Sara var tvisvar mjög nálægt dauðanum: „Ég þorði ekki að drekka vatn því ég hélt að ég mynda fitna og þyngjast af því“

Sara Ósk Vífilsdóttir fékk kjark til þess að segja frá sinni hlið af átröskun eftir að Andrea Pétursdóttir steig fram og sagði sína sögu á mánudaginn. Við hjá Bleikt birtum pistil Andreu um baráttu hennar við átröskun sem er hægt að lesa hér. Samfélagsmiðlar spiluðu stórt hlutverk í bæði átröskun Andreu og Söru og segja þær að glansmyndirnar sem er haldið úti á slíkum miðlum hafi haft mikil áhrif á sjálfsmynd þeirra.

Bleikt hafði samband við Söru Ósk og fékk leyfi til að birta pistillinn hennar sem hún deildi fyrst á Facebook.

Sara Ósk Vífilsdóttir

„Hélt að ég myndi aldrei skrifa þennan póst og ég er búin að mana sjálfa mig í það þangað til að Andrea steig fram með sína reynslu og hennar hlið á átröskun. Svona er mín hlið.

Ég var rosalega glaðlynd stelpa, átti alltaf mikið af vinum og var mjög félagslynd. Lífið var æðislegt. Ég elskaði alla í kringum mig. Ég greindist með þunglyndi og kvíða 13 ára og byrjaði með sjálfsskaða. Pabbi minn var alkóhólisti og dópisti og kom mikil vanlíðan út frá því. Ég skar mig út úr vinahópnum smám saman.

Ég var alltaf þykkari en stelpurnar í bekknum. Ég neitaði að fara í skólasund, ég hataði líkama minn en gerði samt ekkert í því. Ég borðaði mjög mikið á þessum aldri.

15 ára var ég gjörsamlega komin með nóg af mér sjálfri. Ég tók allt sælgæti út og minnkaði matarskammtana. Át bara hnetur og drakk alltaf 7-8 bolla af grænu tei á dag. Fór að hreyfa mig meira. Samfélagsmiðlarnir spiluðu STÓRAN part. Ég miðaði mig við aðrar „flottar“ stelpur og skildi ekki af hverju ég gat ekki orðið svona „flott“ eins og þær. Ég var föst á þessum miðlum.

Ég var byrjuð að láta mig dreyma um bein á líkömum sem mig langaði að myndu sjást á mér. Ég var hætt að mæta í skólann, lokaði mig af og ýtti öllum frá mér.

Ég var farin að telja hverja einustu kaloríu ofan í mig og vigtaði matinn líka sem mátti ekki vera meira en 100 grömm. Ég var orðin það slæm að ég þorði ekki að drekka vatn því ég hélt að ég mynda fitna og þyngjast af því. Kílóin hrundu og missti ég yfir 20 kg á þrem mánuðum sem er gjörsamlega út í hött og ekki eðlilegt.

Myndir frá því þegar Sara Ósk var veik.

Ég var tvisvar mjög nálægt dauðanum. Hárið á mér var farið að detta af, ég skalf alltaf og var alltaf kalt. Svo byrjuðu hár að vaxa á öðrum stöðum til þess að reyna að halda á líkamanum hita, líffærin voru að gefast upp og var ég alltaf svo orkulaus að ég átti erfitt með að labba. Ég var alltaf að fá blóðsykursfall.

Mér fannst ég vera sigra heiminn þegar ég var í svelti. Alltaf þessi rödd sem sagði „þú stendur þig svo vel, haltu áfram.“

En sem betur fer var gripið fljótt inn í því ég var nú þegar byrjuð í bráðateymi á Bugl. Allt í einu sást að ég væri orðin að ekki neinu og ég var lögð strax inn á Bugl í átröskunarmeðferð.

Ég var lögð inn fjórum sinnum á sama ári vegna sjúkdómsins. Hann réð. Ég gat ekki tekist á við hann. Mig langaði að deyja. Þetta er eins og að vera í fangelsi og þú kemst ekki út. Þig langar innst inni að ná bata en sjúkdómurinn ræður öllu.

Það var allt orðið svo viðkvæmt líka í kringum mig, það mátti ekki segja hitt og þetta því þá myndi það hafa einhver áhrif. Ef einhver sagði „þú ert komin með fyllingu í andlitið“ þá var það beint í sveltið því ég túlkaði það þannig að ég væri feit.

Ég er allt önnur í dag. Ég er hamingjusöm. Ég er byrjuð hjá einkaþjálfra og hefur það hjálpað mikið. Ég er komin í kjörþyngd! Og ég gerði það allt SJÁLF! Ég sé framtíð mína fyrir mér. Ég er byrjuð að læra að elska sjálfa mig.

Sara Ósk í dag.

Þetta er stanslaus barátta á hverjum degi. En ég ætla ekki að gefast upp.

Ég veit að margir hafa trú á mér en ég verð líka að hafa trú á sjálfri mér. Ég hef hana og er svo STOLT af mér með þann árangur sem ég hef náð.

Ég vil þakka öllum sem hafa hjálpað mér í gegnum þetta allt saman. Ekki síst fjölskyldan.❤

Ég er ekki að leitast eftir athygli. Það þarf að tala meira um þennan sjúkdóm. Hann er algengari en margir halda. Það þarf að vekja meiri athygli.

Elskið ykkur sjálf. Það er svo mikilvægt.“

Sjá einnig:

Andrea stígur fram og birtir ótrúlegar myndir: „Samfélagsmiðlar spila eitt stærsta hlutverkið í minni átröskun“

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra. Dýrahjálp er meðal þeirra sem áttu mikið af eignum sem lágu í geymslunum og ljóst er að tjónið var gríðarlegt og leita þau því til almennings í þeirri von um að einhver geti aðstoðað þau í þessum leiðinlegu aðstæðum. Við fáum ekkert að nálgast neitt strax en það virðist sem þakið á húsinu sé farið þar sem okkar geymslur… Lesa meira

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði. Rósa segir að börn séu frábærir áhorfendur sem geri leikurum alveg ljóst ef þeim mislíkar eitthvað í sýningunni. „Börnin eru svo fyndin og þau spyrja okkur oft spurninga fyrir eða eftir sýningu sem ég á stundum í stökustu vandræðum með að svara og þarf því að vera fljót að hugsa,“ segir Rósa í viðtali sem birtist upphaflega í helgarblaði DV. Rósa er menntuð leikkona og hefur starfað við leiklist undanfarin… Lesa meira

Fyrir og eftir myndir – Breytingar á heimili

Í byrjun febrúar ákváðum við Sæþór að fara loksins í það að mála nokkra veggi í eldhúsinu og stofunni í lit og flikka aðeins uppá með aukahlutum, blómum og slíku. Við erum núna búin að búa í húsinu okkar í 18 mánuði ca og búin að vera á leiðini að henda okkur í þetta verkefni nánast síðan við fluttum ! Ég byrjaði á því að velja mér lit á málningunni og fór í Slippfélagið og valdi mér nokkrar prufur. Ég var alveg búin að ákveða að mála í gráum lit en hitti svo æðislegan starfsmann sem leiðbeindi mér mjög vel… Lesa meira

Skotheld uppskrift af gómsætum grjónagraut sem klikkar aldrei

Eitt af því besta sem börnin mín fá er grjónagrautur. Og best af öllu finnst þeim þegar hann er borinn fram með rúsínum og lifrarpylsu.  Ég hef lengi haft uppskriftina í kollinum og ákvað að skrifa hana niður núna og skella henni hérna inn. Þessi grautur er ótrúlega einfaldur, en það þarf að vísu að fylgjast vel með pottinum og hræra reglulega svo hann brenni ekki við. En hér kemur uppskriftin: (Fyrir 5) Hráefni: 3 dl hrísgrjón 4 dl vatn 1/2 tsk salt 10-12 dl mjólk (ég nota hvort sem er nýmjólk eða léttmjólk, bara það sem ég á til)… Lesa meira

Óstjórnlega fyndnar gínur sem eru orðnar leiðar á starfinu sínu

Í gegnum tíðina hefur oft verið talað um að gínur í búðum sýni óraunhæfa mynd af útliti og vaxtarlagi fólks. Það hefur hins vegar sjaldan verið veitt því athygli hversu leiðinlegu lífi aumingja gínurnar lifa. Þær standa á sama stað á hverjum einasta degi, starfsmenn verslana aflima þær fram og til baka og það kemur fyrir að þær þurfa að standa naktar fyrir framan alla. Það er því ekki skrítið að af og til finni fólk gínur sem haga sér öðruvísi en vanalega. Bored Panda tók saman lista af skemmtilegum gínum sem hafa flúið raunveruleika sinn og eru ekki eins… Lesa meira

Ingibjörg Eyfjörð: „Ég bjó mér til samfélagsmiðlakarakter“

… eða svo var mér sagt. Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir. Það er enginn fullkominn Ég hef frá upphafi lagt mikinn metnað í að skrifa frá hjartanu, skrifa… Lesa meira

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig. Bored Panda greinir frá því að það hafi verið árið 2016 þegar mikill eldur geisaði í Kanada þar sem Tony Bussey býr, sem hann áttaði sig á því að núna væri tíminn til þess að opna augun og takast á við vandamálið. Flugvélar voru sendar á svæðið til þess að bjarga fólki frá eldinum og þegar Tony mætti á flugvöllinn var hann settur fremst í röðina. Of feitur til þess að… Lesa meira

Dóttir Karenar hafnaði brjóstinu: „Ég mjólkaði samt eins og belja en börn eru ekki öll eins“

Frá því að Karen Mjöll varð ólétt var hún harð ákveðin í því að barnið hennar skyldi vera á brjósti eins lengi og hægt væri. Brjóstagjöfin gekk eins og í sögu um leið og Anja Myrk kom í heiminn. Þegar hún var um sex vikna gömul fór hún allt í einu að verða „reið“ við brjóstin á kvöldin, segir Karen í einlægri færslu sinni á Mamiita. Dóttir hennar neitaði brjóstinu Karen segir að Anja dóttir hennar hafi drukkið vel á daginn og á næturnar en á kvöldin hafi hún neitað brjóstinu. Eftir nokkra daga gafst ég upp og fór að gefa henni ábót.… Lesa meira

Brúðkaupslisti fyrir verðandi brúðhjón frá Hildi Hlín

Flestir sem þekkja mig vita að ég er einstaklega skipulögð manneskja og elska að búa til lista. Við getum eiginlega sagt að allt sem ég geri, þarf að gera eða ætla mér að gera sé merkt á einhverjum af þessum þúsund "to do”-listum sem ég á og hef vandlega skipt niður eftir viðfangsefni og mikilvægi. Einn stærsti svoleiðis listi sem ég er að vinna eftir þessa dagana er stóri brúðkaupslistinn minn! Þessi listi er búinn að vera opinn í símanum mínum, tölvunni og útprentaður í brúðkaupsbókinni minni núna frá því á síðasta ári (ok þetta er farið að hljóma eins… Lesa meira

Vandræðalegar auglýsingar af speglum til sölu

Ert þú að fara að selja spegil í bráð? Þá gætir þú tekið þessa frábæru sölumenn þér til fyrirmyndar og þá eru miklar líkur á því að spegill verði seldur fljótlega eftir að auglýsingin kemur á netið. Það getur reynst erfitt að taka góða mynd af spegli án þess að spegilmyndin af manni sjálfum eða öðrum laumist óvart með. Þetta fólk reyndi að finna lausn á vandamálinu með misgóðum árangri. Lesa meira

Sjö ára gamall drengur fann sálufélagann í ketti sem lítur alveg eins út og hann sjálfur

Sjö ára gamall drengur sem lagður hefur verið í einelti fyrir útlit sitt eignaðist kött sem er bæði með klofna vör og eins augu og drengurinn. Madden frá Oklahoma fæddist með klofna vör og mismunandi augnlit á hvoru auga. Í síðustu viku þá setti ein vinkona mín mynd af kettinum í sérstakan hóp sem ég er í fyrir foreldra barna með klofna vör. Kettinum hafði verið bjargað í Minnesota og við vissum strax a þessum ketti var ætlað að verða hluti af okkar fjölskyldu. Hann er ekki bara með klofna vör líkt og sonur okkar heldur hefur hann einnig mismunandi lit á augunum eins og Madden, segir Christina Humphreys í… Lesa meira