Kristín Maríella á heima í Singapúr – „Paradís fyrir fólk með börn“

Kristín Maríella er 27 ára víóluleikari og mamma sem búsett er í Singapúr. Í stað þess að verða hljóðfæraleikari að atvinnu eftir nám í Bandaríkjunum ákvað hún að fara allt aðra leið og stofnaði skartgripafyrirtækið Twin Within.

Gabriela Líf, bloggari á Lady.is og Bleikt-penni, spjallaði við Krístínu Maríellu:

Fljótlega eftir að fyrsta lína Twin Within kom út varð ég ólétt og hef sinnt merkinu meðfram móðurhlutverkinu upp frá því. Nú er ég hamingjusamlega gift, bý út í Singapúr og var að eignast mitt annað barn fyrir 3 mánuðum.
Ásamt því að reka Twin Within hér útí Singapúr eyði ég miklum tíma í að lesa um og kynna mér allt sem viðkemur uppeldi og þá sérstaklega uppeldisnálgun sem kallast RIE, oft þekkt sem Respectful Parenting. Ég miðla síðan því sem ég hef lært og minni reynslu af þessari uppeldisstefnu á námskeiðum sem ég held þegar ég er á Íslandi og á samfélagsmiðlum.

Kristín Maríella

Hvernig er að búa í Singapúr og af hverju þar?

Singapúr er snilld! Við ákváðum að flytja hingað þegar maðurinn minn heyrði af mjög áhugaverðu mastersnámi hérna við skóla sem heitir Hyper Island. Við ætluðum upphaflega bara að flytja í eitt ár en fljótlega eftir að maðurinn minn byrjaði í náminu var honum boðin vinna við skólann og þá ákváðum við að vera lengur, enda leið okkur mjög vel.
Singapúr er nefnilega paradís fyrir fólk með börn, það er gríðarlegur metnaður lagður í menningarstarf fyrir börn, alltaf einhverjar æðislegar barna-sýningar á söfnunum hérna, barnahátíðir og allskonar uppsetningar, ævintýralegir rólóvellir og svona mætti lengi telja.


Geturðu sagt aðeins frá Twin Within?

Ég og systir mín Áslaug Íris stofnuðum Twin Within í lok árs 2013. Það fór rosalega vel af stað og fékk mikla umfjöllun. Til að byrja með þá handgerðum við allar festarnar sjálfar en þar sem þær eru frekar flóknar í framleiðslu þá sáum við fljótlega að við þyrftum að finna okkur aðra framleiðsluleið ef við ættum að geta svarað eftirspurn. Þegar við maðurinn minn ákváðum að flytja til Singapúr, 2014, þá hugsaði ég að þarna var tækifærið komið, nú gæti ég fundið framleiðsluna sem ég þurfti til að halda Twin Within gangandi.

Á þeim tíma tók Kristín yfir rekstur fyrirtækisins og fór á fullt við að finna leið til framleiðslu eftir flutninginn til Asíu. Hún vildi ekki láta fjöldaframleiða festarnar í verksmiðju í Kína, heldur finna framleiðslumöguleika sem gæfu henni kost á að gefa til baka til samfélagsins á einhvern hátt.

Fyrir tilviljun komst ég síðan í samband við friðarsamtök sem voru með starfsemi í Filippseyjum og eftir ár af samstarfi og vinnu gat ég byrjað að framleiða festarnar í gegnum þau. Þar starfa einstæðar mæður sem handgera hálsfestarnar, þær fá greidd fair-trade laun og við reynum að hjálpa þeim frekar og styðja við þær á allskonar hátt.

Framleiðslan og samstarfið við friðarsamtökin hefur að sögn Kristínar orðið að hjarta Twin Within og hún getur eki hugsað sér að gera hlutina á neinn annan hátt í dag.
Ásamt því að fást í Hrím Hönnunarhúsi og GK Reykjavík á Íslandi, er hægt að kaupa festarnar á heimasíðu Twin Within.

Hvernig gengur að samtvinna móðurhlutverkið og fyrirtækið/vinnuna?

Það hefur gengið vel, ég tek tímabil þar sem ég er virkari við að sinna fyrirtækinu og önnur tímabil þar sem fjölskyldan gengur meira fyrir. Þetta er ákveðinn dans sem getur verið erfitt að stíga en það eru samt sem áður mikil forréttindi að geta ráðið tímanum sínum sjálfur og haft rými til að finna jafnvægi á milli fjölskyldu og vinnu eftir því sem hentar hverju sinni.

Mæðra-tips og RIE

Kristín hefur alltaf haft mikla ástríðu og áhuga fyrir öllu sem viðkemur foreldrahlutverkinu, meðgöngu, fæðingu og uppeldi. Þetta varð til þess að hún stofnaði facebook-hópinn Mæðra-tips, sem telur yfir 12 þúsund meðlimi.

Móðurhlutverkið er alveg gríðarlega krefjandi þó það sé gefandi líka og mér hefur alltaf fundist skipta miklu máli að mæður fái stuðning og geti ráðfært sig, sótt styrk og stuðning eða bara fengið að “pústa” á öruggum vettvangi.
Mæðra Tips varð til því mig langaði að bjóða konum uppá aðgang að svona hópi en einnig langaði mig að búa til svæði þar sem ég gæti deilt með öðrum mæðrum því sem ég væri að lesa, áhugaverðum greinum tengdum uppeldi og hugleiðingum. Eftir að ég kynntist RIE þá hef ég upplifað mikla þörf til þess að miðla boðskap RIE áfram og hef varið miklum tíma í að skrifa um þessa uppeldisaðferð á samfélagsmiðlum, með rosalega góðum undirtektum. það eru nefnilega ekki allir sem hafa tíma eða áhuga á því að lesa sér til á netinu eða skoða nýtt efni um hinar eða þessar uppeldisaðferðir. Ég hugsaði þess vegna með mér að það hlyti að koma einhverjum að góðum notum ef ég myndi deila og miðla áfram uppgötvunum mínum með öðrum mæðrum. Það hefur reynst alveg ofboðslega vel og kom mér á óvart hvað það voru margar konur að tengja og í rauninni að leita að nýjum leiðum eða áherslum í uppeldinu.


Á morgun birtum við annan hluta viðtalsins við Kristínu Maríellu, þar sem hún segir meira frá RIE og námskeiði sem hún heldur á Íslandi á næstunni.

Sjónvarpsmynd í vinnslu um samband Harry og Meghan

Aðdáendur Harry Bretaprins og Meghan Markle geta glaðst yfir nýjustu fréttum, en Lifetime mun vera að vinna að sjónvarpsmynd um ástir þeirra, sem ber titilinn Harry & Meghan: The Royal Love Story eða Harry og Meghan: Konungleg ástarsaga. Myndin mun fjalla um samband þeirra og ástarsögu allt frá því að sameiginlegur vinur kynnti þau þar til þau trúlofuðu sig í nóvember 2017. Myndin mun einnig skoða líf Meghan sem fráskilin bandarísk leikkona. Prufur standa yfir í hlutverk myndarinnar og enginn sýningardagur hefur verið gefinn upp. Lifetime sýndi hinsvegar myndina William & Kate: The Movie 11 dögum áður en þau giftu… Lesa meira

Ragga nagli: „Sit mjög oft ein eftir að borða“

Ragga Nagli er klínískur heilsusálfræðingur og einkaþjálfari. Í nýjasta tölublaði MAN er viðtal við hana um mataræði, hreyfingu, bætiefni, sem og bestu fötin og tækin í ræktina. Ragga fjallar þar meðal annars um hvernig mataræðið og máltíðir hafa breyst hjá henni: Það má segja Hvað, Hvernig, Hversu oft og Hversu mikið ég borða hafi breyst. Ég var mjög brennd af allskonar boðum og bönnum mjög lengi. Fékk skilaboð um að borða ekki brauð, lamb, svín, maís, banana, og fleira rugl. Nú borða ég allt sem að kjafti kemur og mér finnst gómsætt. Máltíðamynstrið hefur breyst hjá mér. Á einhverju matarplani átti ég að… Lesa meira

Myndband: Carrie Underwood og Ludacris syngja lag Super Bowl í ár

Carrie Underwood og Ludacris taka röddum saman í laginu The Champion sem er upphafslag útsendingar NBC sjónvarpsstöðvarinnar frá Super Bowl LII eða Ofurskálinni. Lagið mun einnig vera notað í umfjöllun stöðvarinnar um Vetrarolympíuleikana. Lagið er samið af Underwood og Ludacris ásamt Brett James og Chris DeStefano og er ansi grípandi, en þó ólíkt þeim lögum sem maður hefur heyrt hingað til frá Underwood. https://www.youtube.com/watch?v=Htu3va7yDMg Super Bowl fer fram 4. febrúar næstkomandi og auk stjarnanna á vellinum, þá munu stjörnur líka skemmta áhorfendum, Pink mun syngja þjóðsönginn og Justin Timberlake mun sjá um hálfleikssýninguna. Underwood er óðum að ná sér eftir… Lesa meira

Myndband: Ný Harry Potter mynd „um þann sem við nefnum ekki á nafn“ er komin út

Sjö mánuðum eftir að Warner Bros gaf aðdáendum Harry Potter leyfi til að gera nýja mynd um þann sem við nefnum ekki á nafn, er myndin komin á netið. Í myndinni, Voldemort: Origins of the Heir, er sögð sama Grisha McLaggen, erfingja Gryffindor, sem leitar að Tom Riddle, sem hvarf eftir að erfingi Hufflepuff var myrtur. „Við veltum fyrir okkur: Hvað varð til þess að Tom Riddle varð Voldemort? Hvað gerðist á þessum árum og hvað gerðist í Hogwart þegar hann kom til baka? Það er margt ósagt,“ segir Gianmaria Pezzato leikstjóri myndarinnar. „Þetta er saga sem vð viljum segja:… Lesa meira

Uppskrift: Ómótstæðilegur prótein súkkulaðibúðingur Hönnu Þóru

Hanna Þóra er 29 ára Hafnfirðingur sem hefur brennandi áhuga á veisluskreytingum, bakstri og dúlleríi. Hún er líka snyrtifræðingur og viðskiptafræðingur, flugfreyja, i sambúð og tveggja barna móðir. Hanna Þóra er ein af þeim sem er með síðuna Fagurkerar.is. Hér útbýr hún prótein súkkulaðibúðing, sem er tilvalinn til að halda sykurpúkanum frá, sérstaklega núna í janúar. Uppskriftin Hálfur desilítri chia fræ Ein skeið súkkulaðipróftein 1-2 dl Mjólk  (Möndlu,kasjú,soya eða venjuleg allt eftir smekk) Ég nota double rich chocolate sem ég keypti í prótín.is sem er í síðumúla og er einnig með vefverslun www.protin.is Við höfum keypt þetta prótein í tæp… Lesa meira

Myndband: Lærðu að brjóta þvottinn á nýjan hátt og sparaðu pláss

Það er eitt sem yfirgefur okkur aldrei, sama hversu heitt við viljum það: þvottahrúgan. Í meðfylgjandi myndbandi eru kennar sex aðferðir til að brjóta þvottinn saman sem eiga það sameiginlegt að spara pláss í skápnum, myndbandið lofar líka að maður spari tíma með þessu. Ég ætla að prófa næst þegar ég ræðst á þvottafjallið. https://www.facebook.com/FirstMediaBlossom/videos/10155894084094586/ Lesa meira

Kim Kardashian er með rándýrar ruslatunnur

Kim Kardashian hendir sko ruslinu með stæl, en hún er með ruslatunnur frá engum öðrum en tískuhönnuðinum Louis Vuitton. Af því að þegar maður er metinn á 220 milljónir dollara þá veit maður ekkert hvað maður á að eyða aurunum í, er það nokkuð? Fylgjendum hennar á Instagram sýndist sitt hvað um tunnurnar þegar Kim póstaði mynd af þeim. Nefndi einn þeirra að þær kostuðu meira en húsið hans. Ekki er vitað hvað tunnurnar kostuðu Kim, en sú minni kostar allavega um 3000 dollara á Ebay eða um 300 þúsund íslenskar krónur. Lesa meira

Myndband: Snemma beygist krókurinn

Krútt dagsins í dag er ungabarnið sem gefur sjálfum Rocky lítið eftir, en barnið virðist búið að ná helstu æfingum boxarans. Ert þú búin/n að fara í ræktina í dag eða á leiðinni þangað eftir vinnu? https://www.facebook.com/nerdingoutloud/videos/484454691914052/ Lesa meira

Stjörnumerkin: Áramótaspá 2018 – Bogmaður

Anna Lóa Ólafsdóttir heldur úti Facebooksíðunni Hamingjuhornið, en það var stofnað árið 2011. Í Hamingjuhorninu eru fróðlegir og innihaldsríkir pistlar um þætti sem snúa að samskiptum, persónulegum áskorunum og lífsins leyndardómum. Og þar má finna áramótaspá fyrir stjörnumerkin. Hér er áramótaspáin fyrir Bogmanninn 22. nóvember - 21. desember. Bogmaður Kæri bogmaður, byrja á því að segja þér að spáin fyrir þig er mögnuð og 3 stór spil sem komu úr bunkanum. Til að byrja með þá skoða ég árið sem er að líða undir lok. Það mætti segja mér að þú hafir upplifað einhverja togstreitu á árinu og svörin sem þú… Lesa meira

Myndband: Fólk er frábært – Blanda af því besta frá 2017

Í meðfylgjandi myndbandi sem er af Facebook síðunni People are awesome má finna blöndu af því besta frá árinu 2017. Fólk í hinum ýmsu íþróttagreinum af framkvæma ótrúlegustu hluti sem margir virðast ögra þyngdarlögmálinu all verulega. Ísland á meira að segja fulltrúa. https://www.facebook.com/peopleareawesome/videos/1542174665831706/ Facebooksíða People are awesome. Lesa meira

Stjörnumerkin: Áramótaspá 2018 – Sporðdreki

Anna Lóa Ólafsdóttir heldur úti Facebooksíðunni Hamingjuhornið, en það var stofnað árið 2011. Í Hamingjuhorninu eru fróðlegir og innihaldsríkir pistlar um þætti sem snúa að samskiptum, persónulegum áskorunum og lífsins leyndardómum. Og þar má finna áramótaspá fyrir stjörnumerkin. Hér er áramótaspáin fyrir Sporðdreka 23. október - 21. nóvember. Sporðdreki Kæri sporðdreki, byrja á því að skoða árið sem er að líða undir lok. Þú getur verið svo þakklátur fyrir margt í lífi þínu kæri dreki – svona eins og þú sért með allt sem þú þarfnast. Peningamálin hafa blessast á árinu og áhyggjur þínar minni vegna þeirra. Þú lifir lífinu ríkulega… Lesa meira

Bíó: Tvær íslenskar myndir vinsælastar árið 2017 – Aðsókn dregst saman

Í fyrsta skipti síðan mælingar hófust eru tvær íslenskar kvikmyndir sem tróna á toppnum sem stærstu kvikmyndir á árinu. Þetta eru kvikmyndirnar Ég man þig sem þénaði tæpar 76,6 milljónir kr. (47.368 gestir) og Undir trénu sem þénaði 67,7 milljónir kr. (42.427 gestir). Nýjasta Star Wars myndin, The Last Jedi, var svo í þriðja sæti með 67,5 milljónir kr. í tekjur en sú kvikmynd er jafnframt sú eina þar sem aðsókn var yfir 50 þúsund manns á árinu en heildaraðsókn ársins að henni var 50.645 enda þótt kvikmyndin hafi einungis verið í sýningu frá 12. desember. Á síðustu fjórum árum… Lesa meira