Margrét Erla Maack: „Ef fólk býst við einhverju niðurlægjandi strippsjóvi þá getur það farið annað“

Það má með sanni segja að reykvíska kabarettsenan hafi sprungið út á mettíma síðustu mánuðina. Þrátt fyrir að hafa varla slitið barnsskónum er senan orðin litrík og fjölbreytt og hefur dregið hingað til lands marga heimsfræga listamenn.

Margrét sjálf í atriði sem hún tileinkar öllum konum sem einhvern tíma hefur verið sagt að slappa af! Mynd: Leifur Wilberg Orrason

Þeir sem njóta kabarettsýninga og ærslaláta af ýmsu tagi muna eflaust eftir Skinnsemi, fullorðinssirkúsnum sem spratt upp úr starfi Sirkus Íslands, þegar tjald þeirra er uppi. Konan á bak við kabarettagróskuna og gleðina er engin önnur en Margrét Erla Maack, sem varla er hægt að kalla annað en fjöllistakonu. Eða jú, það er líka hægt að kalla hana skemmtikraft, danskennara, plötusnúð, fjölmiðlakonu, pistlahöfund, og jú eina af þrettán kynþokkafyllstu konum Íslands að mati álitsgjafa Bleikt.

 

„Ég og Lárus Blöndal, töframaður og skemmtanaáhugamaður, stofnuðum kabarettinn síðasta haust þegar nokkrir erlendir kabarettavinir mínir voru á Íslandi í sömu viku. Ég hringdi í sirkusbossinn minn og hann sagði að þetta væri allt í góðu ef það væri utan sirkustíma, sem kannski telst samráð á þessum litla kabarettamarkaði,“ segir Margrét í samtali við Bleikt.

Þau fengu til liðs við sig hæfileikaríkar og þokkafullar konur með húmor, en það er akkúrat það sem þarf í kabarett. Þetta voru þær Þórdís Nadia, Margrét Arnar,Ragnheiður Maísól Sturludóttir og Unnur María Bergsveinsdóttir, en hún hefur nýlokið við sirkusferðalag um Hjaltlandseyjar.

Þórdís Nadia í laufléttu atriði með selfístöng. Mynd: Leifur Wilberg Orrason

Reykjavík Kabarett fór vel af stað og fyrstu sýningarnar seldust upp með hraði, að sögn Margrétar. „Eftir að hafa spriklað í kjallara Græna herbergisins fluttum við í byrjun mánaðarins á Rósenberg. Bæði er það stærra svið og salur og svo spilar líka inn í maturinn, fílingurinn og aðgengi fyrir hjólastóla.“

Í júní er Reykjavík Kabarett með vikulegar sýningar á Rósenberg, alla fimmtudaga, en hingað til hafa færri komast að en vilja. Margrét segir júnímánuð vera tilraun sem hópurinn vonast til að verði að hefð í bæjarlífinu.

„Draumurinn væri að hafa föst kvöld frá og með næsta vetri því ég fæ mörg skilaboð frá fólki í senunni víðs vegar um heim sem hefur áhuga á að skemmta á Íslandi – við erum búin að læna upp fólki fram á mitt sumar 2018, sem er ótrúlegt.“

Wilfredo hinn kynþokkafulli er einn erlendu gestanna sem sýnt hafa með Reykjavík Kabarett. Mynd: Leifur Wilberg Orrason

Miðar á kabarettinn eru seldir í gegnum Tix.is en tölfræðin frá síðunni hefur komið Margréti á óvart.

„Það sem kemur á óvart að um 75% þeirra sem kaupa miða eru konur. Og kvenkyns áhorfendur segja að það sé mjög frelsandi að sjá kvenlíkamann ekki bara sexí eða viðkvæman – heldur fyndinn og fáránlegan. Við blöndum saman burlesque, sem er svona gamaldagsgrínstrípidans með brjóstadúskum við mikinn húmor, galdra og kabarettatriði, svo ef fólk býst við einhverju niðurlægjandi strippsjóvi þá getur það farið annað.“

Lalli töframaður er kynnir á flestum sýningunum en stundum getur hann ekki hamið sig og strippar. Mynd: Leifur Wilberg Orrason

Áhugi Íslenskra skemmtikrafta á að koma fram hefur líka reynst heilmikill og Margrét segir að kabarettnum berist reglulega beiðnir og fyrirspurnir þess efnis.

„Við reynuma að verða við þeim þegar það er pláss – en annars viljum við frekar hvetja fólk til að skapa sínar eigin sýningar. Markmiðið okkar er að búa til senu, ekki bara að við sitjum ein að þessu ótrúlega teygjanlega formi. Ég hef verið að kenna burlesque í Kramhúsinu reglulega síðan í janúar og aðsóknin að þeim námskeiðum hefur sýnt mér að áhuginn er mikill. Sumir framhaldsnemendurnir koma fram með Reykjavík Kabarett, og svo var líka nemendasýning þann 6. júní síðastliðinn á Rósenberg. Þú sérð að burlesqueið er heldur betur að festa sig í sessi í Reykjavík.“

Dragdrottningin Gógó Starr er einn burlesque-nemenda Margrétar sem hefur stigið á svið með hópnum. Mynd: Leifur Wilberg Orrason.

En hverju má þakka þennan mikla áhuga og örskjótan uppgang kabarettsenunnar í Reykavík. ~Ég held að áhugann megi útskýra á marga vegu,“ segir Margrét, „í fyrsta lagi hafa margir Íslendingar séð svona sýningar á ferðalögum erlendis. Svo eru virðast þessar hliðarsviðslistir að vakna, spunasamfélagið, uppistandið og síðast en ekki síst dragið. Nýtilkominn stefnumótakúltur hjálpar líka til og að við erum bara farin að verða duglegri við að tríta okkur – kíkja á happy hour, og út að borða er ekki lengur spari spari… og okkur finnst öllum gaman að Reykjavík sé að verða meiri heimsborg.“

Engar tvær sýningar í júní verða eins, en hellingur af gestum kemur fram með Kabarettnum, bæði tilkynntir og leynigestir.

Hér er örlítil kitla sem ætti að æsa upp í ykkur kabarettunnandann:

Þeir sem hafa ekki ennþá farið í mat til hans Óla á Rósenberg ættu líka að nota tækifærið – því hann er mikill meistarasnillingur og hefur hannað nýjan og djúsí matseðil. Á fimmtudagskvöldum er líka sérstaklega djúsí og kynþokkafullan kabarettseðill í boði en á honum eru meðal annars ostruskot, uxabrjóst, rumpsteik, og eggaldin fyrir grænkerana.

Tryggðu þér miða á Reykjavík kabarett

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra. Dýrahjálp er meðal þeirra sem áttu mikið af eignum sem lágu í geymslunum og ljóst er að tjónið var gríðarlegt og leita þau því til almennings í þeirri von um að einhver geti aðstoðað þau í þessum leiðinlegu aðstæðum. Við fáum ekkert að nálgast neitt strax en það virðist sem þakið á húsinu sé farið þar sem okkar geymslur… Lesa meira

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði. Rósa segir að börn séu frábærir áhorfendur sem geri leikurum alveg ljóst ef þeim mislíkar eitthvað í sýningunni. „Börnin eru svo fyndin og þau spyrja okkur oft spurninga fyrir eða eftir sýningu sem ég á stundum í stökustu vandræðum með að svara og þarf því að vera fljót að hugsa,“ segir Rósa í viðtali sem birtist upphaflega í helgarblaði DV. Rósa er menntuð leikkona og hefur starfað við leiklist undanfarin… Lesa meira

Fyrir og eftir myndir – Breytingar á heimili

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum ! Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég var alveg búin að ákveða að mála í gráum lit en hitti svo æðislegan starfsmann sem leiðbeindi mér mjög vel… Lesa meira

Skotheld uppskrift af gómsætum grjónagraut sem klikkar aldrei

Eitt af því besta sem börnin mín fá er grjónagrautur. Og best af öllu finnst þeim þegar hann er borinn fram með rúsínum og lifrarpylsu.  Ég hef lengi haft uppskriftina í kollinum og ákvað að skrifa hana niður núna og skella henni hérna inn. Þessi grautur er ótrúlega einfaldur, en það þarf að vísu að fylgjast vel með pottinum og hræra reglulega svo hann brenni ekki við. En hér kemur uppskriftin: (Fyrir 5) Hráefni: 3 dl hrísgrjón 4 dl vatn 1/2 tsk salt 10-12 dl mjólk (ég nota hvort sem er nýmjólk eða léttmjólk, bara það sem ég á til)… Lesa meira

Óstjórnlega fyndnar gínur sem eru orðnar leiðar á starfinu sínu

Í gegnum tíðina hefur oft verið talað um að gínur í búðum sýni óraunhæfa mynd af útliti og vaxtarlagi fólks. Það hefur hins vegar sjaldan verið veitt því athygli hversu leiðinlegu lífi aumingja gínurnar lifa. Þær standa á sama stað á hverjum einasta degi, starfsmenn verslana aflima þær fram og til baka og það kemur fyrir að þær þurfa að standa naktar fyrir framan alla. Það er því ekki skrítið að af og til finni fólk gínur sem haga sér öðruvísi en vanalega. Bored Panda tók saman lista af skemmtilegum gínum sem hafa flúið raunveruleika sinn og eru ekki eins… Lesa meira

Ingibjörg Eyfjörð: „Ég bjó mér til samfélagsmiðlakarakter“

… eða svo var mér sagt. Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir. Það er enginn fullkominn Ég hef frá upphafi lagt mikinn metnað í að skrifa frá hjartanu, skrifa… Lesa meira

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig. Bored Panda greinir frá því að það hafi verið árið 2016 þegar mikill eldur geisaði í Kanada þar sem Tony Bussey býr, sem hann áttaði sig á því að núna væri tíminn til þess að opna augun og takast á við vandamálið. Flugvélar voru sendar á svæðið til þess að bjarga fólki frá eldinum og þegar Tony mætti á flugvöllinn var hann settur fremst í röðina. Of feitur til þess að… Lesa meira

Dóttir Karenar hafnaði brjóstinu: „Ég mjólkaði samt eins og belja en börn eru ekki öll eins“

Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri. Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin, segir Karen í einlægri færslu sinni á Mamiita. Dóttir hennar neitaði brjóstinu Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu. Eftir nokkra daga gafst ég upp og fór að gefa henni ábót.… Lesa meira

Brúðkaupslisti fyrir verðandi brúðhjón frá Hildi Hlín

Flestir sem þekkja mig vita að ég er einstaklega skipulögð manneskja og elska að búa til lista. Við getum eiginlega sagt að allt sem ég geri, þarf að gera eða ætla mér að gera sé merkt á einhverjum af þessum þúsund "to do”-listum sem ég á og hef vandlega skipt niður eftir viðfangsefni og mikilvægi. Einn stærsti svoleiðis listi sem ég er að vinna eftir þessa dagana er stóri brúðkaupslistinn minn! Þessi listi er búinn að vera opinn í símanum mínum, tölvunni og útprentaður í brúðkaupsbókinni minni núna frá því á síðasta ári (ok þetta er farið að hljóma eins… Lesa meira

Vandræðalegar auglýsingar af speglum til sölu

Ert þú að fara að selja spegil í bráð? Þá gætir þú tekið þessa frábæru sölumenn þér til fyrirmyndar og þá eru miklar líkur á því að spegill verði seldur fljótlega eftir að auglýsingin kemur á netið. Það getur reynst erfitt að taka góða mynd af spegli án þess að spegilmyndin af manni sjálfum eða öðrum laumist óvart með. Þetta fólk reyndi að finna lausn á vandamálinu með misgóðum árangri. Lesa meira

Sjö ára gamall drengur fann sálufélagann í ketti sem lítur alveg eins út og hann sjálfur

Sjö ára gamall drengur sem lagður hefur verið í einelti fyrir útlit sitt eignaðist kött sem er bæði með klofna vör og eins augu og drengurinn. Madden frá Oklahoma fæddist með klofna vör og mismunandi augnlit á hvoru auga. Í síðustu viku þá setti ein vinkona mín mynd af kettinum í sérstakan hóp sem ég er í fyrir foreldra barna með klofna vör. Kettinum hafði verið bjargað í Minnesota og við vissum strax a þessum ketti var ætlað að verða hluti af okkar fjölskyldu. Hann er ekki bara með klofna vör líkt og sonur okkar heldur hefur hann einnig mismunandi lit á augunum eins og Madden, segir Christina Humphreys í… Lesa meira