Veena Malik er systir mín

Hún er hugrökk, greind og falleg. Sterk og beinskeytt kona sem þarf að verja kvenlega eiginleika sína og störf á hverjum degi. Gamanleikkonan og íslamska fyrirsætan Veena Malik vakti heimsathygli þegar hún stóð uppi í hárinu á íslömsku klerkastéttinni í janúar sl. og bauð tvöföldum siðgæðisreglum pakistanska samfélagsins byrginn í ríkissjónvarpinu þar ytra.

Uppþotinu olli þáttaka hennar í indversku raunveruleikasjónvarpi, en hún keppti til sigurs í þáttaröðinni Big Boss og vingaðist þar við karlkyns þáttakanda. Veena er falleg kona og kvenleg með eindæmum, hún fer ekki í felur með aðdáun sína á mýkri gildum og er rómantísk með eindæmum. Réttindi kvenna snúast ekki einvörðungu um launajafnrétti, heldur eru að mínu mati, þau réttindi að mega njóta ásta, vera kvenlegar og rækta meðfædda eiginleika sína, án þess að eiga aðkast, samfélagslega fordóma og jafnvel líflát á hættu.

Veena er hálaunakona. Virt leikkona og þekkt andlit. Hún hefur starfað sem fyrirsæta, átti í sambandi við þekktan krikketleikara um skeið en sleit sambandinu þegar maðurinn hafði lagt svo illilega hendur á hana, að stórsá á þessari fallegu konu. Hún ræddi sambandsslitin í indverskum fjölmiðlum og sagði óhrædd að enginn sannur karlmaður legði nokkru sinni hendur á konur.

„Ég er frægari en hann,“ sagði hún beinum orðum við indverska fjölmiðla. „Hann þoldi ekki að verða undir í opinberri umræðu. Ég skyggði á manninn og þess vegna sló hann mig í gólfið, læsti mig næturlangt inni á baðherbergi og fór út að skemmta sér á meðan. Ég elska hann ennþá en ég get ekki eytt ævi minni með karlmanni sem leggur hendur á mig. Enginn sannur maður lemur konu.“

Fyrrgreind orð þættu eflaust hégómafull ef kona léti þau falla á Íslandi. En Veena býr í Pakistan og er íslamstrúar. Hún hafði slitið sambandi sínu við krikketleikarann sem lagði á hana hendur og var einhleyp þegar hún tók þátt í indverska raunveruleikaþættinum Big Boss. Þar vingaðist hún við annan þáttakanda og lenti í lífshættu þegar hún sneri aftur til Pakistan.

Þess vegna sýndi hún fádæma hugrekki þegar hún lét ofangreind orð falla.

Baráttumál Veenu snúast ekki um launafjárhæðir eða kjarasamninga. Hún þénar meir en flestir landar sínir og hefur skilað öllum systkinum sínum gegnum nám. Þvert á móti snúast baráttumál hennar um rétt kvenna til að standa jafnfætis karlmönnum án þess að afsala sér réttindum til kvenleika og því sjálfsagða vali að mega fara eigin leiðir í einkalífinu.

Veena berst fyrir rétti allra kvenna til að elska, án þess að vera varpað á bálköst trúarbragða fyrir upploginn hórdóm.

Íslamska klerkaveldið sagði Veenu ýta undir neikvæðar staðalímyndir með hegðan sinni, framkomu og útliti og fóru leikar svo að Veena var leidd fyrir pakistanska dómstóla í ríkissjónvarpinu þar ytra, yfirheyrð og spurð í þaula um kynhegðun sína.

Hvað í raun gerðist á milli Veenu og annarra þáttakenda í indverska smellinum Big Boss er og verður alltaf á huldu. En fyrir kynhegðun sína, þarfir og þrár þurfti Veena að sitja fyrir svörum og um leið, verja eigið líf.

Það kann að hljóma undarlega fyrir einhverjum, en réttarhöld í pakistanska ríkissjónvarpinu eru raunveruleg og ákæra getur endað með lífláti, sé viðkomandi fundinn sekur um ósæmilega hegðun.

Í myndbrotinu, sem hér fer á eftir, berst Veena Malik fyrir lífi sínu.

Ég fór að gráta, þegar þessi hugrakka stúlka sagðist hafa vakið athygli Pamelu Anderson á aðstæðum barna í Pakistan. Í augum Veenu er Pamela, sem vinstrisinnaðir hreintrúnaðarfemínistar álíta sem handbendi alls ills, sterk kona sem hefur víðtæk áhrif í vestrænu samfélagi.

Hef ég skoðun á Pamelu Anderson? Sáralitla, ef nokkra. Það sem grætti mig var einlægni Veenu. Baráttuandi hennar og barnsleg trú gerir kappræður norræna femínista sem berjast fyrir kynjakvóta og mæla mót staðgöngumæðrun, að eins konar tespjalli sem fara fram í lokuðum vinkonuboðum. Til eru nefnilega konur, sem greiða fyrir með lífi sínu, fyrir það eitt að hafa hugrekki til að vera kvenlegar.

Í mínum augum er ekkert til sem heitir neikvæðar, kvenlegar staðalímyndir.

Einungis fordæmingarherferðir sem ýta undir skömm og vanlíðan kvenna, sem búa yfir nægu hugrekki til að elska.

Guðrún Helga: „Sjálfsmyndin mín er í molum og ég bókstaflega hata sjálfa mig á hverjum einasta degi“

Smá vitundarvakning til samfélagsins, þið megið kalla mig athyglissjúka. Þið megið líka segja að ég er uppfull af sjálfsvorkunn. Fordæmið mig eins og þið viljið enda er samfélagið þekkt fyrir það. Við lifum í dag við þær aðstæður að við setjum okkur of háar kröfur. Ef ég hef ekki lokið allavega tveimur háskólagráðum, afrekað í þremur íþróttagreinum, alið upp þrjú börn og ofan á allt saman unnið 2-3 störf í einu þá er ég talin aumingi og letingi. Það er því ekki að furða að margir eru að glíma við andleg vandamál í dag og flestir þekkja því ekki fylgikvillana… Lesa meira

Lónið hverfur á þremur dögum

Greinin birtist fyrst á vefsíðu Lifandi Vísindi og fékk Bleikt góðfúslegt leyfi til að birta hana með lesendum. Merzbacher lónið í Tien Shan fjöllunum í Kirgistan myndast úr leysingavatni. Á hverju sumri hverfur vatnið á innan við þremur sólarhringum. Vísindamenn fýsir að komast að raun um hvað veldur. Á sama tíma ár hvert myndast furðulegt fyrirbæri á landamærum Kirgistan, Kasakstan og Kína en um er að ræða Merzbacher lónið sem myndast úr leysingavatni frá jökli sem kallast Inylchek. Þegar lónið nær hámarki sínu tæmist það skyndilega og meira en 250 rúmmetrar vatns streyma úr því á örfáum dögum. Vatnið rennur… Lesa meira

Sjáðu bestu myndirnar frá ljósmyndaverðlaunum iPhone 2017

Það þarf ekki endilega flotta og dýra myndavél til að ná góðum myndum. Það var nýlega tilkynnt 2017 iPhone ljósmyndaverðlaunin og myndirnar eru ótrúlegar. Ljósmyndarar frá yfir 140 löndum tóku þátt í keppninni og kepptu í mismunandi flokkum eins og portrett, abstrakt og lífsstíll. Sjáðu myndirnar hér fyrir neðan. #1 Dina Alfasi frá Ísrael, 1.sæti, Fólk   #2 Branda O Se frá Írlandi, 1.sæti, Ljósmyndari ársins   #3 Joshua Sarinana frá Bandaríkjunum, 2.sæti, Ferðalög   #4 Sebastiano Tomado frá New York, "Grand prize winner," Ljósmyndari ársins #5 Dongrui Yu frá Kína, 2.sæti, Dýr   #6 Magali Chesnel frá Frakklandi, 1.sæti, Tré   #7 Gabriel Ribeiro frá Brasilíu, 1.sæti, Portrett   #8 Szymon Felkel frá Póllandi, 1.sæti, Börn   #9 Barry Mayes frá Bretlandi, 3.sæti, Börn   #10 Smetanina Julia frá Rússlandi, 2.sæti, Blóm   #11 Yeow-kwang Yeo frá Singapúr, 2.sæti, Ljósmyndari ársins   #12 Maria K. Pianu frá Ítalíu, 3.sæti, „The America I Know“   #13 Varvara Vislenko frá Rússlandi, 2.sæti, Börn… Lesa meira

Par gifti sig á Taco Bell – Brúðkaupsmyndirnar koma á óvart

Þegar maður hugsar um brúðkaup þá leitar hugurinn ekki beint til Taco Bell. Margir eiga líklega erfitt með að ímynda sér að standa á móti maka sínum og játa ást sína fyrir framan ástvini á skyndibitastað. Það var hins vegar veruleikinn hjá pari sem gifti sig þann 25. júní á Taco Bell stað í Las Vegas. Brúðkaupsmyndirnar koma á óvart! Yfir 150 pör tóku þátt í Taco Bell „Love and Tacos“ keppninni. Verðlaunin voru ferð til Las Vegas þar sem sigurvegarar giftu sig á skyndibitastað Taco Bell. Dan Ryckert og Bianca Monda unnu keppnina og voru fyrsta parið til að gifta sig á Taco Bell. Brúðhjónin eru bæði rosalegir Taco Bell aðdáendur. „[Taco Bell] var reyndar eitt af fyrstu samræðunum sem við áttum saman.… Lesa meira

Tíu ára drengur hefur fundið upp snilldar tæki til að koma í veg fyrir að börn deyi í heitum bílum

Síðan 1998 hafa í kringum 712 börn dáið vegna hitaslags í Bandaríkjunum eftir að hafa verið skilin eftir í bifreiðum í miklum hita. Það þarf ekki meira en fimmtán mínútur í funheitum bíl til þess að barn hljóti lífshættulegan nýrna- eða heilaskaða af völdum hitans. Flest börn sem deyja eftir hitaslag í bíl eru undir tveggja ára aldri. Gæludýr geta einnig dáið á sama máta. Í mörgum fylkjum Bandaríkjanna er ólöglegt að skilja börn eftir í bílum. Hér má sjá forvarnarmyndband sem Northview sýsla í Missouri styrkti. Tíu ára drengur frá Texas hefur fundið upp tæki sem vonandi gerir þessi… Lesa meira

Þær kusu dauðann

Frægð og frami færa ekki ætíð lífsfyllingu. Hér er fjallað um nokkrar þekktar leikkonur sem lífið virtist blasa við en þær lifðu óhamingjusömu lífi og fyrirfóru sér. Dauði þeirra rataði í heimspressuna og aðdáendur þeirra syrgðu. Sjálfsmorð, slys eða morð? Við setjum Marilyn Monroe á listann en þó með smá fyrirvara. Hún fannst látin á heimili sínu í Los Angeles í ágústmánuði 1962, 36 ára gömul. Hún hafði tekið inn stóran skammt af töflum. Talið var langlíklegast að hún hefði framið sjálfsmorð. Einhverjir telja þó að stjarnan hafi ekki ætlað að fyrirfara sér heldur tekið í slysni of stóran skammt… Lesa meira

Ferðast til framandi pláneta í nýjum íslenskum tölvuleik

Á mánudaginn gaf íslenski tölvuleikjaframleiðandinn Rosamosi út glænýjan tölvuleik fyrir snjalltæki. Leikurinn heitir Mussila Planets og er sá fjórði í Mussila leikjaseríunni þar sem músíkölsk skrímsli af ýmsum gerðum halda uppi taktinum á samnefndri ævintýraeyju. Markmið leiksins er a leysa þrautir sem gera notendum kleift að þekkja nótur, takt, hljóðfæri og þjálfa tóneyrað í skapandi leik. Lesa meira

Faðir klæðir sig og dóttur sína í búninga og tekur stórskemmtilegar myndir – Aðeins of krúttlegt

Hin níu mánaða gamla Zoe þarf ekki að sannfæra pabba sinn, Sholom Ber Solomon, um að klæðast búningum og leika. Sholom klæðir sig og dóttur sína reglulega í alls konar búninga og tekur stórskemmtilegar myndir sem hafa slegið í gegn á netinu. Hvort sem þau eru klædd sem ballerínur eða Zoe bókstaflega sem fata af kjúkling þá slá þau öll met í krúttleigheitum. „Ég ætla mér að taka myndir með henni eins lengi og hún leyfir mér,“ sagði Sholom við Daily Mail. Sjáðu þessar frábæru myndir hér fyrir neðan. Lesa meira

Börn voru spurð hvernig þau eru öðruvísi – Fallegt myndband

Þetta gæti verið með því krúttlegasta sem þú horfir á í dag, jafnvel í vikunni. Í nýlegri auglýsingu fyrir barnastöð BBC, Cbeebies, var spurt nokkur vinapör hvernig þau eru frábrugðin hvort öðru. Svörin þeirra sýna það svo sannarlega að börn sjá heiminn öðruvísi en fullorðnir. Auglýsingin hefur vakið mikla athygli og hafa yfir 29 milljón manns horft á myndbandið. Lesa meira

Eminem er kominn með dökkt hár og skegg – Hvar er hinn raunverulegi Slim Shady?!

Rapparinn Eminem hefur eiginlega alltaf litið eins út. Hugsaðu um það, hefur Eminem einhvern tíman ekki litið út eins og Eminem? Hinn raunverulegi Slim Shady er þekktur fyrir ljósa stutta hárið sitt og vel rakaða andlit. Hann hefur þó verið með dökkt hár áður en alltaf vel rakaðar mjúkar kinnar, enda auðvelt að gleyma því að hann er kominn á fimmtugsaldur. Í síðustu viku mætti Eminem á frumsýningu The Defiant Ones með dökkt hár og dökkt skegg. Hann lítur að sjálfsögðu stórglæsilega út en það er bara eitthvað svo skrýtið að sjá hann með skegg. Eminem deildi mynd af sér með… Lesa meira

Svona virkar Colorista frá L’Oréal – Myndband

Colorista hárvörulínan frá L’Oréal er loksins komin til landsins.  Colorista er stórglæsileg hárvörulína sem inniheldur allt frá permanent litum yfir í svokallaða washout liti sem skolast út eftir nokkra þvotta ásamt spreyjum og æðislegum pökkum til að gera dásamlegar balayage strípur eða tryllt ombré. Colorista Washout litirnir skolast úr hárinu eftir um það bil eina eða tvær vikur. Það eru 10 æðislegir litir í boði svo því er hægt að leika sér með liti án skuldbindingar. Ásamt Washout litunum kemur einnig í sölu svokallað Fader shampó sem hjálpar hárinu að losna við litinn fyrr sé þess óskað. Hvaða lit hefur… Lesa meira