Kynlíf eftir fæðingu – gefið ykkur tíma

Eftir fæðinguna eiga sér stað miklar breytingar í líkama konunnar. Sum þeirra hormóna, sem hafa haft mikið að segja á meðgöngunni fara í sitt eðlilega horf, en framleiðsla annarra hormóna eykst vegna mjólkurframleiðslunnar. Legið dregst saman og blóð og slím hreinsast út. Ef spöngin hefur rifnað eða verið klippt (spangarskurður) grær hún yfirleitt fljótlega en getur verið aum dálítinn tíma eftir fæðinguna. Álagið og viðbrigðin geta valdið geðsveiflum hjá konum og jafnvel þunglyndi. Allt í einu fer mikill tími í að annast barnið, og ef einnig eru eldri systkini getur vinnuálagið orðið býsna mikið. Allar þessar breytingar geta haft í för með sér að sumar konur verða afskaplega þreyttar eftir fæðinguna. Á sama tíma er oft ekki mjög svefnsamt hjá foreldrunum og allt þetta hefur áhrif á samband þeirra.

Til að góður andi ríki á heimilinu verðið þið að byggja samband ykkar á trausti og gagnkvæmri virðingu. Það er mikilvægt fyrir sambandið að þið gefið ykkur tíma fyrir ykkur sjálf. Til dæmis er góð hugmynd að fara reglulega út saman án barnanna. Þá gefst ykkur tækifæri til að tala saman óáreitt sem fullorðið fólk. Opin og hreinskilin samskipti auðvelda ykkur að takast á við þau verkefni sem fylgja foreldrahlutverkinu.

Hvenær getið þið haft samfarir eftir fæðingu?

Það er mjög mismunandi hvenær pör fara að hafa samfarir eftir fæðingu. Máli skiptir hvort spöngin hefur rifnað eða verið klippt eða önnur sár eða rifur myndast. Það skiptir einnig máli hve vel sárin gróa. Meðan á hreinsuninni stendur (fyrstu 3–6 vikurnar eftir fæðingu) er hætta á að bakteríur berist upp í legið og valdi þar sýkingu. Ef þið ákveðið að hafa samfarir á þessu tímabili er því best að nota smokk til öryggis.

Eftir u.þ.b. 6–8 vikur hefur legið oftast dregist vel saman og er orðið nærri jafn lítið og það var áður en meðgangan hófst. Legið er þó alltaf ívið stærra eftir fæðingu en áður en fyrsta þungun varð.

Hvenær vaknar áhugi á kynlífi aftur eftir fæðingu?

Mjög misjafnt er hvenær kynlífslöngun vaknar eftir fæðingu. Það er algengt að konan hafi ekki mikinn áhuga á kynlífi fyrst eftir fæðinguna. Oftast er hún þreytt, aum í botni og brjóstum og svitnar við minnstu áreynslu. Margar konur verkjar enn fremur í grindina í nokkurn tíma eftir fæðinguna ef þær hafa verið með grindarlos. Ef fæðingin hefur auk þess verið erfið getur konan óttast að verða þunguð aftur.

Margir karlar hafa einnig lítinn áhuga á kynlífi fyrst eftir fæðingu. Þeir upplifa líka þreytu sem fylgir því að gefa sig í náin kynni við nýja einstaklinginn, vakna á nóttinni og sinna heimilisstörfum (vonandi) og ef þeir hafa horft upp á erfiða fæðingu getur hugsunin um nýja þungun virkað truflandi á kynlöngun.

Það getur liðið heilt ár áður en kynlífið er orðið eins og fyrir fæðingu.

Stundum reynir þetta mikið á samband foreldranna, en ef þið sýnið hvort öðru skilning, þolinmæði og tillitssemi er von til að kynlífið batni eftir því sem frá líður.

Hvaða tilfinningar geta vaknað hjá foreldrum?

Sumum konum líður illa eftir fæðinguna. Þær geta verið þreyttar og niðurdregnar. Oft svitna þær mikið og sumum líður illa vegna hreinsunarinnar. Brjóstin geta verið stór, aum og þrútin og mjólkin lekur við minnsta áreiti. Sumum konum gengur líka illa að losna við aukakílóin sem komu á meðgöngunni. Öðrum konum líður framúrskarandi vel. Þær eru ánægðar með stór og þrýstin brjóstin og njóta þess að gefa brjóst. Þær finna að líkaminn fer í samt lag og finnst þær vera aðlaðandi og hafa löngun í kynlíf. Feðurnir finna líka fyrir ýmsum tilfinningum. Sumum karlmönnum finnst konan ýta þeim frá sér. Þeim finnst öll athygli konunnar beinast að barninu. Þeim finnst þeim ofaukið og verða jafnvel afbrýðisamir.

Í öðrum fjölskyldum hjálpast foreldrarnir að við umönnun barnsins og hagnýt verkefni. Maðurinn styður konuna í brjóstagjöfinni og sumir karlmenn fá aukna virðingu fyrir líkama konunnar eftir að kynnast þeim breytingum sem fylgja þunguninni og fæðingunni. Þeir feður eiga auðveldara með að tjá konunni tilfinningar sínar og taka tillit til hennar.

Hvernig á að bera sig að þegar byrjað er að stunda kynlíf á ný eftir fæðingu?

Oft kemur kynlífið af sjálfu sér í framhaldi af ánægjulegri samverustund þegar báðir aðilar eru tilbúnir. Það er um að gera að fara rólega af stað. Mikilvægt er að konan fái að ráða ferðinni og að karlmaðurinn sé gætinn og tillitssamur. Það er góð hugmynd að velja þann tíma sólarhringsins þegar þið eruð minnst þreytt. Samt er ekki nóg að vera vel úthvíld, þið þurfið líka næði. Það kannast margir við að þegar foreldrarnir ætla að fara að láta vel að hvort öðru vaknar barnið. Það er eins og það skynji að athygli foreldranna beinist frá því. Þess vegna er gott að gefa barninu brjóst í ró og næði svo það sé örugglega mett og ánægt og vakni ekki alveg strax. Þá lekur heldur ekki eins mikið úr brjóstum konunnar við atlotin. Því er nefnilega þannig varið að þegar konan verður fyrir kynferðislegri örvun losnar hormónið Oxytósín út í blóðrásina eins og við brjóstagjöf og mjólkin byrjar að streyma. Stundum eru brjóstin mjög viðkvæm meðan barnið er á brjósti og því vilja sumar konur ekki að maðurinn snerti þau. Þið verðið í sameiningu að finna hvað hentar ykkur.

Sumar konur eru fremur þurrar í leggöngunum, vegna hormónabreytinga, fyrstu þrjá mánuðina. Ef þetta er vandamál er hægt að fá margar tegundir af vatnsleysanlegum smurningskremum í apótekinu eða nota smokka með smurningskremi. Það sem skiptir þó höfuðmáli er að gefa sér góðan tíma í forleik og jafnvel munngælur þar sem munnvatn er náttúrulegt sleipiefni. Fyrstu skiptin, sem þið hafið samfarir getur reynst vel að nota stellingar sem gefa konunni kost á að stýra því hversu djúpt maðurinn fer inn í hana. Henni gæti t.d. líkað vel að setjast ofan á hann. Þannig veldur þungi mannsins heldur ekki þrýstingi á brjóstin.

Kynlíf án samfara?

Margir mánuðir geta liðið áður en aftur kemst á jafnvægi í kynlífinu. Á þeim tíma getur verið ljúft að njóta annarra atlota. Til eru fjölmargar aðferðir við að sýna hvort öðru ást og hlýju. Þið getið talað innilega saman, faðmast og kysst.

Saga Dröfn var fullkomin mamma: „Þetta getur nú ekki verið svo erfitt“

Áður en Saga Dröfn Haraldsdóttir eignaðist sitt fyrsta barn var hún fullkomin mamma. Barnið hennar mátti aldrei vera með hor, það átti alltaf að fara að sofa á réttum tíma, borða einungis hollan mat og sjónvarpið átti að vera spari. Einnig skildi barnið hennar alltaf vera vel greidd um hárið, í flottum fötum, vel til fara og að sjálfsögðu áttu heimilið alltaf að vera hreint og fínt. Ég hugsaði að þetta gæti nú ekki verið svo erfitt, bara skipta á bleyjum þegar þess þarf, gefa henni að borða og leika við hana, segir Saga í færslu sinni á Mæður.com Kjarnafjölskyldan Ég… Lesa meira

Ljósmæður opna Snapchat: „Fylgjendur fá mjög fjölbreytta fræðslu og upplýsingar. Við viljum efla foreldra í barneignarferlinu“

Sigrún Gunnarsdóttir, hjúkrunarfræðingur og ljósmóðir ásamt Áslaugu Valsdóttur formanni ljósmæðrafélagsins fannst komin tími til þess að færa störf ljósmæðra nær nútímanum og gera þau sýnilegri. Þær tóku því sameiginlega ákvörðun um að stofna opin Snapchat reikning þar sem nokkrar ljósmæður skiptast á að sýna og segja frá störfum sínum. Hópurinn er orðin mjög fjölbreyttur og öflugur þar sem ljósmæður vinna mjög fjölbreytt störf á mörgum mismunandi stöðum. Við skiptumst á að vera með snappið og því ættu fylgjendur að fá mjög fjölbreytta sýn og fræðslu. Hver og ein tekur ákveðin málefni fyrir og gefur innsýn inn í sín störf, segir Sigrún í samtali við… Lesa meira

Kristín og Binni Löve eiga von á barni: „Við erum mjög spennt“

Kristín Pétursdóttir leikkona og Brynjólfur Löve Mogensson Snapcat stjarna eiga von á sínu fyrsta barni saman í ágúst. Kristín hefur starfað sem flugfreyja undanfarna mánuði en hún hefur meðal annars leikið í bíómyndunum Órói og Fólkið í Blokkinni. Ég er gengin fjórtán vikur og fjóra daga og við erum mjög spennt. Ég var að vísu mjög veik fyrstu 12 vikurnar en það er allt að koma, segir Kristín í samtali við Bleikt. Brynjólf þekkja flestir undir nafninu Binni Löve en hann gerði garðinn frægan á Snapchat. Í dag starfar Brynjólfur sem rekstrarstjóri pizzustaðarins Blackbox Pizzeria. Við óskum þessum verðandi foreldrum innilega til hamingju. Lesa meira

Hvað er raunveruleg vinátta?

Hvað er vinátta? Þetta er spurning sem ég hef velt óþarflega mikið fyrir mér undanfarna mánuði. Einhverra hluta vegna hélt ég alltaf fast í þá hugsun að góður vinur væri sá sem væri búin að vera í kringum þig hvað lengst og þekkti þig því vel. En ég hef komist að því að vinátta er eitthvað allt annað. Að finna sér góða vini sem meta vináttu þína og þú þeirra er mjög dýrmætt. Það virðist flestum vera lítið mál að eignast vini og kunningja, eyða með þeim hellings tíma en átta sig svo á því að í raun voru þetta… Lesa meira

Tanja Ósk var lögð í hrottalegt einelti: „Ég var heltekin af ótta“

Ímyndið ykkur að sex ára gömul dóttir ykkar sé að byrja sinn fyrsta skóladag. Hún er spennt, hlakkar til að eignast vini og verða fullorðin. Eftir skóla kemur hún heim sorgmædd vegna þess að stelpurnar í bekknum leyfðu henni ekki að leika sér með þeim af því að hún var of ljót. Þessi sex ára stelpa var ég. Svona hefst samtal Tönju Ósk Brynjarsdóttur við blaðamann Bleikt. Var sagt að þetta myndi líða hjá Tanja greinir frá því að þetta hafi eingöngu verið upphafið af því einelti og ofbeldi sem hún hefur þurft að sæta í gegnum tíðina. Mér var… Lesa meira

Bjargey um hamingju: „Ég hef upplifað mikinn sársauka og vildi ekki dvelja þar. Ég vildi frelsi“

Hvers vegna finnst sumum allt vera erfitt og leiðinlegt á meðan öðrum finnst lífið almennt skemmtilegt og sjá það jákvæða í stað þess neikvæða. Hvað aðskilur þessa tvo einstaklinga? Með þessum orðum hefur Bjargey Ingólfsdóttir nýjustu færslu sína á Bjargeyogco. Af hverju ertu alltaf svona ógeðslega happý? Um daginn fékk ég þessa spurningu frá fylgjanda í gegnum Snapchat og fékk hún mig til þess að hugsa. Til þess að svara henni þá er ég í fyrsta lagi ekkert alltaf ógeðslega happý. Ég hef farið í gegnum dimma dali og upplifað mikinn sársauka. Sársauka í hjartanu og verki í líkamanum. Ég vildi ekki dvelja þar, því það… Lesa meira

Guðlaug hefur misst fóstur tvisvar sinnum: „Ég fór á klósettið og fann það detta niður, ég var bara ekki tilbúin til þess að sturta“

Guðlaug Sif Hafsteinsdóttir hefur tvisvar sinnum misst fóstur og tók sú lífsreynsla mikið á hana. Segir hún það algengt að fólk tali um það að missa fóstur sé ekkert mál. Fóstrið skolist einfaldlega út og konan eigi í kjölfarið að halda áfram með líf sitt líkt og ekkert hafi í skorist. Ég hef misst fóstur í tvö skipti, þessi tvö skipti voru mjög ólík og ætla ég að segja aðeins frá þeim, segir Guðlaug í einlægri færslu sinni á Amare. Þetta er ekki auðvelt, þetta er þvílíkur missir þrátt fyrir að hafa gengið stutt á leið. Þetta er barnið mitt, litla… Lesa meira

Amanda og Birgir eru vegan og alæta í sambúð: „Engin ein rétt leið í samböndum“

Vegan og alæta í sambúð, hvernig virkar það? Þetta er spurning sem ég fæ að heyra reglulega og eru eflaust enn fleiri sem velta henni fyrir sér án þess að spyrja. Einnig fæ ég stundum fyrirspurnir frá einstaklingum sem vilja gerast grænmetisætur eða vegan en telja að makinn færi ekki sömu leið. Eins og með öll önnur sambönd eru þau misjöfn eins og þau eru mörg og því er engin ein rétt leið. Ég og Birgir erum búin að vera saman í rúm 3 ár og höfum þar af búið saman í um það bil 2,5 ár. Þegar við byrjuðum… Lesa meira

Aldís rakst á gífurlegan verðmun á barnadóti milli verslana: „Þetta hlýtur að vera eitthvað djók!“

Aldís Björk Óskarsdóttir var stödd í barnaversluninni Ólavía og Oliver á dögunum þegar hún rakst fyrir tilviljun á barnadót sem kostaði tæplega átta þúsund krónur. Það sem kom Aldísi svo mikið á óvart var að einungis nokkrum vikum áður hafði hún keypt sömu vöruna á 2500 krónur í Hagkaup. Ég rakst bara á þetta fyrir algjöra tilviljun, ég var að skoða göngugrind fyrir litlu stelpuna mína í Ólavíu og Oliver og ég hugsaði með mér að þetta hlyti að vera eitthvað djók! segir Aldís í viðtali við Bleikt.is Aldís ákvað í kjölfarið að gera sér ferð í Hagkaup til þess að athuga hvort… Lesa meira

13 bráðfyndnar gamanmyndir á Netflix

Það bíða líklega langflestir Íslendingar eftir því að sólin hækki á lofti og vetur konungur láti sig hverfa af landi brott, enda hefur veturinn verið sérstaklega þungur undanfarnar vikur. Það er þó eitt hægt að gera til þess að stytta biðina og það er að koma sér vel fyrir í sófanum með eitthvað gott að narta í og kveikja sér á skemmtilegri gamanmynd. Bleikt tók saman lista af skemmtilegum gamanmyndum sem allar eru í sýningu á Netflix: Hot Fuzz Nick Angel er ekta „ofurlögga“ sem er svo góður í starfi sínu að hann hefur verið sendur af yfirmönnum sínum í lítið, hljóðlátt þorp þar sem að… Lesa meira

Breytir myndum af börnunum sínum í ævintýri

Fjögurra barna faðir vildi taka skemmtilegar og öðruvísi myndir af börnunum sínum og fór því að leika sér að því að breyta umhverfinu með myndvinnsluforriti. John Wilhelm býr í Sviss með konu sinni og fjórum börnum. Faðir Wilhelms var mikill áhugaljósmyndari en sjálfum þótti honum ljósmyndun ekkert sérstök þegar hann var yngri. Það var svo ekki fyrr en Wilhelm fór á námskeið í myndvinnsluforritun og þrívíddarhönnun sem áhuginn kveiknaði fyrir alvöru. Bored Panda greinir frá því að Wilhelm hafi ákveðið að taka myndir af börnunum sínum og vinna þær öðruvísi heldur en venjulega. Útkoman er virkilega skemmtileg og auðvelt er… Lesa meira

Íris tók ákvörðun um að vera einstæð: „Þarna stóð ég, ein, ólétt og með bullandi höfnunartilfinningu“

Mig langar til þess að koma fram og tala um málefni sem kannski margir kannast við. Málefnið er sú ákvörðun sem ég þurfti að taka. Hvort ég vildi halda fóstrinu vitandi það að ég myndi verða einstæð og þurfa að ganga í gegnum allt saman ein. Ég var stödd í London þar sem ég bjó þegar ég fékk þann skell í andlitið að þurfa að ákveða framtíð mína á nokkrum dögum. Það var svo langt frá því að vera auðvelt eins og þær vita sem hafa verið í þeim sporum að þurfa að ákveða hvað gera skal. Það þarf að taka þá ákvörðun, þá í… Lesa meira