Katrín Sylvía léttist um 40 kíló: „Ég var orðin það djúpt sokkin í þunglyndi að vinkonur mínar þekktu mig ekki“

Katrín Sylvía Símonardóttir fór fyrir nákvæmlega ári síðan í magaermisaðgerð til Tékklands. Katrín segir að aðgerðin sé engin töfralausn og að fólk sem fari í hana  þurfi virkilega að vinna til þess að viðhalda sér.

Það fer engin í svona aðgerð nema að vera komin alveg á botninn. En þegar ég tók ákvörðun um að fara í magaermi þá lagðist ég í mikla rannsóknarvinnu og vildi vita allt um þetta. Ég hafði alltaf haft fordóma fyrir svona aðgerðum og fannst þetta vera aumingjaskapur, að fólk gæti nú alveg létt sig sjálft,

segir Katrín í samtali við Bleikt.is

Hafði sjálf mikla fordóma gagnvart megrunar aðgerðum

Katrín ákvað að opna snappið sitt í kjölfar þess sem hún ákvað að fara í aðgerðina til þess að leyfa fólki að sjá undirbúninginn og ferlið sjálft.

Mér finnst stórkostlegt ef ég get hjálpað öðrum að sjá hvort svona aðgerð henti þeim eða ekki. Ég hef opnað augun hjá mörgum og þeir hafa séð að þessi aðgerð gæti verið þeirra lausn. Þetta er rosalega stór ákvörðun og lífsstílsbreyting og margir sem vilja fara leynt með þetta. Enda eru miklir fordómar í gangi hvað varðar offitu og svona aðgerðir, sjálf hafði ég fordóma áður en ég ákvað sjálf að fara. Ég hugsaði að ef ég er tilbúin til þess að leyfa fólki að fylgjast með mér í von um að minnka fordómana þá væri það frábært að geta hjálpað einhverjum.

Katrín segir að aðgerðin sé engin töfralausn og að mikil vinna sé að halda sér í kjörþyngd. Hún áttaði sig á því að hún hafði ekki lengur stjórn á þyngd sinni lengur og gerði sér grein fyrir því að hún þurfti að leita sér hjálpar.

Þegar maður hefur verið of þungur þá leitar líkaminn alltaf í sama farið og því er auðvelt að þyngjast aftur. Ég hef alltaf verið þessi jójó týpa sem berst við auka kílóin og þrátt fyrir að ég hafi náð að grennast oft þá hef ég alltaf auðveldlega bætt á mig öllu aftur og þrátt fyrir að ég sé búin í þessari aðgerð núna og maginn er minni þá er mjög auðvelt að innbyrða allt of mikið kaloríum þrátt fyrir að matarskammtarnir séu minni. Ég varð bara að viðurkenna að ég mun aldrei vera í þessum hópi af fólki sem nær að létta sig og halda sig í kjörþyngd en það eru bara 1-3% af fólki sem ná því. Ég áttaði mig á því að ég þurfti aðstoð og það er ekkert til þess að skammast sín fyrir.

Mikil vanlíðan og þunglyndi fylgdi ofþyngdinni

Katrín viðurkennir að mikið þunglyndi og vanlíðan hafi fylgt ofþyngd sinni og að persónuleiki hennar hafi breyst það mikið að allar hennar vinkonur og fjölskylda fóru að taka eftir því.

Ein vinkona mín opnaði augun mín gagnvart þessu, hún spurði mig hvort ég nennti að vera að standa í þessu næstu tuttugu ár. Alltaf að vera að hugsa um megrun, megrun, megrun og ekkert annað. Maður þarf þó auðvitað að huga að mataræði og öllu þrátt fyrir að maður fari í þessa aðgerð en þetta er svo mikil hjálp því þetta hjálpar manni að innbyrða miklu minna í einu og maður er með svona hálfgerðan stoppara.

Katrín segir að hún hafi ekki átt við það vandamál að stríða að leita endalaust í mat heldur hafi hún frekar verið ódugleg við að borða.

Ég borðaði kannski morgunmat og svo borðaði ég ekkert í átta klukkutíma og þá var ég auðvitað orðin svo svöng að ég át miklu meira heldur en er ráðlagt. Þegar maður er í þannig ástandi að svelta líkamann sinn svona þá fer hann í það að geyma allt sem maður innbyrðir því hann veit ekkert hvenær hann fær næst næringu.

Vildi ekki að fólk sæi sig

Katrín segist sjá eftir því að hafa ekki farið fyrr í aðgerðina þar sem henni líði mikið betur í dag.

Þetta er allt annað líf, ég vildi að ég hefði ekki verið svona mikið á móti svona aðgerðum. Hugsaði alltaf djöfulsins aumingjaskapur, maður getur þetta alveg sjálfur. Núna hugsa ég til baka og skil ekki af hverju ég var svona þver, af hverju hafði ég ekki opnari huga fyrir þessu. Ég hef eignast annað líf eftir þessa aðgerð, ég hef núna á þessu eina ári afrekað meira heldur en ég hef gert síðust þrjú til fjögur árin fyrir aðgerð. Ég er hætt að segja nei og segi bara já ég er hætt að finna mér afsakanir. Þetta var orðið rosalega slæmt ástand því mig langaði ekki að láta fólk sjá mig. Ég mætti í partý með vinkonum mínum og þegar þær fóru niður í bæ þá fór ég heim því ég vildi ekki að neinn sæi mig. Ég hætti að fá mér í glas því ég vildi ekki að ég færi kannski að dansa upp á borði og fólk horfði á mig af því að ég hef alltaf verið þessi hressa, ófeimna týpa. En þarna var ég orðin þannig að ég var orðin svo djúpt sokkin í þunglyndi að vinkonur mínar voru hættar að þekkja mig.

Í dag er Katrín 40 kílóum léttari og segir hún að aðgerðin hafi verið besta ákvörðun sem hún hafi tekið.

Ég vil ná 25-30 kílóum af í viðbót en þetta er búið að vera rosalega skemmtilegt ferðalag. Líf mitt er búið að umturnast. Ég er mjög dugleg að sýna fólki á snappinu mínu allt ferlið, bæði breytinguna á líkamanum, matinn sem ég borða, hreyfinguna sem ég stunda og húðumhirðu. Ég mun líka þurfa að fara í svuntuaðgerð og ég ætla líka að sýna frá því ferli þegar að því kemur.

Hægt er að fylgjast með Katrínu á Snapchat: katasimon

Katrín missti hárið eftir að pabbi hennar framdi sjálfsvíg

Katrín Rut Jóhannsdóttir er 27 ára þriggja barna móðir úr Hafnarfirði. Foreldrar hennar fóru hvort sína leiðina þegar Katrín var einungis átta ára gömul. Við tók erfiður tími, heimilisaðstæður voru ekki upp á það besta og þá glímdi faðir hennar við áfengissýki sem hafði djúpstæð áhrif á hans nánustu. Þá breyttist líf mitt mikið, pabbi fór að drekka illa og ég upplifði margt sem ekkert barn á að þurfa að ganga í gegnum, segir Katrín í samtali við blaðamann. Mamma var mikið ein með okkur systkinin og stóð hún sig vel í móðurhlutverkinu. Ég var alltaf í sambandi við pabba… Lesa meira

Magnús Máni hefur misst 23 kíló: „Ég sagðist ætla að skila verkefninu þegar ég væri komin með six pack“

Magnús Máni Hafþórsson hefur tekið af sér 23 kíló á rúmlega fjórum mánuðum. Magnús hafði alltaf verið í fínu formi en vegna vanlíðan fór hann að borða mikið og bætti því hægt og rólega á sig allt þar til hann var orðin 113 kíló. Til þess að slá á vanlíðan og tilfinningar, át ég þær í burtu. En í raun át ég þær fastar á mig því líkamlegt form fór versnandi og með hugurinn fylgdi með, segir Magnús í einlægu viðtali við Bleikt. Magnús segir að þrátt fyrir að hann hafi orðið svona þungur þá hafi hann aldrei trúað því… Lesa meira

Átta ómetanleg húsráð frá Margréti

Margrét Sigfúsdóttir, skólastýra Hússtjórnarskólans í Reykjavík, deilir átta góðum húsráðum sem allir ættu að þekkja. 1. Allt gróft mjöl á að geyma í lokuðum ílátum því annars getur kviknað líf í því. Einnig ágætt að frysta. 2. Það á alltaf að hafa opinn glugga einhvers staðar í íbúðinni svo ekki myndist raki inn í henni. Passa að lofta vel út eftir baðferð eða sturtu. Einnig þarf að láta lofta undir rúllugardínur svo ekki myndist raki á gleri og hafa rifu á glugga. 3. Allar borðtuskur og diskaþurrkur þarf að sjóða. Súr lykt af tuskum myndast af því að þær eru… Lesa meira

Sprenghlægilegar sögur af hormónafullum óléttum íslenskum konum

Flestar konur sem gengið hafa með barn undir belti kannast við þá óstjórnlegu hormónaframleiðslu sem líkaminn setur af stað nánast um leið og pissað er á prófið. Hormónarnir gera það að verkum að konan verður virkilega tilfinninganæm á meðan á meðgöngunni stendur og oft í nokkra mánuði eftir á. Það eru því flestar mæður sem eiga skemmtilegar sögur af sjálfum sér frá því þær voru óléttar og réðu ekki við allar þær tilfinningar sem brutust um í brjósti þeirra. Bleikt hafði samband við mæður sem voru tilbúnar til þess að deila fyndnum og vandræðalegum atvikum sem þær lentu í þegar… Lesa meira

Saga Dröfn var fullkomin mamma: „Þetta getur nú ekki verið svo erfitt“

Áður en Saga Dröfn Haraldsdóttir eignaðist sitt fyrsta barn var hún fullkomin mamma. Barnið hennar mátti aldrei vera með hor, það átti alltaf að fara að sofa á réttum tíma, borða einungis hollan mat og sjónvarpið átti að vera spari. Einnig skildi barnið hennar alltaf vera vel greidd um hárið, í flottum fötum, vel til fara og að sjálfsögðu áttu heimilið alltaf að vera hreint og fínt. Ég hugsaði að þetta gæti nú ekki verið svo erfitt, bara skipta á bleyjum þegar þess þarf, gefa henni að borða og leika við hana, segir Saga í færslu sinni á Mæður.com Kjarnafjölskyldan Ég… Lesa meira

Ljósmæður opna Snapchat: „Fylgjendur fá mjög fjölbreytta fræðslu og upplýsingar. Við viljum efla foreldra í barneignarferlinu“

Sigrún Gunnarsdóttir, hjúkrunarfræðingur og ljósmóðir ásamt Áslaugu Valsdóttur formanni ljósmæðrafélagsins fannst komin tími til þess að færa störf ljósmæðra nær nútímanum og gera þau sýnilegri. Þær tóku því sameiginlega ákvörðun um að stofna opin Snapchat reikning þar sem nokkrar ljósmæður skiptast á að sýna og segja frá störfum sínum. Hópurinn er orðin mjög fjölbreyttur og öflugur þar sem ljósmæður vinna mjög fjölbreytt störf á mörgum mismunandi stöðum. Við skiptumst á að vera með snappið og því ættu fylgjendur að fá mjög fjölbreytta sýn og fræðslu. Hver og ein tekur ákveðin málefni fyrir og gefur innsýn inn í sín störf, segir Sigrún í samtali við… Lesa meira

Kristín og Binni Löve eiga von á barni: „Við erum mjög spennt“

Kristín Pétursdóttir leikkona og Brynjólfur Löve Mogensson Snapcat stjarna eiga von á sínu fyrsta barni saman í ágúst. Kristín hefur starfað sem flugfreyja undanfarna mánuði en hún hefur meðal annars leikið í bíómyndunum Órói og Fólkið í Blokkinni. Ég er gengin fjórtán vikur og fjóra daga og við erum mjög spennt. Ég var að vísu mjög veik fyrstu 12 vikurnar en það er allt að koma, segir Kristín í samtali við Bleikt. Brynjólf þekkja flestir undir nafninu Binni Löve en hann gerði garðinn frægan á Snapchat. Í dag starfar Brynjólfur sem rekstrarstjóri pizzustaðarins Blackbox Pizzeria. Við óskum þessum verðandi foreldrum innilega til hamingju. Lesa meira

Hvað er raunveruleg vinátta?

Hvað er vinátta? Þetta er spurning sem ég hef velt óþarflega mikið fyrir mér undanfarna mánuði. Einhverra hluta vegna hélt ég alltaf fast í þá hugsun að góður vinur væri sá sem væri búin að vera í kringum þig hvað lengst og þekkti þig því vel. En ég hef komist að því að vinátta er eitthvað allt annað. Að finna sér góða vini sem meta vináttu þína og þú þeirra er mjög dýrmætt. Það virðist flestum vera lítið mál að eignast vini og kunningja, eyða með þeim hellings tíma en átta sig svo á því að í raun voru þetta… Lesa meira

Tanja Ósk var lögð í hrottalegt einelti: „Ég var heltekin af ótta“

Ímyndið ykkur að sex ára gömul dóttir ykkar sé að byrja sinn fyrsta skóladag. Hún er spennt, hlakkar til að eignast vini og verða fullorðin. Eftir skóla kemur hún heim sorgmædd vegna þess að stelpurnar í bekknum leyfðu henni ekki að leika sér með þeim af því að hún var of ljót. Þessi sex ára stelpa var ég. Svona hefst samtal Tönju Ósk Brynjarsdóttur við blaðamann Bleikt. Var sagt að þetta myndi líða hjá Tanja greinir frá því að þetta hafi eingöngu verið upphafið af því einelti og ofbeldi sem hún hefur þurft að sæta í gegnum tíðina. Mér var… Lesa meira

Bjargey um hamingju: „Ég hef upplifað mikinn sársauka og vildi ekki dvelja þar. Ég vildi frelsi“

Hvers vegna finnst sumum allt vera erfitt og leiðinlegt á meðan öðrum finnst lífið almennt skemmtilegt og sjá það jákvæða í stað þess neikvæða. Hvað aðskilur þessa tvo einstaklinga? Með þessum orðum hefur Bjargey Ingólfsdóttir nýjustu færslu sína á Bjargeyogco. Af hverju ertu alltaf svona ógeðslega happý? Um daginn fékk ég þessa spurningu frá fylgjanda í gegnum Snapchat og fékk hún mig til þess að hugsa. Til þess að svara henni þá er ég í fyrsta lagi ekkert alltaf ógeðslega happý. Ég hef farið í gegnum dimma dali og upplifað mikinn sársauka. Sársauka í hjartanu og verki í líkamanum. Ég vildi ekki dvelja þar, því það… Lesa meira

Guðlaug hefur misst fóstur tvisvar sinnum: „Ég fór á klósettið og fann það detta niður, ég var bara ekki tilbúin til þess að sturta“

Guðlaug Sif Hafsteinsdóttir hefur tvisvar sinnum misst fóstur og tók sú lífsreynsla mikið á hana. Segir hún það algengt að fólk tali um það að missa fóstur sé ekkert mál. Fóstrið skolist einfaldlega út og konan eigi í kjölfarið að halda áfram með líf sitt líkt og ekkert hafi í skorist. Ég hef misst fóstur í tvö skipti, þessi tvö skipti voru mjög ólík og ætla ég að segja aðeins frá þeim, segir Guðlaug í einlægri færslu sinni á Amare. Þetta er ekki auðvelt, þetta er þvílíkur missir þrátt fyrir að hafa gengið stutt á leið. Þetta er barnið mitt, litla… Lesa meira

Amanda og Birgir eru vegan og alæta í sambúð: „Engin ein rétt leið í samböndum“

Vegan og alæta í sambúð, hvernig virkar það? Þetta er spurning sem ég fæ að heyra reglulega og eru eflaust enn fleiri sem velta henni fyrir sér án þess að spyrja. Einnig fæ ég stundum fyrirspurnir frá einstaklingum sem vilja gerast grænmetisætur eða vegan en telja að makinn færi ekki sömu leið. Eins og með öll önnur sambönd eru þau misjöfn eins og þau eru mörg og því er engin ein rétt leið. Ég og Birgir erum búin að vera saman í rúm 3 ár og höfum þar af búið saman í um það bil 2,5 ár. Þegar við byrjuðum… Lesa meira