Sigga Lena: „Aldrei að gefast upp á draumum þínum, því hver veit…“

Minningin er sterk, ég var í útilegu með fjölskyldunni og hef sennilega verið svona í kringum 8-10 ára. Við vorum að keyra um landið og ég var mikið að velta því fyrir mér hvað mig langaði til að verða þegar ég yrði stór. Þetta er í fyrsta skiptið sem ég sagði það upphátt að mig langaði til að verða flugfreyja. Ég man ekki til þess að að þetta hafi komið foreldrum mínum neitt á óvart þar sem flug og allt því tengt hefur ávallt verið mikið í fjölskyldunni minni.

Árin liðu og unglingsárin gengu í garð og var draumurinn ekkert ofalega í mínum huga enda langt í það að hægt væri að gera eitthvað í þeim málum. Árið 2010 bjó ég í Barcelona og þegar kom að því að flytja heim aftur þá fór ég að hugsa um það hvað ég ætti nú að taka mér fyrir hendur, skella mér í skóla eða fara að vinna. Eitt kvöldið var ég að tala við mömmu í gegnum Skype þá segir hún mér frá því að hún hafi séð auglýsingu um flugliðanám sem ætti að hefjast hjá Keili um haustið. Það var þarna sem gamli draumurinn skaut aftur upp kollinum og í framhaldi sótti ég um og komst í flugliðanám hjá þeim.

 

Árið í Keili var sjúklega skemmtilegt, ég lærði helling, eignaðist yndislegar vinkonur og viti menn þarna fann ég það að þessi vettvangur var það sem ég vildi vinna við. Námið var tvær annir og kostaði hellings pening. Einnig var okkur nánast lofað því að það yrði auðvelt í framhaldinu að komast inn hjá flugfélögum þ.e. að þeir myndu leita til þeirra sem væru útskrifaðir frá flugliðabraut Keilis sem var svo sannarlega ekki raunin þegar allt kom til alls.

Reynsluflug hjá Icelandair á vegum Keilis

Þegar ég lauk náminu var ég vongóð um að komast að sem flugliði og byrjaði á því að sækja um hjá Icelandair og komst í próf eins og allir. Eftir smá tíma kom email frá þeim sem hljóðaði: „því miður getum við ekki boðið þér starf að svo stöddu”.

 

Ekkert mál, ég ætlaði sko ekki að láta þetta stoppa mig, sótti um bæði hjá Quatar og Emirates. Ef ég fengi ekki vinnu hérna heima þá færi ég bara út. Það varð ekkert úr því heldur fékk ég bara þessa leiðinlegu emaila sem hljóðuðu allir á sama hátt: „því miður…..”.

Næstu fimm ár sótti ég alltaf um þegar Íslensku flugfélögin óskuðu eftir flugliðum og í öll skiptin fékk ég neitanir. Árið 2015 ákvað ég að það yrði í síðast skiptið sem ég legði þetta á mig að sækja um. Þetta ferli sem fer í gang þegar prófið er og svo biðin svo ég tali nú ekki um þessar endalausu neitanir alltaf. Ég var bara búin að fá nóg og var farinn að efast stórlega um það að þessi draumur minn yrði nokkurn tímann að veruleika.

Ég fékk boðun í próf hjá WOW air í október 2015 og var prófið haldið á sunnudegi og var þetta akkúrat helgin sem ég var búin að plana bústaðarferð með vinkonum mínum. Ég var eiginlega bara núll að nenna þessu að rífa mig upp eldsnemma úr bústaðarferð á sunnudagsmorgni og vita það fyrirfram að ég fengi hvort sem er bara enn eina neitunina. Foreldrar mínir tóku ekki annað í mál en að ég færi í prófið og sögðu við mig „aldrei gefast upp á draumum þínum”. Það þýddi þá ekkert annað en að drífa sig í bæinn og mæta upp í Háslólabíó í próf.

Um jólin fékk ég boð um það að koma til LA um páskana að passa frændur mina í tvær vikur. Ég sagði strax já við því en foreldrar mínir bentu mér á það að þetta gæti akkurat verið sá tími sem námskeiðið hjá Wow air væri ef ég kæmist inn. Ég var í raun, þegar ég hugsa tilbaka, búin að gefa upp alla von og var eiginlega búin að sætta mig við það að þessi draumur minn yrði aldrei að veruleika.

 

Síðan kom dagurinn sem breytti öllum mínum plönum í febrúar 2016. Ég fékk email þar sem stóð: „þér er hér með boðið í viðtal á morgun”. Ég tók andköf!! Er virkilega komið að þessu og það á morgun. Það var frekar erfitt að sofa enda var ég pínu spent og þorði ekki alveg að gera mér einhverjar væntingar. Ég skellti mér í viðtalið daginn eftir og var búin að undirbúa mig eins vel og ég gat. Það gekk ótrúlega vel, var miklu afslappaðra en ég hafði ýmindað mér að það yrði. Tveimur dögum seinna fékk ég síðan aftur email þar sem stóð : „þér er hér með boðið á námskeið” og það stendur vel framyfir páska og þar með var LA fokinn út í veður og vind. Ja hérna hér á ég að þora að leyfa mér að vona að draumurinn verði að lokum að veruleika.

14884475_10153866542481750_5938419384851732489_o (1)16602521_10154115672531750_3761440421384700138_o

Ég sagði ekki nokkrum manni frá þessu nema mínum nánustu þar sem ég var svo hrædd um að þetta myndi ekki ganga.

Ég fékk ráðningu hjá Wow air í júní 2016 og hef verið í fullu starfi hjá þeim síðan. Í dag er ég sennilega í skemmtilegustu vinnu sem ég hef unnið í. Skoða heiminn og kynnist mikið af fólki.

Af hverju er ég að segja þessa sögu mina. Sennilega eingöngu til þess að ítreka það að stundum tekur það langan tíma fyrir drauma að verða að veruleika. Ég var í raun alveg að gefast upp en þá voru það foreldrar mínir sem stöppuðu í mig stálinu og minntu mig á gamla drauminn sem ég átti frá æsku og fyrir það er ég ævinlega þakklát.

Dreams do come true!

Sigga Lena

Bjarki gefur út sitt fyrsta lag við góðar viðtökur – Saga er instrumental

Bjarki Ómarsson, gaf nýlega út fyrsta lagið undir eigin nafni, en lagið er instrumental og í kvikmyndastíl, en Bjarka langar að starfa meira á þeim vettvangi. Lagið heitir Saga og vann Bjarki það í samstarfi við vinkonu sína, Þórunni. Myndbandið við lagið gerðu þau síðastliðið sumar á Flateyri og lifnar saga lagsins við með myndbandinu. https://www.youtube.com/watch?v=ANHldUFHUGI&t=3s „Það hefur alltaf kitlað mig að gefa út píanótónlist, mónótóníska tónlist, lög sem eru ekki hefðbundin popplög með viðlagi og versi,“ segir Bjarki, sem hefur alltaf verið með tónlistina í blóðinu. „Pabbi setti trommusett fyrir framan mig þegar ég var fimm ára og það… Lesa meira

Karen Kjerúlf – ljúf listakona í skapandi umhverfi

Listakonan Karen Kjerúlf málar listaverk úr olíu á fallegu heimili sínu í Norðlingaholtinu, þar fær hún innblástur úr náttúrunni, sem er beint fyrir utan stofugluggann með stórfenglegu útsýni yfir Elliðavatn. „Ég kynntist olíunni árið 2002, ég var búin að vera lengi í vatnslit og pastel áður. Ég tók að mér í fjöldamörg ár að mála andlitsmyndir í pastel eftir ljósmyndum, svo fékk ég leið á því, fór í vatnslitun og kynntist síðan olíunni, sem ég mála mest í.“ Karen er búin að fara á fjöldamörg námskeið í málun hjá Myndlistaskóla Kópavogs og fleiri listamönnum og er búin að vera í… Lesa meira

10 hlutir sem konur upplifa á meðgöngu sem enginn ræðir upphátt

Ásdís Guðný stofnandi bloggsíðunnar Glam.is skrifaði á dögunum þessa skemmtilegu og í senn fræðandi færslu fyrir verðandi mæður, sem Bleikt.is fékk góðfúslegt leyfi til að birta.     Ólétta, tími sem þú átt að ljóma og geisla. Þetta pregnancy „glow“ sem allir eru að tala um. Jú stundum líður manni vel og finnst maður vera gordjöss eeeen svo kemur tími sem þú ert akkúrat öfugt við gordjöss. En fæstir tala um þessa „ógeðslegu“ hluti. Jújú, það er talað um morgunógleðina en það er ekki allt. Prump og þrútinn magi Á meðgöngu fer eitt ákveðið hormón að aukast sem heitir Progesteron. Það hormón mýkir… Lesa meira

Björk klæðist sérsaumuðum Gucci kjól í nýju myndbandi

Björk hef­ur gefið út nýtt mynd­band við lagið „The Gate,“ sem er fyrsta smá­skíf­an af vænt­an­legri plötu henn­ar sem kem­ur út í nóv­em­ber. Í því klæðist hún sérsaumuðum kjól, sem samtals tók 870 klukkustundir að búa til. Samstarfsmaður Bjarkar til margra ára, Andrew Thom­as Huang, leikstýrir, en list­ræn stjórn­un er í hönd­um Bjark­ar, James Merry og Al­ess­andro Michele, yf­ir­hönnuðar Gucci. https://www.youtube.com/watch?v=_n0Ps1KWVU0 Á Facebooksíðu Gucci má sjá myndband frá gerð kjólsins. Það tók um það bil 550 klukkustundir að gera kjólinn, auk 320 klukkutíma til viðbótar fyrir útsauminn. https://www.facebook.com/GUCCI/videos/10155459953591013/ Lesa meira

Selena Gomez er nýtt andlit Puma

Selena Gomez er nýtt andlit Puma, en samstarfið felur í sér fleira en bara að sitja fyrir á auglýsinga myndum. Í viðtali Selenu við Vogue kom fram að um er að ræða „langtímasamstarf, sem mun fela í sér nokkur verkefni, þar sem ég mun hanna vöru og kynna hana í auglýsingaherferðum.“ Selena segir strigaskó hafa breytt lífi sínu og að skóskápur hennar í dag samanstandi að mestu af strigaskóm (hún tók 20 pör með sér í myndatökuna í New York). „Mér finnst mjög spennandi að vera hluti af Puma fjölskyldunni,“ segir Selena. „Puma sameinar íþróttafatnað og tísku. Það er frábært… Lesa meira

Bananabrauðs granóla

Dana sem heldur úti heimasíðunni Minimalistbaker býr til uppskriftir sem innihalda tíu hráefni eða færri, ein skál dugar til að blanda hráefnum saman og það tekur 30 mínútur eða minna að útbúa réttinn. Bananabrauðs granólað, þar sem þú færð bananabrauð án þess að baka bananabrauð er ein þeirra. Bananabrauðs granólað er gómsætt, vegan og það er glútenlaust. Það er ríkt af hollri fitu, Omega 3 og 6, próteini og trefjum. Og það tekur aðeins 30 mínútur að útbúa, auk þess að vera kjörinn morgunmatur eða biti milli mála. BANANABRAUÐS GRANÓLA Undirbúningstími: 5 mínútur Eldunartími: 25 mínútur Vegan granóla sem tekur 30 mínútur… Lesa meira

Lorde er á forsíðu Vogue – skýtur á þau sem lögðu hana í einelti

Lorde er á forsíðu októberblaðs Vogue í Ástralíu, sem kemur í sölu 25. september næstkomandi. Hún deildi fréttunum á samfélagsmiðla og skaut í leiðinni á fyrrum skólasystkini sín, sem lögðu hana í einelti. „Það er gjörsamlega klikkað að ég sé á forsíðu Vogue, ég sem var kölluð unibrow í skóla. Þessi með samvöxnu augabrúnirnar er á forsíðu Vogue.“ Þetta er í þriðja sinn sem Lorde er á forsíðu Vogue, en hún hefur áður verið á forsíðu Vogue Ástralíu auk þess að hafa verið á forsíðu Teen Vogue. Lesa meira

Fjarlægði sex rifbein til að líkjast ofurkonunni

Hún hefur farið í meira en 200 lýtaaðgerðir, þar á meðal látið fjarlægja sex rifbein, allt til að líkjast Ofurkonunni (Wonder Woman) sem mest. Pixee Foxx hefur eytt hálfri milljón punda, um 72 milljónum íslenskra króna til að uppfylla ósk sína um að líkjast ofurhetjunni goðsagnakenndu, þar á meðal hefur Foxx undirgengist aðgerðir á brjóstum, augnlokum og mitti. „Það fyrsta sem ég lét breyta var nefið, brjóstin og augnlokin. Ég vissi frá byrjun að ég vildi undirgangast fullt af aðgerðum, en það var smá ferli að fara alla þessa leið.“ Stærsta aðgerðin var þegar sex rifbein voru fjarlægð til að… Lesa meira

Tara Brekkan elskar Halloween farðanir – „Möguleikarnir eru endalausir“

Tara Brekkan Pétursdóttir er gift tveggja barna móðir sem hefur starfað sem förðunarfræðingur í níu ár. Rétt fyrir jólin 2016 ákvað Tara að skella sér út í djúpu laugina og hefja sinn eigin rekstur og opnaði netverslunina Törutrix. Þar er Tara með sína eigin augnháralínu ásamt fleiri snyrtivörum og heilsuvörum. Halloween er sérstakt áhugamál hjá Töru Ég eeeeeelska Halloween, ég fæ ákveðna útrás við að gera Halloween farðanir. Það er allt hægt að gera og möguleikarnir eru endalausir. Það er alveg ótrúlegt hvað það er hægt að breyta fólki með förðun segir Tara. Tara hefur undanfarin ár gert að minnsta… Lesa meira

Ellen og Jennifer Lopez bregða á leik

Þáttastýran bráðskemmtilega Ellen DeGeneres brá sér inn í búningsherbergi Jennifer Lopez fyrir sýningu  þeirrar síðarnefndu í Las Vegas. Ellen skellti sér svo auðvitað á sýninguna sjálfa og skemmti sér að því er virðist konunglega. https://www.youtube.com/watch?v=aai7dDBNXBs https://www.youtube.com/watch?v=L1yUCxgOC5o Sýning Jennifer fer fram í Planet Hollywood og var sú fyrsta 20. janúar 2016, 65 sýningar eru búnar af 108 sem voru áætlaðar, en síðasta er áætluð 26. maí 2018.   Lesa meira

Fimm setningar sem við segjum við börnin okkar og af hverju þær eru slæmar

Hvað ertu að kenna börnunum þínum þegar þú ert ekki að reyna að kenna þeim neitt? Í grein sem birtist á Iheartintelligence.com er fjallar um fimm algengar setningar, sem allir foreldrar hafa notað og eru jafnvel að nota reglulega, og af hverju við eigum að hætta að segja þær við börnin okkar. 1. „Þú ert að gera mig brjálaða/n núna.“ Þó að þessi setning eigi oft við rök að styðjast, jafnvel oft á dag, þá eru margir hlutir sem eiga við rök að styðjast og eru sannir, en við segjum samt ekki við börnin okkar. Að segja við barnið þitt… Lesa meira