Þessi fimm einföldu atriði hjálpa þér að bæta sjálfstraustið

Öll vitum að gott sjálfstraust er lykilatriði þegar kemur að ýmsum þáttum daglegs lífs; hvort sem um er að ræða vinnu, nám, íþróttir eða samskipti við annað fólk. Þeir sem hafa gott sjálfstraust eru síður berskjaldaðir fyrir kvíða og eiga oft og tíðum auðveldara með að mynda tengsl við aðra.

Jákvæðir þættir góðs sjálfstrausts eru ótvíræðir en það hvernig við öðlumst meira sjálfstraust getur verið vandkvæðum bundið. Guy Winch er bandarískur sálfræðingur með yfir tuttugu ára reynslu. Nýverið ritaði hann áhugaverða grein fyrir vefsíðu Ted, en margir þekkja eflaust Ted-fyrirlestrana sem taka á ýmsum áhugaverðum málefnum. Hann deildi með lesendum nokkrum atriðum sem fólk getur gert sjálft til að efla sjálfstraust sitt og hvernig er best að glíma við þau andlegu högg sem geta á köflum gert okkur lífið leitt.

Guy Winch segir að ýmislegt sé hægt að gera til að efla sjálfstraustið. Það krefjist þó nokkurrar vinnu.

Notaðu jákvæðar staðhæfingar

Stundum er sagt að maður sé það sem maður borðar en fullyrðingin að maður sé það sem maður hugsar á jafnvel enn betur við. Með jákvæðum staðhæfingum er átt við að maður fylli hugann af jákvæðum hugsunum þar til maður byrjar að trúa þeim. „Þetta er vinsæl leið þegar markmiðið er að efla sjálfstraustið, enda er hún einföld,“ segir Winch en bætir þó við að það skipti máli hvernig hugsanirnar eru settar fram. Þannig geti jákvæðar staðhæfingar gert einstaklingum með mjög lágt sjálfstraust erfitt fyrir. Winch mælir til dæmis með því að skipta út fullyrðingu eins og: „Mér mun ganga vel“ fyrir hófstilltari fullyrðingu eins og: „Ég mun ekki gefast upp heldur halda áfram að reyna þar til mér gengur vel.“

Einbeittu þér að því sem þú gerir vel

Winch segir að sjálfstraust einstaklinga eflist þegar þeir hlutir eru framkvæmdir sem viðkomandi veit að hann hefur hæfileika í. Winch hvetur fólk til að koma auga á styrkleika sína og leggja rækt við þá. Ef þú ert góð eða góður í hlaupum, skráðu þig í þá í hlaupaklúbb. Ef þú ert góður kokkur, haltu þá fleiri matarboð. Lykilatriðið, segir Winch, er að finna hvar hæfileikarnir liggja og koma auga á tækifærin til að rækta þá.

Lærðu að taka hrósi

Þegar okkur líður illa í eigin skinni, af einhverjum ástæðum, getur verið erfitt fyrir aðra að draga okkur upp úr svaðinu, ef svo má segja. Þegar svo ber undir eigum við það til að verða ómóttækileg fyrir hrósi og jafnvel afskrifa það sem lygar eða órökstudda fullyrðingu sem sett er fram til þess eins að okkur líði betur. Winch segir að í stað þess að gera það eigi fólk að læra að taka hrósi og nota það til að byggja sig upp. Sumir eiga erfitt með að taka hrósi, fara jafnvel hjá sér eða hlæja vandræðalega, þegar það kemur. Winch segir að fólk eigi að temja sér að þakka alltaf fyrir hrósið. „Hvötin til að hlæja eða fara hjá sér þegar hrósið kemur mun á endanum hverfa, sem aftur er merki þess að þú sért farinn að trúa því sem er sagt við þig,“ segir Winch.

Ekki rífa þig niður

Flest okkar eru þannig úr garði gerð að okkur líður illa þegar sparkað er í liggjandi mann, hvort heldur sem er í orði eða á borði. Af hverju ættum við að gera okkur sjálfum það? Þegar sjálfstraust okkar er lítið eigum við til að gera einmitt þetta; stunda sjálfsniðurrif svo okkur líði jafnvel enn verr. Winch segir mikilvægt að fólk búi yfir réttu verkfærunum til að eiga við þetta og stunda eins konar hluttekningu með sér sjálfu. „Þegar þitt innra sjálf byrjar á niðurrifinu, spurðu sjálfan þig hvort þú myndir undir einhverjum kringumstæðum segja þessa hugsun upphátt við besta vin þinn. Líklega ekki, ekki satt?“ Winch segir að við eigum það til að vera hluttekningarfyllri gagnvart náunganum, vinum eða fjölskyldu, en okkur sjálfum. Hann hvetur fólk til að hafa þetta í huga, þá sérstaklega spurninguna hér að framan, þegar við byrjum að rífa okkur niður.

Minntu þig á hvers virði þú ert

Þegar sjálfstraust okkar bíður hnekki, af einhverjum ástæðum, segir Winch að besta leiðin til að endurheimta það sé að minna sig á hvers virði maður er. Hann nefnir sem dæmi erfið sambandsslit sem geta skaðað sjálfstraust okkar. Í stað þess að rífa sig niður og telja sjálfum sér trú um hversu ómögulegur maki maður var, mælir Winch með því að fólk setji saman lista yfir þau atriði og þá kosti sem einmitt gera mann að góðum maka. Og ef maður fær ekki stöðuhækkunina í vinnunni, sem maður vonaðist eftir, mælir Winch með því að maður riti niður þá kosti sem maður býr yfir sem gera mann að verðmætum starfsmanni. Ef þú ert áreiðanlegur starfskraftur eða trúr þínum vinnuveitanda, skrifaðu það niður. Skrifaðu eina eða tvær málsgreinar um það hvers vegna þínir eiginleikar séu mikilvægir og af hverju þeir skipta máli.
Það krefst vinnu að byggja upp sjálfstraust, en Winch bendir á að ávinningurinn af því sé ótvíræður.

Birtist fyrst í DV.

Blautur koss frá ferfætlingum getur haft alvarlegar afleiðingar

Eflaust hafa flestir hundavinir lent í því að fjórfættu vinirnir sleiki þá í framan. Sumir hafa jafnvel ekkert á móti því enda er það í flestum tilvikum skaðlaust. Það er að segja þangað til að það er ekki skaðlaust. Bakteríur í skolti hunda eru allt öðruvísi en þær sem eru í munnum mannfólksins. Sama gildir um önnur gæludýr, eins og ketti, en óneitanlega eru hundar líklegri til þess nota tunguna frjálslega. Dæmi eru um dauðsföll barna og gamalmenna af sökum alvarlegra sýkinga sem rekja má til hunda og annarra gæludýra. Nef og tunga hunda fer víða Hundar eru í eðli… Lesa meira

Sjáðu fyrsta myndbrotið úr „Road Trip Reunion: Return To the Jersey Shore“

Það eru komin fimm ár síðan framleiðslu Jersey Shore raunveruleikaþáttana lauk. Þættirnir voru sýndir á MTV á árunum 2009-2012. Bleikt fjallaði fyrr í vikunni um væntanlegt „reunion“ og hvernig stjörnurnar líta út núna. Nicole „Snooki“ Polizzi, Mike „The Situation“ Sorrentino, Sammi „Sweetheart“ Giancola, Jenni „JWoww“ Faley og Paul „Pauly D“ DelVecchio hafa komið saman fyrir svokallaðan „reunion“ þátt E!News sem heitir Road Trip Reunion: Return To the Jersey Shore. Þátturinn verður sýndur þann 20. ágúst næstkomandi. Við fáum að sjá smá brot úr þættinum en þar ræða þau um fyrri „hook-ups“ eins og þegar JWoww og Pauly D sváfu saman.… Lesa meira

Nýtt lag og tónlistarmyndband frá Miley Cyrus – Plata væntanleg 29. september

Söngkonan Miley Cyrus var að gefa út nýtt lag og tónlistarmyndband við. Lagið heitir "Younger Now." Lagið virkar eins og endurspeglun á feril hennar. Í laginu talar hún um breytingu, að breyting sé eitthvað sem þú getur alltaf treyst á. En hún hefur bæði verið að breyta ímynd sinni og tónlistarstíl upp á síðkastið. Þetta er þriðja lagið sem hún gefur út af nýju plötunni sinni, en hún hefur gefið út "Malibu" og "Inspired."  Platan heitir það sama og nýjasta lagið: „Younger Now.“ Þessi plata, eða það sem við höfum fengið að sjá af henni, er ólík fyrri plötum Miley eins… Lesa meira

Snapchat stjarnan Patrekur Jaime spennir bogann hátt inn í framtíðina

Á dögunum mælti ég mér mót við eina af skærustu Snapchat og samfélagsmiðlastjörnum Íslands. Ég er nokkuð viss um að allir sem hafa gaman af því að fylgjast með snöppurum, og þá sér í lagi yngri kynslóðin, hafi heyrt um hann. Ég er forvitin að eðlisfari og hlaut það sjálfsagt í vöggugjöf, svo forvitnin rak mig áfram að heyra meira um þennan hreinskilna, duglega og drífandi dreng. Nafn hans er Patrekur Jaime og ég sá hann fyrst á hinseginleikasnappinu. Við mæltum okkur mót inn á N1 á Ártúnshöfða þar sem mig langaði svo mikið að fá mér boost og bauð… Lesa meira

Lindex opnar 400 m² verslun í miðbæ Selfoss

Forráðamenn Lindex á Íslandi hafa ákveðið að opna nýja 400 fermetra verslun í miðbæ Selfoss næsta sumar verði deiliskipulag samþykkt. Samningur þess efnis hefur verið undirritaður af hálfu Sigtúns Þróunarfélags og forráðamanna Lindex. Lindex er ein stærsta tískufatakeðja Norður Evrópu með um 500 verslanir í 16 löndum. Lindex býður upp á tískufatnað fyrir konur, undirföt, snyrtivörur og fylgihluti sem og fatnað á börn og unglinga á hagkvæmu verði. Gera má ráð fyrir að um 6-8 ný störf skapist hjá Lindex við nýju verslunina á Selfossi. Verslunin verður staðsett í húsum byggðum skv. útliti Edinborgarhússins sem var áður í Hafnarstræti í… Lesa meira

Þetta eru keppendurnir í Ungfrú Ísland í ár

Það styttist óðum í keppniskvöld Ungfrú Ísland en það verður haldið í Hörpu þann 26. ágúst næstkomandi. Stúlkurnar sem taka þátt í ár eru á aldrinum 18 til 24 ára. Nú stendur yfir vefkosning þar sem er kosið um „Miss Peoples Choice Iceland 2017.“ Kosningin fer fram með því að ýta á "like" á myndunum hér að neðan og hægt verður að taka þátt fram að krýningu. Lesa meira

Sjáðu hvernig Disney karakterar litu út ef þeir væru trans

Listrænn stjórnandi frá New York setti inn færslu á Bored Panda undir notendanafninu Trans Disney. Færslan er hreint út sagt frábær en í henni deilir notandinn myndum af þekktum Disney karakterum. „Eins og margir aðrir þá ólst ég upp við að horfa á Disney myndir. Ég elska þær og mun alltaf gera það á meðan þær fjalla um ást, frelsi og breytingu (e. transformation),“ skrifar Trans Disney í færslunni. Notandinn bætir því við að þegar hann var að vaxa úr grasi tók hann eftir að það vantaði mjög mikilvægan flokk af fólki í myndirnar: Trans fólk. „Fólk sem skilur það best af öllum meininguna á bak við ást, frelsi og breytingu og leitina að því.… Lesa meira

Rebekka Sif frumsýnir nýtt tónlistarmyndband við hressan sumarsmell

Tónlistarkonan Rebekka Sif frumsýndi nú á dögunum myndband við lagið Wondering sem er titillag fyrstu plötu hennar sem kemur út 17. ágúst næstkomandi. Lagið Wondering er hress sumarsmellur sem fjallar um skondin samskipti milli tveggja ástvina. Á plötunni eru ellefu fjölbreytt frumsamin lög sem spanna allt frá indie poppi til rokktónlistar. Í tilefni útkomu fyrstu plötunnar mun Rebekka Sif halda útgáfutónleika á Rosenberg kl. 21:30 þann 17. ágúst næstkomandi. Þar mun hún koma fram með hljómsveit sem er skipuð Aron Andra Magnússyni á gítar, Sindra Snæ Thorlacius á bassa, Daniel Alexander Cathcart-Jones á hljómborð og Kristófer Nökkva Sigurðssyni á trommur.… Lesa meira

Tilfinningarnar eru skynsamlegar

Greinin birtist fyrst á vefsíðu Lifandi Vísindi og fékk Bleikt góðfúslegt leyfi til að birta hana með lesendum. Þarftu að taka mikilvæga ákvörðun? Vertu þá ekkert að leiða hugann of mikið að því. Ýmsar taugasjúkdóma- og sálfræðilegar rannsóknir hafa leitt í ljós að tilfinningarnar ná oft yfirhöndinni yfir skynseminni þegar taka þarf flóknar ákvarðanir. Líkamlegar tilfinningar okkar hafa nefnilega yfir að ráða ómeðvitaðri þekkingu um fyrri reynslu og eru færar um að vinna úr miklu meiri upplýsingum en meðvitundin. Dag einn, árið 1982, kom sjúklingur nokkur inn á skrifstofu hins þekkta bandaríska taugasérfræðings Antonio Damasio. Maður þessi gengur undir heitinu Elliot meðal… Lesa meira

Chris Brown tjáir sig í fyrsta skipti um kvöldið sem hann réðst á Rihönnu

Átta ár eru liðin frá því að Chris Brown réðst á stórsöngkonuna Rihönnu en þau voru þá í sambandi. Líkamsárásin átti sér stað þegar parið var á leiðinni úr fyrirpartý fyrir Grammy verðlaunin. Fréttir af árásinni voru á allra vörum á sínum tíma og ljósmyndir sem voru teknar af lögreglunni voru seldar til slúðurmiðla. Chris Brown hefur nú tjáð sig um atvikið í fyrsta skipti en hann gerir það í nýju heimildarmyndinni sinni Chris Brown: Welcome to My Life. Rihanna tjáði sig fyrst opinberlega um málið í ágúst 2012 í spjall þætti Opruh Winfrey. Chris segir að vandamál í sambandinu… Lesa meira

Sjötta þætti sjöundu seríu Game of Thrones lekið á netið

Sjötti þáttur sjöundu seríu Game of Thrones lekur á netið Óheppni bandaríska kapalrisans HBO virðist engan endi ætla að taka. Hakkarar hafa herjað á fyrirtækið að undanförnu og lekið handritum, þáttum og ýmsu öðru sem þeir hafa komist yfir með árásum á tölvukerfi fyrirtækisins. Nú hefur sjötta þætti sjöundu seríu eins vinsælasta sjónvarpsþáttar heims, Game of Thrones, verið leikið á netið en í þetta skiptið var ekki við hakkara að sakast heldur neyðarleg mistök HBO á Spáni. Lesa meira

Tíðni krabbameins myndi lækka um allt að 40 prósent ef fólk tæki upp heilbrigðari lífshætti

Hægt væri að útrýma um helming alls krabbameins ef fólk myndi velja sér heilbrigðari lífsstíl. Þetta kemur fram í rannsókn vísindamanna við læknadeild Harvard háskóla í Bandaríkjunum. „Ef fólk myndi hætta að reykja, halda sér hraustu og það fengi sér ekki fleiri en einn eða tvo áfenga drykki á dag myndi tíðni krabbameins snarminnka,“ segir vísindamaður við Harvard háskóla. Læknar hafa lengi sagt að óheilbrigður lífsstíll muni auka líkur á krabbameini verulega síðar á lífsleiðinni. Samkvæmt rannsókninni er aðeins ein af hverjum fimm konum og einn af hverjum fjórum mönnum sem fylgja þessu ráði. Rúmlega 136.000 bandaríkjamenn tóku þátt í… Lesa meira