfjörð: „Ég bjó mér til samfélagsmiðlakarakter“

… eða svo var mér sagt. Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir. Það er enginn fullkominn Ég hef frá upphafi lagt mikinn metnað í að skrifa frá hjartanu, skrifa… Lesa meira

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig. Bored Panda greinir frá því að það hafi verið árið 2016 þegar mikill eldur geisaði í Kanada þar sem Tony Bussey býr, sem hann áttaði sig á því að núna væri tíminn til þess að opna augun og takast á við vandamálið. Flugvélar voru sendar á svæðið til þess að bjarga fólki frá eldinum og þegar Tony mætti á flugvöllinn var hann settur fremst í röðina. Of feitur til þess að… Lesa meira

Dóttir Karenar hafnaði brjóstinu: „Ég mjólkaði samt eins og belja en börn eru ekki öll eins“

Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri. Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin, segir Karen í einlægri færslu sinni á Mamiita. Dóttir hennar neitaði brjóstinu Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu. Eftir nokkra daga gafst ég upp og fór að gefa henni ábót.… Lesa meira

Brúðkaupslisti fyrir verðandi brúðhjón frá Hildi Hlín

Flestir sem þekkja mig vita að ég er einstaklega skipulögð manneskja og elska að búa til lista. Við getum eiginlega sagt að allt sem ég geri, þarf að gera eða ætla mér að gera sé merkt á einhverjum af þessum þúsund "to do”-listum sem ég á og hef vandlega skipt niður eftir viðfangsefni og mikilvægi. Einn stærsti svoleiðis listi sem ég er að vinna eftir þessa dagana er stóri brúðkaupslistinn minn! Þessi listi er búinn að vera opinn í símanum mínum, tölvunni og útprentaður í brúðkaupsbókinni minni núna frá því á síðasta ári (ok þetta er farið að hljóma eins… Lesa meira

Vandræðalegar auglýsingar af speglum til sölu

Ert þú að fara að selja spegil í bráð? Þá gætir þú tekið þessa frábæru sölumenn þér til fyrirmyndar og þá eru miklar líkur á því að spegill verði seldur fljótlega eftir að auglýsingin kemur á netið. Það getur reynst erfitt að taka góða mynd af spegli án þess að spegilmyndin af manni sjálfum eða öðrum laumist óvart með. Þetta fólk reyndi að finna lausn á vandamálinu með misgóðum árangri. Lesa meira

Sjö ára gamall drengur fann sálufélagann í ketti sem lítur alveg eins út og hann sjálfur

Sjö ára gamall drengur sem lagður hefur verið í einelti fyrir útlit sitt eignaðist kött sem er bæði með klofna vör og eins augu og drengurinn. Madden frá Oklahoma fæddist með klofna vör og mismunandi augnlit á hvoru auga. Í síðustu viku þá setti ein vinkona mín mynd af kettinum í sérstakan hóp sem ég er í fyrir foreldra barna með klofna vör. Kettinum hafði verið bjargað í Minnesota og við vissum strax a þessum ketti var ætlað að verða hluti af okkar fjölskyldu. Hann er ekki bara með klofna vör líkt og sonur okkar heldur hefur hann einnig mismunandi lit á augunum eins og Madden, segir Christina Humphreys í… Lesa meira