Meira en klæðskiptingur – Tekur kvenhormón en er kannski ekki trans – „Ef maður bælir tilfinningar skekkist allt í lífinu“

Við hittumst á kaffihúsi, ég og María sæta – eða það skulum vð kalla hana. . Þeir sem ganga fram hjá okkur þar sem við sitjum og sötrum kaffi sjá þó líklega ekki annað en blaðakonuna og karl á miðjum aldri í flíspeysu með gleraugu í djúpum samræðum. María er nefnilega aukasjálf karlsins í flíspeysunni, eða kannski hans raunverulega sjálf.

„Fyrir mig er þetta miklu meira en fetish. Ég er búin að vera að klæða mig upp frá því að ég man eftir mér. Um tvítugt hætti ég því alveg því heimurinn var einfaldlega of lítill og ég þekkti engan annan sem gerði þetta, nema einn samkynhneigðan mann sem dressaði sig í laumi.“ María segir að það hafi verið ruglandi að vera ekki samkynhneigður. „Ég prófaði það, en var aldrei neitt skotinn í strákum, svo það gekk ekki upp.“

Faldi sig í 20 ár

María tók 20 ára pásu og einbeitti sér að því að vera „eðlilegur“ karlmaður, stofnaði fjölskyldu og gerð það sem samfélagið ætlaðist til – en svo kom internetið til sögunnar. „Þá fór ég að tengjast og kynnast öðru fólki sem stundaði þetta í gegnum síður og samfélög á netinu. Ég faldi þetta auðvitað fyrir eiginkonunni og fjölskyldunni og leitaði mér hjálpar hjá sálfræðingi, því leyndarmálið var orðið að stóru vandamáli. Eftir mörg viðtöl var niðurstaðan sú að þetta væri fetish, og hann var á því að ég gæti bara ákveðið að hætta þessu.“ Þessu var María alls ekki sammála, fyrir henni er þetta miklu meira en fetish, þó svo að hún upplifi sig ekki sem trans konu.

Fyrir rúmu ári breyttist svo allt. Áður höfðu íslensk lög um trans fólk krafist þess að einstaklingar lifðu opinberlega í nýja kyninu í ár, áður en hormónameðferð gæti hafist, nú þarf það ekki lengur.

„Þetta breytti öllu fyrir mig og marga aðra. Ég vissi að ég væri meira en klæðskiptingur, að ég væri nær því að vera kona – án þess þó að ég vildi gangast undir fullt kynleiðréttingarferli. Ég fór til sálfræðings sem er í transteyminu á LSH og hún var sammála mér um að hjá mér væri þetta miklu meira en fetish. Hún ráðlagði mér að hafa þetta eins og ég vildi. Ef ég vildi hormónameðferð skyldi hún mæla með því að nefndin samþykkti það.“

María ákvað að fikra sig í átt að meiri kvenleika með því að prófa hormónameðferð og er búin að vera á henni síðan í maí í fyrra. „Ég hefði ekki getað gert þetta fyrir lagabreytinguna – samþykki þá hefði þýtt greining á geðsjúkdómi og það hefði valdið mér atvinnumissi.“ Já einmitt, þar til fyrir ári var svokallaður „kynáttunarvandi“, forsendan fyrir hormónameðferð sem var þá hluti leiðréttingarferlis, skilgreindur sem geðsjúkdómur. María vinnur nefnilega í stétt sem leyfir ekki slíkt.

„Þegar ég klæði mig upp vil ég fara alla leið, vera mjög kvenleg, elegant og flott. Þess vegna finnst mér ég vera meira en klæðskiptingur eða karlmaður með fetish fyrir kvenfötum. Ef þú hugsar þetta sem skala, þar sem fetish fyrir að klæða sig í kvenföt er öðrum megin, og það að vera trans hinum megin, er ég sennilega í miðjunni. Þetta er ekki annað hvort eða.“

Brjóst og breytt fitudreifing

Hormónunum fylgja alls kyns líkamlegar breytingar sem ég bið Maríu að lýsa fyrir mér. „Hárvöxturinn minnkar og hárin mýkjast, húðin verður mýkri, brjóstin stækka og verða aum, og fitudreifingin á líkamanum breytist. Ég hef alltaf verið mikill að ofan, en grannur að neðan. Núna er þetta að jafnast og buxur að þrengjast yfir mjaðmir og læri án þess að ég sé að þyngjast.“ María upplifir mikla ánægju af þessum breytingum á líkamanum, en hún er bæði á kvenhormónum og lyfjum sem hemja framleiðslu testósteróns.

„Eistun eiga líklega eftir að minnka, en fyrir mig er þessi minnkun á testósteróni bara jákvæð. Ég var kannski nálægt því að vera kynlífsfíkill á tímabili, svo þetta er fínt núna. Skammtarnir sem ég er á eru mjög litlir miðað við þær sem fara alla leið í leiðréttingu. Einn fylgigiskurinn getur verið þunglyndi og skapbreytingar en ég hef ekki fundið fyrir því.“

María segir að áður en lagabreyting átti sér stað hafi verið hægt að fá öll þessi lyf á svörtum markaði. „Maður veit samt aldrei hvað raunverulega er í ólöglegum lyfjum. Kannski minnkar notkun þeirra núna.“ Enn sem komið er eru allar þær breytingar sem María talar um afturkræfar. „Ég ætla að prófa ár, og tek svo ákvörðun um framhaldið þegar þangað er komið.“

Hjónabandið dýrmætt

María á konu, og konan fékk að vita allan sannleikann fyrir fjórum árum og þær komust að samkomulagi.

„Ef ég færi alla leið í kynleiðréttingu mundum við sennilega slíta sambúðinni. Við viljum það hvorugt. Börnin okkar vita ekki af þessu, og ekki aðrir í fjölskyldunni. Eftir 30 ár er samband okkar djúpt og gott og okkur líður mjög vel saman. Við ákváðum að vera áfram hjón og eiga áfram okkar góða líf, en ég fengi að eiga þetta sem hliðarlíf. Ég hitti annað fólk – en aðallega fyrir félagsskap, sáralítið fyrir kynlíf. Fyrir mig virkar þetta fyrirkomulag – enda er það sem ég hef í hendi tryggt og óvissan hinum megin of mikil ef ég kæmi út með þetta allt.“

Eiginkonan hefur ekki hitt Maríu fulldressaða, þó hefur það gerst við „viss skilyrði þegar rómantíkin tekur völd“ að henni finnist þetta heitt, og þá hefur María kannski klæðst kvennærfötum.

Hliðarlíf Maríu snýst ekki um djamm. „Ég treysti mér lítið til að fara út opinberlega í dressi, hvað þá á djammið,“ segir María. Hún tilheyrir hópi á Facebook sem samanstendur af klæðskiptingum, trans konum og aðdáendum þeirra.

„Hópurinn hefur skipulagt hittinga í heimahúsum, og jafnvel sumarbústaðaferðir. Virknin kemur eiginlega í gusum og er miklu meiri á veturna. Við erum dálítið eins og blóðsugur, myrkrið er vinur okkar. Samt er alltaf að aukast að maður sjái dressara á kaffihúsum eða öðrum opinberum stöðum. Mig langar að gera það meira, það kemur kannski.“

Í hópnum eru margir á Maríu reki. „Þetta eru einstaklingar af minni kynslóð sem eiga svipaða sögu og ég. Fundu fyrir því að vera öðruvísi á tímum sem þetta var algjört tabú. Það var algengt að klæðskiptingar eða trans konur veldu sér mjög karlmannleg störf til að reyna að fara eins langt í hina áttina og kostur var. Þeir fóru á sjó, eða í lögguna. Sálfræðingurinn minn segir að það hafi verið mjög dæmigert og hluti af afneituninni.“

Bældar tilfinningar

María væri alveg til í að vera 15 ára í dag. „Heimurinn er allt öðruvísi og fólk er umburðarlyndara og betur upplýst.“ Ég spyr Maríu hvað hún mundi segja ef hún fengi að hitta sjálfa sig 15 ára. Hún hugsar sig um í kannski 5 sekúndur. „Komdu út! Haltu áfram því sem þú ert að gera. Ef maður bælir tilfinningar eða langanir skekkist allt í lífinu. Það lærist að bæla og halda því áfram. Svo kynnistu makanum þínum og gengur inn í samband með hluta af þér bældan. Hvað gerist svo þegar þú getur ekki bælt lengur – ertu þá sama manneskjan og maki þinn giftist?“
María segir eiginkonuna líka hafa verið bælda, bara á annan hátt.

„Kannski náðum við saman út af því. Það er svo margt gott í okkar sambandi og út á við erum við algjör fyrirmyndarhjón. Það eru ekki margir stórárekstrar okkar á milli en sambúð er alltaf málamiðlun. Eins og ríkisstjórn tveggja flokka sem þarf að miðla málum á hverju ári.“

María er ekki búin að ákveða hversu langt hún ætlar að ganga í ferlinu, hvort hún ætlar að hefja líf sem kona einn daginn. „Ég er hamingjusamari í dag en fyrir nokkrum árum. En ég hugsa oft um hvort ég komi að einhverjum punkti þar sem ég vil stoppa. Það er ekki til ein pilla við öllu – en ég hef alltaf þetta val, að hætta að taka lyfin og fara til baka. Ég þarf að finna út hvað ég vil raunverulega fyrir framtíðina.“

Ókunnug kona í Smáralind sagði Andreu að hún ætti ekki að vera móðir

Andrea Ísleifsdóttir var í Smáralind á dögunum þegar ókunnug kona kom upp að henni og byrjaði að spjalla við hana um son Andreu. Samræðurnar byrjuðu vel en tóku snögga beygju þegar konan sagði Andreu að hún ætti ekki að vera móðir ef hún ætlaði ekki að ala son sinn "rétt" upp. Konan taldi Andreu ekki vera að ala son sinn "rétt" upp þar sem Andrea skilgreinir hann sem "hann." Andrea segir frá þessu í grein sinni á Glam.is og gaf Bleikt góðfúslegt leyfi til að birta hér með lesendum. Hér að neðan má lesa alla grein Andreu í heild sinni. Um… Lesa meira

Fólk er að missa sig yfir gömlum myndum af Emiliu Clarke og Kit Harrington

Gamlar myndir af Emiliu Clarke og Kit Harrington eru að ganga eins og eldur í sinu um netheima. Myndirnar voru teknar fyrir Rolling Stones tímaritið árið 2012 og eru hreint út sagt guðdómlegar! Alfie Allen og Lena Headey voru einnig í myndatökunni. Bored Panda greinir frá þessu. Horfðu á myndbandið neðst í greininni frá myndatökunni og sjáðu tíst frá netverjum. „Þetta augnablik var ógleymanlegt,“ sagði ljósmyndarinn Peggy Sirota um myndina af þeim kyssast. „Ég bað þau um að kyssast og ætli ástin hafi ekki verið í loftinu og ég var bara nógu heppinn að vera þarna.“ Sjáðu myndirnar hér fyrir neðan. Fólk var… Lesa meira

Mel B rauk af sviði eftir kvikindislegan brandara Simon Cowell um brúðkaupsnóttina hennar

Melanie „Mel B“ Brown, fyrrum kryddpía og dómari í America‘s Got Talent, rauk af sviði síðastliðið þriðjudagskvöld eftir að meðdómari hennar Simon Cowell sagði grófan og klúran brandara um brúðkaupsnóttina hennar. Mel B stendur nú í skilnaði við eiginmann sinn til tíu ára, Stephen Belafonte. Simon sagði „brandarann“ eftir tækniklúður í sýningu töframanns í America's Got Talent. „Ég get eiginlega ímyndað mér að þetta sé eins og brúðkaupsnótt Mel B. Mikil eftirvænting, lofar miklu, skilar litlu,“ sagði Simon. Mel B var ekki hrifin af þessum ummælum og kastaði yfir hann vatnsglasinu sínu áður en hún rauk af sviðinu í beinni… Lesa meira

Fíknin drap næstum Sunju: „Það líður ekki sá dagur sem ég er ekki skíthrædd við þennan sjúkdóm“

Ótti, kvíði, hræðsla, þunglyndi, lélegt sjálfsálit, lélegt sjálfstraust, félagsfælni, ofsareiði, mikil gremja, sjálfsmorðshugsanir, sjálfsmorðstilraunir, sjálfsvorkunn, meðvirkni á mjög háu stigi, föðurmissir og margir aðrir veikleikar og brestir meðal annars út frá miklu einelti (líkamlegu og andlegu), kynferðislegri misnotkun og ofbeldi (líkamlegu og andlegu) og mörgu öðru. Deyfði þessu eða sleppti öllu út í allskonar vímuefni í 17 ár. Drap mig næstum á endanum. Ég er núna edrú og búin að vera það í 3 ár og tæpan mánuð þegar ég skrifa þennan pistil, eða síðan 26. júlí 2014. Hver dagur telur og ég hefði ekki getað það án AA samtakanna og stuðninginn… Lesa meira

Ofurkrúttlegir hundar með sólgleraugu skynsamari en Donald Trump

Samfélagsmiðlar hafa logað af myndum frá sólmyrkvanum sem átti sér stað í gær og fjöldi fólks ferðaðist langar leiðir til Bandaríkjanna til þess að verða vitni að honum, enda eitt af ótrúlegustu undrum náttúrunnar. Til þess að sjá sólmyrkvan var nauðsynlegt að nota sérstök sólgleraugu sem vernda augun gegn hættulegum geislum sólarinnar. Forseti Bandaríkjanna virti þó þær viðvaranir ekki og ákvað að taka af sér sólgleraugun í miðjum sólmyrkva. Hinsvegar mátti sjá skynsama hunda víðsvegar um heiminn sem fylgdu fyrirmælum og pössuðu vel upp á sjónina. https://www.instagram.com/p/BYEh_hqlb3y/ https://www.instagram.com/p/BYE3M_GlZhX/ https://www.instagram.com/p/BYEW7QSgg6y/ https://www.instagram.com/p/BYESnoOjW10/ https://www.instagram.com/p/BYER1L-Bo_i/ https://www.instagram.com/p/BYEIhw3luBI/ https://www.instagram.com/p/BYD0_suHVsP/ https://www.instagram.com/p/BYESMlLjS1w/ https://www.instagram.com/p/BYEQo1LFTAS/ https://www.instagram.com/p/BYEBgZ1DC4_/ https://www.instagram.com/p/BYDhZlLht0V/ https://www.instagram.com/p/BYEk7FUAtgh/ Lesa meira

Karen Kjartansdóttir: „Íslenskar sundlaugar eru dásamleg blanda frjálsræðis og regludýrkunar“

„Íslenskar sundlaugar eru dásamleg blanda frjálsræðis og regludýrkunar. Mögulega í ætt við nektarmenningu Austur-Þýskalands,“ svona hefst pistill Karenar Kjartansdóttur um sundlaugar á Íslandi. Karen fór í sund um daginn með son sinn sem er að byrja í 1. bekk í grunnskóla. Honum var meinaður aðgangur að kvennaklefanum með Karen vegna aldurs, en hann þótti of gamall. Í kjölfarið kom ýmislegt upp í huga Karenar á meðan sundferðinni stóð, bæði varðandi reglur í íslenskum sundlaugum og skort á þeim. Eins og regluleysi varðandi eftirlitslausar rennibrautir. Karen skrifaði pistil á Facebook-síðu sína þar sem hún deildi vangaveltum sínum. Hún segir í samtali… Lesa meira

Friðrik Dór fékk ryk í augun á Dalvík – Myndband

Fiskidagstónleikarnir á Dalvík voru haldnir 12. ágúst síðastliðinn en talið er að yfir 30 þúsund manns hafi sótt tónleikana. Margar af skærustu stjörnum landsins stigu á stokk ásamt hljómsveit Rigg viðburða í glæsilegri umgjörð eins og sjá má á meðfylgjandi myndskeiði. Friðrik Dór Jónsson flutti lagið Í síðasta skipti með miklum ágætum og tóku gestir tónleikanna virkan þátt í söng og leik. Friðrik Dór lét hafa það eftir sér baksviðs eftir flutninginn að hann hefði fengið eitthvað ryk í augun í miðju lagi. „Ég er búinn að syngja þetta lag þúsund og tíu sinnum. Það gerðist eitthvað sérstakt þarna á… Lesa meira

Svona ræktarðu þitt eigið avókadó tré skref fyrir skref – Myndband

Avókadó, eða lárpera, nýtur sívaxandi vinsælda hér á landi sem og víðar. Fyrir þá sem ekki þekkja er þetta græni ávöxturinn sem bragðast örlítið eins og kartafla. Inni í lárperu er steinn sem flestir henda en margir hafa prófað að setja steinn í mold eða vatn og sjá hann spíra. En hvað svo? Er hægt að rækta sitt eigið avókadó tré? Svarið má sjá hér að neðan í myndbandi frá Mr Eastcostman. Myndbandið hans hefur fengið rúmlega fjögur milljón áhorf og sýnir hann í því hvernig á að rækta sitt eigið avókadó tré skref fyrir skref. Lesa meira

Getur þú giskað hver er með hverjum? – Myndband

Cut gerðu skemmtilegt verkefni á dögunum en þau fengu nokkra einstaklinga til að giska á hverjir eru par úr hópi tíu einstaklinga. Einstaklingarnir þekkja ekki fólkið og eiga að giska á hvaða tveir einstaklingar eru par út frá því að horfa á einstaklingana og spyrja þá spurninga. Fólkið sem er að giska segir svo af hverju fólkið heldur að þessir tveir einstaklingar séu saman. Eins og svipaður fatasmekkur eða daðurslegt augnaráð. Myndbandið er mjög skemmtilegt og áhugavert! Horfðu á það hér fyrir neðan. Lesa meira

Kendall Jenner húðskömmuð fyrir að nota þennan emoji-kall

Það er ekkert nýtt að Kardashian-Jenner fjölskyldan sé undir smásjá þegar kemur að öllu því sem þau gera. Allt frá klæðnaði, orðavali þeirra á Twitter og meira að segja notkun þeirra á emoji-köllum. Í maí var Kim Kardashian harðlega gagnrýnd fyrir tíst sitt um Manchester árásina. Hún deildi mynd af sér og Ariönu Grande með tístinu. Netverjar gagnrýndu hana fyrir að nota þetta sem tækifæri til að deila mynd af sér sjálfri. Kim eyddi upprunalega tístinu og deildi fljótlega tveimur öðrum tístum sem voru ekki með mynd. Sjá einnig: Kim Kardashian gagnrýnd harðlega fyrir þetta tíst um Manchester árásina Nú er… Lesa meira

Kylie Jenner útskýrir af hverju hún hætti með Tyga: „Við munum alltaf hafa einstök tengsl“

Kylie Jenner og Tyga hættu saman í mars á þessu ári eftir næstum þriggja ára samband. Öll slúðurpressan var á nálum í kjölfarið en Kylie og Tyga tjáðu sig hvorug um sambandsslitin opinberlega. Nú hefur Kylie loksins tjáð sig um þau, en hún gerði það í raunveruleikaþættinum sínum „Life of Kylie.“ Hún segir ástæðuna fyrir því að hún hætti með honum ekki vera út af einhverju stóru rifrildi eða að það hafi verið eitthvað slæmt á milli þeirra. „Það var alls ekki neitt að sambandinu okkar. Hann og ég munum alltaf, alltaf hafa einstök tengsl,“ segir Kylie. „Það var ekkert… Lesa meira