Svona færðu barnið þitt til að hlýða öllu sem þú segir

Ef barnið þitt hlýðir þér í einu og öllu skaltu sleppa því að lesa lengra. Ef ekki þá gætirðu haft áhuga á að kynna þér efni nýrrar bókar eftir Alicu Eaton, breskan sérfræðing í dáleiðslu. Í bókinni, sem ber nafnið Written Words That Work: How To Get Kids To Do Almost Anything, fer Alicia yfir atriði sem geta breytt hegðunarmynstri barna til hins betra og fengið þau til að gegna betur.

Alicia segir að máttur tungunnar sé mikill og það hvernig hlutir eru orðaðir geti skipt sköpum. Í umfjöllun um bókina á vef Mail Online eru nokkur atriði í bókinni týnd til. Meðal þess sem Alicia mælir með er að sleppa því að nota orðið „ekki“. Þá mælir hún með því að í stað þess að segja „takk fyrir“ í lok setningar eigi að nota þessi tvö einföldu en sterku orð í upphafi hverrar setningar. Þá sé lykilatriði að orða hlutina þannig að barnið eigi eitthvert val.

Bók Aliciu er byggð á hugmyndafræði sem kallast NLP sem er meðal annars notuð af auglýsendum til að fanga athygli hlustenda, áhorfenda eða lesenda. Hún segir að foreldrar geti einnig tileinkað sér hugmyndafræðina. Hér að neðan má lesa tíu atriði upp úr bók Aliciu sem foreldrar geta mögulega nýtt sér.

Mynd: 123rf.com

1.) Segðu það sem þú vilt að barnið geri, ekki hvað það á ekki að gera

„Of mörg okkar festast í vítahring neikvæðni,“ segir Alicia. Hún segir að setningar eins og: „Ekki skilja herbergið þitt eftir í drasli“, „Þarftu að skilja skóna þína eftir á miðju gólfinu“ og „hversu oft hef ég sagt þér að hrinda ekki systur þinni“ séu dæmi um setningar sem eru ekki líklegar til að skila árangri til lengri tíma litið.

„Við beitum neikvæðni óspart og það kemur okkur á óvart þegar börnin okkar gera ekki það sem við segjum,“ segir hún og bætir við að börn lesi ekki hugsanir. Hún segir að hægt sé að koma sömu skilaboðum á framfæri með jákvæðari aðferð, öllum til hagsbóta. Dæmi: „Við skulum hafa herbergið snyrtilegt þegar við förum“, „skórnir eiga heima í skóskápnum undir stiganum“ og „við skulum reyna að mæta tímanlega í skólann.“

2.) Láttu barnið finna að það hafi val

Ef setningin „flýttu þér og klæddu þig í föt fyrir skólann“ virkar ekki geturðu prófað að ýta barninu í rétta átt með því að gefa því eitthvert val, segir Alicia. Hún stingur upp á því að segja, til dæmis: „Í hvaða stuttermabol ætlarðu að fara, þann rauða eða bláa?“ eða „hvort ætlarðu fyrst í buxurnar eða bolinn?“. Alicia segir að þessar setningar feli í sér að barnið hafi samþykkt að drífa sig í fötin og það geti gert kraftaverk að orða hlutina með þessum hætti.

Hún nefnir annað dæmi. Ef barnið er tregt til að klára heimalærdóminn eða borða kvöldmatinn væri hægt að orða hlutina svona: „Hvort viltu klára heimalærdóminn núna eða eftir kvöldmatinn?“ og „hvort viltu borða gulræturnar eða kartöflurnar fyrst?“

3.) Talaðu eins og barnið sé þegar búið að samþykkja að gera það sem þú vilt

Alicia segir að orðin „hvenær“ og „þegar“ séu mjög sterk enda gefa þau til kynna að eitthvað muni gerast, fyrr eða síðar. Alicia segir að ekki eigi að nota orðið sparlega. Dæmi: „Þegar þú verður búin/n að taka til í herberginu borðum við kvöldmatinn“ og „þegar þú klárar heimalærdóminn, getum við farið út að leika“ eru dæmi um setningar sem gætu virkað.

Þegar foreldrar eru búnir að ná tökum á þessari aðferð má jafnvel ganga skrefinu lengra og gera eins og sannir sölumenn gera. Alicia segir að bílasalar noti þá aðferð í ríkum mæli: „Þegar þú verður búinn að prufukeyra bílinn komum við inn og þú velur litinn á innréttinguna.“ Alicia segir að viðkomandi hafi líklega ekki einu sinni samþykkt að prufukeyra bílinn en erfitt sé fyrir viðkomandi að hafna því. Alicia segir að þessa aðferð megi líka nota á börnin, til dæmis í sambandi við heimalærdóminn.

Mynd: Shutterstock

4.) Búðu til tengsl við barnið þitt

Alicia segir að mikilvægt sé að búa til tengsl milli foreldris og barns. Þá á hún við að foreldri setji sig í spor barnsins og setji sig jafnvel á sama stall og það. Dæmi um þetta er að bæta við orðum eins og: „ég, eins og þú“. Dæmi: „Ég, eins og þú, átta mig á að þú átt marga möguleika“ og „þú, eins og ég, áttar þig á að það er miklu auðveldara að gera heimanámið við skrifborðið“. Þessi orð, „eins og“ segir Alicia að geti eflt sjálfstraust barnanna og séu sérstaklega árangursrík ef samband foreldris og barns hefur verið stirt.

5) Segðu „takk“ í upphafi setningar frekar en í enda hennar

„Við erum vön því að þakka fólki eftir að það hefur gert eitthvað fyrir okkur, en hvað um að þakka áður en það er gert,“ spyr Alicia. Hún segir að þetta sé árangursríkt þar sem börn, í eðli sínu, vilji gera fólk ánægt, þar á meðal foreldra sína.

6) Gefðu alltaf upp ástæðu

Alicia segir að mikilvægt sé að útskýra fyrir börnunum af hverju eitthvað má ekki eða af hverju þú vilt ekki að barnið geri það sem það er að gera. „Með því að útskýra af hverju þú biður um eitthvað eru meiri líkur á að beiðni okkar sé tekin til greina. Hún mælir með því að láta „af því“ fylgja með öllum beiðnum.

Dæmi: „Við skulum lækka tónlistina og hafa aðeins lægra af því að þá getum við betur ákveðið hvað við ætlum að gera.“ Annað dæmi: „Geturðu hjálpað mér að bera innkaupapokana í bílinn af því þeir eru svo margir og ég á erfitt með að bera þá ein/einn.“

Mynd: 2006 Getty Images

7) Fáðu barnið til að hugsa og hlusta

„Hugsaðu hvað það verður gott þegar þú verður búin/n með heimalærdóminn.“ Þetta er setning sem Alicia segir að virki vel í staðinn fyrir að segja barninu hreint út að klára heimalærdóminn. Þetta getur virkað sem hvatning fyrir barnið að klára heimalærdóminn. Alicia segir að orðið „hlustaðu“ geti einnig virkað vel í upphafi setningar. „Hlustaðu, vð þurfum að drífa okkur í skó því annars missum við af strætó.“

8) Hafðu jákvæðni að leiðarljósi

Sum börn eiga það til að kvarta og kveina og þau verða pirruð eins og við. „En þú getur hjálpað barninu að temja sér lausnamiðaðar aðferðir,“ segir Alicia. Hún segir að ef barnið kvartar til dæmis undan því að því sé of heitt megi segja: „Hvað er hægt að gera til að þér líði betur? Opna glugga eða viltu fara úr jakkanum?“

9) Notaðu leiðandi spurningar

Leiðandi spurningar geta verið vel nothæfar og, eins og nafnið gefur til kynna, leitt barnið þitt í átt að lausninni. Dæmi: „Svo þú hefur áhyggjur af prófunum og ert meðvitaður um að þú þurfir að fara að undirbúa þig betur“ og „svo þú ert að tala við mig um þetta núna af því þig langar að breyta þessu“.

10) Hjálpaðu barninu þínu að hætta að segja: „Ég get ekki!“

Alicia segir að þessi orð séu of mikið notuð í samtölum og útiloki um leið lausnina á vandamálum. „Til að koma barninu þínu af þessari braut þarftu að reyna að undirstrika þá hluti sem það getur gert og getur breytt. Þegar barnið þitt segist ekki geta lært stærðfræði segir Alicia að þá skipti máli að orða hlutina öðruvísi.

„Ah, þú hefur bara ekki enn fundið leiðina til að gera þessa tilteknu æfingu,“ er dæmi um setningu sem gefur til kynna að barnið geti víst lært stærðfræði. Þá bendir Alicia á að hægt sé að benda á stærðfræðidæmi sem barnið gat reiknað en það þurfi að æfa sig betur til að gera erfiðara stærðfræðidæmi. „Hugmyndin er sú að einblína á það sem barnið getur gert.“

Birtist fyrst í DV.

Netkaup sem fóru úrskeiðis – 22 sprenghlægilegar myndir

Það getur verið ansi snúið að panta sér föt á netinu þar sem ekki er hægt að máta flíkina né vita hvort hún muni líta út nákvæmlega eins og myndirnar sýna til um. Einnig er algengt að fyrirsæturnar á myndunum séu mjög grannar og langar og því erfitt að sjá fyrir sér hvernig flíkin líti út á öðrum en konum með þann vöxt. Margir hafa lent í því að fá flíkur sem virðast ekki einu sinni vera þær sömu og á myndunum. Daily Feed tók saman lista yfir 22 flíkur sem konur pöntuðu sér með misgóðum árangri.   Lesa meira

Heillandi heiðursdagskrá um Jóhönnu Kristjónsdóttur

Heiðursdagskrá um Jóhönnu Kristjónsdóttur rithöfund (1940-2017) var haldin síðastliðinn sunnudag á Menningarhátíð Seltjarnarness. Fjöldi ættingja og vina Jóhönnu auk annarra gesta mættu. Vera Illugadóttir, barnabarn Jóhönnu, var kynnir. Börn Jóhönnu, barnabörn og vinir komu einnig fram, en fram komu Ásgerður Halldórsdóttir, Elísabet Jökulsdóttir, Embla Garpsdóttir, Hildur Bjarnadóttir, Hrafn Jökulsson, Jökull Elísabetarson, Rannveig Guðmundsdóttir, Sigþrúður Guðmundsdóttir og Styrmir Gunnarsson. Höfundaverk Jóhönnu eru óvenju fjölbreytt enda fór hún sjaldnast troðnar slóðir í lífi og starfi. Í dagskránni verður dregin upp mynd af margbrotinni konu sem með eldmóði sínum og samhug hafði djúp áhrif á þá sem henni kynntust. Daníel Helgason gítarleikari og… Lesa meira

Húsráð: Svona færðu strigaskóna hvíta aftur

Við könnumst mörg við þetta, hvítu strigaskórnir okkar eru hrikalega fallegir og hvítir þar til við erum búin að nota þá einu sinni. Þeir verða aldrei jafnhvítir aftur, alveg sama hvaða húsráð við höfum reynt. Twitternotandinn @sarahtraceyy virðist hins vegar hafa fundið ráð sem virkar og deildi hún fyrir og eftir mynd af hvítu Converse skónum sínum ásamt húsráðinu sem hún notaði. Twitternotendur hafa tekið vel í póstinn og hafa yfir 9000 líkað við póstinn og yfir 1300 deilt honum áfram.     I am a miracle worker pic.twitter.com/BeivqBtdrv — halloween queen (@sarahtraceyy) October 15, 2017 Og eftir að fjöldi notenda… Lesa meira

Guðrún Huld hannaði íslenska stafrófið með nýrri nálgun

Grafíski hönnuðurinn Guðrún Huld Gunnarsdóttir ákvað að taka nýja nálgun á íslenska stafrófið og selur það nú í tveimur stærðum sem eru heimilisprýði, hvort sem er í forstofunni, barnaherberginu eða annars staðar á heimilinu. „Mig langaði að einblína á það jákvæða og er að vinna með falleg og hlý orð í stað A fyrir Api,  Á fyrir Ás, B fyrir Banani og svo framvegis þá nota ég A fyrir Alúð, Á fyrir Ást, B fyrir Bjart,“ segir Guðrún Huld. Plakatið hefur lærdómsgildi fyrir yngri kynslóðina sem og eldri og fæst í tveimur stærðum, A3 og A4, á Facebooksíðu hennar. „Margir… Lesa meira

Þeir eru rauðhærðir og naktir til styrktar góðgerðarmálum

Í nýju dagatali fyrir árið 2018 er áherslan lögð á fáklædda rauðhærða karlmenn. Tilgangurin er bæði að stemma stigu við neikvæðu áliti fólks á rauðhærðum karlmönnum og að safna til góðgerðarmála, en ágóðinn rennur til góðgerðarsamtakana STAND UP. Markmið þeirra er að berjast gegn einelti hvarvetna, en þó með áherslu á LGBT samfélagið. https://www.instagram.com/p/BaUhAoeD7Au/?taken-by=redhot100 https://www.instagram.com/p/BaZtgJJD90L/?taken-by=redhot100 https://www.instagram.com/p/BaYj2IajKPs/?taken-by=redhot100 https://www.instagram.com/p/BaXTCzdDTMr/?taken-by=redhot100 https://www.instagram.com/p/BaWj1Pkjqtc/?taken-by=redhot100 https://www.instagram.com/p/BaOEztFj4cx/?taken-by=redhot100 https://www.instagram.com/p/BaKeVRCg7Jb/?taken-by=redhot100 https://www.instagram.com/p/BaH03SWjBIF/?taken-by=redhot100 https://www.instagram.com/p/BZ1-AAijVyT/?taken-by=redhot100 https://www.instagram.com/p/BZzMqgiDc4k/?taken-by=redhot100 https://www.instagram.com/p/BZyYZK8DFLv/?taken-by=redhot100 https://www.instagram.com/p/BZwlIOpjmaN/?taken-by=redhot100 https://www.instagram.com/p/BZi8mLnjzQf/?taken-by=redhot100   Lesa meira

Kiddakvöld haldið til styrktar börnum Kristjáns

Kiddakvöld verður haldið í kvöld á Ölstofu Hafnarfjarðar. Kristján Björn Tryggvason var 36 ára eiginmaður og 3 barna faðir sem lèst 19. júlí siðastliðinn eftir langa baráttu við heilaæxli. Og þar sem Kiddi var mikill stuðmaður verður haldið heiðurskvöld á Ölstofu Hafnarfjarðar í kvöld þar sem ágóðinn af miðasölu rennur óskiptur til barnanna hans. Meðal þeirra sem fram koma eru: Ari Eldjárn, Einar Ágúst og Sigga Kling. Einnig verður happdrætti og fleiri uppákomur. Húsið opnar klukkan 20 með fordrykk og lèttum veitingum Aðgöngumiði er á 2.000 kr. og 2.500 kr. með happdrættismiða. Einnig er hægt að kaupa auka happdrættismiðaá 1.000… Lesa meira

Bókasafnsfræðingar stæla Kardashian myndatöku

Það er kominn áratugur síðan Kardashian fjölskyldan kom fyrst á skjái heimsins (og síðan hafa þau verið alls staðar!) og til að fagna þeim áfanga sat fjölskyldan fyrir á forsíðu Hollywood Reporter. Nokkrir bókasafnsfræðingar sáu forsíðuna og ákváðu að gera eigin útgáfu. „Til að fagna áfanganum ákvað samfélagsmiðlafólkið okkar að taka algjörlega óæfða myndatöku,“ segir starfsfólk Invergargill borgarbóka- og skjalasafnsins í Nýja Sjálandi á Facebook síðu þess. Sex dögum seinna er pósturinn búinn að fá 11þúsund „like“ og Facebooksíða þeirra fengið fjöldann allan af athygli. Helstu vefmiðlar hafa sagt frá grínun og lesendur síðunnar hafa sitt að segja um hvor… Lesa meira

Signature opnar fyrstu conceptbúðina á Norðurlöndum

Þann 6. október síðastliðinn opnaði Signature, ein fallegasta húsgagna- og hönnunarvöruverslun landsins, í Askalind 2a í Kópavogi. Ný 1.000 fm verslun á tveimur hæðum sem býður upp á allt það nýjasta í evrópskri húsgagnahönnun, gjafavöru og hágæða útihúsgögnum. Signature húsgögn opnaði fyrst dyrnar árið 2003, þá staðsett í Bæjarlindinni, og varð um leið brautryðjandi í hágæða útihúsgögnum á Íslandi. Nú hefur verslunin stækkað margfalt með innkomu nýrra evrópskra vörumerkja. Húsgagnavörumerkin XOOON og Henders & Hazel eru með yfir 300 verslanir víðsvegar um Evrópu, og er verslunin í Askalindinni fyrsta concept-búðin á Norðurlöndunum. Áherslurnar eru frábreyttar hefðbundnum íslenskum húsgagnaverslunum. „Hér er… Lesa meira

Brúðguminn og gæjarnir stíga trylltan dans

Erla Ósk Guðmundsdóttir og Guðfinnur Magnússon giftu sig laugardaginn 14. október síðastliðinn, en parið hefur verið saman í nokkur ár. Guðfinnur ákvað að koma brúður sinni á óvart með dansi og fékk æskuvini sína í lið með sér. Þeir spiluðu fótbolta saman í Fjölni og eru allir góðir vinir. Strákarnir fóru í Kramhúsið þar sem að þeir nutu handleiðslu Sigríðar Ásgeirsdóttur og má sjá afraksturinn í myndbandinu hér að neðan. „Við vorum öll í krúttkasti yfir þessum skemmtilega hópi,“ segir einn starfsmanna Kramhússins. Vinir brúðgumans heita Bergsveinn Ólafsson, Bjarni Gunn, Sveinn Aron Sveinsson, Henrý Guðmunds, Óli Hall, Jóhann Óli Þorbjörnsson,… Lesa meira

Kim Kardashian drakk brjóstamjólk systur sinnar

Kim Kardashian hefur viðurkennt að hún hefur drukkið brjóstamjólk Kourtney systur sinnar í þeim tilgangi að reyna að ráða niðurlögum psoriasis. Raunveruleikastjarnan hefur talað opinberlega um að hún glími við psoriasis, en hún talaði fyrst um það í viðtali árið 2010. Síðan hefur hún talað reglulega um hvaða aðferðum hún hefur beitt við að halda sjúkdómnum og einkennum hans niðri. Móðir hennar, Kris Jenner, er líka með sjúkdóminn. „Ég hef reynt hefðbundnar meðferðir, en ég er alltaf tilbúin til að reyna nýjar aðferðir,“ segir Kim. „Einu sinni drakk ég meira að segja brjóstamjólk Kourtney!“ Kim sagði einnig frá að hún… Lesa meira