Veganúar er að ganga í garð – „Aldrei verið auðveldara að vera vegan“

Janúar er handan við hornið – eða Veganúar, eins og sumir kjósa að kalla mánuðinn. Síðustu ár hefur nenfnilega myndast hreyfing þar sem fólk prófar veganisma í mánuð – einmitt í janúar.

Nú stendur til að halda kynningar- og fræðslufund um Veganúar fyrir alla áhugasama – fundurinn verður haldinn í Bíó Paradís þann 4. janúar kl. 20 og er öllum opinn. Hér er síða viðburðarins á facebook.

Bleikt náði í skottið á Sæunni Ingibjörgu Marinósdóttur, sem starfar sem markaðsstjóri Gló, og er einmitt ein skipuleggjenda fræðslufundarins.

Hvers vegna að prófa í mánuð?

Margir eru forvitnir um veganisma en halda að þetta sé óyfirstíganlegt og erfitt. Þess vegna er Veganúar tímabilið hæfilega stutt til að fólk treysti sér í að skuldbinda sig allan tímann en samt nógu langt til að þátttakendur læri allt sem þeir þurfa að kunna og öðlist sjálfstraust til að halda ótrauðir áfram á vegan brautinni ef þeim líður þannig. 

Síðustu ár hafa sýnt að þátttakendur Veganúar líta veganisma og matarneyslu allt öðrum augum en áður og þetta er eitt sterkasta afl vegan heyfingarinnar til að draga úr misskilningi og fordómum.

Skiptir það máli?

Veganismi skiptir okkur öll máli, hann hefur mjög jákvæð áhrif á umhverfið og heilsuna en fyrst og fremst er hann réttlætisbarátta fyrir hönd dýra. Aðal útgangspunktur Veganúar er sá að dýr eigi rétt til lífs og frelsis sem við höfum ekki leyfi til að taka frá þeim, að hagnýting dýra sé hvorki réttlætanleg né nauðsynleg og Veganúar mánuðurinn leiðir mörgum það fyrir sjónir hversu satt það er.

Er þetta ekki erfitt?

Það hefur aldrei verið auðveldara að vera vegan og Ísland er að breytast hratt í algjöra vegan Paradís. Við höfum aðgang að ógrynni ljúffengra matvara og úrvalið eykst verulega frá mánuði til mánaðar. Veitingastaðir eru að vakna til vitundar um þessa byltingu og almennt er vegan lífsstíllinn orðinn viðurkenndur og sjálfsagður hluti af fjölbreytni mannlífsins. Það að vera vegan er ekkert flóknara en hver annar lífsstíll, einu vandræðin eru rétt í byrjun þegar fólk þarf að kynna sér hvað er vegan og hvað ekki. Eftir það er þetta dans á rósum.

Þarf maður að skipta öllu út?

Það fer bæði eftir því hvað fólk á fyrir og hversu hratt það vill fara í breytinguna. Sum vilja klára allar dýraafurðir sem þau eiga og skipta þannig yfir en önnur vilja taka skrefið strax og losa sig við allar dýraafurðir til að rýma fyrir því nýja. Það er engin rétt eða röng leið í því, hver ákveður þetta fyrir sig. Stóra málið í þessu er að hætta að kaupa dýraafurðir því þannig minnkum við eftirspurn og greiðum atkvæði með vegan valkostum.

Af hverju eru svona margir að skipta í vegan mataræði þessa dagana?

Margir eru farnir að hlusta á málstað veganisma með opnum huga og átta sig þá fljótt á því hversu auðvelt og áhrifaríkt það er að gera þessa breytingu á lífsstíl sínum. Með því að borða heilnæmt vegan fæði og afþakka allar dýraafurðir bjargar hver einstaklingur tugum lífa á hverju ári, dregur úr sóun og umhverfissóðaskap, stuðlar að betri heilsu og betri heimi. Það er fátt sem veganisminn hefur ekki jákvæð áhrif á og í honum felst svo lítil fórn fyrir einstaklinginn að þetta er einfaldlega borðleggjandi valkostur.

Er þetta bara bóla?

Nei alls ekki, veganisminn er kominn til að vera og mun halda áfram að vaxa um ókomna tíð. Þetta er ekki megrunarkúr eða tískufyrirbæri heldur réttlætis- og kærleikshreyfing sem getur ekki annað en stækkað. Um leið og fólk hefur horfst í augu við ranglæti og gert eitthvað í því er erfitt að snúa til baka. Um þetta gilda sömu lögmál og um aðra félagslega réttlætisbaráttu sem við höfum gengið í gegnum og lítum á sem sjálfsagðan hlut í dag.

Hvað verður á fundinum – hvers vegna að mæta?

Á fundinum verður farið yfir bæði hagnýt atriði fyrir nýgræðinga og almenna fræðslu um alla þætti veganismans. Þar verður tækifæri til að spyrja spurninga og jafnvel til að taka endanlega ákvörðun um þátttöku. Boðið verður upp á vörukynningar og jafnvel smakk, almenna gleði og kærleik. Allir sem hafa minnsta snefil af áhuga ættu að láta sjá sig og kanna hvort Veganúar sé ekki bara skemmtilegt næsta skref og góð leið til að byrja nýtt ár.

Signature opnar fyrstu conceptbúðina á Norðurlöndum

Þann 6. október síðastliðinn opnaði Signature, ein fallegasta húsgagna- og hönnunarvöruverslun landsins, í Askalind 2a í Kópavogi. Ný 1.000 fm verslun á tveimur hæðum sem býður upp á allt það nýjasta í evrópskri húsgagnahönnun, gjafavöru og hágæða útihúsgögnum. Signature húsgögn opnaði fyrst dyrnar árið 2003, þá staðsett í Bæjarlindinni, og varð um leið brautryðjandi í hágæða útihúsgögnum á Íslandi. Nú hefur verslunin stækkað margfalt með innkomu nýrra evrópskra vörumerkja. Húsgagnavörumerkin XOOON og Henders & Hazel eru með yfir 300 verslanir víðsvegar um Evrópu, og er verslunin í Askalindinni fyrsta concept-búðin á Norðurlöndunum. Áherslurnar eru frábreyttar hefðbundnum íslenskum húsgagnaverslunum. „Hér er… Lesa meira

Brúðguminn og gæjarnir stíga trylltan dans

Erla Ósk Guðmundsdóttir og Guðfinnur Magnússon giftu sig laugardaginn 14. október síðastliðinn, en parið hefur verið saman í nokkur ár. Guðfinnur ákvað að koma brúður sinni á óvart með dansi og fékk æskuvini sína í lið með sér. Þeir spiluðu fótbolta saman í Fjölni og heita Bergsveinn Ólafsson, Bjarni Gunn, Sveinn Aron Sveinsson, Henrý Guðmunds, Óli Hall, Jóhann Óli Þorbjörnsson, Guðmundur Þór Júlíusson, Hjörleifur Þórðarsson og Reynir Már Sveinsson. https://www.youtube.com/watch?v=iStIypXf73k Lesa meira

Kim Kardashian drakk brjóstamjólk systur sinnar

Kim Kardashian hefur viðurkennt að hún hefur drukkið brjóstamjólk Kourtney systur sinnar í þeim tilgangi að reyna að ráða niðurlögum psoriasis. Raunveruleikastjarnan hefur talað opinberlega um að hún glími við psoriasis, en hún talaði fyrst um það í viðtali árið 2010. Síðan hefur hún talað reglulega um hvaða aðferðum hún hefur beitt við að halda sjúkdómnum og einkennum hans niðri. Móðir hennar, Kris Jenner, er líka með sjúkdóminn. „Ég hef reynt hefðbundnar meðferðir, en ég er alltaf tilbúin til að reyna nýjar aðferðir,“ segir Kim. „Einu sinni drakk ég meira að segja brjóstamjólk Kourtney!“ Kim sagði einnig frá að hún… Lesa meira

Blóð sést í fyrsta sinn í dömubindaauglýsingu

Það mætti ætla að tíðablóð væri blár vökvi miðað við allar dömubindaauglýsingar sem maður hefur séð í gegnum árin, þar sem bláleitum vökva er hellt í dömubindi. Dömubindaframleiðandinn Bodyform hefur nú birt nýja auglýsingu í nýrri herferð undir myllumerkinu #bloodnormal og í henni kemur fram eins og allir ættu að vita að konum blæðir þegar þær eru á blæðingum. Í auglýsingunni má einnig sjá konu blæða í sturtu, mann kaupa dömubindi í verslun og mann klæddan sem dömubindi.   Contrary to popular belief, women don’t bleed blue liquid, they bleed blood. Periods are normal. Showing them should be too. #bloodnormal pic.twitter.com/zc9eoFvocQ… Lesa meira

Tvímyndaserían eftir Margréti Ósk – Við gefum tvær myndir

Í gærkvöldi birtum við viðtal við Margréti Ósk Hildi Hallgrímsdóttur unga listakonu og í samstarfi við hana gefur Bleikt heppnum vinningshafa tvær myndir úr Tvímyndaseríu hennar. Það sem þú þarft að gera til að eiga möguleika á vinningi er að: 1) Líka við Bleikt á Facebook. 2) Líka við MÓHH verk á Facebook. 3) Skrifa athugasemd við fréttina á Facebooksíðu Bleikt, þar sem þú segir okkur hvaða tvær myndir þú myndir velja þér, ef þú ert svo heppin/n að vinna. Frjálst er að deila leiknum og/eða tagga vini í athugasemd. Heppinn vinningshafi verður dreginn út miðvikudaginn 25. október næstkomandi og fær hann tvær… Lesa meira

Lay Low og Pétur Ben í fyrsta skipti saman á sviði

Tónlistarmennirnir Lay Low og Pétur Ben komu í fyrsta sinn fram saman á Menningarhátíð Seltjarnarness um síðustu helgi. Dagskrá kvöldsins sniðu þau sérstaklega fyrir hátíðina, en í henni tvinnuðu þau tónlist sína saman til að skapa einstaka upplifun. Vel var mætt á tónleikana og létu gestir vel af.   Lesa meira

Lúxusgjafir Kardashianfjölskyldunnar

Meðlimir Kardashian fjölskyldunnar, Jenner og þeir sem teim tengjast hafa verið þekkt fyrir að sýna ást sína með því að eyða peningum, fullt af þeim, oft í formi dýrra og stórra gjafa. Elle tók saman nokkrar þeirra. Kanye gaf Kim blómavegg. https://www.instagram.com/p/BQg--BPF8iD/ Kylie Jenner gaf Tyga Bentley. https://www.instagram.com/p/BJyrS_ngfDf/ Tyga gaf Kylie auðvitað Ferrari í staðinn. https://www.instagram.com/p/6MgSxLrhOM/ Kris Jenner gaf dóttur sinni Khloé tvær myndir af Marilyn Monroe áritaðar af ljósmyndurunum, https://www.instagram.com/p/BOY7n_1DwvO/ Kendall gaf systurdóttur sinni, North, vísindapakka í fjögurra ára afmælisgjöf. https://www.instagram.com/p/BVywR-RBcdj/ Kendall gaf Rob Ipad og fleira að gjöf, sem hann endurpakkaði og gaf til Blac Chyna. https://www.youtube.com/watch?time_continue=34&v=jrzkqa2N-Ig Kanye… Lesa meira

„Það skemmtilegasta sem ég geri er að skapa“ – Listakonan Margrét Ósk

Listakonan Margrét Ósk Hildur Hallgrímsdóttir, eða Magga eins og hún er oftast kölluð, er sjálfmenntuð í myndlistinni og hefur haft nóg að gera í fjölbreyttum verkefnum. Hún leggur stund á nám í grafískri hönnun og er búin með fyrsta árið. Magga skapar þó ekki bara listaverk í myndlistinni, því frumburðurinn er líka á leiðinni í heiminn, en Magga á von á sér 31. desember. „Mamma segir að ég hafi byrjað að teikna um leið og ég gat haldið á blýanti,“ segir Magga sem segir innblásturinn koma alls staðar að. Hún teiknar mest með penna eða blýanti, en málar einnig akrýlmyndir og… Lesa meira

Einstakt hönnunarkvöld í boði Epal og Carl Hansen & Søn

Síðastliðinn fimmtudag bauð Epal á einstakt hönnunarkvöld með Knud Erik Hansen, forstjóra og eiganda Carl Hansen & Søn. Carl Hansen & Søn er alþjóðlegt fjölskyldufyrirtæki sem hefur verið leiðandi í dönsku húsgagnahandverki í þrjár kynslóðir og státar af 100 ára sögu í húsgagnasmíði. Fyrirtækið er þekkt fyrir að framleiða verk dönsku meistaranna Hans J. Wegner, Kaare Klint, Ole Wanscher, Poul Kjærholm og Mogens Koch en býður einnig upp á sívaxandi hönnunarúrval í samvinnu við nokkra af hæfileikaríkustu hönnuði samtímans.    Epal á Facebook og heimasíða hér. Lesa meira

Menningin er rík á Seltjarnarnesinu

Menningarhátíð Seltjarnarness fór fram um liðna helgi og var fjöldi veglegra, áhugaverðra og skemmtilegra viðburða í boði frá fimmtudegi til sunnudags. Undirbúningur stóð yfir í eitt ár og lögðu um þrjú hundruð manns sitt af mörkum til að gera hátíðina að veruleika og sem glæsilegasta. Það var formaður menningarnefndar, Sjöfn Þórðardóttir, sem setti menningarhátíðina á fimmtudagseftirmiðdag. „Menningarstarf er veigamikill þáttur í bæjarlífinu allt árið um kring, enda eflir það bæjarbrag og ímynd Seltjarnarness út á við. Tilgangur hátíðarinnar er að auki að brjóta upp hverdagsleikann, upplýsa, fræða, skemmta og virkja mannauðinn og ná til fólksins með samveru fjölskyldu og vina.… Lesa meira

Julianne Moore situr nakin fyrir í skartgripaauglýsingu

Leikkonan Julianne Moore, 56 ára, er nýtt andlit skartgripahönnuðarins John Hardy og línu hans „Made for Legends“ sem útleggst sem „Gert fyrir goðsagnir.“ Í nýrri auglýsingu situr hún fyrir nakin, en hylur nekt sína með höndum sínum þakin armböndum og hringjum úr nýju línunni. „Skart getur verið mjög tilfinningalegt, enda oft gefið sem gjöf, hvort sem það er handa þér sjálfri/sjálfum eða handa ástvini. Skart getur táknað hjónaband, fæðingu barns, vináttu eða áttarsamband,“ segir Moore. Fyrirsætan og aðgerðasinninn Adowah Aboah situr einnig fyrir í herferðinni. Lesa meira

Urðu ástfangin þegar þau léku hjón og giftu sig með leynd nú um helgina

Parið, Michael Fassbender, 40 ára, og Alicia Vikander, 29 ára, giftu sig um helgina án viðhafnar í fríi á Ibiza. Aðeins nánustu fjölskylda og vinir voru viðstödd. Á sunnudag sást til nýbökuðu hjónanna með hringa á fingrum, Fassbender með einfaldan gullhring og Vikander með demantshring. Hjónin kynntust við tökur á myndinni The Light Between Oceans árið 2014, en í henni léku þau hjón. „Ég er ekki að fara að tala um persónuleg mál mín við einhvern bláókunnugan, nema ég vilji það. Af hverju ætti ég að vilja það, ég vil það ekki,“ sagði Fassbender.   Lesa meira