Karlar drepa – sjálfa sig

Mig er búið að langa til að segja eitthvað lengi, það liggur á mér eins og skítugt teppi. Ég er er bæði langorður og oft skáldlegur þannig að þú veist það bara ef þú ákveður að lesa lengra, ok? Gott.

 rétt upp hönd ef þú hefur hugsað um að fremja sjálfsvíg, ég hef gert það, verandi karlmaður telst það varla til frétta. Það líður ekki sá mánuður að ég horfi ekki á eftir einhverjum sem ég þekki persónulega eða er tengdur einhverjum sem ég þekki sem fremur sjálfsvíg. Oft ungir strákar sem ættu að eiga framtíð, óskrifaða og bjarta, hafa hæfileika og vini allt ætti að vera gott. Það eru samt ekki bara ungu strákarnir, þótt svo að þeir séu áberandi þá erum við alltaf að drepa okkur á öllum aldri. Bara á síðustu 2 mánuðum veit ég um fjóra menn, drengi sem kusu að enda líf sitt.

Starri Hauksson höfundur greinar

Það er nefnilega eitthvað að, eitthvað í grunnmyndinni sem við erum ekki að ráða við, eitthvað í grasrótinni, í fróðleiks vatninu sem við drekkum og gerir okkur að því sem við erum. Það má kalla það feðraveldið, forneskjuna, fjölbreytileikann, hvað sem það er þá þurfum við að tækla það, tala um það og umfram allt, við þurfum að breytast með samfélaginu sem við búum í.

Á tímum opinnar umræðu höfum við fyrirmyndir. Ég horfi með aðdáun á konur brjóta hvern fornaldar kassann af fætur öðrum sem að búið er að hlekkja þær inn í, minnkandi fordóma fyrir LGBTQIA, fólk sem berst fyrir réttindum og fordómaleysi.

Við þurfum ekki talsmenn sem eru í fýlu við femínisma, við þurfum ekki (fyrirgefðu pabbi) Clint Eastwooda heimsins til að kenna okkur að vera hörkutól. Látum bara stelpurnar aðeins í friði, stöndum með þeim en einbeitum okkur að okkur sjálfum.

Það vantar karlkyns kennara í grunnskóla, við búum enn við ótrúlega mikið af fáránlegum gildum og hugmyndum og höftum; við erum að drepa okkur, ekki allir en allt of margir.

Ég er ágætur, gengur almennt vel í því sem ég tek mér fyrir hendur, geri stór mistök en fæ reglulega að heyra að ég hafi ýmsa kosti. Þrátt fyrir að vera sæmilega meðvitaður um hvað og hver ég er þá koma reglulega upp þær stundir að ég hef tilfinningaþroska sem að 12 ára barn gæti skammast sín fyrir. Þegar ég upplifi skömm og kann ekki að koma frá mér því sem að væri hægt að klára á 5 mínútum af heiðarlegum samskiptum, en endar á að verða að bolta sem að verður mér fullkomlega ofviða. Forneskju karlmaðurinn í mér kann nefnilega miklu betur við það að hugga en að vera hinn sem grætur.

Ég hef ótrúlega margt að lifa fyrir en ég fæ þessa hugsun líka : hún er eitthvað á þessa leið. Ég er búinn, búinn með bensínið, búinn með röflið sem fer í hringi, sé ekki tilganginn á endurtekningunni. Allt sem ég hef gert verður að dufti og andhverfu sinni og endar á, væri það ekki bara betra fyrir alla að enda þetta. Ég er hins vegar talsvert meðvirkur og það er alltaf einhver sem á afmæli handan við hornið sem ég vil ekki skemma og trúi því einhvern veginn að ég sé ekki búinn að gera allt sem mér er ætlað.

Ég á mér þann draum að við tölum saman, án þess að vera með stæla eða afsakanir, án þess að vera með ásakanir eða meting, að við getum farið að brjóta þetta ömurðar mynstur sem að er þarna enn þá og heldur okkur í einhverri firringu sem að gerir okkur að karlmönnum í stað þess að leyfa okkur bara að vera manneskjur. Mig langar svo ótrúlega mikið að það fari að koma mér á óvart þegar að einhver drepur sig, að ég hætti að hugsa, fokk, hver er næstur.

 

-Starri Hauksson

Pistillinn birtist fyrst á Facebook síðu höfundar og var endurbirtur hér með góðfúslegu leyfi höfundar

Meghan Markle mun verja jólunum með Harry og Elísabetu drottningu

Formleg staðfesting hefur borist frá Kensingtonhöll um að Meghan Markle muni verja jólunum sem gestur Elísabetar drottningar í Sandringham, Norfolk, sveitaheimili drottningarinnar fyrir norðan London. Markle mun fara til kirkju ásamt Harry Bretaprinsi og öðrum fjölskyldumeðlimum konungsfjölskyldunnar á jóladag og taka þátt í jólamatnum og gjafaskiptum að kvöldi jóladags. Þessi tilkynning brýtur upp konunglega hefð því að þó að Markle og Harry séu trúlofuð þá eru þau ekki gift og hún því ekki orðinn meðlimur bresku konungsfjölskyldunnar. Lesa meira

Stjörnumerkin: Hvaða merki mynda bestu vináttusamböndin?

Samkvæmt fræðum stjörnumerkjanna þá eiga sum merki betur saman en önnur og margoft hefur verið fjallað um hvaða merki eiga best saman þegar kemur að ástinni. En sama á við um vinasambönd, sum merki eiga betur saman þar en önnur. Það er líka mikilvægt að eiga gott samband við vini sína, þeir eru aðilar sem hlæja með manni, standa með manni þegar illa gengur og hlusta á mann tuða þegar illa gengur í ástarmálunum. Þetta eru stjörnumerkin sem eiga best saman sem vinir: Hrútur og Vatnsberi Þessi tvö merki saman eru frábær blanda. Merkin eru góð saman, Hrúturinn er heilinn… Lesa meira

Myndband: Barbara sýnir leikni sína í súludansi

Ungverska fyrirsætan Barbara Palvin sýnir leikni sína í súludansi í nýjasta myndbandi jóldagatals LOVE tímaritsins. Palvin var „nýliði ársins“ í sundfatablaði Sports Illustrated árið 2016, er einn af englum Victorias´s Secret. Hún kom einnig fram í dagatali LOVE í fyrra, þar sem hún stældi fræga senu Sharon Stone úr kvikmyndinni Basic Instinct. https://www.youtube.com/watch?v=r-8QAgvLgcY Lesa meira

Langir lokkar yngsta meðlims Beckhamfjölskyldunnar

Victoria Beckham deildi nýlega á Instagram mynd af eiginmanni hennar David Beckham og yngsta barni þeirra, dótturinni Harper, sem er sex ára. Á myndinni sést vel sítt og fallegt hár Harper, sem aldrei hefur farið í klippingu. Hjónin hafa verið gift síðan árið 1999 og eiga saman synina Brooklyn 18 ára, Romeo 15 ára og Cruz 12 ára, auk Harper. Lesa meira

Kardashian fjölskyldan – Nýtt púsl daglega í jólakortið fyrir 2017

Á jólum er það hefð hjá mörgum fjölskyldum að klæða sig í sitt fínasta púss og smella af jólamyndum og senda vinum og fjölskyldum jólakort. Kardashian fjölskyldan er þar engin undantekning og frá árinu 1987 þegar fyrsta myndatakan, hafa þau viðhaldið hefðinni að tveimur árum, 2014 og 2016, undanskildum. Kortin hafa verið eins fjölbreytt og þau eru mörg, sum eru einstaklega frábærlega hallærisleg í anda níunda áratugarins, en eftir að Kardashian fjölskyldan varð fræg á samfélagsmiðlum má segja að allt hafi verið gefið í botn og jólakortin rándýr og allir súberfínir og uppstrílaðir. Eftir pásu í fyrra þá er hefðin… Lesa meira

Biggi lögga „Ég mun líka gera allt í mínu valdi til að vernda dóttur mína frá þessu rótgróna samfélagsmeini sem kynferðislegt áreiti og ofbeldi er“

Birgir Örn Guðjónsson, eða Biggi lögga, tók sér frí frá lögreglustarfinu fyrr á þessu ári og hóf störf sem flugþjónn hjá Icelandair. Í pistli sem hann skrifaði á Facebooksíðu sína í kvöld segir hann frá reynslu sinni í starfinu, sem enn í dag er nánast algjört kvennastarf og kemur inn á umræðuna um #METOO.   Eins og sumir vita þá ákvað ég að taka mér tímabundið frí frá löggunni fyrr á þessu ári og skella mér í flugfreyjuna. Ég fór sem sagt úr starfi sem hefur lengi verið mikið karlastarf og yfir í nánast algjört kvennastarf. Það var mjög áhugavert… Lesa meira

Jóladagatal Bleikt 12. desember – Gjöf frá Rubz Iceland

Á hverjum degi fram að jólum ætlum við að gefa heppnum lesanda og vini hans skemmtilega gjöf. Við mælum því með að þið fylgist vel með hér á vefnum fram að jólum. Í dag 12. desember ætlum við að gefa tvö armbönd frá Rubz. Rubz armböndin eru dönsk hönnun, gerð úr stáli og náttúrulegu sílikoni, sem aðlagar sig og víkkar út með tímanum. Armböndin eru tímalaus og koma í einni stærð. Skoða má öll armböndin frá Rubz og fleiri tengdar vörur á glænýrri heimasíðu Rubz. Það eina sem þú þarft að gera til þess að taka þátt í jóladagatalinu okkar í… Lesa meira

Beyoncé óskar eftir lögbanni á bjór með hennar nafni

Beyoncé hefur lagt fram lögbannskröfu á hendur fyrirtækinu Lineup Brewing, fyrirtæki í Brooklyn sem setti á markað þýskan bjór með nafni söngkonunnar. Útlit dósarinnar líkist líka plötu hennar, Beyoncé, sem kom út árið 2013. Allt með ráðum gert til að selja vöruna út á nafn hennar. Bïeryoncé kom á markað 1. desember síðastliðinn og fékk góðar viðtökur, enda elska allir Beyoncé. Eigandi Lineup Brewing, Katarina Martinez, sagði vöruna ætlaða sem hrós. „Okkur finnst leitt að Beyoncé tók þessu ekki sem hrósi, en jæja, þetta var gaman meðan það entist.“ https://www.instagram.com/p/BcJS6CfHJTU/?taken-by=lineupbrewing Lesa meira

Stranger Things – Biðin er löng en verður þess virði

Ein vinsælasta þáttaröð ársins er önnur þáttaröð Stranger Things og þegar er búið að gefa grænt ljós á þá þriðju og fjórðu. Ljóst er þó að aðdáendur þurfa að bíða góða stund eftir þeirri næstu, en þriðja þáttaröð kemur ekki í sýningu fyrr en árið 2019. „Þetta pirrar aðdáendur okkar hvað það tekur langan tíma að gera hverja þáttaröð,“ segir David Harbour, sem leikur Hopper lögreglustjóra. Hann telur þó að sama hversu lög biðin verði, þá verði hún þess virði og Duffer bræður vinni eins hratt og þeir geti til að hún verði að veruleika. „Eins og allir góðir hlutir,… Lesa meira

Jólagjöfin fyrir þann sem á allt – Tebollar með móðgandi áletrun

Núna getur þú gefið gjöf (eða boðið gestum þínum upp á te/kaffi heima) og í leiðinni móðgað þá á fallegan máta. Miss Havisham hefur gefið út línu af tebollum sem eru hrein snilld og móðga gestina á fallegan, en um skemmtilegan hátt. „Hættu að tala,“ „Norn“ og „Þú dugar,“ eru dæmi um áletranir bollana. Það er þó rétt að hafa í huga að leggja bara slíka bolla á borð eða gefa að gjöf handa þeim sem kann að meta þennan bleksvarta húmor. Bollana má versla hér. Lesa meira

Föndraðu fyrir jólin: Bókamerki með dúskum

Hvað er skemmtilegra í desember en að föndra saman og búa til heimatilbúnar og persónulegar gjafir. Hvort sem það er fjölskyldan saman eða börnin að gera gjafir handa vinum og ættingjum eða þú að útbúa gjafir fyrir. Á vefsíðunni Hattifant.com er hægt að nálgast þessi skemmtilegu bókamerki, sem eru tilvalin gjöf með í jólapakkann, sérstaklega ef pakkinn inniheldur bók. Lítið mál er fyrir börnin að búa þau til með smá aðstoð. https://www.youtube.com/watch?v=f-93SvQejRU Lesa meira

Ævisaga á undan brúðkaupi

Konunglegi ævisöguritarinn Andrew Morton hefur tilkynnt að hann mun skrifa ævisögu Meghan Markle áður en hún gengur upp að altarinu að giftast harry Bretaprins næsta vor. Morton ritaði ævisögu Díöu prinsessu, Diana: Her True Story. „Spenntur að skrifa sögu Meghan Markle. Hún hefur mikla útgeislun. Konungleg stjarna sem mun hafa mikil áhrif á konunglegu fjölskylduna og heimin,“ skrifar Morton á Twitter. Bókin mun bera titilinn Meghan: A Hollywood Princess og koma út 19. Apríl 2018, um mánuði fyrir brúðkaupið. Morton segir Markle vera algjöra andstæðu þeirra feimnu, settlegu brúða sem fyrir hafa verið í konunglegu fjölskyldunni og lofar aðdáendum hennar… Lesa meira