Ragga nagli: „Nærumst og njótum í núvitund“

 

Ragga Nagli er klínískur heilsusálfræðingur og einkaþjálfari. Í nýjasta pistli sínum á Facebook hvetur hún okkur til að nærast og njóta í núvitund:

Jón ákveður að bjóða vinum sínum í mat á laugardegi.
Hann planar matseðilinn viku fyrir matarboðið

Önd í appelsínusósu. Og humarsúpu í forrétt.

Jón keyrir í matvörubúðina á föstudagseftirmiðdegi.
Innan um þreyttar húsmæður og grenjandi börn á úlfatímanum.

Velur endurnar af kostgæfni. Potar og þreifar á holdum þeirra eins og í hrútaþukli. Þrjár íturvaxnar endur ættu að duga ofan í mannskapinn.

Appelsínur í poka. Rjómapelar í sósuna. Já og ekki má gleyma Waldorfsalatinu.

Þegar heim er komið er góssinu staflað á borðið. Troðið í hillur. Henda í skápa. Raða í ísskápinn.

Ræs eldsnemma á laugardagsmorgni.

Skera. Saxa. Steikja. Sjóða.

Humarinn sóttur hjá fisksalanum á horninu.

Skelfletta kvikindin. Kreista appelsínur. Þeyta rjóma.

Já og Ríkið maður… ná í nokkrar rauðvínsbokkur til að bleyta í tánum.

Leggja á borð. Pússa silfrið. Fægja kristalsglösin.

Hvar eru servéttuhringirnir? Og sprittkertin?

Gestirnir koma. Allir setjast.
Súpan sörveruð. Jón slurkar hana á fjórum mínútum með stóru skeiðinni sinni.

Næsti réttur á borð er aðalrétturinn sem er búinn að malla í ofninum í marga klukkutíma.

Önd a la órans.

Jón dúndrar stóru læri á diskinn, vænni bringu, slummu af Waldorf og öllu drekkt í sósu.

Hnífapörin munduð og hafist handa við verkefnið. Að tæma diskinn.
Jón sker hvern bitann af öðrum. Hendir þeim í túlann.
Og á fimm og hálfri mínútu er búið að ryksuga hverja örðu.

Annar eins skammtur ratar á diskinn og fyrra met slegið. Fjórar mínútur og diskurinn berrassaður.

Nú stendur Jón á blístri, með vélindað stútfullt. Hlammar sér í sófann og myndi hneppa frá brókinni ef það væri ekki félagslega óviðeigandi í selskap.

Eftir matinn er tekið af borðinu. Raðað í uppþvottavélina. Vaskað upp. Gengið frá diskum. Afgöngum pakkað. Sósuslettur þurrkaðar.

Hver er mórall sögunnar af Jóni okkar?

Að við eyðum fleiri klukkustundum, jafnvel sólarhringum og dögum í að hugsa um mat. Versla í matinn. Elda matinn. Skera. Preppa. Undirbúa. Leggja á borð. Ganga frá eftir mat.

En sjálf athöfnin að borða. Athöfnin sem við öll elskum. Athöfnin sem við erum búin að vesenast í kringum

Hún tekur innan við fimmtán mínútur.

Á hraða örbylgjunnar er matnum andað að sér.
Sópað af disknum upp í túlann. Tuggið nokkrum sinnum. Bitunum þrykkt niður vélindað á meðan næsti biti er mundaður með verkfærunum.

Máltíðin sem við eyddum öllum þessum tíma að nostra við er ekki greypt í harða drifið.

Minningin um bragðið, lyktina, upplifunina er í móðu.

Ef við erum ekki sálfræðilega södd og munum ekki eftir máltíðinni þá viljum við meira. Borðum meira seinna. Fáum okkur eitthvað slikk og sukk. Því það er tómarúm í sálinni sem er óuppfyllt.

Rannsóknir sýna að þeir sem hægja á sér og nærast í núvitund borða minna og hafa færri cravings en þeir sem borða hraðar og annars hugar.

Hér eru nokkur ráð til að hægja á sér fyrir dásamlegri kúlínarískri upplifun.

Sestu niður með disk fyrir framan þig.
Notaðu bæði hníf og gaffal
Skiptu í salatgaffal eða barnagaffal. Þá tekur lengri tíma að raða matnum á gaffalinn.
Ekki nota gaffal eins og skóflu til að moka upp í þig.
Leggðu frá þér hnífapörin um leið og þú hefur stungið bita upp í þig.
Taktu sopa af vatni milli bita.
Tyggðu allavega 15 sinnum. Prófaðu að tyggja hægar en þú ert vanur.
Virkjaðu skynfærin. Veltu fyrir þér bragðinu. Lyktinni. Áferðinni.
Settu hendur undir borð meðan þú tyggur.
Andaðu hægt frá þér. Þá finnurðu mesta bragðið.
Taktu upp hnífapörin þegar þú hefur kyngt og munnurinn er tómur.
Settu þá nýjan bita á gaffalinn.
Þú þarft ekki að hanga á gafflinum með hvíta hnúa eins og hann muni yfirgefa þig.
Nærumst og njótum í núvitund.

Facebooksíða Röggu nagla.

Merkismenn í útgáfuboði Manns nýrra tíma

Út er komin ævisaga Guðmundar H. Garðarssonar sem var alþingismaður um árabil, formaður Verslunarmannafélags Reykjavíkur og einn af helstu forystumönnum Alþýðusambandsins, svo fátt eitt sé nefnt. Björn Jón Bragason lögfræðingur og sagnfræðingur er höfundur bókarinnar, sem Skrudda gefur út. Útgáfuboð var haldið nýlega í sal Verslunarmannafélags Reykjavíkur, sem var vel við hæfi því Guðmundur var formaður félagins árin 1957-1980.   Lesa meira

Þraut: Ert þú einn af fáum sem fær rétta niðurstöðu?

Meðfylgjandi þraut hefur vakið mikla athygli á Facebook á undanförnum dögum og sitt sýnist hverjum um hvert rétt svar er. Á myndinni má sjá hamborgara, bjór og vínflöskur, sem öll hafa sitt tölugildi og liggja fyrir ákveðnar upplýsingar sem eiga að hjálpa einstaklingum að finna hvert rétt svar er. En sitt sýnist hverjum um hvert rétta svarið er.  Ert þú með lausnina? Tjáðu þig hér að neðan. Lesa meira

Állistamaðurinn Odee hannar listaverk á vínflöskur

Állistamaðurinn Odee, eða Oddur Eysteinn Friðriksson, er með endalausar hugmyndir í kollinum og með mörg járn í eldinum. Nýjasta listaverkið, sem er orðið opinbert, er listaverk sem hann er að hanna á vínflöskur fyrir Brennivin America. Óvíst er hvort flaskan verði til sölu á Íslandi. „Ég hef verið í samskiptum við þá síðan í desember í fyrra um að gera með þeim listaverk,“ segir Odee í viðtali við Austurfrétt. „Ég mun gera allt sem í mínu valdi stendur“ Um er að ræða brennivínsflösku með norðurljósaþema, þar sem innihaldið er blandað með phosphoresence, eða maurildi, og því ekki drykkjarhæft. „Þetta veldur… Lesa meira

Stælir fræga fólkið með hlutum sem hann á heima

Tom Lenk er best þekktur fyrir hlutverk hans í sjónvarpsþáttunum Buffy the Vampire Slayer, sem sýndir voru á árunum 1997 – 2003, en þar var hann í hlutverki Andrew Wells. Leikarinn er í dag 41 árs og núna vekur hann mikla athygli á Instagram þar sem hann líkir eftir stíl og myndum sem teknar eru af fræga fólkinu, fyrirsætum og tískusýningarmódelum. Wells notar hluti sem hann á heima hjá sér til að líkjast fyrirmyndinni sem best og úr verður bráðfyndin myndasería.   Lesa meira

Ljósmynd Finns vekur athygli á Daily Mail – Hesturinn tvífari Sia

Vefsíðan Dailymail í Bretlandi birti í byrjun nóvember hestamynd sem Finnur Andrésson áhugaljósmyndari tók og sagði hestinn líkjast mjög áströlsku söngkonunni Sia. Bæði væru með sömu hárgreiðsluna sem hyldi augu þeirra. Finnur er búsettur á Akranesi og tók myndirnar þar, segir að hesturinn skemmtilegi hafi svo sannarlega lífgað upp á daginn hjá honum. Hesturinn bæði ullaði og „hló“ svo sást í tennurnar þegar Finnur smellti af. „Íslenski hesturinn er með einstakan karakter,“ er haft eftir Finni á Dailymail. „Ég var á rúntinum með myndavélina á Akranesi að leita að dýrum til að mynda. Ég sá hestinn við veginn og byrjaði… Lesa meira

Björn Lúkas með silfur á heimsmeistaramóti í MMA

MMA kappinn Björn Lúkas Haraldsson endaði með silfur á Heimsmeistaramóti áhugamanna í MMA, en hann keppti til úrslita núna fyrir stuttu í millivigt. Úrslitabardaginn var á móti svíanum Khaled Laallam. Björn Lúkas er búinn að klára fimm bardaga á sex dögum, fjóra bardagana sem hann vann vann hann í 1. lotu. Úrslitabardaginn fór hinsvegar í þrjár lotur. Björn Lúkas er 22 ára. Björn Lúkas sló út menn frá Spáni, Írlandi, Nýja-Sjálandi, Ástralíu og Svíþjóð. Hann mætti Spánverjanum Ian Kuchler í fyrstu umferð og sigraði með armlás í fyrstu lotu þegar tvær mínútur voru liðnar af bardaganum. Í annarri umferð vann Björn Lúkas Fionn… Lesa meira

Inga Hlín hlaut þrenn verðlaun á Stevie Awards fyrir konur í viðskiptum

Verðlaunin eru veitt konum sem hafa skarað fram úr í viðskiptum eða sem stjórnendur í atvinnulífi um allan heim og voru nú veitt í 14 sinn. Inga Hlín hlaut gullverðlaun sem frumkvöðull ársins, silfurverðlaun sem stjórnandi ársins, og silfur sem kona ársins í flokki stjórnvalda og stofnanna fyrir störf sín hjá Íslandsstofu síðustu ár. „Ég er ótrúlega þakklát og glöð með þennan heiður en ég lít fyrst og fremst á þetta sem viðurkenningu á þeim árangri sem við höfum náð með samtakamætti allra þeirra sem koma að því að markaðssetja Ísland sem áfangastað. Undanfarin ár hafa fyrirtæki og hið opinbera… Lesa meira

Maggý sýnir hestamyndir í Reiðhöllinni

Listakonan Maggý Mýrdal heldur nú málverkasýningu í Reiðhöllinni Víðidal. Og á morgun, laugardaginn 18. nóvember býður hún í vöfflupartý. Titill sýningarinnar er viðeigandi miðað við umhverfið: Ég er hestur. „Ég ætla að hafa heitt kakó, kaffi og vöfflur. Það væri gaman að sjá sem flesta,“ segir Maggý. „Það eru allir velkomnir, verður mikið fjör. Gaman að koma og kíkja á glæsilega myndlistasýningu og fá sér heitt kakó í kuldanum.“ Allir eru velkomnir. Húsið opnar kl. 14 og er opið til kl. 18. Síðasti sýningardagur er sunnudagurinn 19. nóvember. Viðburður á Facebook. Lesa meira

Gigi Hadid verður ekki með í tískusýningu Victoria´s Secret

Fyrirsætan Gigi Hadid hefur gefið út þá tilkynningu að hún verður ekki með í tískusýningu Victoria´s Secret, sem í ár fer fram í Shanghai í Kína. Tískusýningin er jafnan gríðarlega stór og flottur viðburður og frægustu fyrirsætur hvers tíma ganga tískupallinn. „Ég er svo fúl yfir að geta ekki farið með til Kína í ár,“ skrifar Hadid á Twitter. „Ég elska VS fjölskylduna mína og ég mun verða með öllum stelpunum mínum í anda. Get ekki beðið eftir að sjá þessa flottu sýningu og get ekki beðið eftir næsta ári.“   I’m so bummed I won’t be able to make… Lesa meira

Matur: Kúrbíts ostabrauð girnilegt í partýið

Innihald: 3 meðalstórir kúrbítar (um það bil 4 bollar skorið) 2 stór egg 2 pressaðir hvítlauksgeirar ½ teskeið oregano 3 bollar parmesan ½ bolli maíssterkja salt malaður svartur pipar rauðar piparflögur 2 teskeiðar fersk steinselja marinara sósa, sem ídýfa Leiðbeiningar: 1) Hitaðu ofninn í 200°C. Skerðu kúrbítana niður eða maukaðu þá í matvinnsluvél.  Pressaðu allan aukavökva úr blöndunni. 2) Settu kúrbít, egg, hvítlauk, oregano, 1 bolla af mozzarella, parmesan og maíssterkju saman í skál og kryddaðu með salt og pipar. Hrærðu saman. 3) Færðu „deigið“ yfir á bökunarpappír og flettu út. Bakaðu í um það bil 25 mínútur. 4) Dreifðu… Lesa meira

Serena Williams og Alexis Ohanian eru búin að gifta sig

Serena Williams og Alexis Ohanian eru búin að gifta sig Parið sem er búið að vera saman í tvö ár tilkynnti trúlofun sína í desember 2016 og dóttirin, Alexis Olympia Ohanian Jr., fæddist 1. september síðastliðinn. Ohanian, einn af stofnendum Reddit og Williams, ein þekktasta tennisstjarna allra tíma, giftu sig í New Orleans að viðstöddum nánustu vinum og ættingjum, þar á meðal Beyoncé, Kim Kardashian, Eva Longoria og eiginmanni hennar José Bastón og tennisstjarnan Caroline Wozniacki og unnusti hennar, NBA leikmaðurinn David Lee. Lesa meira