Sólborg rappari – „Vonandi verður þetta lag hvatning fyrir einhverjar stelpur til að láta vaða“

Tónlistarkonan Sólborg Guðbrandsdóttir var að gefa út lag og myndband við það. Lagið heitir Skies in paradise, og er hennar fyrsta lag. Okkur á Bleikt lék forvitni á að vita ýmislegt um þessa tvítugu tónlistarkonu og fengum hana til að svara nokkrum spurningum.

Hvernig er samband þitt við tónlist?

Að mínu mati er tónlist eitt það magnaðasta í þessum heimi. Hún getur haft alls konar áhrif á mann og hjálpað manni á erfiðum stundum. Ég leita mikið í tónlist til að líða betur og hún hefur alltaf verið stór partur af mínu lífi. Ég ólst mikið upp í kringum tónlist og hef síðan ég var lítil sungið með tvíburasystur minni. Til að vera smá væmin þá veit ég ekki hvar ég væri í dag ef ég hefði ekki geta leitað til tónlistar. Besta tilfinning sem ég hef upplifað hingað til er adrenalínið sem fylgir því að standa upp á sviði fyrir framan fullt af fólki og syngja fyrir það og vonandi fæ ég að gera meira af því í framtíðinni.

Hvað kemur til að þú gefur út lag núna?

Ég byrjaði ekki að semja tónlist sjálf fyrr en í byrjun þessa árs þó ég hafi lengi verið í kringum tónlist. Ég er minn harðasti gagnrýnandi og taldi mér alltaf trú um að ég gæti ekki samið mitt eigið efni. En svo þegar maður fer að semja í kringum eigin tilfinningar og tjá sig heiðarlega í gegnum tónlistina fer allt saman að virka. Það fylgir því rosalega mikil útrás að geta sagt og sungið nákvæmlega það sem þú vilt í þínum eigin lögum.

Mig er lengi búið að langa að gefa út eigið efni og fannst kominn tími til þess núna. Ég átti þetta lag til frá því fyrir nokkrum mánuðum síðan og ákvað að kýla bara á þetta núna og er mjög sátt með útkomuna. Það eru líka fáar stelpur á Íslandi að gefa út rapplög og vonandi verður þetta lag hvatning fyrir einhverjar stelpur til að láta vaða, hafi þær áhuga á því að rappa. Við erum nefnilega ekkert síðri en strákarnir þó við fáum ekki jafnmikla athygli. Ég er þó mun meira að syngja heldur en að rappa og næstu lög verða örugglega í samræmi við það.

Segðu mér frá laginu.

Lagið fjallar um það að komast yfir ástarsorg, að leyfa ekki einhverjum öðrum að segja þér að þú sért ekki nógu góð og stefna langt í lífinu. Ég held að flestir hafi upplifað það einhvern tíma að líða eins og þeir séu ekki nógu mikið svona eða nógu mikið hitt, miðað við allt sem samfélagið ætlast til af okkur. En málið er bara það að það eina sem skiptir máli í þessu lífi er að gera það sem gerir mann sjálfan hamingjusaman. Við komumst víst ekki langt áfram óhamingjusöm, svo mikið er víst. Ég samdi þetta lag þegar ég var frekar langt niðri og mér finnst magnað að sjá það núna, nokkrum mánuðum seinna, hvað eitthvað sem olli mér vanlíðan þá veldur mér í dag mikilli hamingju í gegnum þetta lag.

Eru einhverjir tónlistarmenn áhrifavaldar hjá þér?

Ég hlusta mikið á John Mayer og finnst einhvern veginn allt sem hann gefur út gott. Hann lætur mér alltaf líða vel þegar ég hlusta á hann. Það er magnað að fylgjast með jafn miklum listamönnum og honum. Maður horfir á hann spila og finnur bara hvað tónlist er honum mikilvæg og hvað hann bókstaflega lifir fyrir hana. Tónlistarmenn sem hreyfa almennilega við manni eru ekki á hverju strái og það eru einmitt fallegustu listamennirnir. Ekkert endilega þeir sem ná að syngja flóknustu slaufuna eða hæsta tóninn, heldur þeir sem skilja mann eftir með eitthvað til að hugsa um. Gott dæmi um það er sigurvegari Eurovision í ár, Salvador Sobral. Fyrsta og líklega eina skiptið sem græt yfir Eurovison flutningi.

Einn af þeim tónlistarmönnum hér á landi sem ég lít mikið upp til er án efa Jóhanna Guðrún Jónsdóttir, söngkona sem ætti að vera löngu orðin heimsfræg. Hún, og einnig kærasti hennar, Davíð Sigurgeirsson, eru dæmi um tónlistarmenn sem gera mig alltaf orðlausa. Þau eru algjörir töframenn.

Hvað er svo á döfinni hjá þér í tónlistinni?

Ég er á fullu að semja meira efni og mun reyna eftir bestu getu að gefa út fleiri lög á næstunni. Svo verður maður bara að bíða og sjá. Draumurinn er auðvitað að geta unnið við tónlist alla daga, en það kemur víst ekki hlaupandi til manns. Þegar maður leggur hart að sér skilar það sér margfalt til baka og það er það sem ég mun gera á næstu mánuðum.

Hér er svo myndband Sólborgar við lagið Skies in Paradise:

Bróðir hennar er fyrirsæta – Hún lætur barnungan son sinn stæla hann

Aristotle Polites er fyrirsæta í New York og þrátt fyrir að vera einstaklega myndarlegur og efnilegur í fyrirsætubransanum, þá á hann nú í harðri samkeppni......við barnungan frænda sinn.   Eins og þú sérð þá er 18 mánaða frændi hans einstaklega krúttlegur og er farinn að stæla pósur frænda síns, með góðri aðstoð Katima Behn móður sinnar (sem er eldri systir Aristotle) og það er alveg spurning hvor er betri fyrirsæta. Þetta byrjaði allt þegar hún gat ekki fengið son sinn til að vera í köflóttu hnepptu skyrtunni hans. „Þegar hann var kominn í skyrtuna óhneppta með magann úti þá skellihló… Lesa meira

Sendiherrahjónin Edda og Pálmi trylltu fullan sal af áhorfendum

Risaeðlurnar, lokahluti leikhúsþríleiks Ragnars Bragasonar um afkima íslensks samfélags, var frumsýnt í Þjóðleikhúsinu síðastliðinn föstudag. Uppselt var á sýninguna og beið fjöldi prúðbúinna gesta spenntur eftir verkinu, enda hafa fyrri verk Ragnars hlotið einróma lof bæði áhorfenda og gagnrýnenda.  Gullregn og Óskasteinar hlutu báðar fjölda tilnefninga til Grímunnar og Grímuverðlaun. Ragnar Bragason leikstýrir og skrifar handrit, Halfdan Pedersen er leikmyndahönnuður, tónlist er í höndum Mugison og í helstu hlutverkum eru Edda Björgvinsdóttir, Pálmi Gestsson, Guðjón Davíð Karlsson, Birgitta Birgisdóttir, Hallgrímur Ólafsson og María Thelma Smáradóttir. Viðtal við Ragnar um tilurð verksins: https://www.youtube.com/watch?v=Rty9CGdGKJc Sýningunni var vel tekið af frumsýningargestum. https://www.instagram.com/p/BafXrqwBsa4/?igref=ogexp   Lesa meira

Peningasería Odee til sýnis á Reyðarfirði – Frekari hugmyndir í vinnslu

Állistamaðurinn Oddur Eysteinn Friðriksson, eða Odee eins og hann kallar sig, hefur ávallt í nógu að snúast. Ritstjóri Bleikt var á ferðinni fyrir austan síðastliðna helgi og hitti á Odee þar sem hann var að hengja upp sýningu á kosningaskrifstofu Sjálfstæðisflokksins í Sómasetrinu á Reyðarfirði. Serían sem um ræðir er Peningaserían, en serían hefur vakið mikla athygli eftir að Odee frumsýndi hana á Ljósanótt í Keflavík árið 2016. Einnig fengu nokkrar vel valdar aðrar myndir að fylgja með. Odee lék á alls oddi og sagði ritstjóra frá næstu verkefnum sem eru í vinnslu og eru enn sem komið er bara… Lesa meira

Jafnréttishús býður upp á sundnámskeið fyrir innflytjendur og hælisleitendur

Sund er allra meina bót Við Íslendingar teljum það sjálfsagðan hlut að skella okkur í sund öðru hvoru allan ársins hring. Á góðvirðisdögum flykkjumst við í sundlaugarnar til að synda, flatmaga í sólinni, slaka á í heitu pottunum meðan börnin renna sér í rennibrautunum. Þvílíkur unaður svo ekki sé meira sagt. Þegar ég var yngri og ekki alveg synd setti mamma mig neðst á rennibrautina sem var ekki stór og sagði mér að hoppa niður. Þótt ég væri með stóran hringkút um mig, handakúta á báðum höndum og sundgleraugu sem tóku hálft andlitið, sem ekki nokkur maður myndi sjá sig… Lesa meira

Jake Gyllenhaal er besti pabbi í heimi

Leikarinn Jake Gyllenhaal er nýjasta andlit Eternity rakspíra Calvin Klein. Ásamt honum leika fyrirsætan Liya Kebode og hin fjögurra ára gamla Leila í auglýsingunni. Í auglýsingunni, sem er svarthvít, leikur Gyllenhaal umhyggjusaman föður og eiginmann, en Cary Fukunaga leikstýrir. https://www.youtube.com/watch?time_continue=6&v=aEcbuccnjLc   Lesa meira

„Ég gafst upp og leyfði honum að sofa hjá mér, eða réttara sagt, nauðga mér“

Ég var ekki nema 14 ára þegar ég eignaðist fyrsta kærastann minn, mér fannst þetta allt voða spennandi en alveg svakalega stressandi líka. Það má segja að þáverandi vinkona mín hafi ýtt mér að honum, hann var nefnilega frændi hennar og hún vildi endilega að við yrðum saman. Hann bjó fyrir sunnan og ég fyrir norðan svo við hittumst auðvitað ekki oft. En það var sennilega, ef mig minnir rétt, í annað eða þriðja skiptið sem við hittumst þegar hann byrjaði á að snerta mig á allskonar stöðum sem mér fannst óþægilegt og fljótlega fór hann að fara inn á… Lesa meira

Ísrétturinn Surtur & Pretzel í boði hjá Skúbb

Ísrétturinn Surtur & Pretzel frá Skúbb er fáanlegur næstu daga á meðan birgðir endast.  Eingöngu er hægt að nálgast hann í ísbúð Skúbb á Laugarásvegi 1, Reykjavík. „Okkur langaði að nota bjór í ís hjá okkur og settum okkur í samband við Borg Brugghús sem er þekkt fyrir bragðmikla bjóra og að leggja upp úr þessu samhengi bjórs og matar.  Eftir gott spjall var ákveðið að nota bjórinn Surtur Nr. 47 sem er bragðmikill 10% Imperial Stout bruggaður með sérmöluðu kaffi frá Te & Kaffi.  Með þessu passaði svo vel að nota pretzel og karmellu sem við gerum sjálfir og… Lesa meira

Britney kemst enn í skólabúninginn

Britney Spears er í fantaformi og nýlega birti hún stutt myndband á Instagram. Þar sést að hún kemst enn í skólabúninginn sem hún klæddist í myndbandi lagsins ...Baby One More Time titillagi fyrstu plötu hennar sem kom út árið 1999. https://www.instagram.com/p/BaeyD7wFYQ8/ Lesa meira

Dagný Rut er hryllileg á Hrekkjavökunni

Dagný Rut Ólafsdóttir hefur tekið þátt í hrekkjavökunni síðan árið 2008. „Ég sá hrekkjavökuball auglýst hér heima,“ segir Dagný, en hún býr í Grindavík, „og ég bara: Úhhhh! ég verð að vera með!“ Dagný Rut sér yfirleitt um gervi og förðun sjálf en hefur stundum leitað aðstoðar annarra. „Fyrir þremur árum var ég búin að vera klukkutíma að græja mig, leit svo í spegil og hugsaði: „Þetta er ekkert skeirí, þreif allt framan úr mér og byrjaði upp á nýtt,“segir Dagný Rur. Í það skipti var hún hjúkkan með vafningana. Dagný Rut velur oftast að vera ljót og skeirí og… Lesa meira

Hún var kölluð drusla – Þær sýndu henni samstöðu

Stelpurnar í 10. bekk í Holtaskóla í Reykjanesbæ mættu í hlýrabolum í skólann síðastliðinn fimmtudag. Það gerðu þær til að sýna samstöðu eftir að þær urðu vitni af því að nokkrir strákar í bekknum þeirra kölluðu aðra stelpu druslu á netinu. Stelpur úr skólanum hafa lent í því að vera beðnar um að „klæða sig betur“ í tíma þegar þær hafa verið á bolnum, og í þau skipti af karlkyns kennara. Þær eru því orðnar þreyttar á því að líkamar þeirra, 15 ára stelpna, séu hlutgerðir og að þeim beri einhver „skylda“ til að hylja sig til að vera ekki… Lesa meira

„Nauðgarinn var kærastinn minn – Ég kallaði hann besta vin minn“

Sú hugsun að kynferðislegt ofbeldi og áreitni gerist bara í partýum, í bænum eða þar sem flestir eru undir áhrifum. Að maður hafi verið að biðja um það, hefði ekki átt að vera svona klædd og allt það kjaftæði. Mín reynsla er ekki þannig. Nauðgarinn var kærastinn minn. Ég kallaði hann besta vin minn. Við vorum 17 ára, saman í framhaldsskóla á sömu braut. Við lærðum saman fyrir jólaprófin og fljótlega fórum við að hittast. Allt gerist frekar hratt og það leið ekki mánuður þegar hann sagðist elska mig. Þetta var svo nýtt fyrir mér og spennandi, ég hafði aldrei… Lesa meira