Signa Hrönn hefur barist við matar- og áfengisfíkn í mörg ár: „Ég áttaði mig á því að þetta var vandamál en viðurkenndi það aldrei“

Ef ég keypti eitthvað óhollt þá faldi ég það í körfunni svo fólk myndi ekki dæma mig. Ég fór aldrei í sömu sjoppuna tvo daga í röð og bað alltaf um að sjoppumatnum yrði pakkað vel inn því ég þyrfti að ferðast með hann langt. Ég lét eins og ég væri að kaupa fyrir annan en mig,

segir Signa Hrönn. Signa hefur barist við matarfíkn í fjölda ára. Vandamálið hófst fyrir alvöru þegar hún komst á unglingsár. Hún fór að búa með manni sínum, þá 16 ára gömul, og sótti þá meira í skyndibitamat en þegar hún bjó í foreldrahúsum. Þegar hún var 18 ára gömul greindist hún með PCOS sem er fjölblöðruheilkenni við eggjastokka og konur í yfirstærð fá frekar en grannar konur og getur haft mikil áhrif á frjósemi þeirra.

Líf mitt var búið, ég fór í djúpt þunglyndi, hætti að mæta í vinnu, þreif ekki, eldaði ekki og svaf á daginn. Ef einhver bankaði á dyrnar svaraði ég ekki, ég skammaðist mín fyrir mig.

Í sérsaumuðum fermingarfötum

Signa minnist þess að móðir hennar hafi þurfti að láta sérsauma á hana fermingarföt þar sem stærsta stærðin í búðunum á Akureyri og í Reykjavík var ekki nógu stór fyrir hana.

Til allrar Guðs lukku eru aðrir tímar núna og stelpur og strákar geta keypt fín föt í öllum stærðum og gerðum. En auðvitað var niðrandi að þurfa að láta sérsauma á sig fermingarföt. Mér leið ömurlega.

Oft var nefnt við Signu Hrönn á unglingsárunum að hún yrði að fara að passa sig í mataræðinu, sem var auðvitað sagt af væntumþykju en hafði meiri áhrif á hana en nokkur gerði sér grein fyrir. Signa Hrönn segir að ef foreldrar hennar hefðu vitað um líðan hennar við þessum athugasemdum hefðu þeir aldrei nokkurn tímann haft orð á þessu því þeir vildu Signu Hrönn einungis það besta og voru að passa upp á heilsu hennar. Signa Hrönn reyndi alla megrunarkúra sem fyrir fundust en fíknin stjórnaði hegðun hennar. Þegar hún prófaði Herbalife borðaði hún í leyni og faldi öll ummerki. Stundum fór hún fram á næturnar til að borða.

Þegar Signa Hrönn var 19 ára gömul fór hún á Kristnes í svokallaðan offituhóp, sem er undirbúningshópur fyrir hjáveituaðgerð.

Ég ætlaði ekki í þessa aðgerð, ég ætlaði að gera þetta allt sjálf. Það gekk vel í fyrstu en svo féll ég og gat ekki meir. Hugsanir sem ég óska engum að þurfa að ganga í gegnum fóru í gegnum kollinn á mér.

Íslandsmeistarar í að dæma fólk

Árið 2009 var Signa Hrönn tilbúin til að takast á við hjáveituaðgerðina og næstu vikur voru hreint helvíti. Hún átti erfitt með að koma niður vökva og fæðu í dágóðan tíma þar sem henni fannst hún alltaf vera södd, en það kom allt saman með tímanum. Signa Hrönn léttist mest fyrsta árið og þrátt fyrir að hafa ekki þurft að hafa fyrir því á venjulegan hátt er þetta samt það erfiðasta sem hún hefur nokkurn tímann gert. Mikill vítamínskortur getur fylgt í kjölfar aðgerðarinnar og margir berjast við hann alla ævi. Eftir aðgerðina fékk Signa Hrönn laktósaóþol og þurfti því að læra að lesa allar innihaldslýsingar upp á nýtt.

Við Íslendingar erum meistarar í því að dæma fólk. Ég fann fyrir fordómum fyrir og eftir aðgerðina, að þetta væri nú bara svindlleiðin, eða létta leiðin, því fólk í mínu ástandi nennti bara ekki að hafa fyrir því að léttast. En mér er alveg sama því þetta virkaði fyrir mig og bjargaði lífi mínu.

Þegar Signa Hrönn fór að léttast byrjaði hún að hugsa betur um útlitið og fara meira út á lífið. Allt gekk vel um sinn en fljótlega fann hún að þetta var orðin ákveðin sýki, djamm um hverja helgi, og margir hvöttu eiginmann hennar til þess að stöðva hana.

Fljótlega fór Signa Hrönn að átta sig á því að hún mundi ekki eftir neinu sem gerðist á djamminu og hún hafði enga stjórn á áfengisneyslu sinni.

Ég hugsaði oft með mér að það væri best að hætta að drekka en ég taldi mér alltaf trú um að ég myndi hafa stjórn á því næst. Ég áttaði mig á því að þetta var vandamál en viðurkenndi það aldrei. Það var bara of gott að djamma.

Djammið tók ekki enda fyrr en Signa Hrönn áttaði sig á því að hún var orðin ólétt en þá hafði hún enga löngun í áfengi.

Þegar hún var gengin tíu vikur veikist Signa Hrönn alvarlega og þurfti stanslaust að vera undir læknishendi og þegar hún var gengin 27 vikur var ákveðið að opna hana þar sem hún átti ekki mikið eftir og í raun vissi enginn hvað olli þessum miklu kvölum því ekkert sást á neinum myndum. Ákvörðun var tekin um að setja líf móður í forgang og var hjónunum sagt að líf hennar væri í forgangi en þeir gerðu hvað þeir gætu til að bjarga barninu.

Þeir voru hræddir um að barnið myndi fæðast og þá væru ekki neinar lífslíkur fyrir það þar sem við vorum á Akureyri og ekki var hægt að fljúga með okkur suður vegna veðurs. Tækin og tólin til að halda lífi í svona fyrirburum eru bara til staðar í Reykjavík. Það var ekki möguleiki fyrir þá að lifa af hérna á Akureyri en dóttir okkar er svo þrjósk að hún beið bara þæg og góð í móðurkviði meðan læknarnir athöfnuðu sig og færðu barnið á milli staða inni í mér.

Barði ókunnuga konu

Í ljós kom að Signa Hrönn var komin með hrikalega garnaflækju þar sem smágirnið og allar garnirnar voru búnar að troða sér í gegnum lítið gat sem var eftir hjáveituna. Ekki var búist við því að Signa Hrönn gæti gengið heila meðgöngu eftir slíka aðgerð, hvað þá átt barnið á eðlilegan hátt þar sem hún var með skurð frá brjóstum niður að nafla og öll saumuð að innan. Þrjóskan í þeim mæðgum skilaði sér þó í fullri meðgöngu og náttúrulegri fæðingu og eru þær ævinlega þakklátar læknateyminu á SAk. Nokkru eftir fæðingu fór Signa Hrönn aftur að fá sér í glas og í þetta skiptið var hún handviss um að hún myndi hafa stjórn á drykkjunni. Fljótlega komst hún að því að hún hafði rangt fyrir sér og fór aftur að þjást af minnisleysi.

Þann 11. febrúar 2012 hélt maðurinn hennar upp á afmælið sitt. Hún hafði sett sér það markmið að ef hún hefði ekki stjórn á drykkju sinni myndi hún hætta. Þetta kvöld hafði hún enga stjórn á drykkjunni og gerði hluti sem hún skammast sín enn fyrir.

Ég barði konu sem var búin að angra mig allt kvöldið. Mér fannst hún ekki eiga neitt skilið nema gott högg. Ég man ekkert eftir þessu og hef ekki hugmynd um hver þessi kona er.

Morguninn eftir hætti Signa Hrönn að drekka og fannst það töluvert minna mál en hún hafði gert ráð fyrir. Hún fór enn út að skemmta sér en hún var edrú. Signa Hrönn var edrú í þrjú ár og kynntist á þeim tíma nýrri og betri fíkn. Hún segir sjálf að hún funkeri illa ef hún hafi ekki einhverja „fíkn“ og hélt áfengisfíkninni niðri með því sem hún kallar góð fíkn, en það er að æfa á fullu og borða hollan mat.

Féll jólin 2015

Árið 2014 eignaðist hún sitt annað barn og fékk í kjölfarið fæðingarþunglyndi sem hún leyndi svo vel að ekki einu sinni maðurinn hennar sá nokkuð athugavert. Þegar Signa Hrönn fór svo að standa sjálfa sig að því að hugsa um það hvernig hún gæti horfið úr lífinu án þess að það hefði áhrif á börnin og mann hennar, sagði hún stopp og leitaði sér hjálpar. Hún var orðin hrædd við sjálfa sig og þessar hugsanir. Hjónin misstu íbúðina sína eftir langa baráttu í maí 2015 og þróaðist fæðingarþunglyndið þá fljótt yfir í almennt þunglyndi og mikinn kvíða sem Signa er enn þann dag í dag að vinna úr.

Besta geðlyf sem ég hef notað er hreyfing, ég æfi crossfit og geri það af krafti.

Á jólunum 2015 voru þau hjón á litlu jólunum í vinnu manns hennar þegar Signa Hrönn ákvað að detta í það í fyrsta sinn síðan hún hætti að drekka. Hún hafði verið að fá sér einn og einn bjór eða rauðvín heima við og réð vel við það og taldi hún þá að nú gæti hún ráðið við að „detta í það“. Signa Hrönn missti stjórn á drykkjunni og fór í algjört minnisleysi. Hún hélt áfram að skreppa á djammið með vinunum ef eitthvað var um að vera, en eftir hvert skipti lá hún í rúminu daginn eftir þjáð af móral yfir því að hafa drukkið.

Við lifum í hröðu samfélagi þar sem alltof lítill tími gefst með börnum okkar og ég ætla ekki að eyða þeim litla tíma í að vera þunn og ógeðsleg mamma. Ég vil samt taka það fram að dætur mínar hafa aldrei séð mig í glasi og munu alls ekkert fá að sjá það. Börn eiga ekki að þurfa að horfa upp á foreldra sína undir áhrifum áfengis eða annarra vímugjafa.

Ólíkt offitu er hægt að fela alkóhólisma. Signa Hrönn segir að fyrsta skrefið sé að viðurkenna vandann fyrir sjálfum sér og öðrum og biðja um hjálp.

Ég hef ótal sinnum sagt sjálfri mér að ég sé enginn alki því ég sé ekki að drekka á hverjum degi. En alki og alki er ekki það sama, það gátu liðið margar vikur jafnvel mánuðir á milli þess sem ég fékk mér í glas en um leið og ég byrjaði varð ég hömlulaus og gat ekki hætt. Það er ekkert mál að fela alkóhólisma hann sést ekkert endilega utan á fólki, en offituna gat ég ekki falið með nokkur móti,

segir Signa Hrönn. Þegar Signa Hrönn tók þá ákvörðun að viðurkenna vandann og opinbera hann gerði hún sér ekki grein fyrir því að hún gæti verið að opna augu fólks sem stæði í sömu sporum og hún, en hún ákvað að tala um þetta á Snapchat, hollari-eg, á dögunum og fékk hún í kjölfarið mjög góð viðbrögð.

Signa Hrönn er ákaflega glöð að hafa tekið þá ákvörðun að opinbera vanda sinn og ætlar sér að vera edrú en segir jafnframt að henni finnist í raun gríðarlega erfitt að taka þá stóru ákvörðun að hætta að drekka „forever“ og hefur því tileinkað sér að taka bara einn dag í einu.

Það er mun auðveldara að taka einn dag í einu heldur en að ákveða allt lífið svona á einu bretti eins og sagt er.

Hún hefur lært að til að standa sig þurfi hún að hafa allt í rútínu og skrifað niður á blað. Á næsta mánudag verður hún þrítug og er þakklát fyrir að fá að eldast á heilbrigðan hátt með þeim sem hún elskar.

Birtist fyrst í DV.

Ljósmæður opna Snapchat: „Fylgjendur fá mjög fjölbreytta fræðslu og upplýsingar. Við viljum efla foreldra í barneignarferlinu“

Sigrún Gunnarsdóttir, hjúkrunarfræðingur og ljósmóðir ásamt Áslaugu Valsdóttur formanni ljósmæðrafélagsins fannst komin tími til þess að færa störf ljósmæðra nær nútímanum og gera þau sýnilegri. Þær tóku því sameiginlega ákvörðun um að stofna opin Snapchat reikning þar sem nokkrar ljósmæður skiptast á að sýna og segja frá störfum sínum. Hópurinn er orðin mjög fjölbreyttur og öflugur þar sem ljósmæður vinna mjög fjölbreytt störf á mörgum mismunandi stöðum. Við skiptumst á að vera með snappið og því ættu fylgjendur að fá mjög fjölbreytta sýn og fræðslu. Hver og ein tekur ákveðin málefni fyrir og gefur innsýn inn í sín störf, segir Sigrún í samtali við… Lesa meira

Kristín og Binni Löve eiga von á barni: „Við erum mjög spennt“

Kristín Pétursdóttir leikkona og Brynjólfur Löve Mogensson Snapcat stjarna eiga von á sínu fyrsta barni saman í ágúst. Kristín hefur starfað sem flugfreyja undanfarna mánuði en hún hefur meðal annars leikið í bíómyndunum Órói og Fólkið í Blokkinni. Ég er gengin fjórtán vikur og fjóra daga og við erum mjög spennt. Ég var að vísu mjög veik fyrstu 12 vikurnar en það er allt að koma, segir Kristín í samtali við Bleikt. Brynjólf þekkja flestir undir nafninu Binni Löve en hann gerði garðinn frægan á Snapchat. Í dag starfar Brynjólfur sem rekstrarstjóri pizzustaðarins Blackbox Pizzeria. Við óskum þessum verðandi foreldrum innilega til hamingju. Lesa meira

Hvað er raunveruleg vinátta?

Hvað er vinátta? Þetta er spurning sem ég hef velt óþarflega mikið fyrir mér undanfarna mánuði. Einhverra hluta vegna hélt ég alltaf fast í þá hugsun að góður vinur væri sá sem væri búin að vera í kringum þig hvað lengst og þekkti þig því vel. En ég hef komist að því að vinátta er eitthvað allt annað. Að finna sér góða vini sem meta vináttu þína og þú þeirra er mjög dýrmætt. Það virðist flestum vera lítið mál að eignast vini og kunningja, eyða með þeim hellings tíma en átta sig svo á því að í raun voru þetta… Lesa meira

Tanja Ósk var lögð í hrottalegt einelti: „Ég var heltekin af ótta“

Ímyndið ykkur að sex ára gömul dóttir ykkar sé að byrja sinn fyrsta skóladag. Hún er spennt, hlakkar til að eignast vini og verða fullorðin. Eftir skóla kemur hún heim sorgmædd vegna þess að stelpurnar í bekknum leyfðu henni ekki að leika sér með þeim af því að hún var of ljót. Þessi sex ára stelpa var ég. Svona hefst samtal Tönju Ósk Brynjarsdóttur við blaðamann Bleikt. Var sagt að þetta myndi líða hjá Tanja greinir frá því að þetta hafi eingöngu verið upphafið af því einelti og ofbeldi sem hún hefur þurft að sæta í gegnum tíðina. Mér var… Lesa meira

Bjargey um hamingju: „Ég hef upplifað mikinn sársauka og vildi ekki dvelja þar. Ég vildi frelsi“

Hvers vegna finnst sumum allt vera erfitt og leiðinlegt á meðan öðrum finnst lífið almennt skemmtilegt og sjá það jákvæða í stað þess neikvæða. Hvað aðskilur þessa tvo einstaklinga? Með þessum orðum hefur Bjargey Ingólfsdóttir nýjustu færslu sína á Bjargeyogco. Af hverju ertu alltaf svona ógeðslega happý? Um daginn fékk ég þessa spurningu frá fylgjanda í gegnum Snapchat og fékk hún mig til þess að hugsa. Til þess að svara henni þá er ég í fyrsta lagi ekkert alltaf ógeðslega happý. Ég hef farið í gegnum dimma dali og upplifað mikinn sársauka. Sársauka í hjartanu og verki í líkamanum. Ég vildi ekki dvelja þar, því það… Lesa meira

Guðlaug hefur misst fóstur tvisvar sinnum: „Ég fór á klósettið og fann það detta niður, ég var bara ekki tilbúin til þess að sturta“

Guðlaug Sif Hafsteinsdóttir hefur tvisvar sinnum misst fóstur og tók sú lífsreynsla mikið á hana. Segir hún það algengt að fólk tali um það að missa fóstur sé ekkert mál. Fóstrið skolist einfaldlega út og konan eigi í kjölfarið að halda áfram með líf sitt líkt og ekkert hafi í skorist. Ég hef misst fóstur í tvö skipti, þessi tvö skipti voru mjög ólík og ætla ég að segja aðeins frá þeim, segir Guðlaug í einlægri færslu sinni á Amare. Þetta er ekki auðvelt, þetta er þvílíkur missir þrátt fyrir að hafa gengið stutt á leið. Þetta er barnið mitt, litla… Lesa meira

Amanda og Birgir eru vegan og alæta í sambúð: „Engin ein rétt leið í samböndum“

Vegan og alæta í sambúð, hvernig virkar það? Þetta er spurning sem ég fæ að heyra reglulega og eru eflaust enn fleiri sem velta henni fyrir sér án þess að spyrja. Einnig fæ ég stundum fyrirspurnir frá einstaklingum sem vilja gerast grænmetisætur eða vegan en telja að makinn færi ekki sömu leið. Eins og með öll önnur sambönd eru þau misjöfn eins og þau eru mörg og því er engin ein rétt leið. Ég og Birgir erum búin að vera saman í rúm 3 ár og höfum þar af búið saman í um það bil 2,5 ár. Þegar við byrjuðum… Lesa meira

Aldís rakst á gífurlegan verðmun á barnadóti milli verslana: „Þetta hlýtur að vera eitthvað djók!“

Aldís Björk Óskarsdóttir var stödd í barnaversluninni Ólavía og Oliver á dögunum þegar hún rakst fyrir tilviljun á barnadót sem kostaði tæplega átta þúsund krónur. Það sem kom Aldísi svo mikið á óvart var að einungis nokkrum vikum áður hafði hún keypt sömu vöruna á 2500 krónur í Hagkaup. Ég rakst bara á þetta fyrir algjöra tilviljun, ég var að skoða göngugrind fyrir litlu stelpuna mína í Ólavíu og Oliver og ég hugsaði með mér að þetta hlyti að vera eitthvað djók! segir Aldís í viðtali við Bleikt.is Aldís ákvað í kjölfarið að gera sér ferð í Hagkaup til þess að athuga hvort… Lesa meira

13 bráðfyndnar gamanmyndir á Netflix

Það bíða líklega langflestir Íslendingar eftir því að sólin hækki á lofti og vetur konungur láti sig hverfa af landi brott, enda hefur veturinn verið sérstaklega þungur undanfarnar vikur. Það er þó eitt hægt að gera til þess að stytta biðina og það er að koma sér vel fyrir í sófanum með eitthvað gott að narta í og kveikja sér á skemmtilegri gamanmynd. Bleikt tók saman lista af skemmtilegum gamanmyndum sem allar eru í sýningu á Netflix: Hot Fuzz Nick Angel er ekta „ofurlögga“ sem er svo góður í starfi sínu að hann hefur verið sendur af yfirmönnum sínum í lítið, hljóðlátt þorp þar sem að… Lesa meira

Breytir myndum af börnunum sínum í ævintýri

Fjögurra barna faðir vildi taka skemmtilegar og öðruvísi myndir af börnunum sínum og fór því að leika sér að því að breyta umhverfinu með myndvinnsluforriti. John Wilhelm býr í Sviss með konu sinni og fjórum börnum. Faðir Wilhelms var mikill áhugaljósmyndari en sjálfum þótti honum ljósmyndun ekkert sérstök þegar hann var yngri. Það var svo ekki fyrr en Wilhelm fór á námskeið í myndvinnsluforritun og þrívíddarhönnun sem áhuginn kveiknaði fyrir alvöru. Bored Panda greinir frá því að Wilhelm hafi ákveðið að taka myndir af börnunum sínum og vinna þær öðruvísi heldur en venjulega. Útkoman er virkilega skemmtileg og auðvelt er… Lesa meira

Íris tók ákvörðun um að vera einstæð: „Þarna stóð ég, ein, ólétt og með bullandi höfnunartilfinningu“

Mig langar til þess að koma fram og tala um málefni sem kannski margir kannast við. Málefnið er sú ákvörðun sem ég þurfti að taka. Hvort ég vildi halda fóstrinu vitandi það að ég myndi verða einstæð og þurfa að ganga í gegnum allt saman ein. Ég var stödd í London þar sem ég bjó þegar ég fékk þann skell í andlitið að þurfa að ákveða framtíð mína á nokkrum dögum. Það var svo langt frá því að vera auðvelt eins og þær vita sem hafa verið í þeim sporum að þurfa að ákveða hvað gera skal. Það þarf að taka þá ákvörðun, þá í… Lesa meira

Dagforeldrar vöxuðu augabrúnir tveggja barna án vitneskju foreldra

Tvær mæður komust að því að dagforeldrar barnanna þeirra höfðu tekið sig til og vaxað augabrúnir þeirra á meðan á daggæslu stóð án þeirrar vitneskju og samþykkis. Ég skoðaði andlitið á barninu og sá að það vantaði hluta af augabrúnunum hennar en hún fæddist með samvaxnar augabrýr, segir Alyssa Salgado, móðir Lilayah. https://youtu.be/dXhiESAmTGk Popsugar greinir frá því að sonur Glendu Maria Cruz hafi einnig verið í sömu daggæslu og að augabrúnir hans hafi líka verið vaxaðar sama dag og dóttir Alyssu. Báðar mæðurnar hættu að mæta með börnin í daggæsluna og verið er að rannsaka atvikin. Lesa meira