Sara Rut upplifði erfiða brjóstagjöf: „Ég grét með litla nýfædda grenjandi kraftaverkinu okkar“

Sara Rut Agnarsdóttir átti virkilega erfiða brjóstagjöf þegar hún eignaðist sitt fyrsta barn. Sara var ung og óreynd, nýbökuð móðir sem hafði enga fræðslu fengið um brjóstagjöf og stóð hún því ósofin í móki með hágrátandi barn og vissi ekkert hvað hún átti til bragðs að taka.

Áhersla á brjóstagjöf er mikil og einnig þrýstingur á að konur gefi börnunum sínum brjóst. Algengt er að upp koma vandamál á meðan á brjóstagjöf stendur og því er mikilvægt að hjúkrunarfræðingar, ljósmæður, læknar og annað starfsfólk í heilbrigðisgeiranum geti veitt nýbökuðum mæðrum ráðgjöf,

segir Sara í einlægri færslu á Glam.

Sara á í dag tvo drengi

Árið 2013 eignaðist Sara sitt fyrsta barn, Aron Sölva, sem hún segir hafa verin ákveðinn lítinn drengur frá fyrstu mínútu.

Á meðan maðurinn minn svaf á sínu græna með sínar ógagnlegu geirvörtur þá grét ég með litla nýfædda grenjandi kraftaverkinu okkar í hægindastól á Hreiðrinu. Þegar drengurinn hafði grátið í að minnsta kosti 2-3 klukkustundir  kom ljósmóðir inn á herbergið til að kanna stöðuna. Þar stóð ég í einhverju móki eftir að hafa vakað í næstum sólarhring ásamt því að fæða heilt barn og reyndi að koma snuði upp í barnið. Það var heldur betur ekki í boði samkvæmt þessari annars ágætu ljósmóður. Ekki fyrr en brjóstagjöfin væri komin vel á veg eða eftir sirka viku. Í kjölfarið var mér skikkað aftur í hægindastólinn og drengnum smellt aftur á brjóstið.

Sara segir að fyrsta nóttin hafi verið virkilega erfið og hún hafi verið komin með blæðandi sár á báðar geirvörtur.

Ég var svo í framhaldi send heim með litlar sem engar ráðleggingar varðandi brjóstagjöfina.

Tengdamóðir Söru færði henni mexíkóhatta til þess að leggja sem hlífar yfir geirvörturnar þegar barnið var að drekka þar sem Sara far farin að engjast um af sársauka.

Sem betur fer fékk ég yndislega ljósmóður frá HSS í heimavitjun sem ég á brjóstagjöfina að þakka. Hún staupaði barnið mitt með þurrmjólk þangað til að hann sofnaði og svaf í fyrsta sinn frá fæðingu í lengur en korter. Hún kenndi mér líka að leggja hann á brjóst og sýndi mér hvernig hann ætti að taka brjóstið til þess að sporna gegn sárum. Það tekur mjólkina allt upp í 3 sólarhringa að koma og er broddurinn, fyrsta mjólkin sem barnið fær, yfirleitt ekki nógu mettandi fyrir það og því eiga nýburar það til að vilja stanslaust vera á brjósti fyrst um sinn.

Loksins þegar mjólkin kom hjá Söru kom í ljós að hún væri með mikla framleiðslu. Hún segir þó að þrátt fyrir að konur mjólki vel sé það ekki ávísun á að brjóstagjöfin gangi vel fyrir sig.

Ég fékk svo slæma stálma að ég lá hreyfingarlaus uppi í rúmi og elskuleg móðir mín og maðurinn minn skiptust á að bleyta þvottapoka og hita upp hitapoka til þess að reyna að lina þjáningar mínar.  Þegar drengurinn var viku gamall lagðist ég í flensu, að ég hélt, og rauk upp í hita og fékk beinverki. Brjóstin urðu aum og heit viðkomu og ég fékk rauða flekki á þau. Með smá gúgli og símhringingu í mömmu komst ég að þeirri niðurstöðu að ég væri með brjóstastíflu.

Sara segir að Aron sonur hennar hafi verið á brjósti í ellefu mánuði og að henni hafi oft langað að gefast upp og hætta.

Ég þrjóskaðist í gegnum fyrstu mánuðina og fór þá á hörkunni. Þessi tími var alveg á öllum skalanum ömurlegur og æðislegur í senn. Eins og áður segir var mjólkurframleiðslan mín svo mikil að fyrst um sinn réð barnið ekki við hana, gleypti mikið loft og fékk þar af leiðandi í magann. Aron fékk magakveisu ofan á allt. Þá þurfti ég að taka út egg og mjólkurvörur úr fæðunni minni um tíma en auðvitað gerir maður það fyrir barnið sitt, er það ekki annars?

Sara eignaðist svo sitt annað barn fyrir rúmlega 8 mánuðum síðan og hefur brjóstagjöfin gengið mun betur í þetta skiptið.

Eflaust er  það ég sem er  sjóaðri og öruggari í þessum málum í dag en fyrir fjórum árum. Daginn eftir að hann fæddist staupaði ég hann með þurrmjólk og barnið svaf og ég var hamingjusöm móðir, laus við kvíða og sárar geirvörtur. Barnið fékk snuð aðeins klukkustundar gamall og þurrmjólk í pela hjá pabba sínum þegar ég þurfti mína hvíld.

Sara segir brjóstagjöf sé alls ekki sjálfsögð og að mikilvægt sé að konur fái betri fræðslu varðandi hana.

Hvað ef að ég hefði ekki fengið þessa fræðslu sem ég fékk eftir að ég kom heim af fæðingardeildinni? Ég er ansi viss um að ég hefði gefist fljótlega upp. Ég er ekkert einsdæmi um erfiða brjóstagjöf og ég er handviss um að margar mæður gefast upp einfaldlega vegna lélegrar eða engrar fræðslu og satt að segja þegar ég hugsa til baka þá skil ég ekki hvernig ég entist svona lengi og hreint út sagt merkilegt að mjólkurframleiðslan mín hafi ekki bara dottið niður við alla þessa streitu og kvíða sem þessu fylgdi.

Sara telur víst að rekja megi mörg tilfelli af fæðingarþunglyndi til erfiðleika við brjóstagjöf sem hún telur að hægt sé að koma í veg fyrir með aukinni fræðslu.

Fæðingarþunglyndi kemur upp hjá um 14% kvenna eftir fæðingu barns. Ég er viss um að hægt væri að rekja mörg af þessum tilfellum að einhverju leyti til brjóstagjafar og erfiðleikum tengdum brjóstagjöfinni sem væri vel hægt að sporna við með aukinni fræðslu. Ég á vinkonu sem var á barmi fæðingarþunglyndis og mjólkaði aðeins í öðru brjóstinu. Í ungbarnavernd var henni ráðlagt að halda áfram að leggja barnið á tóma brjóstið eins mikið og hún gat þrátt fyrir að barnið grét og öskraði á meðan. Þarna hefði kannski verið ráðlagt að spyrja nýbakaða móður út í hennar eigin líðan og láta brjóstagjöfina mæta afgangi. Geðheilsa móður er ofar öllu. Í þessu tilviki fór vinkona mín heim úr ungbarnavernd, niðurbrotin og fannst hún hafa brugðist barninu sínu. Það ætti engin móðir að upplifa sig sem slæma móður vegna brjóstagjafar sem gengur brösulega eða einfaldlega gengur ekki upp. Sem betur fer erum við með góða mjólk sem hægt er að kaupa úti í búð sem inniheldur öll þau næringarefni sem barnið þarf á að halda að mótefnum undanskildum.

Sara segir að allar mæður vilji það besta fyrir barnið sitt, hvort sem það sé að gefa því brjóstamjólk eða þurrmjólk.

Ég tel það gjörsamlega galið að segja við móður sem hefur kosið að gefa barni sínu aðra mjólk en brjóstamjólk, að móðurmjólkin sé það besta sem barnið fái. Ég er viss um að þessi ákvörðun móður sé ekki úr lausu lofti gripin og án þess að hún hafi hag barns síns í huga.

Hægt er að fylgjast með Söru á Instagram: sararut

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra. Dýrahjálp er meðal þeirra sem áttu mikið af eignum sem lágu í geymslunum og ljóst er að tjónið var gríðarlegt og leita þau því til almennings í þeirri von um að einhver geti aðstoðað þau í þessum leiðinlegu aðstæðum. Við fáum ekkert að nálgast neitt strax en það virðist sem þakið á húsinu sé farið þar sem okkar geymslur… Lesa meira

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði. Rósa segir að börn séu frábærir áhorfendur sem geri leikurum alveg ljóst ef þeim mislíkar eitthvað í sýningunni. „Börnin eru svo fyndin og þau spyrja okkur oft spurninga fyrir eða eftir sýningu sem ég á stundum í stökustu vandræðum með að svara og þarf því að vera fljót að hugsa,“ segir Rósa í viðtali sem birtist upphaflega í helgarblaði DV. Rósa er menntuð leikkona og hefur starfað við leiklist undanfarin… Lesa meira

Fyrir og eftir myndir – Breytingar á heimili

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum ! Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég var alveg búin að ákveða að mála í gráum lit en hitti svo æðislegan starfsmann sem leiðbeindi mér mjög vel… Lesa meira

Skotheld uppskrift af gómsætum grjónagraut sem klikkar aldrei

Eitt af því besta sem börnin mín fá er grjónagrautur. Og best af öllu finnst þeim þegar hann er borinn fram með rúsínum og lifrarpylsu.  Ég hef lengi haft uppskriftina í kollinum og ákvað að skrifa hana niður núna og skella henni hérna inn. Þessi grautur er ótrúlega einfaldur, en það þarf að vísu að fylgjast vel með pottinum og hræra reglulega svo hann brenni ekki við. En hér kemur uppskriftin: (Fyrir 5) Hráefni: 3 dl hrísgrjón 4 dl vatn 1/2 tsk salt 10-12 dl mjólk (ég nota hvort sem er nýmjólk eða léttmjólk, bara það sem ég á til)… Lesa meira

Óstjórnlega fyndnar gínur sem eru orðnar leiðar á starfinu sínu

Í gegnum tíðina hefur oft verið talað um að gínur í búðum sýni óraunhæfa mynd af útliti og vaxtarlagi fólks. Það hefur hins vegar sjaldan verið veitt því athygli hversu leiðinlegu lífi aumingja gínurnar lifa. Þær standa á sama stað á hverjum einasta degi, starfsmenn verslana aflima þær fram og til baka og það kemur fyrir að þær þurfa að standa naktar fyrir framan alla. Það er því ekki skrítið að af og til finni fólk gínur sem haga sér öðruvísi en vanalega. Bored Panda tók saman lista af skemmtilegum gínum sem hafa flúið raunveruleika sinn og eru ekki eins… Lesa meira

Ingibjörg Eyfjörð: „Ég bjó mér til samfélagsmiðlakarakter“

… eða svo var mér sagt. Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir. Það er enginn fullkominn Ég hef frá upphafi lagt mikinn metnað í að skrifa frá hjartanu, skrifa… Lesa meira

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig. Bored Panda greinir frá því að það hafi verið árið 2016 þegar mikill eldur geisaði í Kanada þar sem Tony Bussey býr, sem hann áttaði sig á því að núna væri tíminn til þess að opna augun og takast á við vandamálið. Flugvélar voru sendar á svæðið til þess að bjarga fólki frá eldinum og þegar Tony mætti á flugvöllinn var hann settur fremst í röðina. Of feitur til þess að… Lesa meira

Dóttir Karenar hafnaði brjóstinu: „Ég mjólkaði samt eins og belja en börn eru ekki öll eins“

Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri. Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin, segir Karen í einlægri færslu sinni á Mamiita. Dóttir hennar neitaði brjóstinu Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu. Eftir nokkra daga gafst ég upp og fór að gefa henni ábót.… Lesa meira

Brúðkaupslisti fyrir verðandi brúðhjón frá Hildi Hlín

Flestir sem þekkja mig vita að ég er einstaklega skipulögð manneskja og elska að búa til lista. Við getum eiginlega sagt að allt sem ég geri, þarf að gera eða ætla mér að gera sé merkt á einhverjum af þessum þúsund "to do”-listum sem ég á og hef vandlega skipt niður eftir viðfangsefni og mikilvægi. Einn stærsti svoleiðis listi sem ég er að vinna eftir þessa dagana er stóri brúðkaupslistinn minn! Þessi listi er búinn að vera opinn í símanum mínum, tölvunni og útprentaður í brúðkaupsbókinni minni núna frá því á síðasta ári (ok þetta er farið að hljóma eins… Lesa meira

Vandræðalegar auglýsingar af speglum til sölu

Ert þú að fara að selja spegil í bráð? Þá gætir þú tekið þessa frábæru sölumenn þér til fyrirmyndar og þá eru miklar líkur á því að spegill verði seldur fljótlega eftir að auglýsingin kemur á netið. Það getur reynst erfitt að taka góða mynd af spegli án þess að spegilmyndin af manni sjálfum eða öðrum laumist óvart með. Þetta fólk reyndi að finna lausn á vandamálinu með misgóðum árangri. Lesa meira

Sjö ára gamall drengur fann sálufélagann í ketti sem lítur alveg eins út og hann sjálfur

Sjö ára gamall drengur sem lagður hefur verið í einelti fyrir útlit sitt eignaðist kött sem er bæði með klofna vör og eins augu og drengurinn. Madden frá Oklahoma fæddist með klofna vör og mismunandi augnlit á hvoru auga. Í síðustu viku þá setti ein vinkona mín mynd af kettinum í sérstakan hóp sem ég er í fyrir foreldra barna með klofna vör. Kettinum hafði verið bjargað í Minnesota og við vissum strax a þessum ketti var ætlað að verða hluti af okkar fjölskyldu. Hann er ekki bara með klofna vör líkt og sonur okkar heldur hefur hann einnig mismunandi lit á augunum eins og Madden, segir Christina Humphreys í… Lesa meira