*TW*: „Segðu frá þó það særi og þó þú missir frá þér einhverja vini“

Kæra vinkona.

Fyrir nokkrum árum fór ég í sumarbústað með vinum mínum. Einn elsti vinur minn átti afmæli. Bólfélagi minn, sem var einnig vinur hans, var með í för ásamt fleiri strákum og nokkrum stelpum.

Á fimmtudeginum spyr vinur minn hvort að vinur hans, sem ég hafði aldrei séð né heyrt um, megi fá far hjá mér. Ég samþykkti það. Á leiðinni byrjuðum við að spjalla og ég fékk að vita hvernig hann kynntist þessum vinahópi og öfugt.

Ég byrja strax að drekka þegar við komum í bústaðinn. Það var mikið fjör og um nóttina erum við í heita pottinum og ég orðin vel hífuð. Ég ákveð að koma mér í rúmið áður en ég sofna í pottinum. Ég kemst úr sundfötunum og í bol og nærbuxur og upp í rúm. Strákurinn sem hafði fengið far með mér átti að sofa í efstu kojunni, kojan var á þrem hæðum. Hann kemur líklegast eitthvað á eftir mér inn í herbergi. Ég segi það vegna þess að ég var í djúpum svefni og ekki vör við þegar hann kom inn í herbergið. Ég hins vegar vakna við að mér er snúið harkalega yfir á magann og hann kemst alla leið og klárar sig af, lætur sig svo falla við hliðin á mér og virtist sofna samstundis. Ég hins vegar ligg stjörf og get ekki hreyft legg né lið. Upp undir hádegi hafði ég mig fram úr og reyndi að vekja vin minn en hann haggaðist ekki.

Ég ákvað að þegja og segja ekki neitt, ég vildi ekki skemma helgina fyrir honum. Bólfélagi minn kom um kaffileytið upp eftir en hann hafði ekki verið með okkur sólarhringinn á undan.

Mynd/Getty

Ég varð sár yfir því að hann vildi ekki koma fyrr því þá hefði þetta aldrei gerst. Hann hefði þá verið hliðin á mér og passað upp á mig. Það var ekki sanngjarnt af mér að setja þá ábyrgð á hann.

Það sem eftir var ferðarinnar reyndi ég að láta eins og þetta hafði engin áhrif á mig sem það gerði nú samt. Þessi drengur sagði mér rétt fyrir miðnætti að hann væri fyrrverandi kærasti þáverandi bestu vinkonu minnar. Ég hringdi í hana til að segja henni að fyrrverandi kærasti hennar væri í sömu ferð og ég og fannst merkilegt hvað heimurinn væri lítill. Réttara sagt okkar litla land.

Ég sagði svo bólfélaganum mínum frá þessu og hann gerði ekki mikið mál úr þessu. Heldur sló hann á rétta strengi, sagði hvort hann hafði ekki komist alla leið og nýtt sér tækifærið fyrst ég var þarna. Hann sagðist ætla að sofa hjá ljóshærðu gellunni sem var á lausu þarna til að ná sér niður á mér. Sem hann gerði. Ég drakk bara meira og meira til að finna kæruleysið. Aðfaranótt sunnudags fer ég að sofa við hlið bólfélaga míns þar sem hann lofaði að þessi drengur fengi aldrei að komast svona nálægt mér. Um nóttina reyndi strákurinn að komast að mér þrátt fyrir að bólfélagi minn lá við hliðin á mér. Sem betur fer vaknaði hann og gat rekið hann til baka í sitt rúm.

Helginni lauk og samviskubitið var að naga mig rosalega. Hann var fyrrverandi kærasti bestu vinkonu minnar. Hvernig átti ég að segja henni þetta og hvað átti ég að segja. Ég ákvað að segja ekkert til að byrja með til að reyna að vinna úr áfallinu sjálf, því jú þetta er nauðgun.

En ég gat ekki sagt henni að fyrrverandi kærasti hennar sem hún talaði svo vel um og þótti greinilega enn þá vænt um hafði gert svona lagað. Ég hreinlega vissi ekki hvernig ég átti að koma þessu frá mér.

Nokkrum vikum seinna er ég og besta vinkona mín á djamminu. Hennar fyrrverandi sér okkur, dregur hana í burtu og ég frosna. Hann segir henni stoltur hvernig hann reið mér og spyr svo hvernig við getum verið vinkonur. Augljóslega varð hún mjög reið og fór heim. Við rifumst yfir því hvers vegna ég hafði ekki sagt henni þetta og hvernig ég gat gert henni þetta.

Mynd/Getty

Ég vildi ekki særa hana meira með því að segja henni sannleikann. Það hefði farið með hana. Svo ég ákvað að skilja eftir minn part og sagði henni aldrei hvað gerðist eða hvernig. Mér fannst hún hafa verið svikin nóg.

Við sættumst nokkrum mánuðum síðar. En þetta sat og situr alltaf eftir ósagt. Við erum ekki vinkonur í dag en mig langar að hún viti mína hlið því þetta hafði áhrif á allt okkar samband.

Ef þú ert eða hefur verið í sömu sporum segðu frá þó það særi og þó þú missir frá þér einhverja vini. Þá er það miklu betra en að sitja með skömmina þar sem hún á ekki heima.

#SkilumSkömminni #RjúfumÞögnina


Höfundur er íslensk stúlka sem óskar nafnleyndar

Kynverur og kíló – Hvaða áhrif hefur mikið þyngdartap á kynlífið?

Hvernig er eiginlega fyrir kynveru að missa 40 kíló? Hvað skyldi breytast í kynlífi og upplifun af eigin líkama? Þessum spurningum var velt upp í síðasta þætti Rauða sófans, sem frumsýndur var á föstudagskvöldið á ÍNN. Gestu Röggu í Rauða sófanum var Svanhvít Thea Árnadóttir, en hún fór í magabandsaðgerð fyrir 3 árum og hefur misst 40 kíló! Horfðu á þáttinn í heild sinni hér fyrir neðan: https://vimeo.com/219269976 Lesa meira

Nunna verður fetish-drottning

Í tíu ár lifði Damcho Dyson einföldu lífi sem einkenndist af ástundun hugleiðslu og skírlífi. Hún var nunna og fékk meira að segja einu sinni að hitta Dalai Lama. Þetta breyttist þó heldur betur þegar hún fór í nudd í ferð til Indlands og fann kynhvötina vakna á ný - núna er Damcho ekki lengur nunna, heldur fetish-drottning! Hún yfirgraf tíbetska búddaklaustrið sem hún tilheyrði í Frakklandi, og núna eyðir hún helgum íklædd latex-fatnaði í fetishklúbbum. Damcho, sem er 45 ára, sagði í viðtali við Sunday People: „Ég hafði verið skírlíf áratug, og nunnulífið gerði það að verkum að heili… Lesa meira

Justin Trudeau og Emmanuel Macron fóru í göngutúr og sem betur fer var ljósmyndari á staðnum

Fundarhöld G7 ríkjanna , stærstu iðnvelda heims, standa nú yfir á Sikiley. Þar eru leiðtogar G7 ríkjanna saman komnir og er þetta fyrsti stóri alþjóðlegi fundur Donald Trump Bandaríkjaforseta. En við ætlum ekki að ræða um hann í dag. Kanadíski forsætisráðherrann Justin Trudeau og nýkjörinn forseti Frakklands Emmanuel Macron fóru í göngutúr saman á Sikiley og til allrar hamingju var ljósmyndari á staðnum. Garðurinn, jakkafötin, svipbrigðin... Þó þetta hafi nú ekki verið rómantískur göngutúr, þá lítur þetta vissulega út fyrir að vera það rómantískasta sem við höfum séð lengi. Sjáðu bara myndirnar. Eins og Buzzfeed bendir á þá minnir þetta mann á… Lesa meira

Sumarleg sangría

Ég var á Spáni á dögunum, nánar tiltekið í Sitges sem er dásamleg borg. Þar eru fjarlægðirnar litlar, strandirnar fegurri en allt og maturinn hreint út sagt dásamlegur. Sangría sem er þekktur túristadrykkur á Spáni lítur alltaf svo vel út í sól en ég hef aldrei fengið góða Sangríu, fyrr en nú. Hér er hin fullkomna Sangríu-uppskrift – sem er sumarlegri en allt og smellpassar í góða vinahittinga. Ég lofa ykkar að þessa munu þið elska. Sumarleg Sangría Fyrir sex 1 sítróna 1 límóna 1 appelsína 350 ml spiced romm 100 g sykur 750 ml rauðvín 240 ml appelsínusafi Skerið ávextina… Lesa meira

Scott Disick hefur verið upptekinn síðustu fimm daga – Er Sofia Richie nýja stúlkan í augnablikinu?

Scott Disick hefur verið heldur betur upptekinn síðustu fimm daga, en hann hefur sést eiga notalegar og „rómantískar“ stundir með að minnsta kosti sex konum. Sú fyrsta sem hann sást með í vikunni var nítján ára leikkonan Bella Thorne. Bleikt greindi frá því að þau fóru saman á Cannes kvikmyndahátíðina á miðvikudaginn. Heimildarmaður E! News sagði Scott hafa farið með Bellu til Frakklands einungis til að fara í taugarnar á fyrrverandi kærustu sinni og barnsmóður Kourtney Kardashian en hún var einnig stödd í Cannes. Scott og Bella sáust kela í sólinni og skemmta sér, en næsta dag var komin ný stúlka í arma hans.… Lesa meira

Til hvers er botnlanginn?

Botnlanginn er hol tota sem gengur út frá botnristlinum. Hlutverk hans eða tilgangur í mönnum er mjög á huldu. Til dæmis virðist unnt að fjarlægja hann hvenær sem er á ævinni án þess að það hafi nein sýnileg áhrif. Hins vegar gegnir botnlanginn mikilvægu hlutverki í ýmsum dýrum. Talið er að botnlangi í mönnum sé leifar frá forverum okkar í þróuninni og hann sé smám saman að hverfa með áframhaldandi þróun en slíkt tekur hins vegar langan tíma. Í æsku inniheldur botnlanginn (e. appendix) mikið af eitlavef sem birtist 2 vikum eftir fæðingu og er mest áberandi á unglingsárum. Eftir… Lesa meira

Að meðhöndla vonbrigði betur

Vonbrigði kalla oft fram vanlíðan og vonleysi. Það eru eðlileg viðbrögð. Þetta er ekki besta tilfinning í heimi, en óneitanlega hluti af litrófi lífsins. Við verðum fyrir vonbrigðum þegar væntingar okkar bregðast, óháð því hvort væntingarnar séu háleitar eða einfaldar. Vonbrigði eru nauðsynleg skilaboð sem þarf að taka mark á og fara eftir. Þau geta sagt okkur hvort væntingarnar séu að drífa okkur áfram til góðra verka eða almennt of háleitar og jafnvel úr takti við raunveruleikann. Er verið að hlaupa hugsunarlaust eftir eigin sjálfsþótta í samskiptum við aðra? Þótt við séum ekki að fá það sem við viljum þarf… Lesa meira

Bakað eggaldin

Mæðgurnar, Sólveig og Hildur, halda úti bloggsíðunni maedgurnar.is þar sem þær deila gómsætum uppskriftum með fallegum myndum. Þær deildu nýlega uppskrift að bökuðu eggaldin og fékk Bleikt góðfúslegt leyfi að deila henni með lesendum. Þessa dagana eru til ofsalega falleg og góð eggaldin í búðunum. Við höfum meira að segja rekist á íslensk eggaldin nýlega. Ofnbakað eggaldin finnst okkur virkilega ljúffengt. Okkur finnst gott að nota bakaða eggaldin helminga sem grunn sem við fyllum af því góðgæti sem við eigum til þann daginn. Svona á sama hátt og margir baka pizzu á hverjum laugardegi, en setja ekki alltaf sama álegg í hvert skipti. Klassíski eggaldinrétturinn okkar… Lesa meira

Góð ráð gegn frjókornaofnæmi

Frjókornaofnæmi er eitt algengasta ofnæmið sem kemur fram í nefi og augum. Ástæðan er ofnæmi fyrir grasi, birki eða súrum þ.e. frjókornum frá gróðri. Einkennin koma yfirleitt fram á sama tíma á hverju ári og sumum reynist erfitt að greina milli svokallaðs sumarkvefs og frjóofnæmis. Margir þjást af ítrekuðu kvefi á hverju sumri áður en þeir átta sig á því að um frjókornaofnæmi er að ræða. Reynið því að átta ykkur á því hvort hugsanleg tengsl geti verið á milli einkenna og gróðurs í kringum ykkur. Eitt helsta einkenni frjókornaofnæmis og það sem margir finna fyrst fyrir, er kláði í… Lesa meira

Ristaðar möndlur með hvítu súkkulaði og lakkrísdufti

Ég bragðaði um daginn trylltar möndlur með lakkrísdufti sem ég hreinlega gat ekki lagt frá mér fyrr en þær voru búnar. Mig langaði að kanna hvort ég gæti ekki bara gert svona sjálf og fór að prufa mig áfram. Til að gera langa sögu stutta að þá er þessi uppskrift með möndlum, hvítu súkkulaði og lakkrísdufti alveg frábær. Ristaðar möndlur með súkkulaði og lakkrísdufti 200 g möndlur 200 g hvítt súkkulaði 1/2 msk kakó 1/2 msk lakkrísduft, t.d. frá Johan Bulow Ristið möndlurnar í 180°c heitum ofni í um 10 mínútur. Takið úr ofninum og kælið. Blandið kakó og lakkrísdufti… Lesa meira